Responsive Ad Slot

HSA Harangajao Block in One Day Education Awareness programme a huoihawt

Tuesday, March 20, 2018

/ Posted by Simon Infimate
Huonveng/Harangajao, March 20, 2018, Virthli (ONP): Zanizan khan HSA Harangajao Block huoihawtna in One Day Education Awareness programme chu Huonveng, Harangajao, PCI Compuond hmunah nei a nih. Hi huna hin Resource Persons in Rev Lalmalsawm Faihriem, Pu Chawngul Țhiek, Auditor HSA Harangajao Block/Retired LP Teacher le Tv. Laldamlien Hrangchal, President HSA Harangajao Block/Teacher LJV School hai hmang an nih.

Hi zan hin HSA Harangajao Block chun Inchukna, Thiem inzirna tieng le MIL chungthua inhrilhrietna khawsung huopa nei a nih, Hi hun a hin Nu le Pa tam tak le Inchuklai hai mi 100 bawr vel ding pungkhawma hun hmang a nih,


Hun hmasataka, Țawngțaina in Pu Huollal Tuolor, President VDP Huonveng in țawngțaina a nei zoin Program țan a nih. Unit anthawkin inhmelhrietna hun (introduction) nei ani a , Vice President Pu Lalsumlien Faihriem in Lawmlutna hun a hmanga, hlasakna Tv. Benjamin in a sunzawma, Block Secretary Tv. Lalrothan Vankal in Introduction hun a nei zo in Resource person hai anthawk thu țha tak tak ngaithlak a nih.
1. MIL leia Hmarnau hai ei vangnei zie le ei hmațhat zie hai le ei chawisang a phu hlie hlie a nih ti
2. Inchuktuhai lekha tiemna ah hun tam lem hmang a țul zie
3. Mani țawng mani hnam ngaipawimaw a țul zie.
4. Țawng a dam chun hnam a dam.
5. Lekha inchukna a khawm, Pathien hi hriet hmasatak a țul zie le
6. MIL HMAR Assam a le Manipuri Sawrkara an mi pawm pek na hi ngaihlu a chawisang ding ei nih ti haia le inchuklai hai infuina le Nu le Pa hai ta dinga infuina thucha hai ngaithlak a nih.

Hi hun hi HYA, Gaonbura, VDP, Ngaibantlang Presbytery High School Headmaster hai khawmin an uop a nih.

Hi Program hi a hlawtlinga ngaisak a hlaw hle a nih. Hun tawpnatak ah Upa Lalruotsang in țawngțaina neiin hun suk tawp a nih. (input: Tv. Lalrothan Vankal, Secretary, HSA Harangajao Block) 
Don't Miss
© all rights reserved
made with by Simon L Infimate