SESAWNG, April 08, 2018, Virthli (ONP) : Hun iemani chen Kani Phai, Peace Camp ah an um hnungin HPC(D) Cadres mi 101 hai chun April 7, 2018, Dar 5:00AM khan motorboat 7 hmangin Kani Phai suoksanin April 7, 2018, Dar 10:00 PM khan dam takin Sesawng, Mizoram tluong takin an tlung tah , CTI Sesawng ah an in camp mek. Hnam Pasaltha han Peace Camp, Kani Phai a inthawka Mizoram an pan huna hin Thingpuikuol mipui le Zokhawthieng VCP han Thingpuikuol kai ah inthlana hunser ursun takin an hmang a, Zilthaw kai ah HPC Party, Sakawrdai hai khawma lawmlutna hunser ursun takin an lo hmang . HPC Party han lawmlutna hunser an hmang huna hin Pu Zolienkung, CEC, HPC Party in thuhrilna hun hmang a, Pu Thangsuolien, Block President in Ruoi inhlanna a nei zoin Zilthaw kai ah Hnam Pasaltha hai Ruoi an lo kiltlangpui tawl.
Hmar Pasaltha hai hi Sakawrkai khuoah mipui a sangtel in an lo hmuok a, Rev. Salem L. Hmar, P/S, EFCI in hun hawng tawngtaina a nei zoin HPC(D) han report pekna hun an hmang a, HSA Sakawrdai Unit han Hmar Pasaltha hai Parthi inhlanna an nei. Hi huna hin Pu HC. Lalthanglura, President, Tuisual Group YMA le Tv. Lalhriatchhunga Hmar, Adviser, HSA Sakawrdai Unit han thuhrilna hun an hmang a, Vote of thanks Tv. Lalremsanga, President, joint YMA Sakawrdai in hrilna hun a hmang. Sakawrdai Playground a lawmlutna hunser hmang a ni huna hin HPCD han Condolence Salute, Hmar National Salute le General Salute inentirna hun an hmang a, mipui mit a tlei hle.
Kani Phai, Peace Camp-a Hnam Pasaltha hai thlalak le hmun tum tuma an lo hmuokna Virthli Photographer- Tv. Muona Infimate in coverage a hung thaw a, thlalak ennuom hai chun a link (Virthli.in) a hin en thei a nih. Chun April 13, 2018 a Sesawng hmuna an ralthuom an intung huna khawm coverage hung thaw pei ning a ta, Virthli ah en thei dingin photo hai hung kapkai ning a tih.
Hmar Pasaltha hai hi Sakawrkai khuoah mipui a sangtel in an lo hmuok a, Rev. Salem L. Hmar, P/S, EFCI in hun hawng tawngtaina a nei zoin HPC(D) han report pekna hun an hmang a, HSA Sakawrdai Unit han Hmar Pasaltha hai Parthi inhlanna an nei. Hi huna hin Pu HC. Lalthanglura, President, Tuisual Group YMA le Tv. Lalhriatchhunga Hmar, Adviser, HSA Sakawrdai Unit han thuhrilna hun an hmang a, Vote of thanks Tv. Lalremsanga, President, joint YMA Sakawrdai in hrilna hun a hmang. Sakawrdai Playground a lawmlutna hunser hmang a ni huna hin HPCD han Condolence Salute, Hmar National Salute le General Salute inentirna hun an hmang a, mipui mit a tlei hle.
Kani Phai, Peace Camp-a Hnam Pasaltha hai thlalak le hmun tum tuma an lo hmuokna Virthli Photographer- Tv. Muona Infimate in coverage a hung thaw a, thlalak ennuom hai chun a link (Virthli.in) a hin en thei a nih. Chun April 13, 2018 a Sesawng hmuna an ralthuom an intung huna khawm coverage hung thaw pei ning a ta, Virthli ah en thei dingin photo hai hung kapkai ning a tih.