Responsive Ad Slot

Nk. Talitha sawmdawlna ₹ 81,300/- RPC-NEI, KṬP, Rengkai Unit in inhlanna an nei

Sunday, April 8, 2018

/ by VIRTHLI HMAR
CCPUR, April 08, 2018, Virthli (ONP): April 8, 2018 zingkar khan RPC-NEI, KṬP, Rengkai Unit, CCPur chun Nk. Talitha Lalrinliani d/o (L) Daniel kuomah ama sawmdawlna dinga banquet an buotsaina le thawlawm pek khawma um hai inhlanna an nei. Inhlanna nei a ni hmain Pu Judson Vanlalnghaklien chun hmalâk ṭan dan le thiltum hai report a pek a, chu zo ah Rev. Lalngailien Puruolte, Presbytery Secretary in Pathien kuomah ṭawngṭainaa inhlanna neiin hun hmang a nih. Hunser hmangzo hin Sumfai ₹ 81,300/- hmusuok a um chu Upa HK Thanga, Local Chairman-in Nk. Talitha kutah inhlanna a nei a nih.

Hmalakna le inzawma ṭhangpuitu le lo thlawptu hai po po kuomah Nk. Talitha sawmdawlna dinga April 5, 2018 ni a Banquet organiser, RPC-NEI, KṬP, Rengkai Unit hai chun social media fethlengin lawmthu an hril a, Pathien malsawmna a let tam a dawng seng dingin ditsakna an inhlan.

Nk. Talitha hi April 4 khan RIMS maksanin tuhin In a in enkawl sunzawm a nih. A ke operation ding ang a hril kha observation result dungzuiin damdawi a enkawl sunzawm lem a la nih. A hriselna hma a hung sawn thei chun Vellore tieng pan dingin inbuotsai an tih tiin ei thudawngna chun a hril bawk.
>>
Nk. Talitha chanchin hi a hma khawma social media a hai suklang a ni a. Ṭhangpuina pe nuom hai chun pek thei zing a nih.

Please Pray & Support Nk. Talitha

"Religion that God our Father accepts as pure and faultless is this: to look after orphans and widows in their distress and to keep oneself from being polluted by the world."
-James 1:27 (NIV)

"Ei Pathien le Pa mithmua sakhaw biek dân inthieng le, suol thrangnaw chu hihi a nih: fahra le hmeithaihai an rimsik laia kan le, khawvêl inthiengnawna kai lova insiem hi."

Nk. Talitha Lalrinliani hi a piengtîra inthawk lung tienga harsatna nei a nih. A lung natna leiin tuchen hin hrisel lai hmel hrim hrim hmu loin hun a hmang mek a, Doctor in an hmatieng a Vellore-a operation thaw dinga refer nisien khawm tuhin a lung ṭhat naw leiin a ke tieng chen ah harsatna hung tuok nawkin, a ke hi operation thaw dinga hringnun hmang mek le RIMS a enkawl a umin tuhin an in ah enkawl mek lai a nih. A natna tak ni loin a ke operation thawna ding ringawt khawm hin Cheng Nuoihni vel bek seng ṭul dinga hril a nih. Pathien hmangaina zarin hmangaituhai zara sum tlawmte te an dawng haia inthawkin enkawl mek ani a, a ngirhmun lungsiet um tak el hi a ṭhalai chanpuihai chun thlîr liem el harsa an ti leiin kawng iemani bek ah a lo sawk zangkhai beiseina leiin “Sawmdawlna Thlaithleng” April 5, 2018 khan an buotsai hiel tah a nih.

Ṭhangpuina pe nuom ve hai chun a hnuoia RPC-NEI, KṬP, Rengkai Unit Treasurer bank account number pek a um a hin thawn thei ning a tih.

Account holder: Rose Lalhmangai
Account Number : 30969836723
IFSC Code : SBIN0006182
Branch: Churachandpur

(Bank A/C a pe haiin a hnuoia Contact Nos. a hin inhriettir pei nisien)
Contact Number: 9862831408/9612209228/9862514225

Nk. Talitha Lalrinliani hin hriselna thar hung nei ngei sien ti hi a KṬP chanpui hai ṭawngṭaina a nih. Nang khawmin i thaw thei le i ṭhangpui theina um ve ngei a tih.
>>
Thu hrie sap nuom ha'n Contact thei:
- LRS Puruolte (8415915704)

Don't Miss
© all rights reserved
made with by Simon L Infimate