~ Jami Darngawn
✍ Awleh, Dt 1/4/2018 a hung inhersuok chu ka buoi ve rak rak el tah a, 1st April hi ka ta ding chun inchikthlak a ni nghe nghe bawk a nih. Asan chu kum 1999 1st April khan Lalpa Pathien Thlarau Thienghlim Baptisma ka lo chang ni ani lei a nih. Tukum 1st April chu Easter Sunday le a lo intuok fu hlau ela lawm um ka ti hle a nih.
1st April zingkar ka tho chu ka Driving Licence țulna a um leiin ka zawng tah a, ka nunghak lai a'nthawka ka lo nei tah ka driving licence chu ahun a tawp ding pha ka sukthar/sukhring nawk peia, tuchen hin a țul huna ka hmang țangkai hlak a nih. Amiruokchu motor khal ka ngam ta naw leiin ka driving licence chu ka siețhatna chun ka sie țha el hlak kha ana, ka sie țhatna hmuna chun ka hmu zo ta nawa chuonga ka thil zawng ka hmuzo ta naw chu pawi ka ti hle a, ka thil thaw tum khawm chu ka Aadhar card hmangin kan thaw tah a nih. (Ka Aadhar card chu ka pasal kuta um a nih)
Chuonga ka thil zawng hmuzo naw beidawnga ka um lai chun Lalpa Thlarau chun a mi hung biek tah a " l khawvel motor Driving Licence i sukbo a chu, l Calvary Licence chu a bo nawh ka kuta aum zing a nih" tia a mi hril chu ka va lawm de aw !!! Ka lawm taluo hril ngaina khawm ka hriet nawha ka umna pindan sunga chun kan chawm zakel a nih.
Haleluiah Lalpa Pathien ropui raw seh !
Kolossa 3:
1. Chuongchun Krista kuomah kei thovin in um ve ta chun, chungtieng, Pathien changtienga țhung Krista umnaa thil umhai chu zawng ro.
2. Chung tienga thil umhaia chun in lungril innghat ro, hnuoia thil umhaia chun innghat lovin.
3. In thi ta a, in hringna chu Pathien-a chun Krista kuomah thupin a um si a.
Ani ngei hi Bible thu ei hung suklang hin a sukchieng hle nin ka hriet, ei thi taha ei hringna chu Pathien kut a chun Krista kuomah thupin a um ta si a, kei ngei khawm ka driving licence kha ka kuta a um a chu ka enkawl țhat naw leiin ka suk bo el a nih. Ka pasal kuta um ka card dang hai a mi sie țhaț pek hai chu a um zinga a bo naw a nih.
Chuongang bawk chun ei Calvary Licence LAL ISUN A min tlanna kha Pathien nau ei nina, Van Ram ei kai theina Licence kha Krista Pathien kuta thupin a um a nih.
Haleluiah !!!
Ka driving licence kha ieng dinga ka sukbo thei el am ei ti chun, ka hmang nawna a sawt ta leiin a nih, motor ka khal ngai naw lei chun kil khata ka siețha el lei chun alo bo el ang khan, nang le kei khawm Pathien nau Ringtuhai khawm hin ei Lalpa ISU'N thina hnea ropui taka a thonawk hnunga Van tieng an lawi ding tawma a țhuoihruoi hai kuoma a thu incha pawimawtak chu nang le kei kuoma khawm a min cha a nih ti ei hriet.
Marka 16:
15. Chun an kuomah, “Khawvêl popovah fe unla, thilsiem tinrêng kuoma chun Chanchin Țha hi hril ro.
16. Tukhawm a ringa, baptisma chang chu sandamin um a tih; nisienlakhawm tukhawm a ring naw chu thiemnaw changin um a tih.
17. Chun hieng inchiknahai hin a ringtuhai chu zui pei a tih: Ka hmingin khawhrihai hnawtawk an ta; țawng tharhaiin țawng an ta;
Khawvel popovah Chanchin Țha hril chu ei mawphurna ani ti ei hriet bawk, chulaia chun Baptisma inchangtir thei hai chu Pastor hai an ni bawk a nih. Aropui hle.
Chun, LALPA'N A thilthawtheina ropui tak A mi pek hi ava ropui de aw ! Hieng inchikna hai hin ami zui pei ding chu a nih. Khawhri hnawtsuokna hai etc.
"Khawhri hnawtsuok chu ka thaw chi ani nawh ie" ei ti khawm a ni thei, amiruokchu nitin el hin ei lungrila thil tha naw um hai chu Lalpa lsu hmingin ei hnawtsuok hlak ding a nih.
Kei khawm Lalpa hratna zar chauin mobile phone a'nthawka țawngțaina a'nthawk le, atak ngeia khawm Lal ISU hmingin mi sunga um khawhri /Setan thilthaw hai chu ka lo hnawtsuok ve ta hlaka, amiruokchu mani lungrila um Setan hmangruo um hai ka hnawtsuok vawikhat na chu hi hi a nih.
Zankhat chu ka lungril hi a hlim thei naw em ema kawng iengkima hin ka hlim thei naw el a nih, Bible ka hang tiem de khawma umzie um lo, ka țawngțai khawma umzie um lo bawk, chuonga ka um lai chun ka hma a hin dum lul ang deu hi ka hmu taha chu chun a mi bei/hne leia lo hlim thei lo kha ka ni ti kan hriet dawk tah a, chu taka chun Lalpa ISU hmingin chu thil dum lul chu ka hnawtsuok taha chu taka chun ka hung har huoi el a nih.
Haleluiah Lalpa ropui tak raw seh.
Awle, unau ditum tak nangkhawm.
l hlim thei naw hlak am ?
I bei a dawng em em hlak am ?
Mi i hnam em em hlak am ?
Chansie taluoa inhriet leiin thi i nuom el hlak am ? Chuonghai popo chu suol Setan hmangruo a nih ti ei hriet tlat ding a nih.
Calvary Licence ei nei hi hmang țhangkai lova ei sie țawk țawk chun nakie ka driving licence ang khan mi bo pek pal a tih, chuleichun nitin el hin ei thil kawl ropui tak Lalpa Pathien thilthawtheina hi ei hmang țangkai ding a nih.
Ei thi aia thia nithum nia ropui taka kei thoa um Lal ISU hmingin mal ka sawm che.
@
✍ Awleh, Dt 1/4/2018 a hung inhersuok chu ka buoi ve rak rak el tah a, 1st April hi ka ta ding chun inchikthlak a ni nghe nghe bawk a nih. Asan chu kum 1999 1st April khan Lalpa Pathien Thlarau Thienghlim Baptisma ka lo chang ni ani lei a nih. Tukum 1st April chu Easter Sunday le a lo intuok fu hlau ela lawm um ka ti hle a nih.
1st April zingkar ka tho chu ka Driving Licence țulna a um leiin ka zawng tah a, ka nunghak lai a'nthawka ka lo nei tah ka driving licence chu ahun a tawp ding pha ka sukthar/sukhring nawk peia, tuchen hin a țul huna ka hmang țangkai hlak a nih. Amiruokchu motor khal ka ngam ta naw leiin ka driving licence chu ka siețhatna chun ka sie țha el hlak kha ana, ka sie țhatna hmuna chun ka hmu zo ta nawa chuonga ka thil zawng ka hmuzo ta naw chu pawi ka ti hle a, ka thil thaw tum khawm chu ka Aadhar card hmangin kan thaw tah a nih. (Ka Aadhar card chu ka pasal kuta um a nih)
Chuonga ka thil zawng hmuzo naw beidawnga ka um lai chun Lalpa Thlarau chun a mi hung biek tah a " l khawvel motor Driving Licence i sukbo a chu, l Calvary Licence chu a bo nawh ka kuta aum zing a nih" tia a mi hril chu ka va lawm de aw !!! Ka lawm taluo hril ngaina khawm ka hriet nawha ka umna pindan sunga chun kan chawm zakel a nih.
Haleluiah Lalpa Pathien ropui raw seh !
Kolossa 3:
1. Chuongchun Krista kuomah kei thovin in um ve ta chun, chungtieng, Pathien changtienga țhung Krista umnaa thil umhai chu zawng ro.
2. Chung tienga thil umhaia chun in lungril innghat ro, hnuoia thil umhaia chun innghat lovin.
3. In thi ta a, in hringna chu Pathien-a chun Krista kuomah thupin a um si a.
Ani ngei hi Bible thu ei hung suklang hin a sukchieng hle nin ka hriet, ei thi taha ei hringna chu Pathien kut a chun Krista kuomah thupin a um ta si a, kei ngei khawm ka driving licence kha ka kuta a um a chu ka enkawl țhat naw leiin ka suk bo el a nih. Ka pasal kuta um ka card dang hai a mi sie țhaț pek hai chu a um zinga a bo naw a nih.
Chuongang bawk chun ei Calvary Licence LAL ISUN A min tlanna kha Pathien nau ei nina, Van Ram ei kai theina Licence kha Krista Pathien kuta thupin a um a nih.
Haleluiah !!!
Ka driving licence kha ieng dinga ka sukbo thei el am ei ti chun, ka hmang nawna a sawt ta leiin a nih, motor ka khal ngai naw lei chun kil khata ka siețha el lei chun alo bo el ang khan, nang le kei khawm Pathien nau Ringtuhai khawm hin ei Lalpa ISU'N thina hnea ropui taka a thonawk hnunga Van tieng an lawi ding tawma a țhuoihruoi hai kuoma a thu incha pawimawtak chu nang le kei kuoma khawm a min cha a nih ti ei hriet.
Marka 16:
15. Chun an kuomah, “Khawvêl popovah fe unla, thilsiem tinrêng kuoma chun Chanchin Țha hi hril ro.
16. Tukhawm a ringa, baptisma chang chu sandamin um a tih; nisienlakhawm tukhawm a ring naw chu thiemnaw changin um a tih.
17. Chun hieng inchiknahai hin a ringtuhai chu zui pei a tih: Ka hmingin khawhrihai hnawtawk an ta; țawng tharhaiin țawng an ta;
Khawvel popovah Chanchin Țha hril chu ei mawphurna ani ti ei hriet bawk, chulaia chun Baptisma inchangtir thei hai chu Pastor hai an ni bawk a nih. Aropui hle.
Chun, LALPA'N A thilthawtheina ropui tak A mi pek hi ava ropui de aw ! Hieng inchikna hai hin ami zui pei ding chu a nih. Khawhri hnawtsuokna hai etc.
"Khawhri hnawtsuok chu ka thaw chi ani nawh ie" ei ti khawm a ni thei, amiruokchu nitin el hin ei lungrila thil tha naw um hai chu Lalpa lsu hmingin ei hnawtsuok hlak ding a nih.
Kei khawm Lalpa hratna zar chauin mobile phone a'nthawka țawngțaina a'nthawk le, atak ngeia khawm Lal ISU hmingin mi sunga um khawhri /Setan thilthaw hai chu ka lo hnawtsuok ve ta hlaka, amiruokchu mani lungrila um Setan hmangruo um hai ka hnawtsuok vawikhat na chu hi hi a nih.
Zankhat chu ka lungril hi a hlim thei naw em ema kawng iengkima hin ka hlim thei naw el a nih, Bible ka hang tiem de khawma umzie um lo, ka țawngțai khawma umzie um lo bawk, chuonga ka um lai chun ka hma a hin dum lul ang deu hi ka hmu taha chu chun a mi bei/hne leia lo hlim thei lo kha ka ni ti kan hriet dawk tah a, chu taka chun Lalpa ISU hmingin chu thil dum lul chu ka hnawtsuok taha chu taka chun ka hung har huoi el a nih.
Haleluiah Lalpa ropui tak raw seh.
Awle, unau ditum tak nangkhawm.
l hlim thei naw hlak am ?
I bei a dawng em em hlak am ?
Mi i hnam em em hlak am ?
Chansie taluoa inhriet leiin thi i nuom el hlak am ? Chuonghai popo chu suol Setan hmangruo a nih ti ei hriet tlat ding a nih.
Calvary Licence ei nei hi hmang țhangkai lova ei sie țawk țawk chun nakie ka driving licence ang khan mi bo pek pal a tih, chuleichun nitin el hin ei thil kawl ropui tak Lalpa Pathien thilthawtheina hi ei hmang țangkai ding a nih.
Ei thi aia thia nithum nia ropui taka kei thoa um Lal ISU hmingin mal ka sawm che.
@
