Responsive Ad Slot

HSA in MZP thlahuolna nei

Monday, March 19, 2018

/ Published by Simon L Infimate
Aizawl, 19, March, 2018 (Virthli ONP): Hmar Students' Association (HSA), Joint Headquarters, Aizawl huoihawtin vawisun khan unau Mizo Zirlai Pawl (MZP) hai thlahuolna, NEREFS, Conference Hall, Aizawl ah nei a ni a, HSA General Headquarters President Pu L. Rothanglien Khawbung le Hmar Inpui, Mizoram Region, Vice President Pu Lalmuanpuia Punte haiin an hmangpuia, HSA tieng le MZP tieng anthawk mi á¹­hahnem tak an á¹­hang.

Hi huna thuhriltu Pu Rothanglien Khawbung chun HSA le MZP chu tiena tlang anthawka lungril hmunkhat neia kal pen hlak anni thu hrilin, MZP in Zophai hmuna Chawlbuk bawl dinga hma a lakna chu HSA in lungril le ti takzetin an thlawp thu a hril a, Police kut tuora inchuklai tamtakin hliem an tuor chu pawi a ti thu le HSA khawmin a tuorpui tak zet thu a hril. MZP hmalakna chu Mizoram chau nilo Mizoram puotienga HSA le Hmar mipui khawmin lungriltakin an thlawp zie thu a hril bakah, MZP chu huoisen taka hma tieng fe pei dingin an fui bawk a nih.


MZP President Pu L. Ramdinliana Renthlei chun HSA in thlahuolna a siem chu lawmum a ti thu hrilin, iengtik lai khawma MZP le HSA chu inkawp tlat hlak an ni thu a hril a. Khawvel hmun hran hrana Zohnathlak haia inthawkin support an hmu chu an beisei khel tieng a ni leiin, thlamuongum a ti thu a hril bawk a nih.

Inkhawm hi Pu K. Lalramá¹­ana, President, HSA, Aizawl Jt. Hqrs in a keihruoia, MZP hai anthawkin report ngaithlak a ni bakah mi dang dang anthawkin thuhril tawi ngaithlak a ni bawk.

Hi huna hin Pu Rothanglien chun HSA General Headquarters aiawin 'Zofate Chawlhbuk' bawlna ding Rs. 5,000, MZP kutah an hlana, HSA, Aizawl Jt. Hqrs khawmin chawlbuk bawlna le hliemhai á¹­hangpuina Rs. 2000 an hlan bawk a nih. Thlahuolna ruoi inhniktak kil niin hun hlimumtak hmang a nih.
Don't Miss
© all rights reserved
made with by Simon L Infimate