Responsive Ad Slot

LAL ISU A THO NAWK TAH !

Saturday, March 31, 2018

/ Published by Simon L Infimate
~ Jami Darngawn

Marka 16:
9. Chun ni sari ni hmasatak, zîngkâra a tho nawk chun, Mari Magdalin, a sûnga inthawka khawhri pasari a hnawtsuok pêk kuoma khan ân lâr hmasatak a.

Awleh, Eden huona bawsetu hmasatak chu ei pi Eve kha ani leiin a bikin nuhmei hai hin suol tieng hma ei țhuoi hmasa niin an lang.

Amiruokchu tho nawk ni a chun ei Lalpa lsu ân lâr hmasatak na chu nuhmei bawk Mari Magdalin kuoma ani ve thung a nih.

Kum tinin thonawk ni ropui tak ei hmang/ser hun a hai hin nuhmei hai hieng Mari Magdalin le Mari dang hai hming hi hrilsa'n a um ve hlaka kei khawm hi thu hin ka lungril a tawk ve hle hlak.

Ani ngei Mari Magdalin hi entawn thlak niin ka hriet a, kei lem chun ka hming siem danglam nawk ding ni inla "Magdalin" hi put ve ka nuom hiel a nih.

A sunga khawhri pasari a hnawt suok pek leia a ngainat em em Lal lsu kha a thlan hmu ding chun rimtui hai chawiin khawvar hma'n mi tukhawm fe hman huoisen takin Magdalin chu an thawk suok a nih.


Hi lai thu hin kei khawm nasa takin a mi tawka, ani ngei nang le kei khawm ei sungah khawhri a um naw khawm ei ti thei ie, amiruokchu khawhri pasari neka țium lem Eden natna kha ei Lalpa lsu zarin sukdamin ei um tah annawm !!! Haleluiah Lalpa Pathien chu inpakin um raw seh.

Tuhin ei Sandamtu chu thlana va hmu tum inlakhawm va hmu kher ta nawng ei tih, amiruokchu Pathien hminga rawngbawlna chi dang dang hai hi ieng anga rinum khawm lo nisien Lalpa lsu ropuina ding ani phawt chun thaw hram hram, țal țal, țawk țawk hlak ding a nih. Chuonga ei thaw a ni chun ei Lalpa ISU Thlarau Thienghlim chu ei ni ah a hung in lâr hmasa tak ding a nih.

Lal ISU le intuoklo inhmu lova rawngbawl chu thil rinum le dit um lo tak a nih, chuong ani lei chun ei Lalpa ISU Thlarau Thienghlim le ei damlai ni hai hin rawng ei bawl thei sengna dingin.

LALPA'N EI CHAN SENGAH MAL MI SAWM PEK RAW SEH.
Don't Miss
© all rights reserved
made with by Simon L Infimate