Tv. John a dam suok zo ta nawh

Simon L Infimate
Pherzawl, March 29, 2018, Virthli (ONP): Chanchin dawng nuhnungtak danin dar 9 PM le ti vel khan vawisun (29/03/2018) a a sang in a kâp fûk pal Tv. John of Parbung chu a so a la um le a la har leia a silaimu keidawk zo a ni hnungin CCPur panpui mêk a ni laiin Pherzawl Dist. sung tho Damdiei khuo an tlungin dam suok zo ta loin Parbung tieng a ruong phur kir nawk niin chanchin ei dawng nawk tah. Ei thu dawngnain a hril pei danin tuhin Parbung tieng an kir mêk a, CCPur tienga a sûng hai khawm Parbung pan dingin an fe mêk niin chanchin ei dawng bawk.


Ieng leh khaw leh Medical Facilities ṭha tawk naw leiin nat le sat hun ah Pherzawl Dist. hin harsatna namenlo tuok rawpin thina hi a tlung awlsam pha khawm niin a'n lang. Lampui hlak ṭha bawk lo, Helicopter bek service ta sien chu ni ding. Ziek le hril ding tam tak a um. A pawi khawp el.
Tags

#buttons=(Ok, Go it!) #days=(20)

Our website uses cookies to enhance your experience. Learn More
Ok, Go it!
To Top