Responsive Ad Slot

Patpuihmun Khawsuok Nuhmei Inzawmkhawm (PKNI) hai buotsai ‘DIRECTORY’ hawng

Saturday, August 13, 2016

/ Published by VIRTHLI
CCPUR, August 13, 2016, Virthli (ONP): Hun sawt taka inthawka Patpuihmun Khawsuok Nuhmei Inzawmkhawm (PKNI) haiin an buotsai Phone Directory chu vawituk dar 10:30AM khan Rengkai Govt. Hr. Sec. School ah hawngna hunser hmang a nih.

Hun hawng tawngtaina Rev. Roparlien-in a nei zoin hun hmang tan nghal a nih. Chief Guest Upa Lalruotsang Pulamte in ‘Directory‘ hi hawngna hun a nei a. Directory buotsai theia a um chu lawmum a ti thu hrilin, Patpuihmun khawsuok hmun tin le ram tina cheng ha’n Directory hi an tangkai pui ngei a beisei thu hai a hril a. Thuhrilna a nei zoin PKNI hai thilpek inhlanna a nei.




Hi huna Functional President Pu Glory Wilson a nuhmei, Pi Hmangaikim khawma thuhrilna hun neiin thilpek inhlanna a nei ve.

Hi huna hung thang ve nuhmei Kum 60 chung tieng,mi 11 hai chu Patpuihmun Khawsuok Nuhmei Inzawmkhawm haiin chawimawina thilpek inhlanna an nei.

Hi hunser hi Upa L. Thanzam Amo, Pu Lalthleilien Amo (Retd. Headmaster) le Pu Lalneikung Pudaite, Social Worker hai khawma uop vein thuhrilna hun an nei.



Lawmthu hrilna Pu T. Siemlien, Adviser, Patpuihmun Nuhmei Inzawmkhawm (PKNI)- in a nei a. Pastor Ralsunthang in hun khar tawngtaina nei zoin refreshment tuihnai takel kiltlang a nih.
Don't Miss
© all rights reserved
made with by Simon L Infimate