Rovakot/Pherzawl, May 27, 2018, Virthli (ONP): Pherzawl District sunga um Rovakot khuo ram a HPC (D) President Pawl hai inkulna Camp chu report an dawng ang dungzuiin Assam Rifles haiin zani hmasa lai khan an inhuol a, an suksiet bakah an raw ut pek vawng bawk niin thu ei dawng. Assam Rifles hai hi an Camp an tlung hmain HPC (D) President Pawl hai hi an lo inrel hmang hman a, demand letter le lekha pawimaw iemanizat an man niin ei thu dawngna chun a hril. An camp hi hmangruo hai a la thar leiin bawl thar chau niin an lang a, Tuizawn vadung an i ti kam laia um a nih.
HPC (D) President Pawl hi khawlai State tak besan a um am anni a? ti HPC (D) Chairman Pawl inti hai angin hrietchiengna ei nei naw a, India/State sawrkar le SoO sign ve lo, Manipur a UPF/KNO hnuoia khawm um ve lo le Mizoram-HPC (D) inbiekremna anga SHC hung um ding khawm pawm lo a hril an nih. An President khawm tuta hma khan Assam ah man a um le jail a intang May 21 a kha suok zo chau nia hril a nih.
