Unau/inphir Specialist Doctor thar

CCpur, June 24, 2017, Virthli (ONP): Nk Mary Lalthienghlim le Nk Irene Lalmuonpui hai unau chun hnesaw takin Specialist Degree Zoporozhye State Medical University, Ukraine a'nthawk anlo zo fel der tah. Nk. Mary le Irene hai hi Pu Sangremsiama, Rengkai CCpur a nau nunghak hai veve an nih. An ni hi inphir niin Class X le Class XII exam na a khawm marks in ang vang vang pei hmuiin a ruola inchuk tung pei an nih.

Nk Mary le Irene hai hi Class X Young Learner's School, CCPur anthawk zo in Class XII khawm Rayburn College CCPur anthawk tho hnesaw taka an zo hnungin, entrance test pe in Ukraine a Zaporozhye State Medical University a inchukin June 22 2017 khan Specialist Degree, Doctor Of Medicine, General Medicine le Physician hai zo fel na Certificate inhlan anlo ni tah.