Haflong, April 20,2018, Virthli (ONP): North Cachar Hills Indigenous Students' Forum (NCHISF) hmalakna in hun sawt tak el Railway Compensation nawrna thu ah rail lam dangna (rail blockade) chu nei ani a, hi Rail Blockade hi April 19, 2018 zan dar 11:00PM khan hlip (call off) alo ni tah.
NCHISF hin sawrkawr le railway thuneitu hai leh DC Conference Hall le Railway General Manager NF Railway Maligoan,Guwahati hmun a hai inbiekna vawi 15 lai zet alo nei pui taa, kha hma met khan Zerrat Value (In, Thing le Tlai man) Rs. 1.78 crore chu nikum March 2017 khan Railway chun a lo pêk tah a, tuta á¹um hin Huon le Paddy Field tam tak suksiet a um hai hmu ani naw leiin mipuiin Compensation an hmuna ding lampui dap in NCHISF chun nasatakin hma a lâk a. Railway Authority hai chun inbiekna huna vawitam tak pe dingin an lo intiemna thu a State sawrkar kuoma compensation hi ieng ang dân le dûn a pêk am nisien ti a a hril chun Chief Secretary in DC chu hung inthlun sawngin DC chun Land Development niloin Land Restoration cost zawnga pêk thei ani thu alo thawn tah a nih. Chief Secretary chun Land Restoration chungchang lo bi fel na ding hin hun tawite a pawimaw leiin NCHISF thuoitu hai chun hungtlung ding May 4/5 2018 hin inbiek fel dingin Railway thuneitu hai le a ko a nih.
Hieng anga State Sawrkar inrawlna hi a vawikhatna ala ni nghe nghe a, asanchu Railway hi Central enkawlna hnuoia um a ni leiin, NCHISF hin mipui ngênna lei liu liu a hieng ang a mani mimal hlawkna ding um der loa mipui ta dinga hma an lâkna hi mipui chun an inpak takzet. Inbiekna hin ra á¹hatak an tlun ngei ei beisei ani a, NCHISF hi ei hriet seng ta angin IPF movement a Student wing pakhat an ni a Movement a hin ban pawimaw tak le District huopa thilthaw thei pawl an ni leiin mipui tamtak hin an harsatna hai anlo inthlun rawp hlak a chuonghai chu hniel loa hma an lâk pêkna a hin sawrkar ngaiven khawm a hlaw hle a nih.
