~ Jami Darngawn
✍ Ka naupang lai ti el lang kum 12/13 vel ka ni laikhan sikul chawl lai (June thla) hin ka ruolhai leh Lawi kan ching hlaka, keini unau pasal kan um naw lei chun ka hrisel naw hle a chu ka thei ang angin pasal sin ka thaw hlak a nih.
Leilet kan neia chu chu ka pan a kei hlak a, tulai chu Bawng le Lawia lo kei khawm hmu ding a vang ta hle, khawl thilthawtheina ei hmang țangkai nasaa lawm a um hle a nih.
Vawikhat chu ka pa zing lo kei zo bufa dinga in tieng inlawi a tum a, kan Lawichal chu hrui sei deuin a khita, chu hrui tlungna chen chun a fak thei ding hlona le an buolna ding tui a um bawk a nih. Kan lawichal chun ka ruolhai le kan sunbu fak kar chun a hrui alo pawt chata alo zam/tlan hmang an ta chuh!!!
Ka ruolhai Lawi ruok chu an umna hmuna an um țawk țawk bawk sie, kei ni Lawichal ruok chu a suol bawk, a hrat bawk a nih. Ka pa lungsen ding ka ngaituo'n ka țap nuom el, thaw ngaina hlak um lo chu ka lungrilin ka țawngțai tah "Aw Lalpa kan Lawichal a tlanghmanga lunginsiet takin min hmutir nawk ngei rawh" tiin ka hni tah a, chu taka ka lungrila hung um chu 'a ke hniek zui rawh' ti a nih.
Chuongchun kan Lawichal kehniek chu ka zui char char tah a ram hla bek lo a chun ka va hmu dawk tah a, ka lawm bawk, ka lungsen bawk, ka hmawl chawichun a malbul lai ka hlap/vuok pek a nih.
Awleh, ka chanchin hi hmusit um le nuizat um khawm ani ka ringa, amiruokchu ka hringnun lamhraw mek a hin hi kan Lawichal a'nthawkin inchuk ding tamtak ka neia, kan chuk mek bawk a nih.
Ka pa chun kan Lawichal kha lo a kei thei hma a'nthawk takhan lo kei dan a lo inchuktir tah a, chu zo ah a tak ngeiin kan lo keitu'n a hmang thei ta a nih.
Chuongang bawk chun kei misuol ngei khawm hi Lalpa'n A mi sawr/hmang nuom leiin ka naupang lai a'nthawkin harsatna chi dang dangin ami lo inchuktir taha, ka taksa ka hring nun hi hruia inkhit angin harsatna haiin a mi khit de hlaka, a chang chun rinum tiin khawvela hlimna le lawmna zawngin ka tlansuok ve hlaka, amiruokchu Lalpa Pathien Thlarau Thienghlim chun a hmangaina hrui kei maa tlungdea lo um ta chun a mi kei kir nawk hlaka, A thu ka zawm nuom naw lem chun A mi hrem/vuok hlak a nih.
Kan Lawichal chu kan duot em ema a fak ding khawm a chang chun kan zawng pek hlak, asanchu kan fak ding mi thaw suok pektu ani lei a nih. Ama umnaw sien chu kan kum khat fak ding kan nei naw ding a'na.
Chuongang bawk chun Lalpa'n A sawr/hmang nuom hai chu duottakin a enkawl/ching hlaka A thu ei awi naw/zawmnaw ruok chun chu indawi țhak lovin a mi vuok/hrem hlak a nih.
Hebrai 12:
7. In tuor hi nangni thununna ding a nih, nauhai chunga thaw angin Pathienin in chungah a thaw a ni hi; pa thunun naw nau tûm a um hlak a?
8. Nau popo hlaw hlak thununna chu hlaw lova in um chun, nau tak ni lovin, sawn nîng in tih.
NAU TAK THUNUNNA TUORTU CHU MI VANGNEI A NIH.
✍ Ka naupang lai ti el lang kum 12/13 vel ka ni laikhan sikul chawl lai (June thla) hin ka ruolhai leh Lawi kan ching hlaka, keini unau pasal kan um naw lei chun ka hrisel naw hle a chu ka thei ang angin pasal sin ka thaw hlak a nih.
Leilet kan neia chu chu ka pan a kei hlak a, tulai chu Bawng le Lawia lo kei khawm hmu ding a vang ta hle, khawl thilthawtheina ei hmang țangkai nasaa lawm a um hle a nih.
Vawikhat chu ka pa zing lo kei zo bufa dinga in tieng inlawi a tum a, kan Lawichal chu hrui sei deuin a khita, chu hrui tlungna chen chun a fak thei ding hlona le an buolna ding tui a um bawk a nih. Kan lawichal chun ka ruolhai le kan sunbu fak kar chun a hrui alo pawt chata alo zam/tlan hmang an ta chuh!!!
Ka ruolhai Lawi ruok chu an umna hmuna an um țawk țawk bawk sie, kei ni Lawichal ruok chu a suol bawk, a hrat bawk a nih. Ka pa lungsen ding ka ngaituo'n ka țap nuom el, thaw ngaina hlak um lo chu ka lungrilin ka țawngțai tah "Aw Lalpa kan Lawichal a tlanghmanga lunginsiet takin min hmutir nawk ngei rawh" tiin ka hni tah a, chu taka ka lungrila hung um chu 'a ke hniek zui rawh' ti a nih.
Chuongchun kan Lawichal kehniek chu ka zui char char tah a ram hla bek lo a chun ka va hmu dawk tah a, ka lawm bawk, ka lungsen bawk, ka hmawl chawichun a malbul lai ka hlap/vuok pek a nih.
Awleh, ka chanchin hi hmusit um le nuizat um khawm ani ka ringa, amiruokchu ka hringnun lamhraw mek a hin hi kan Lawichal a'nthawkin inchuk ding tamtak ka neia, kan chuk mek bawk a nih.
Ka pa chun kan Lawichal kha lo a kei thei hma a'nthawk takhan lo kei dan a lo inchuktir tah a, chu zo ah a tak ngeiin kan lo keitu'n a hmang thei ta a nih.
Chuongang bawk chun kei misuol ngei khawm hi Lalpa'n A mi sawr/hmang nuom leiin ka naupang lai a'nthawkin harsatna chi dang dangin ami lo inchuktir taha, ka taksa ka hring nun hi hruia inkhit angin harsatna haiin a mi khit de hlaka, a chang chun rinum tiin khawvela hlimna le lawmna zawngin ka tlansuok ve hlaka, amiruokchu Lalpa Pathien Thlarau Thienghlim chun a hmangaina hrui kei maa tlungdea lo um ta chun a mi kei kir nawk hlaka, A thu ka zawm nuom naw lem chun A mi hrem/vuok hlak a nih.
Kan Lawichal chu kan duot em ema a fak ding khawm a chang chun kan zawng pek hlak, asanchu kan fak ding mi thaw suok pektu ani lei a nih. Ama umnaw sien chu kan kum khat fak ding kan nei naw ding a'na.
Chuongang bawk chun Lalpa'n A sawr/hmang nuom hai chu duottakin a enkawl/ching hlaka A thu ei awi naw/zawmnaw ruok chun chu indawi țhak lovin a mi vuok/hrem hlak a nih.
Hebrai 12:
7. In tuor hi nangni thununna ding a nih, nauhai chunga thaw angin Pathienin in chungah a thaw a ni hi; pa thunun naw nau tûm a um hlak a?
8. Nau popo hlaw hlak thununna chu hlaw lova in um chun, nau tak ni lovin, sawn nîng in tih.
NAU TAK THUNUNNA TUORTU CHU MI VANGNEI A NIH.
