Mi 88 Appreciation le lal 33 Red Blanket inhlan ding
CCPUR: August 15, 2016 nia Peace Ground, Tuibuonga District Level 70th India Independence Day lawmna huna mi 88 hai Appreciation Certificate inhlan ning an ta, lal (chief) 33 hai kuoma Red Blanket inhlan ning an tih.
Appreciation Certificate dawngtu ding hai lai T. Hrangkhum, Field Asst., Vety; Sangzuala, Att., Vety; Lalramsan, Attd., Vety; Ms Marie Lalsangliani, Asst. teacher, Seilal JB School; Lalpiengkung, Headmaster, Siden Chongpikot JB School; Lalniropuia, OA, SDO office; Hav. Thangrokhum Joute, 1st IRB, Hq. Veng; Dr. C. Biakdiki, MO, Dist. Hospital; Hrangdawl, F. Asst., Horti; Sangremsiama, Jr. MCS, DC Office; Joicy Lalrinpui, PO, DRDA; Hatthangmawi, Cashier, DRDA hai an thang. Red Blanket dawng ding hai lai Lalsandam, Chief of Thingchom a thang.
Appreciation le Red Blanket dawng ding hai chu program hmangnaah thanga dawng seng dingin DC, CCPur chun an hriettir.
HNA C-in-C dingin Ngamlienzuol
CCPUR: HNA CinC (L) Pu Lalthangsang Intoate hun lo taka a thina leia HNA ro inrelna a fe tluong pei theina dingin Dy. CinC Pu Ngamlienzuol @ Ngama chu HNA CinC dinga ruot le Pu Laltanpui @ Tanpui chu HNA a inthawk KNO a JMG (SoO)cumCentral Working Committee member a ruot a nih. HI thil hi KNO in nguntluk taka a ngaituo hnunga ruot a nih tiin T. Stephen, Secretary, Publicity & Information, KNO chun thusuok a siem. Mipuihai cho lo thlawp seng dingin ngenna a siem bawk.
BPCL hnuoia sin hmu thar
CCPUR: Tv. Daniel Buhril s/o Ruolkhumlien Buhril, IAS, Sielmat, CCPur (tuta New Delhi a um mek) le Tv. Kevin Lalzolien Joute s/o Thangliensang Joute of Rengkai, CCPur hai chun Bharat Petroleum Corporation Limited (BPCL) hnuoiah Management Trainee GroupA sin an hmu thar.
SubDivision haia khawm IDay
CCPUR: August 15, 2016 India Independence Day a vawi 70na chu district level in Peace Ground, Tuibuongah hmang a ni ding bakah CCPur District sunga SubDivisional Hq. 8 ADC Pherzawl, Parbung, Henglep, Thanlon, Singngat, Mualnuam, Kangvai le Patpuihmun haia khawm hmang ning a tih.
Lawmpuina hun an hmang
CCPUR: Kuki Women Organisation for Human Rights (KWOHR) huoihawtnain zanikhan M. Songgel, CCPurah Dr T. Lunkim lawmpuina le UNa fena report ngaithlakna; Kuki Organisation for Human Rights (KOHUR) in United Nation’s a Economic and Social Council (ECOSOC) Special Consultative status a hmu lawmna hun hmang a nih. Hi huna hin KIC President Thangjang Haokip; Ngaineikim Haokip, KWOHR Chairperson, Lal, MDC, KSO, KKL le mipawimaw dang dang an thang.
K.Oil August Quota lak thei
CCPUR: Churachandpur district sunga A/C tin haia August, 2016 Khawnvartui quota lak thei a ni ta a, SubDealers han Dealers hai kuoma inthawk ICard chawiin lak thei a ni tah. 55Parbung in M/s B.B.Lal & Co; 56Thanlon in M/s Pudaite Traders; 57Henglep in M/s ZT & Co; 50CCPur in M/s JHK Agency; 59Saikawt in M/s Pudaite Traders le 60Singngat subdealers in (i) Singngat area M/s JHK Agency le (ii) Sangaikot area M/S ZT & Coah la thei an tih tiin DC chun inhriettirna a siem.
ZYO Moreh in an lo tuok
CCPUR: November 15, 2014 nia Burma Army han an man le hrentang mi 4 hai laia 3 Mr Kaisianmung Zou, s/o Kapkhanthang, Tanglian Village; Khaizakham Vaiphei s/o Khuptinlian, N. Lamka, CCPur le Mr Pausonlian Vaiphei, s/o Kamlal hai chu Indaiyi jail, Kaleymeo a inthawk hung insuo an ni ta a, anni hi ZYO, Moreh in an lo tuok a, Moreh bandh um leiin bandh tawp pha CCPur tieng hung panpui ning an tih tiin Zo People for Human Rights and Empowerment (ZoPHE) Convenor K. Zou chun a hril. An la hung insuo lo Elvis Vaiphei s/o K. William (Shaktiman driver) chu December, 2016 vela an hung insuo beisei a nih.
Burma Army han mi an man rawp hlak leiin India mi hai chu document nei lo chun Burma ram lut lo dingin K. Zo chun mipui hai an hriettir.
2nd Round Natl. Deworming Training
CCPUR: August 17, 2016 khin YPA Hall, Hiangtam Lamka, CCPurah Dist. Health Society hmalaknain 2nd Round National Deworming Campaign, 2016 um nawk a tih. Morning session 10AM12noon inkarin ADC hnuoia teachers le CDPSA hnuoia private school teachers hai training an ta, Evening session 1PM3PM sungin ZEO, Mission Schools, KV/JNV; Special School le play/preSchools haia teachers han training nei an tih.
Aug. 16 chen Police custodya um dingin
CCPUR: April 17, 2016 zantienga Mr Lalthangkhum of Thenmuol hmang lai Activa MN02A6403 Rengkaia inthawk Rukru han an inrukhmang, August 8, 2016 nia Police han Terakhongsangbi hmuna an hmu kir nawkna le inzawmin an rutu Lianchhunga @ Robert (23) s/o (L) Lalrosiama of Thingkangphai le Hemam Ranbir Singh (32) s/o Hemam Jugin Singh of Terakhongsangbi, Bishnupur District hai chu zani hmasa khan Police han an man a. Police han zanikhan CJM, CCPur hmaah an inlangtir a, Court chun August 16, 2016 chen Police custody a la um phawt dingin a rel. Hi thua hin CCPur Police chun FIR No.38(8) 2016 CCPPS U/S 379 IPC an registered.
CCPur Branch in an thlawp ding thu
CCPUR: All Manipur Written Test successfull candidate of Police constable Male2013 (AMWTSCPCM) in an ngenna anga sawrkarin Final result August 15, 2016 chena a thu tiem anga a puong naw leh August 1623, 2016 zanril chena Economic Blockade thaw an tum chu hi AMWTSCPCM2013, CCPur Branch khawmin an thlawp ding thu zanikhan thusuok siemin an puong. Chun, August 14, 2016, 12:30PM in Tuibuong Community hallah AMWTSCPCM CCPur branch chun joint meeting a ko a, member le nu le pa hai thang seng dingin an inhriettir bawk.
DG, AR Manipurah ni 4 sung
IMPHAL: Lt. Gen. HJS Sachdev, Director General, Assam Rifles chu Manipurah a hung inzin a, August 811, 2016 inkar sung kha a cham a, Manipur hmun hran hran a sir kuol a, ARhai sin thaw dan enfelna a nei.
AFSPA dodalnain bu a nghei tan ve ding
IMPHAL: Armed Forces Special Power Act (AFSPA),1958 dodalna le Manipur state pumpuia inthawk hlip dinga ngennain Arambam Ongbi Konthoujam Robita Leima chun August 13, 2016 zing dar 10 a inthawk Keishampat, Imphal hmuna thi chen huomin bu a nghei tan ve ding niin a hril. Robita Leima hi kum 32 a upa, Social activist le writer a nih.
An bandh thaw an hlip tah
IMPHAL: Vawisun Patriots’ Day hmangna ding le inzawmin Dr N. Gyaneshore, Internee, RIMS that tumna le inzawma indin JAC chun hun tiemchin um lova Tiddim Road le Bishnupur district bandh an thaw chu zanita inthawk khan an hlip ta niin JAC Convenor, Ashnikumar Maibam chun Chanchinbumihai an hmupui huna a hril.
School kai loin hlaw a lak
IMPHAL: Wangjing A/C MLA Paonam Brojen nuhmei Paonam Ongbi Shaman Devi, Wangbal Junior High Schoola Zirtirtu chun School kai loin thla tin a hlaw a lak hlak niin ei thu dawngna chun a hril. A pasal hi MLA election nuhnung taka kha thlangtling a ni a, MLA dinga thlangtling a nia inthawk a nuhmei hin School kai lovin a hlaw a lak tan niin ei thu dawngna chun a hril.
PHED Minister in a enfel
IMPHAL: Zanikhan PHED Minister T. Manga in Wangkhem A/C sunga Water Supply Schemehai enfelna a nei. PHED Minister hi bieltu MLA le Parliamentary Secretary (MI&IPR) K. Meghachandra le PHED hnuoia Engineers han an zui.
Governor in MUC le MSFTI a hawng
IMPHAL: Manipur Governor, V. Shanmuganathan chun zanikhan Imphal hmunah Manipur University of Culture (MUC) le Manipur State Film Television Institute (MSFTI) hai a hawng. Manipur culture hi a hausa a, mihai ngaisang le ngaihlut a hlaw hle a nih tiin Governor chun a hril. Hi huna hin CM O.Ibobi Singh khawm thangin thuhrilna hun a nei ve.
IAS Officer 3 sin chel sawidanglam
IMPHAL: Department of Personnel and Administrative Reforms, Govt. of Manipur chun zani hmasa khan IAS Officers 3 hai sin chel a sawidanglam. Ms Jacintha Lazarus, DC, Senapati chu Special Secretary (Health) sin chel dinga ruot le a pasal C. Arthur Worchuyo, Director (Education & Chairman, CoHSEM) chu DC, Senapati sin chel dinga sawn a nih. Th. Chitra Devi, Joint Secretary, Hr. & Tech. Education chu Director, Education (U) le Chairman, CoHSEM sin hai chu a sin bakah inchargea chelsa dinga ruot a nih.
Chun, Assistant Director, MPTC, Pangei ni lai mek Y. Ashok Kumar chu Commanding Officerincharge, 6th Bn. Manipur Rifles dinga sawn a nih.
Pawisa lakdawk khap
IMPHAL: State sawrkar sum ngirhmun a that naw leiin hun iemanichena dingin sum lakdawk khap a ni bakah Department tum tum han Cheque an peksuok haia pawisa laksuok khawm khap a nih. Hi khapna hi temporary a nih tiin Finance Department, Manipur hnuoia thawk Officer lien pakhat chun a hril.
Actress le IRCS in umpui an nuom
IMPHAL: Irom Sharmila Chanu in umna ding a neinaw a, ama a nuom phawt chun Mumbai khawpuia ka chengna inah umpui ka nuom tiin Renuka Shahana, Bollywood Film industry le Doordarshan haia actress chun a hril. Renuka Shahana hi Maharashtra mi a nih.
Hiengang bawk hin Indian Red Cross Society (JRCS), Manipur Branch chun Irom Sharmila Chanu hi umna pek an nuom thu an hril. Irom Sharmila Chanu hi JNIMS security wardah a la um mek. Hun iemanichen chu JNIMS a hin a um a la tul ding a nih.
PM inrawinain Kashmir chungthuah all party meeting nei;
Jammu &Kashmir sukhmasawnna dingin Rs. 80,000 crore
NEW DELHI: Zanikhan New Delhiah PM Narendra Modi inrawinain Kashmir buoina chungthuah all party meeting nei a nih. Tulaia Kashmir buoinaah hin mi 50 chuongin thina le mi 5,000 chuongin hliemna an tuok pha tah. Thi le hliem hai hi security forces le mipui inbeituona leia thi le hliem an nih. Kum 1989 a inthawk khan Jammu & Kashmir a hin Police le Security Forces han hand Grenades 90, Grenades 5,000, Light Machine Guns 90, Missile launchers 350 le AK47 silai 34,000 zet helpawlhai kuta inthawk an man ta niin Union Home Minister Rajnath Singh chun a hril. July 8, 2016 khan helpawl Hisbul Mujahideen thuoitu Burhan Wani chu sipai han an kap hlum a, hi leia mipui lungsen han dodalna nasa taka an nei a inthawka buoina hi hung intan le tuchena buoina hi tawp lova fe pei a nih.
Narendra Modi chun, Pakistan Occupied Kashmir (PoK) hi Jammu and Kashmir rambung khat ve a ni a, PoK mihai leh inbiekna nei dinga hmalak a nih. India ram tlawmna dingin inremna um thei naw nih. J&K mipuihai lungril hne le inhmin a tul. Ei Constitution hnuoiah an nuor le phengna thil haiah chun inbiekna nei a, an thu hril khawm ngaitlak ning a tih. Khawvela terrorism do le sukremna dingin ei thangruol a tul a, Selkaltu pawl khawmin an mi thlawp le thangpui ngei khawm ka beisei tiin a hril.
Thina le hliemna tuor hai ta dingin thudika rorel le thudik suisuok a tul. Chu ding chun a suizuina sin sukhrat a tul. Chun, Police station le an hmangruohai khawm siemthat a, a tulai thei ang tak ralthuom pek an tul. Jammu & Kashmir sukhmasawnna dingin sawrkar thlungpui chun Rs. 80,000 crore development package peng a tih tiin Uniuon Home Minsiter Rajnath Singh chun a hril.
RS le LS inthung suktawp a ni tah
NEW DELHI: July 18, 2016 a inthawka Parliament Monsoon Session inthung tana lo um ta chu zanikhan tiemchin um lova suktawp a lo ni tah. Parliament Monsoon session sung hin Lok Sabha le Rajya Sabha haia sittings vawi 20 ve ve a um a, Rajya Sabhaa chun Constitution 122nd (Amendment) Bill 2014 or Goods and Services Tax (GST) Bill thangin government bills 14 passed a nih. Lok Sabha a chun, session sungin bills 14 introduced a ni a, hi laia Bills 13 passed a nih.
Parliament inthung suktawp a ni hmain zanikhan Rajya Sabha le Lok Sabha haia chun Kashmir a buoina suok chungthu, thil man kaisang chungthu le Dalits hai chunga thil ditumlo tlung chungthu hai member han an hriltlang a, LokSabha chun Jammu & Kashmira buoina suok chingfelna dingin resolution passed a nih.
GST Bill pawmpui hmasa tak Assam state
GUWAHATI: Assam Assembly chun, Parliament inpui pahni Rajya Sabha le Lok Sabha han an lo pass tah Goods and Services Tax (GST) bill chu zanikhan an lo pawmpui tah. India rama state hran hran hai laia GST hmang dinga pawmpuitu hmasa tak an nih. GST Bill hi India rama sie (tax) thuhmun lakna ding Bill a ni a, khawvel rambung tam taka chun hiengang fe dan (GST) hi an hmang mek ta a nih. GST Bill hi Parliamentah pass nita sienkhawm Dan (Act) a hmang a hung ni theina dingin India rama state sawrkar zatve (50%) bekin thlawpa an pawmpui a tul a nih.
VAWISUN THUPUI
Tukhawm a nu amanih, a pa a manih tawngse inphurtu chu, A khawnvar chu inthim samupna laia chun herhlum ning a tih. Thuvarhai 20:20
Editorial: Mipui lungril put dan
Tulaia mipui lungril put dan an dik tanaw zie le siemthat a ngai nasatzie ei hriet seng a, ei hril thei seng bawk. Nisienlakhawm a taka insiem tha nuom chu ei um chuong der nawh. Hi hi ei khawvel sukbuoitu tak chu a nih. Ei lungril put hmang (moral) hi a se hne el bakah a tla hnuoi ta hle leiin ei siem tha naw chun mimal, sungkuo, khawtlang, ram le hnam chen khawmin a la siet pha zuol deu deu ding a nih. Ei ram le hnam mamaw em em el tam tak hai laia pakhat chu moral reformation hi a nih. Ei lungril, mipui lungril hi a tuiek nasa ta leiin ei inringhlel vel vawng ta a, a kawi zawngin thil iengkim ei lak ta a. Hi hi ei ram le hnam hmasawn thei nawna san tak niin an lang.
Pawisa hmuna ding a ni phawt chun khel hril pawi ei ti naw a, hnam dang nuhmei le pasala nei ei rin der naw a, dan bawsiet, khel hril, suol thaw hai khawm ei rin naw niin an lang. Duamna lei le ei lungril put dan an dik tanaw leiin mihai sietna ding le thi theina ding hai chen khawm hang thaw el hi pawiti nawna chen ei nei am an ta aw ti thei a ni bawk. Ei inbichieng a, ei lungril put dan hi ei siem that a tul a nih. Ei ram le ei hnam, ei kohran, ei khawtlang le ei sungkuo ta dinga ring tlak ding le entawn tlak ni dinga ei nundan le ei lungril put dan ei siemthat hi ei thaw ding makmaw a nih.
Ei rama mi cheng a tam lem hai hi mi rethei tak tak, lo neia fakzawng, nitina inhlawfa chawp, private company le private institution haia thawk ei ni tawl a, sawrkar sin thaw chu a tlawm lem ei nih. Hieng sa sa khawm hin mani thawsuok le inhmila khawsak ei thiem naw a, ei fak le dawn ding, sungkuo mamaw hran hran, thla khata ei seng ding riruong lawkna (family management) tiengpang khawm ei inchuk a tul khawp el. Ei lungril put dan an dik naw leiin ei nei neka tam hmanga inchei le chet ei hmang leiin harsatna chi tum tum ei tuok pha hlak. Bata thil inchawk le fak ei ching khawm hi ei lungril putdan an dik tanaw lei a nih.
Ei ram sawrkarin mi retheihai thangpuina ding scheme chi tum tum a hung siem a, ei rama ngei khawm thawin a hung um a. Amiruokchu, ei lungril put dan an dik naw leiin chuongang scheme tum tum hai khawm chu a hlawtling a vang hle. A thu le office haia record book haia chun tha takin record um rawi naw nim. Amiruokchu, a taka hmu thei thil ruok chu um naw nih. Mipui lungril indik sienla chu hienganga a mei meia thil thaw hai hi thuneituhai kuomah intlun ei ta, thil indiklo chu an hung siem indik el ding a nih. Amiruokchu, a mipui tiengpang khawma indiknawna ei lo nei hlak leiin sawisel nekin ei thup bopui ni takin an lang. Ei lungril put dan hi an dik tanaw el chau ni lovin a fe suol ta a nih.
Khuo pakhata chun MGNREGA hnuoia Job Card hlaw chu sin thaw lova hlaw lak dingin khawsung Lal in a hang puong chu, Job Card nei mipui chu lawm le hlimin kut an ben dur dur el. Hi thu hi thudik, khel ni lo ei khawsung ngeia thil tlung a nih. Sin thaw lova hlaw lak annawleh thaw lo hlaw lak hi suol a nih. Kristien le piengthar tha inti, Biekin sunga hlima lam lam hlak nupui hai kha a kut ben inring ringin an thang an la ti nawk nghal. Ei lungril put dan le ngaituona hi a lo se hne hle ta a nih ti chu hi taka inthawk khawm hin an hriet thei a nih. Moral reformation ei mamaw takzet ta a nih.
Manipur State Assembly election ei hmasuon nawk mek a. Election ding le inzawma inkhawmna le bufaktlang ti rihai khawm an kat nawk el tah. Politicianhai chun thil thar hril ding tha le danglam bek bek neinaw ni hai a, pawisa sem le pawisa hmanga vote inchawk bawk an hung thaw nawk ngei ring a um. Hi kawngah hin mipui han ei ngaituona fim tak ei hmang ngam a, vote zawr ei bansan ngam nuom a um hle. Election huna pawisa sem le vote inchawk na hi mipui lungril suksetu a ni leiin candidate hai khawma thaw naw hram hai sienla nuom a um hle. Mipui lungril put dan siem tha dinga ei renga ei thangtlang a tul a nih. Mipui lungril an hnuoi chun ram le hnam ngirhmun an sang thei ngai nawh.
CCPUR: August 15, 2016 nia Peace Ground, Tuibuonga District Level 70th India Independence Day lawmna huna mi 88 hai Appreciation Certificate inhlan ning an ta, lal (chief) 33 hai kuoma Red Blanket inhlan ning an tih.
Appreciation Certificate dawngtu ding hai lai T. Hrangkhum, Field Asst., Vety; Sangzuala, Att., Vety; Lalramsan, Attd., Vety; Ms Marie Lalsangliani, Asst. teacher, Seilal JB School; Lalpiengkung, Headmaster, Siden Chongpikot JB School; Lalniropuia, OA, SDO office; Hav. Thangrokhum Joute, 1st IRB, Hq. Veng; Dr. C. Biakdiki, MO, Dist. Hospital; Hrangdawl, F. Asst., Horti; Sangremsiama, Jr. MCS, DC Office; Joicy Lalrinpui, PO, DRDA; Hatthangmawi, Cashier, DRDA hai an thang. Red Blanket dawng ding hai lai Lalsandam, Chief of Thingchom a thang.
Appreciation le Red Blanket dawng ding hai chu program hmangnaah thanga dawng seng dingin DC, CCPur chun an hriettir.
HNA C-in-C dingin Ngamlienzuol
CCPUR: HNA CinC (L) Pu Lalthangsang Intoate hun lo taka a thina leia HNA ro inrelna a fe tluong pei theina dingin Dy. CinC Pu Ngamlienzuol @ Ngama chu HNA CinC dinga ruot le Pu Laltanpui @ Tanpui chu HNA a inthawk KNO a JMG (SoO)cumCentral Working Committee member a ruot a nih. HI thil hi KNO in nguntluk taka a ngaituo hnunga ruot a nih tiin T. Stephen, Secretary, Publicity & Information, KNO chun thusuok a siem. Mipuihai cho lo thlawp seng dingin ngenna a siem bawk.
BPCL hnuoia sin hmu thar
CCPUR: Tv. Daniel Buhril s/o Ruolkhumlien Buhril, IAS, Sielmat, CCPur (tuta New Delhi a um mek) le Tv. Kevin Lalzolien Joute s/o Thangliensang Joute of Rengkai, CCPur hai chun Bharat Petroleum Corporation Limited (BPCL) hnuoiah Management Trainee GroupA sin an hmu thar.
SubDivision haia khawm IDay
CCPUR: August 15, 2016 India Independence Day a vawi 70na chu district level in Peace Ground, Tuibuongah hmang a ni ding bakah CCPur District sunga SubDivisional Hq. 8 ADC Pherzawl, Parbung, Henglep, Thanlon, Singngat, Mualnuam, Kangvai le Patpuihmun haia khawm hmang ning a tih.
Lawmpuina hun an hmang
CCPUR: Kuki Women Organisation for Human Rights (KWOHR) huoihawtnain zanikhan M. Songgel, CCPurah Dr T. Lunkim lawmpuina le UNa fena report ngaithlakna; Kuki Organisation for Human Rights (KOHUR) in United Nation’s a Economic and Social Council (ECOSOC) Special Consultative status a hmu lawmna hun hmang a nih. Hi huna hin KIC President Thangjang Haokip; Ngaineikim Haokip, KWOHR Chairperson, Lal, MDC, KSO, KKL le mipawimaw dang dang an thang.
K.Oil August Quota lak thei
CCPUR: Churachandpur district sunga A/C tin haia August, 2016 Khawnvartui quota lak thei a ni ta a, SubDealers han Dealers hai kuoma inthawk ICard chawiin lak thei a ni tah. 55Parbung in M/s B.B.Lal & Co; 56Thanlon in M/s Pudaite Traders; 57Henglep in M/s ZT & Co; 50CCPur in M/s JHK Agency; 59Saikawt in M/s Pudaite Traders le 60Singngat subdealers in (i) Singngat area M/s JHK Agency le (ii) Sangaikot area M/S ZT & Coah la thei an tih tiin DC chun inhriettirna a siem.
ZYO Moreh in an lo tuok
CCPUR: November 15, 2014 nia Burma Army han an man le hrentang mi 4 hai laia 3 Mr Kaisianmung Zou, s/o Kapkhanthang, Tanglian Village; Khaizakham Vaiphei s/o Khuptinlian, N. Lamka, CCPur le Mr Pausonlian Vaiphei, s/o Kamlal hai chu Indaiyi jail, Kaleymeo a inthawk hung insuo an ni ta a, anni hi ZYO, Moreh in an lo tuok a, Moreh bandh um leiin bandh tawp pha CCPur tieng hung panpui ning an tih tiin Zo People for Human Rights and Empowerment (ZoPHE) Convenor K. Zou chun a hril. An la hung insuo lo Elvis Vaiphei s/o K. William (Shaktiman driver) chu December, 2016 vela an hung insuo beisei a nih.
Burma Army han mi an man rawp hlak leiin India mi hai chu document nei lo chun Burma ram lut lo dingin K. Zo chun mipui hai an hriettir.
2nd Round Natl. Deworming Training
CCPUR: August 17, 2016 khin YPA Hall, Hiangtam Lamka, CCPurah Dist. Health Society hmalaknain 2nd Round National Deworming Campaign, 2016 um nawk a tih. Morning session 10AM12noon inkarin ADC hnuoia teachers le CDPSA hnuoia private school teachers hai training an ta, Evening session 1PM3PM sungin ZEO, Mission Schools, KV/JNV; Special School le play/preSchools haia teachers han training nei an tih.
Aug. 16 chen Police custodya um dingin
CCPUR: April 17, 2016 zantienga Mr Lalthangkhum of Thenmuol hmang lai Activa MN02A6403 Rengkaia inthawk Rukru han an inrukhmang, August 8, 2016 nia Police han Terakhongsangbi hmuna an hmu kir nawkna le inzawmin an rutu Lianchhunga @ Robert (23) s/o (L) Lalrosiama of Thingkangphai le Hemam Ranbir Singh (32) s/o Hemam Jugin Singh of Terakhongsangbi, Bishnupur District hai chu zani hmasa khan Police han an man a. Police han zanikhan CJM, CCPur hmaah an inlangtir a, Court chun August 16, 2016 chen Police custody a la um phawt dingin a rel. Hi thua hin CCPur Police chun FIR No.38(8) 2016 CCPPS U/S 379 IPC an registered.
CCPur Branch in an thlawp ding thu
CCPUR: All Manipur Written Test successfull candidate of Police constable Male2013 (AMWTSCPCM) in an ngenna anga sawrkarin Final result August 15, 2016 chena a thu tiem anga a puong naw leh August 1623, 2016 zanril chena Economic Blockade thaw an tum chu hi AMWTSCPCM2013, CCPur Branch khawmin an thlawp ding thu zanikhan thusuok siemin an puong. Chun, August 14, 2016, 12:30PM in Tuibuong Community hallah AMWTSCPCM CCPur branch chun joint meeting a ko a, member le nu le pa hai thang seng dingin an inhriettir bawk.
DG, AR Manipurah ni 4 sung
IMPHAL: Lt. Gen. HJS Sachdev, Director General, Assam Rifles chu Manipurah a hung inzin a, August 811, 2016 inkar sung kha a cham a, Manipur hmun hran hran a sir kuol a, ARhai sin thaw dan enfelna a nei.
AFSPA dodalnain bu a nghei tan ve ding
IMPHAL: Armed Forces Special Power Act (AFSPA),1958 dodalna le Manipur state pumpuia inthawk hlip dinga ngennain Arambam Ongbi Konthoujam Robita Leima chun August 13, 2016 zing dar 10 a inthawk Keishampat, Imphal hmuna thi chen huomin bu a nghei tan ve ding niin a hril. Robita Leima hi kum 32 a upa, Social activist le writer a nih.
An bandh thaw an hlip tah
IMPHAL: Vawisun Patriots’ Day hmangna ding le inzawmin Dr N. Gyaneshore, Internee, RIMS that tumna le inzawma indin JAC chun hun tiemchin um lova Tiddim Road le Bishnupur district bandh an thaw chu zanita inthawk khan an hlip ta niin JAC Convenor, Ashnikumar Maibam chun Chanchinbumihai an hmupui huna a hril.
School kai loin hlaw a lak
IMPHAL: Wangjing A/C MLA Paonam Brojen nuhmei Paonam Ongbi Shaman Devi, Wangbal Junior High Schoola Zirtirtu chun School kai loin thla tin a hlaw a lak hlak niin ei thu dawngna chun a hril. A pasal hi MLA election nuhnung taka kha thlangtling a ni a, MLA dinga thlangtling a nia inthawk a nuhmei hin School kai lovin a hlaw a lak tan niin ei thu dawngna chun a hril.
PHED Minister in a enfel
IMPHAL: Zanikhan PHED Minister T. Manga in Wangkhem A/C sunga Water Supply Schemehai enfelna a nei. PHED Minister hi bieltu MLA le Parliamentary Secretary (MI&IPR) K. Meghachandra le PHED hnuoia Engineers han an zui.
Governor in MUC le MSFTI a hawng
IMPHAL: Manipur Governor, V. Shanmuganathan chun zanikhan Imphal hmunah Manipur University of Culture (MUC) le Manipur State Film Television Institute (MSFTI) hai a hawng. Manipur culture hi a hausa a, mihai ngaisang le ngaihlut a hlaw hle a nih tiin Governor chun a hril. Hi huna hin CM O.Ibobi Singh khawm thangin thuhrilna hun a nei ve.
IAS Officer 3 sin chel sawidanglam
IMPHAL: Department of Personnel and Administrative Reforms, Govt. of Manipur chun zani hmasa khan IAS Officers 3 hai sin chel a sawidanglam. Ms Jacintha Lazarus, DC, Senapati chu Special Secretary (Health) sin chel dinga ruot le a pasal C. Arthur Worchuyo, Director (Education & Chairman, CoHSEM) chu DC, Senapati sin chel dinga sawn a nih. Th. Chitra Devi, Joint Secretary, Hr. & Tech. Education chu Director, Education (U) le Chairman, CoHSEM sin hai chu a sin bakah inchargea chelsa dinga ruot a nih.
Chun, Assistant Director, MPTC, Pangei ni lai mek Y. Ashok Kumar chu Commanding Officerincharge, 6th Bn. Manipur Rifles dinga sawn a nih.
Pawisa lakdawk khap
IMPHAL: State sawrkar sum ngirhmun a that naw leiin hun iemanichena dingin sum lakdawk khap a ni bakah Department tum tum han Cheque an peksuok haia pawisa laksuok khawm khap a nih. Hi khapna hi temporary a nih tiin Finance Department, Manipur hnuoia thawk Officer lien pakhat chun a hril.
Actress le IRCS in umpui an nuom
IMPHAL: Irom Sharmila Chanu in umna ding a neinaw a, ama a nuom phawt chun Mumbai khawpuia ka chengna inah umpui ka nuom tiin Renuka Shahana, Bollywood Film industry le Doordarshan haia actress chun a hril. Renuka Shahana hi Maharashtra mi a nih.
Hiengang bawk hin Indian Red Cross Society (JRCS), Manipur Branch chun Irom Sharmila Chanu hi umna pek an nuom thu an hril. Irom Sharmila Chanu hi JNIMS security wardah a la um mek. Hun iemanichen chu JNIMS a hin a um a la tul ding a nih.
PM inrawinain Kashmir chungthuah all party meeting nei;
Jammu &Kashmir sukhmasawnna dingin Rs. 80,000 crore
NEW DELHI: Zanikhan New Delhiah PM Narendra Modi inrawinain Kashmir buoina chungthuah all party meeting nei a nih. Tulaia Kashmir buoinaah hin mi 50 chuongin thina le mi 5,000 chuongin hliemna an tuok pha tah. Thi le hliem hai hi security forces le mipui inbeituona leia thi le hliem an nih. Kum 1989 a inthawk khan Jammu & Kashmir a hin Police le Security Forces han hand Grenades 90, Grenades 5,000, Light Machine Guns 90, Missile launchers 350 le AK47 silai 34,000 zet helpawlhai kuta inthawk an man ta niin Union Home Minister Rajnath Singh chun a hril. July 8, 2016 khan helpawl Hisbul Mujahideen thuoitu Burhan Wani chu sipai han an kap hlum a, hi leia mipui lungsen han dodalna nasa taka an nei a inthawka buoina hi hung intan le tuchena buoina hi tawp lova fe pei a nih.
Narendra Modi chun, Pakistan Occupied Kashmir (PoK) hi Jammu and Kashmir rambung khat ve a ni a, PoK mihai leh inbiekna nei dinga hmalak a nih. India ram tlawmna dingin inremna um thei naw nih. J&K mipuihai lungril hne le inhmin a tul. Ei Constitution hnuoiah an nuor le phengna thil haiah chun inbiekna nei a, an thu hril khawm ngaitlak ning a tih. Khawvela terrorism do le sukremna dingin ei thangruol a tul a, Selkaltu pawl khawmin an mi thlawp le thangpui ngei khawm ka beisei tiin a hril.
Thina le hliemna tuor hai ta dingin thudika rorel le thudik suisuok a tul. Chu ding chun a suizuina sin sukhrat a tul. Chun, Police station le an hmangruohai khawm siemthat a, a tulai thei ang tak ralthuom pek an tul. Jammu & Kashmir sukhmasawnna dingin sawrkar thlungpui chun Rs. 80,000 crore development package peng a tih tiin Uniuon Home Minsiter Rajnath Singh chun a hril.
RS le LS inthung suktawp a ni tah
NEW DELHI: July 18, 2016 a inthawka Parliament Monsoon Session inthung tana lo um ta chu zanikhan tiemchin um lova suktawp a lo ni tah. Parliament Monsoon session sung hin Lok Sabha le Rajya Sabha haia sittings vawi 20 ve ve a um a, Rajya Sabhaa chun Constitution 122nd (Amendment) Bill 2014 or Goods and Services Tax (GST) Bill thangin government bills 14 passed a nih. Lok Sabha a chun, session sungin bills 14 introduced a ni a, hi laia Bills 13 passed a nih.
Parliament inthung suktawp a ni hmain zanikhan Rajya Sabha le Lok Sabha haia chun Kashmir a buoina suok chungthu, thil man kaisang chungthu le Dalits hai chunga thil ditumlo tlung chungthu hai member han an hriltlang a, LokSabha chun Jammu & Kashmira buoina suok chingfelna dingin resolution passed a nih.
GST Bill pawmpui hmasa tak Assam state
GUWAHATI: Assam Assembly chun, Parliament inpui pahni Rajya Sabha le Lok Sabha han an lo pass tah Goods and Services Tax (GST) bill chu zanikhan an lo pawmpui tah. India rama state hran hran hai laia GST hmang dinga pawmpuitu hmasa tak an nih. GST Bill hi India rama sie (tax) thuhmun lakna ding Bill a ni a, khawvel rambung tam taka chun hiengang fe dan (GST) hi an hmang mek ta a nih. GST Bill hi Parliamentah pass nita sienkhawm Dan (Act) a hmang a hung ni theina dingin India rama state sawrkar zatve (50%) bekin thlawpa an pawmpui a tul a nih.
VAWISUN THUPUI
Tukhawm a nu amanih, a pa a manih tawngse inphurtu chu, A khawnvar chu inthim samupna laia chun herhlum ning a tih. Thuvarhai 20:20
Editorial: Mipui lungril put dan
Tulaia mipui lungril put dan an dik tanaw zie le siemthat a ngai nasatzie ei hriet seng a, ei hril thei seng bawk. Nisienlakhawm a taka insiem tha nuom chu ei um chuong der nawh. Hi hi ei khawvel sukbuoitu tak chu a nih. Ei lungril put hmang (moral) hi a se hne el bakah a tla hnuoi ta hle leiin ei siem tha naw chun mimal, sungkuo, khawtlang, ram le hnam chen khawmin a la siet pha zuol deu deu ding a nih. Ei ram le hnam mamaw em em el tam tak hai laia pakhat chu moral reformation hi a nih. Ei lungril, mipui lungril hi a tuiek nasa ta leiin ei inringhlel vel vawng ta a, a kawi zawngin thil iengkim ei lak ta a. Hi hi ei ram le hnam hmasawn thei nawna san tak niin an lang.
Pawisa hmuna ding a ni phawt chun khel hril pawi ei ti naw a, hnam dang nuhmei le pasala nei ei rin der naw a, dan bawsiet, khel hril, suol thaw hai khawm ei rin naw niin an lang. Duamna lei le ei lungril put dan an dik tanaw leiin mihai sietna ding le thi theina ding hai chen khawm hang thaw el hi pawiti nawna chen ei nei am an ta aw ti thei a ni bawk. Ei inbichieng a, ei lungril put dan hi ei siem that a tul a nih. Ei ram le ei hnam, ei kohran, ei khawtlang le ei sungkuo ta dinga ring tlak ding le entawn tlak ni dinga ei nundan le ei lungril put dan ei siemthat hi ei thaw ding makmaw a nih.
Ei rama mi cheng a tam lem hai hi mi rethei tak tak, lo neia fakzawng, nitina inhlawfa chawp, private company le private institution haia thawk ei ni tawl a, sawrkar sin thaw chu a tlawm lem ei nih. Hieng sa sa khawm hin mani thawsuok le inhmila khawsak ei thiem naw a, ei fak le dawn ding, sungkuo mamaw hran hran, thla khata ei seng ding riruong lawkna (family management) tiengpang khawm ei inchuk a tul khawp el. Ei lungril put dan an dik naw leiin ei nei neka tam hmanga inchei le chet ei hmang leiin harsatna chi tum tum ei tuok pha hlak. Bata thil inchawk le fak ei ching khawm hi ei lungril putdan an dik tanaw lei a nih.
Ei ram sawrkarin mi retheihai thangpuina ding scheme chi tum tum a hung siem a, ei rama ngei khawm thawin a hung um a. Amiruokchu, ei lungril put dan an dik naw leiin chuongang scheme tum tum hai khawm chu a hlawtling a vang hle. A thu le office haia record book haia chun tha takin record um rawi naw nim. Amiruokchu, a taka hmu thei thil ruok chu um naw nih. Mipui lungril indik sienla chu hienganga a mei meia thil thaw hai hi thuneituhai kuomah intlun ei ta, thil indiklo chu an hung siem indik el ding a nih. Amiruokchu, a mipui tiengpang khawma indiknawna ei lo nei hlak leiin sawisel nekin ei thup bopui ni takin an lang. Ei lungril put dan hi an dik tanaw el chau ni lovin a fe suol ta a nih.
Khuo pakhata chun MGNREGA hnuoia Job Card hlaw chu sin thaw lova hlaw lak dingin khawsung Lal in a hang puong chu, Job Card nei mipui chu lawm le hlimin kut an ben dur dur el. Hi thu hi thudik, khel ni lo ei khawsung ngeia thil tlung a nih. Sin thaw lova hlaw lak annawleh thaw lo hlaw lak hi suol a nih. Kristien le piengthar tha inti, Biekin sunga hlima lam lam hlak nupui hai kha a kut ben inring ringin an thang an la ti nawk nghal. Ei lungril put dan le ngaituona hi a lo se hne hle ta a nih ti chu hi taka inthawk khawm hin an hriet thei a nih. Moral reformation ei mamaw takzet ta a nih.
Manipur State Assembly election ei hmasuon nawk mek a. Election ding le inzawma inkhawmna le bufaktlang ti rihai khawm an kat nawk el tah. Politicianhai chun thil thar hril ding tha le danglam bek bek neinaw ni hai a, pawisa sem le pawisa hmanga vote inchawk bawk an hung thaw nawk ngei ring a um. Hi kawngah hin mipui han ei ngaituona fim tak ei hmang ngam a, vote zawr ei bansan ngam nuom a um hle. Election huna pawisa sem le vote inchawk na hi mipui lungril suksetu a ni leiin candidate hai khawma thaw naw hram hai sienla nuom a um hle. Mipui lungril put dan siem tha dinga ei renga ei thangtlang a tul a nih. Mipui lungril an hnuoi chun ram le hnam ngirhmun an sang thei ngai nawh.
