Agartala, May 18, 2017, Virthli (ONP): Liemtah tarik 16 May, 2017 (Thawleni) khan Tripura a Hmarnauhai khawmin Hmar Martyrs' Day ursun takin an hmang ve. Buoina țhenkhat leiin a hun taka chanchin ei suksuok thei naw a, chanchin hmu le inruola hung insuo nghal a nih.
Martyrs' Day 2017 hi Jehova Jire English Medium School, Satrai, Thelakung hmuna hmang a na, inkhawmna Evan. Tc Lalneilien in keihruoiin, hi hun hmang ding hin Tripura hmun tum tuma Hmar nauhai mi iemanizat an fekhawm. Martyrs' Day hi Tripura Hmar Welfare Society (THWS) hmalaknaa hmang dinga riruong siem nisien khawm, Tripura hmuna Hmarhai hi hmun hla tak taka um an ni bakah, harsatna țhenkhat khat leiin Satri hmuna khawsa haiin programme hi an huoihawt ta lem niin thu ei dawng.
Hun hmasatakah mipui fekhawm haiin hnam ta dinga an hringna hlutak inhlantu MARTYRS hai inzana hun an hmang a, par inhlanna neiin, Pro Pastor Rochhungnung in Martyrs sunghai ta dinga țawngțai pekna a nei zovin mipui hlasakna in a zui nghal a. Inkhawm hun sung hin thu țha tak tak ngaithlak a na, Alfred V Hmar le Erick han mipui fekhawm hai rimawiin an in-awi zing bawk.
Martyrs' Day 2017 hi Jehova Jire English Medium School, Satrai, Thelakung hmuna hmang a na, inkhawmna Evan. Tc Lalneilien in keihruoiin, hi hun hmang ding hin Tripura hmun tum tuma Hmar nauhai mi iemanizat an fekhawm. Martyrs' Day hi Tripura Hmar Welfare Society (THWS) hmalaknaa hmang dinga riruong siem nisien khawm, Tripura hmuna Hmarhai hi hmun hla tak taka um an ni bakah, harsatna țhenkhat khat leiin Satri hmuna khawsa haiin programme hi an huoihawt ta lem niin thu ei dawng.
Hun hmasatakah mipui fekhawm haiin hnam ta dinga an hringna hlutak inhlantu MARTYRS hai inzana hun an hmang a, par inhlanna neiin, Pro Pastor Rochhungnung in Martyrs sunghai ta dinga țawngțai pekna a nei zovin mipui hlasakna in a zui nghal a. Inkhawm hun sung hin thu țha tak tak ngaithlak a na, Alfred V Hmar le Erick han mipui fekhawm hai rimawiin an in-awi zing bawk.
Hunser hmangnaa thuhrilna nei hai chu Mr. Kaprosang, ONGC; Mr. Lalthangfal Hmar; Mr. Lalsiesang Inbuon, FCI hai an na, thuhrilna hun hmang dinga ruot tho Mr. Lalhmingthang, CRPF in a hun a hmang thei naw leiin a Pa Upa JL Malsawm in ama aiin hun a chang. Hun hmangtu hai hin "Ringumna le indikna ei chel tlat chun hnam palsalțha hai sulhnung ah ei hnam hi parang la vul ngei a tih" ti awn zawng thupui hmangin thuhrilna an nei a, mipui fekhawm hai chona thar a pek nasa hle.
Martyrs' Day hmangna inkhawm Evan. Lalrothang Hrangngul in kharna a nei a, mipui fekhawm han ruoi inhniktak kil tlangna an nei. Martyrs' Day ruoi hi Mr. Kaprosang le Mr. Lalsiesang Inbuon han an tuma, an chungah mipuihai an lawm hle. Ruoi hi Hmar makpa pahni in an suong a, ruoițhe huna khawm anni pahni in fak le dawn an sem vawng bawk. Hmar makpa tucha hai chu Pi Ruotkim le Pi Rami hai pasal an na, Pi Ruotkim a pasal chu Doctor sinthaw niin, Debbarma hnam a na, Pi Rami pasal chu Meitei hnam le Pastor sinthaw a nih.
Kumthar tieng THWS huoihawtna ngeiin a neka puithu le ursun lema Hmar Martyrs' Day hmang nawk ngei dingin mipui fekhawm hai an ințhedar.
