Responsive Ad Slot

SHDC term pawtsei; HPC (D) le Mizoram Sorkar inrem raw hai se ~Tawnluia Sr. Vice President MNF

Friday, April 15, 2016

/ Published by VIRTHLI
Aizawl, April 15, 2016 (VIRTHLI): Mizoram Governor chun June ni 1, 2016 a inthawk May 31, 2017 chen a dingin Sinlung Hills Development Council (SHDC) term chu a pawtsei. SHDC Chairman le member-hai term khawm hi hunsung a ding hin an term a pawtsei nghal bawk a nih.

HPC (D) le Mizoram Sawrkar hin dawkan khat kila inbiekremna lawmpui zawng dingin a kaw tieng tieng khawm nisien kan phut a, Khaw 31-a Village Council inthlang thei lo va a um hnunga inthlangna buotsai a ni ding hi lawmum kan ti lai zingin inthlangna thienghlim le felfai a um theinan a tawp chenin Mizoram Sawrkar hin Law & Order kengkaw tha raw se tiin Pu Tawnluia, MNF Sr. Vice President chun a hril.


Hi thu hi vawisun Mizo Hnam Run inkhawmnaa a hril a nih. Home Minister hlui Pu Tawnluia chun Mizoram Hmar tieng helpawl silai chawi an um a nih ti hre zing sia Village Council inthlangna venghim zo lo va Congress Sawrkar chu an tum a, vawitam tak ralmuong lo ani thu kan khek puia,  Congress Sawrkar chun hi lai mipui hai sahimna a ngaitha thu a hril a, HPC(D) tiengin inbiek an nuom khawma Mizoram Sawrkar tieng hrilchier an nei tlat leiin inbiekna a um thei nawa, hi thil hi a remhriet naw thlak kan tia, inbiekna um hmasa phawt ata, inremna lampui chu a hung inhawng lem ding a nih tiin a hrilsa bawk a nih.

MNF Sr. Vice President chun HPC(D) Demand Area chu Mizoram sawrkarin ‘Ram buoi’ (Disturb Area)-ah puong a lo tum tah thu a hril a. MNF chun kan phal nawa, sum lam na dinga Mizoram hmar tieng Area hmang hi kan phal thak nawa, kan ditnaw thu nasa taka kan kheksuok pui hnunga Sawrkar chun a fethlengpui ngam ta naw nih tiin a hril.

Zohnahthlak hai inzawmkhawm chungchang hrilin, Pu Tawnluia chun MNF hin Zonauhai ram hrang hrang, tlang hrang hranga kan um le thedara kan um hi tha kan ti nawa, insuihkhawm nawkna dinga thang la hmasa tak kan nia, Pu Laldenga rawiin MNF indin a ni khan Zonauhai rorelna pakhat hnuoia um thei na dinga hmalak kha kan thil tum bulpui tak, vawisunni chena khawma MNF party Constitution-a la chuong le kan hmalakna fe mek a nih ati bawk.

Pu Tawnluia chun, “Mi tu haiin amanih Mizo II" tia hril an um hlak chu, MNF chun a ngaithei nawa, Zohnahthlak hnam peng hrang hrang hai laia inhmuthiemnawna a um kan remti nawa, angkhat seng ei nia, ramri haiin mi daidan sien khawm, ei inunauna le lungrilah ramri khang amani, inthedarna um remti ngai nawng kan tih tiin a hril.

Don't Miss
© all rights reserved
made with by Simon L Infimate