ICI Central KTP khawmpuilien Delhiah
CCPUR: April 79, 2016 inkar sung khin “Unchanging Word in a Changing World” (Khawvel danglam zing laia danglam ve ngai lo Pathien thu) ti thupui hmangin 32nd ICI Central Kristien Thalai inkhawmpuilien New Delhi hmuna hmang ning a tih. ICI Tuithaphai Presbytery a inthawk hi khawmpuia thang ding thalai pawl mi 170 vel ding hai chun zanikhan Bus 3 a chuongin Guwhati an pan a, Rev Lalramlawm, ICI Tuithaphai Presbytery Secretary in Sielmata inthawk tawngtainain an thla suok. Guwahati a intahwk Delhi an pan ding a nih.
Khawmpui hi hmun pahni All India Prayer Fellowship, Mission Hospital Road, Sahurpur, Fatehpurberi, Chhatarpur le Weightlifting Auditorium, Jawaharlal Nehru Stadium, Lodhi Colony haia hmang ding a ni a, khawmpui sunga thuhriltu ding hai chu Rev. Lalneikhup Hmar,Secretary Finance, ICI; Rev. Lalhmingthang, Secretary Evangelism, ICI; Rev. Lalrohlu, Secretary Hmarbiel South Presbytery, ICI; Rev. H.P Runremthang, YCO & EvangelistAtLarge, ICI; Upa Dr. Zawlthanglien,Vice Chairman CKTP, ICI le Rev. Vijayesh Lal, Gen. Secretary, EFI hai ning an tih. Malzaia inruolsiekna (Rev. Thangngur Music Award) le Hlapawla inruolsiekna (Pu Buonglienkung Music Award) hai nei ni bawk a tih.
T.Vaiphei in Tripura HC CJ a chel ding
CCPUR/ AGARTALA: Tripura High Court Chief Justice Mr Deepak Kumar Gupta chu Chhattisgarh High Court Chief Justice dinga sawn a ni leiin Guwahati High Courta Judge senior tak dawttu Justice T. Vaiphei chun Mr Gupta thlakthlengin Tripura High Court Chief Justice a hung chel ding niin ei thu dawngna chun a hril.
Free Medical Camp a um ding
CCPUR: April 7, 2016 khin District Health Society, CCPur huoihawtnain Khousabung villageah “World Health Day Celebration 2016’ le inzawmin Free Medical Camp um a tih. Hi huna hin Dr Jire L. Pudaite, MO; Dr Bellamy Kom, MO le Dr Robinson Lalnunpuia, MO han mipui hai hriselna enfel an ta, Mrs Ebemhal, Nurse; Kopsochong, Nurse; Niangbiaklun, Pharmacist le Mannaseh, Office Assistant han thangpui an tih. Medical Campa fe ding hai hi April 7, 2017, 8:00AM in CMO Officea inthawk suok an tih. Damdawi mamaw hai kuoma a thlawnin damdawi sem ni bawk a tih.
Thadou Festivalah CM khuollienin a thang ding
CCPUR: Ngahman, Sadar Hillsa April 68, 2016 inkar sunga ‘My Culture, My Identity’ ti thupui hmanga Thadou Cultural Festival um dinga thang dingin zanikhan Thadou Student Assn./CCPur;Thadou Women Assn./CCPur; Thadou Inpi/CCPur le Thadou Cultural Troupe han CCPur suoksanin Sadar Hills an pan. Janghen Haokip,Finance Secy. Thadou Inpi/CCPur in tawngtainaa inthlain a vailiem.
April 6, 2016 hin Manipur CM O.Ibobi Singh chun khuolliena thangin Festival hi hawng a ta, Guest of Honour in Yamthong Haokip, MLA; Functional President in Nemcha Kipgen, MLA hai thang an tih. Chun, April 7, 2016, 10AM a prog. hmang huna Mr Zoramthanga, President, Mizo National Front khuolienin thang a ta, Demmang Thadou, ExPresident, Thadou Inpi GHQ le YT James Thadou, President, Thadou Inpi GHQ hai guest of honour le functional president in thang an tih.
Sun dar 2 a Seminar huna Col. Sanjay Kumar, CO, 25Assam Rifles khuolienin thang a ta, April 8, 2016 in Gaikhangam, Dy. CM khuollienin thang a ta; Phungzathang Tonsing, Health Minister le Ngamthang Haokip, IFCD minister hai guest of honour le functional president in thang bawk an tih. Sun dar 2 seminar huna Brig. Jeetender Ohri, Commander 59 MT Brigade, Senapati chief guest in thang a tih.
Skill Fair (KAUSAL MELA) hun
CCPUR: General Manager, DIG, CCPur chun zanikhan inhriettirna siemin Skill Fair (KAUSAL MELA) nei hun ding a hnuoia ang hin sukdanglam a nih.
Food Process Seminar, Buyers and Sellers Meet, Banker Meeting with Farmers, Skill Exhibition etc. chu April 8, 2016, 9:00AM a inthawk khin City Convention Building, Palace Gate, Imphal hmuna nei ning a tih. Chun, MELA Ground foundation lung phumna (by Central Govt.delegates) chu April 9, 2016 (Inrinni) 9AM khin Lambui Khongnangkhong,Uripok, Kangchup Road, Imphalah nei ning a tih.
Hieng hun haia hin Aromatic & Medicinal Plantation farmers, trade tum tuma Loan hnituhai, Entrepreneurship Trainees le Master Trainers hai chu thang seng dingin GM, DIC/CCPur chun ngenin an hriettir a, ID proof dingin document pakhat tak chawi dingin an hriettir bawk.
DC rawiin meeting
CCPUR: April 6, 2016, 11:00AM hin DC Officeah DC, CCPur inrawinain a office chamberah District Task ForceImmunization Committee member han Indradhanush Phase –III (RoundI) le National Switch Day 2016 sinthawna le inzawmin meeting nei an tih. Hi huna hin Mission Indradhanush PhaseIII (RoundI) April 714, 2016 inkar nei ding le April 25, 2016a National Switch Day hmang dan ding hriltlang an tih.
PM in “Stand Up India Scheme” thawna ding a hawng; thalai 1.25 lakh hai kuomah loan pek ding
NOIDA: Zanikhan Noida, Uttar Pradesh ah Dalit thuoitu le Deputy Prime Minister Babu Jagjivan Ram piengchampha le inzawmin vantlang inkhawm huoihawt a ni a, hi huna hin Prime Minister Narendra Modi in “Stand Up India Scheme” thaw tanna ding a hawng bakah erickshaws 5,100 zet a vai liem. Hi huna hin Uttar Pradesh Governor Ram Naik, Union Finance Minister Arun Jaitley, Union Minister of state for Culture and Tourism, Mahesh Sharma le BJP MPhai khawm an thang tawl.
Hi Scheme fe thlengin 1.25 lakh Banks han thalai, a bik takin nuhmei, Scheduled Castes le Scheduled Tribes 1.25 lakh hai kuomah loan peng an ta, loan an lak thei ding zat chu Rs. 10 lakh a inthawk Rs.1 crore inkar ning a tih tiin PM Narendra Modi chun hi huna mipui pungkhawmhai hmaa thu a hril huna a hril. Bank Branch po poin hiengang loan hi pahni seng bek an pek ding a ni a, sumdawngtu mi 2.5 lakh vel hung siem a ta, hi scheme hi sin siemtu le petu a hung ni ding a nih tiin Modi chun a hril bawk. Hi huna hin PM chun Pradhan Mantri Mudra Yojana hnuoia schemes hai hlawkpuitu mi 5100 hai kuomah erickshaw chabi an hlan nghal bawk.
Uttar Pradesh hi Dalit or tribal hai tamna ve a ni a, Dalit MP khawm 17 zet an um a nih. Kum 2014 a Lok Sabha election a khan Uttar Pradesh a Lok Sabha seats 80 um hai laia seats 71 zet el BJP in an chang a nih. Uttar Pradesh Assembly Election chu kum tahra nei ding a ni a, mi thenkhat chun BJP chun hi thil hi an vote campaign tanna pakhat ve niin an hril. BJP chun Uttar Pradesh a hin thla liemtaa intahwk khan vote zawngna sin hi tan dingin an lo insingsa tan ta hrim a nih.
CM le Dy. CM han New Delhi an pan
IMPHAL: Manipur Chief Minister O.Ibobi Singh le Dy.Chief Minister Gaikhangam hai chun All India Congress Committee (AICC) thuoituhai inhmupui dingin zani zantieng khan Imphal suoksanin New Delhi an pan niin ei thu dawngna chun a hril a. Tulaia Manipura Dissident Congress MLA hai leia harsatna um chungthua Central thuoituhai inhmupui dinga Delhi fe niin a hril bawk.
Manipur Pradesh Congress Committee (MPCC) President thar T.N.Haokip chu zani hmasa khan New Delhi a lo tlung tah. Manipur Politics ngirhmun thuah vawisun hin AICC thuoitu hai an inhmupui ding niin ei thu dawngna chun a hril. Manipur Politics chungthu bakah May thlatawpa Imphal Municipal Council Election hung um ding chungthu khawm hi huna hin an hriltlang el thei niin ei thu dawngna chun a hril bawk.
Thlawptu MLA an hau lem niin an hril
IMPHAL: Manipura Congress sawrkar minister ni lai mekhai chun dissident Congress MLAhai nekin thlawptu MLA an hau lem niin an hril. Congress MLAs 48 um hai laia MLA 26 in an thlawp niin an hril. Congress Legislature party (CLP) member 26 zetin ministry sawidanglam lo dingin Congress High Command kuomah ngenna lekha an pek niin an hril.
NH39 ah darkar 24 bandh
IMPHAL: Pampha Rai nunrawng taka suollui le that a nina le inzawma JAC indina um chun zani zan dar 6 a inthawk khan darkar 24 sung aw NH39 ah bandh an thaw tan a, hi bandh hin vawizan dar 6 chen awng a tih. Pampha Rai le a thattu Pallujam Jameson hai hi TATA Company a thawk ve ve, an thawkna hmuna inhrie le inngaizawng, innei dinga inhuolna (engagement ceremony) chen nei ta niin Pampha Rai unu Mina Chhettri (37) chun a hril.
MOBC Office khar dingin
IMPHAL: Tuta intahwk haptakar khat sunga MOBC in studenthai kuoma Scholarship a pek ding hai an bank Account sengah a sielut peknaw chun April 12, 2016 a inthawk MOBC Office an khar ding niin AMSU thusuok chun a hril. Scholarship pek lova la um hi kum 201314 le kum 201415 Academic Session a mihai la niin AMSU chun an hril.
India rama Rel hrat tak Gatiman Express vailiem
NEW DELHI: India rama SemiHigh Speed Train hmasa tak Gatimaan Express chu zani zingkar khan Railway Minister Suresh Prabhu in Nizamuddin Railway stationa inthawk a vailiem. Gatimaan Express hin minutes 100 sungin Agra a tlung hman. NizamuddinAgra Gatiman Express Rel hi darkar khatah km. 160 a hla tlan tlung thei le darkar khat le minute 40 sung km. 200 a hla tlan tlung thei a nih. Hi rel hi NizamuddinAgra le AgraNizamuddin inkarah kar khatah vawi 6 tlan hlak a ta, air contitioned Chair Car chuongman Rs.750 le executive class chuongman Rs. 1,500 ning a tih. Nizamuddin a inthawk 8.10AM in suok a ta, 9:50AM in Agra tlung hlak a tih. Chun, zantieng 5:50PM in Agra a inthawk suokin 7:30PM in Nizamuddin tlung hlak a tih.
Bihar Cabinet in zu khap hmak dingin
PATNA: Zanita Bihar CM Nitish Kumar inrawinaa Cabient meeting chun Bihar state sunga Zu hrim hrim khap hmak (total ban) dingin a rel. Municipal le Town Council Areas haia chun zanita inthawk khan India Made Foreign Liquor (IMFL) zawr le dawn khapna hi hmang tan a nih. Bihar sawrkar chun April 1, 2016 a inthawk khan country made liqour hai a lo ban tan ta a, tuhin chu Zu hrim hrim zawr khap hmak a hung ni ta ding a nih. Tuchena hin Zu 13 lakhs litres vel le mi iemanizat man an ni tah tiin Mr Nitish Kumar chun a hril.
Sungkuo pakhata mi 5 Sai in a sir hlum
TEZPUR: Assama Biswanath Chariali district, Arunachal Pradesh le ramri lai zani hmas zan khan Sai in ni 9 vel chaua upa naute pakhat thangin sungkuo pakhata mi 5 a sir hlum niin forest official thusuok chun a hril. Sungkuo pakhata mi 6 hai imu inhnik taka an in lai an riekna in/rawbawk a hung sir a, chu huna mi 5 hai hi a sir hlum an ni a, naupang pakhat kum 3 mi chu him le damin Thandapani a tlan lut. Saiin a sir hlum hai chu Maji Murmu (35) le a nuhmei Suny Kimbu, an nauhai Lakhi Murmu (10), Mohagini Murmu (5) le naute thla 9 mi hai an nih. All Adivasi Students Association (AAS) le AATSA chun hi thil tlung thua forest dept. chunga an lungawinawzie suklangnain zanikhan Behali hmuna darkar khat lai zet lampui an dang pha.
UKPLA hotu 2 man an nih
DIPHU: Zanikhan Assama Karbi Anglong district sunga Reshakhidi area hmuna United Karbi Peoples Liberation Army (UKPLA) Finance Secy. Bikash Timung @ Chinthur Dera le general Secretary Ranjit Hanse @ Chingri hai an man niin Dist. SP Debojit Deuri chun a hril. An kuta inthawk point 22 Pistol 1 le a mu 20; point 32 pistol 1 le a mu 15 an mansa bawk.
Assama bomb puokah mi 3 an thi
GUWAHATI: Zani hmasa zan dar 7 vel khan Assama Goalpara district sunga Dudhnoi Tinialia hmuna bomb a pok a, mi 3 an thi bakah midang 20 an hliem. Hliem hai lai hin Police 3 an thang a, hospital panpui an ni tawl. ADGP SN Singh chun, bomb puok hi election le inzawmna nei lo, misuol hai chetna a nih tiin a hril.Chun, zanikhan Goalpara districtah Zira hmunah helpawl pakhat Police han an kap hlum a, a kuta inthawk ralthuom an man bawk.
Thli, Ruo le Rielin In tam tak a suksiet
AIZAWL: Zani zantienga thli le ruo inthuoa a hrang le sur khan Mizorama Champhai district sunga Tualcheng khuoa chun In 8 a suksiet bakah Lungphunlian khuo a chun Riel in In 40 vel chengna tlak lovin a suksiet a, thi le hliemna ruok ruok chun an um naw niin ei thu dawngna chun a hril.
Ei thu dawngnain a hril danin Tualcheng khuoa Kohran In pakhat inchung thliin a mut hawk chun mihriem chengna in 4 zet a suksiet niin a hril. Hnahlan le khaw dang dang haia khawm thli hrangin In a suksiet nuol nia hril a ni bawk.
Petrol le Diesel man sukpung
NEW DELHI: April 4, 2016 zanrila inthawk khan India rama chun Petrol le Diesel man sukpung a nih. Petrol chu litre 1ah Rs. 2.19 a sukpung a ni a, Diesel chu litre 1ah paise 98 a sukpung a nih tiin Indian Oil Corporation (IOC) thusuok chun a hril. Hi dungzui hin Delhia chun petrol litre 1ah Rs. 61.87 le Diesel chu litre 1ah Rs. 48.33 a hung ni ta ding a nih. Khawvel pumpuia thautui man kaisang leia sukpung a nih.
President in Natl. Geoscience Award a sem
NEW DELHI: President Pranab Mukherjee chun zani zantieng 1PM khan Rashtrapati Bhavan, New Delhi hmunah Natinal Geoscience Award2014 a sem. Awards hi scientist 31 hai kuoma inhlan an nih. A.K. Singhvi, Honorary Professor, PRL Ahmedabad chu Award for Excellence le Dr Indra Kumar Sen, Asst. Professor, IIT, Kanpur chu Young Scientist Award inhlan an nih. Hi Award hi a hma chun National Mineral Awards ti a ni a, fundamental and applied geosciences and mining le allied fields a sin thaw tha hai chawimawina dinga kum 1996 a indin a nih.
Mehbooba in a minister hai portfolio ding a sem
JAMMU: Zani hmasaa Jammu & Kashmir nuhmei Chief Minister hmasa tak dinga intiemkamna nei Ms Mehbooba chun a council of ministers hai sin (porfolio) ding a sem a, Home, General Administration Dept., Tourism, Planning, Information, Hospitality and Protocol, Civil Aviation le minister dang in an chel lo hai ama in a chel. Dy. Chief Minister Dr Nirmal Singh chun Power Development le Housing and Urban Development Dept. hai a chel.
Minister tamlem hai chu sawrkar hmasaa an sin chel pangngai pek nawk an ni a, BJP a inthawk minister a laklut thar Sham Choudhary chu PHE, Irrigation & Flood Control pek a nih.
VAWISUN THUPUI
“Ka nu phing sunga inthawkin saruokin ka hung suok a, saruok bawkin kir nawk ka tih; Lalpa chun a pek a, Lalpa chun a lak hmang nawk tah a ni chu; Lalpa hming chu inpakin um raw se,” a ta. ~ Job 1:21
Editorial: A tawp chena thang
Football ei inkhel a, an khel tiengpanga chun ei hne taluo a, goal thun ding chance khawm ei hau, nisienlakhawm goal ei thun tlat naw chun a tawpah a hrat lo ei ni tho tho hlak. Hiengang bawk hin mihriem hringnuna khawm hin hringnun game inkhel tha hlein inhre hlak inla khawm ei hringnun ler tieng ei hmang tha chuong si naw chun a tawpah boralna tho a hung intlun hlak. Mihriem hringnun hi a bul le a lai a chen chauva hmang that ding a ninaw a, a tawp rawta hmang that ding a nih. Chuong a ninaw chun pa tha le fel tak ni hlak kha ei thi ni a chun a hun tawp tieng a hmang tha naw a, a pawi khawp el ti ei hlaw tho tho ding a nih. Hming tha deuva thi ding kha hming se taka um thei le thi thei a nih. Hi lei hin a bul tan that chau ni lova a tawp rawta thaw that le nun hmang that hi a pawimaw bek bek a nih.
Vawisun hin a tha le fel tak ei ninaw el thei, result tha tak ei neinaw el thei, mi vangnei tak le mi hmingtha tak ei ninaw el thei. Hlawsam chan tlungin, ei nunah harsatna tuokin beidawng rum tum chan ei chang el thei. Ei ruolhai, ei lekha inchukpui han sin tha le insang tak chelin tluk lo le phak lo rieuin ei inngai a ni el thei. Chu chun ei nunah depression nasa tak intlunin, mani le mani insitna le lungril hadamnawna an tlun el thei. Nisienlakhawm, beidawng lovin bei fan fan inla, a tawpah hlawtlingna tha tak ei la nei thei a nih. Tuta ei nina neka tha hi ei hmaah a lo um mek a nih ti hi hriet tlat ding a nih.
Abraham Lincoln America President a hung nina dinga a lampui hraw kha a namei naw hle, hlawsamnain a hne thei lo, vawi tam tak hlawsam sienkhawm beidawng nuom der lova a beina chun midum zalenna a hung intlun a, vawisunni a US President khawm midum or mihang a la ni hiel a nih. Khawvela misuol turu le hmingthang Nicky Cruz ei hriet. Khawvelah hmangaitu nei lova an hrietna chun a sukbeidawng a, nunin umzie neiin a hriet naw a, tuolthat chaknain a sip a, thisen lumin a dang a char a nih. Nisienlakhawm Isu a hung hriet suok meu chun khawvela Pathien thu hriltu ropui hai laia pakhat a hung ni thei a nih. A hun tawp tieng a hung hmang tha leiin a chanchinin mihai lungril a hne em em a, a hun ler tieng hi a hluin ngaisang a hlaw a, a hun hmatieng a suolna po po chu a hun nuhnung tha tak chun a hung inkhum hmang vawng ta a nih.
Khawvela mi ropui le hmingthang tak tak hai lai an hun tawp tieng ditum lo le inhnar um der lo hril ding le hriet ding an um nuol el. Adolf Hitler kha a hun lai na na na chun pa ropui le thil thawthei takel, a ke pen ringawt khawmin khavel hi a sukhning thei hiel tia hril a nih. German mihai hi khawvel roreltu ding kan nih ti changchawiin Nazi party a hung indin a, Indopui pahnina a hung chawksuok a ni kha. Nisienlakhawm, a hun tawp tieng khan chu inhnar a um der nawh. Beidawngin ama le ama an kap hlum a ni kha. Saddam Hussein chun Iraq ramah ropui takin an lalna a hrat a, sienkhawm inhawi muolah a dak naw a, a hun tawpah chun muolpho taka khai hlum a nih. Hieng mi ropui pahni haia inthawk khawm hin a bul tieng chau ni lova mani hun tawp tieng chen hmang that a tulzie chieng em emin an lang a nih. Mihriem hringnuna hin a bul tieng chau ni lo, a tawp chena thaw that a tul a nih.
Vawisuna ei um dan hin ei future iemani chen hril sienkhawm ei hringnun hmawr bawkna a la ni nawh ti ei hriet a pawimaw hle. Thalai lekha thiem tak niin, result tha tak nei ei ni el thei, chu taka lungawia dittawk el ding ei ni naw a, mi hlawtling le hmangtlak ni ngei tum ding a nih. Ei lekha thiemna, mark tha le insang ei hmu le record tha em em el ei neihai kha hmangtlakah ei siem ding a nih.
Lekha ei inchuk laia ei en hnuoi em em hlak, ei ni neka thiem naw lema ei ngai hai kha an tumru le a tawp chena an teirei pei leiin ei ni neka insang lem, khawsa thei lem le thil thaw thei lemin an la hung um thei a nih. VIP Car le an mi tlan pel hnunga ‘kha pa or kha nu kha maw, ka hriet taluo, kan classmate hlak a ni a, kan lekha inchuk lai a thiem theinaw vei leh” ti kha ei chantawk a la hung ni el ding a nih. Hieng a ni lei hin a bul tan tir annawleh a lailung vela thiem chau ni lo, a tawp chena thiem le mi hlawtling ni ngei dinga thang lak hi a lo tul takzet a nih. A bul tan that hi a zatve zo tluk a nih ti hi an dik nawh tiin ei hniel der nawh. Nisienlakhawm a bul tan tha a, a tawp chen tlung lo chu umzie nei lo a nih. Ei Bible khawma a tawp chena thang dingin a min chuktir a nih.
CCPUR: April 79, 2016 inkar sung khin “Unchanging Word in a Changing World” (Khawvel danglam zing laia danglam ve ngai lo Pathien thu) ti thupui hmangin 32nd ICI Central Kristien Thalai inkhawmpuilien New Delhi hmuna hmang ning a tih. ICI Tuithaphai Presbytery a inthawk hi khawmpuia thang ding thalai pawl mi 170 vel ding hai chun zanikhan Bus 3 a chuongin Guwhati an pan a, Rev Lalramlawm, ICI Tuithaphai Presbytery Secretary in Sielmata inthawk tawngtainain an thla suok. Guwahati a intahwk Delhi an pan ding a nih.
Khawmpui hi hmun pahni All India Prayer Fellowship, Mission Hospital Road, Sahurpur, Fatehpurberi, Chhatarpur le Weightlifting Auditorium, Jawaharlal Nehru Stadium, Lodhi Colony haia hmang ding a ni a, khawmpui sunga thuhriltu ding hai chu Rev. Lalneikhup Hmar,Secretary Finance, ICI; Rev. Lalhmingthang, Secretary Evangelism, ICI; Rev. Lalrohlu, Secretary Hmarbiel South Presbytery, ICI; Rev. H.P Runremthang, YCO & EvangelistAtLarge, ICI; Upa Dr. Zawlthanglien,Vice Chairman CKTP, ICI le Rev. Vijayesh Lal, Gen. Secretary, EFI hai ning an tih. Malzaia inruolsiekna (Rev. Thangngur Music Award) le Hlapawla inruolsiekna (Pu Buonglienkung Music Award) hai nei ni bawk a tih.
T.Vaiphei in Tripura HC CJ a chel ding
CCPUR/ AGARTALA: Tripura High Court Chief Justice Mr Deepak Kumar Gupta chu Chhattisgarh High Court Chief Justice dinga sawn a ni leiin Guwahati High Courta Judge senior tak dawttu Justice T. Vaiphei chun Mr Gupta thlakthlengin Tripura High Court Chief Justice a hung chel ding niin ei thu dawngna chun a hril.
Free Medical Camp a um ding
CCPUR: April 7, 2016 khin District Health Society, CCPur huoihawtnain Khousabung villageah “World Health Day Celebration 2016’ le inzawmin Free Medical Camp um a tih. Hi huna hin Dr Jire L. Pudaite, MO; Dr Bellamy Kom, MO le Dr Robinson Lalnunpuia, MO han mipui hai hriselna enfel an ta, Mrs Ebemhal, Nurse; Kopsochong, Nurse; Niangbiaklun, Pharmacist le Mannaseh, Office Assistant han thangpui an tih. Medical Campa fe ding hai hi April 7, 2017, 8:00AM in CMO Officea inthawk suok an tih. Damdawi mamaw hai kuoma a thlawnin damdawi sem ni bawk a tih.
Thadou Festivalah CM khuollienin a thang ding
CCPUR: Ngahman, Sadar Hillsa April 68, 2016 inkar sunga ‘My Culture, My Identity’ ti thupui hmanga Thadou Cultural Festival um dinga thang dingin zanikhan Thadou Student Assn./CCPur;Thadou Women Assn./CCPur; Thadou Inpi/CCPur le Thadou Cultural Troupe han CCPur suoksanin Sadar Hills an pan. Janghen Haokip,Finance Secy. Thadou Inpi/CCPur in tawngtainaa inthlain a vailiem.
April 6, 2016 hin Manipur CM O.Ibobi Singh chun khuolliena thangin Festival hi hawng a ta, Guest of Honour in Yamthong Haokip, MLA; Functional President in Nemcha Kipgen, MLA hai thang an tih. Chun, April 7, 2016, 10AM a prog. hmang huna Mr Zoramthanga, President, Mizo National Front khuolienin thang a ta, Demmang Thadou, ExPresident, Thadou Inpi GHQ le YT James Thadou, President, Thadou Inpi GHQ hai guest of honour le functional president in thang an tih.
Sun dar 2 a Seminar huna Col. Sanjay Kumar, CO, 25Assam Rifles khuolienin thang a ta, April 8, 2016 in Gaikhangam, Dy. CM khuollienin thang a ta; Phungzathang Tonsing, Health Minister le Ngamthang Haokip, IFCD minister hai guest of honour le functional president in thang bawk an tih. Sun dar 2 seminar huna Brig. Jeetender Ohri, Commander 59 MT Brigade, Senapati chief guest in thang a tih.
Skill Fair (KAUSAL MELA) hun
CCPUR: General Manager, DIG, CCPur chun zanikhan inhriettirna siemin Skill Fair (KAUSAL MELA) nei hun ding a hnuoia ang hin sukdanglam a nih.
Food Process Seminar, Buyers and Sellers Meet, Banker Meeting with Farmers, Skill Exhibition etc. chu April 8, 2016, 9:00AM a inthawk khin City Convention Building, Palace Gate, Imphal hmuna nei ning a tih. Chun, MELA Ground foundation lung phumna (by Central Govt.delegates) chu April 9, 2016 (Inrinni) 9AM khin Lambui Khongnangkhong,Uripok, Kangchup Road, Imphalah nei ning a tih.
Hieng hun haia hin Aromatic & Medicinal Plantation farmers, trade tum tuma Loan hnituhai, Entrepreneurship Trainees le Master Trainers hai chu thang seng dingin GM, DIC/CCPur chun ngenin an hriettir a, ID proof dingin document pakhat tak chawi dingin an hriettir bawk.
DC rawiin meeting
CCPUR: April 6, 2016, 11:00AM hin DC Officeah DC, CCPur inrawinain a office chamberah District Task ForceImmunization Committee member han Indradhanush Phase –III (RoundI) le National Switch Day 2016 sinthawna le inzawmin meeting nei an tih. Hi huna hin Mission Indradhanush PhaseIII (RoundI) April 714, 2016 inkar nei ding le April 25, 2016a National Switch Day hmang dan ding hriltlang an tih.
PM in “Stand Up India Scheme” thawna ding a hawng; thalai 1.25 lakh hai kuomah loan pek ding
NOIDA: Zanikhan Noida, Uttar Pradesh ah Dalit thuoitu le Deputy Prime Minister Babu Jagjivan Ram piengchampha le inzawmin vantlang inkhawm huoihawt a ni a, hi huna hin Prime Minister Narendra Modi in “Stand Up India Scheme” thaw tanna ding a hawng bakah erickshaws 5,100 zet a vai liem. Hi huna hin Uttar Pradesh Governor Ram Naik, Union Finance Minister Arun Jaitley, Union Minister of state for Culture and Tourism, Mahesh Sharma le BJP MPhai khawm an thang tawl.
Hi Scheme fe thlengin 1.25 lakh Banks han thalai, a bik takin nuhmei, Scheduled Castes le Scheduled Tribes 1.25 lakh hai kuomah loan peng an ta, loan an lak thei ding zat chu Rs. 10 lakh a inthawk Rs.1 crore inkar ning a tih tiin PM Narendra Modi chun hi huna mipui pungkhawmhai hmaa thu a hril huna a hril. Bank Branch po poin hiengang loan hi pahni seng bek an pek ding a ni a, sumdawngtu mi 2.5 lakh vel hung siem a ta, hi scheme hi sin siemtu le petu a hung ni ding a nih tiin Modi chun a hril bawk. Hi huna hin PM chun Pradhan Mantri Mudra Yojana hnuoia schemes hai hlawkpuitu mi 5100 hai kuomah erickshaw chabi an hlan nghal bawk.
Uttar Pradesh hi Dalit or tribal hai tamna ve a ni a, Dalit MP khawm 17 zet an um a nih. Kum 2014 a Lok Sabha election a khan Uttar Pradesh a Lok Sabha seats 80 um hai laia seats 71 zet el BJP in an chang a nih. Uttar Pradesh Assembly Election chu kum tahra nei ding a ni a, mi thenkhat chun BJP chun hi thil hi an vote campaign tanna pakhat ve niin an hril. BJP chun Uttar Pradesh a hin thla liemtaa intahwk khan vote zawngna sin hi tan dingin an lo insingsa tan ta hrim a nih.
CM le Dy. CM han New Delhi an pan
IMPHAL: Manipur Chief Minister O.Ibobi Singh le Dy.Chief Minister Gaikhangam hai chun All India Congress Committee (AICC) thuoituhai inhmupui dingin zani zantieng khan Imphal suoksanin New Delhi an pan niin ei thu dawngna chun a hril a. Tulaia Manipura Dissident Congress MLA hai leia harsatna um chungthua Central thuoituhai inhmupui dinga Delhi fe niin a hril bawk.
Manipur Pradesh Congress Committee (MPCC) President thar T.N.Haokip chu zani hmasa khan New Delhi a lo tlung tah. Manipur Politics ngirhmun thuah vawisun hin AICC thuoitu hai an inhmupui ding niin ei thu dawngna chun a hril. Manipur Politics chungthu bakah May thlatawpa Imphal Municipal Council Election hung um ding chungthu khawm hi huna hin an hriltlang el thei niin ei thu dawngna chun a hril bawk.
Thlawptu MLA an hau lem niin an hril
IMPHAL: Manipura Congress sawrkar minister ni lai mekhai chun dissident Congress MLAhai nekin thlawptu MLA an hau lem niin an hril. Congress MLAs 48 um hai laia MLA 26 in an thlawp niin an hril. Congress Legislature party (CLP) member 26 zetin ministry sawidanglam lo dingin Congress High Command kuomah ngenna lekha an pek niin an hril.
NH39 ah darkar 24 bandh
IMPHAL: Pampha Rai nunrawng taka suollui le that a nina le inzawma JAC indina um chun zani zan dar 6 a inthawk khan darkar 24 sung aw NH39 ah bandh an thaw tan a, hi bandh hin vawizan dar 6 chen awng a tih. Pampha Rai le a thattu Pallujam Jameson hai hi TATA Company a thawk ve ve, an thawkna hmuna inhrie le inngaizawng, innei dinga inhuolna (engagement ceremony) chen nei ta niin Pampha Rai unu Mina Chhettri (37) chun a hril.
MOBC Office khar dingin
IMPHAL: Tuta intahwk haptakar khat sunga MOBC in studenthai kuoma Scholarship a pek ding hai an bank Account sengah a sielut peknaw chun April 12, 2016 a inthawk MOBC Office an khar ding niin AMSU thusuok chun a hril. Scholarship pek lova la um hi kum 201314 le kum 201415 Academic Session a mihai la niin AMSU chun an hril.
India rama Rel hrat tak Gatiman Express vailiem
NEW DELHI: India rama SemiHigh Speed Train hmasa tak Gatimaan Express chu zani zingkar khan Railway Minister Suresh Prabhu in Nizamuddin Railway stationa inthawk a vailiem. Gatimaan Express hin minutes 100 sungin Agra a tlung hman. NizamuddinAgra Gatiman Express Rel hi darkar khatah km. 160 a hla tlan tlung thei le darkar khat le minute 40 sung km. 200 a hla tlan tlung thei a nih. Hi rel hi NizamuddinAgra le AgraNizamuddin inkarah kar khatah vawi 6 tlan hlak a ta, air contitioned Chair Car chuongman Rs.750 le executive class chuongman Rs. 1,500 ning a tih. Nizamuddin a inthawk 8.10AM in suok a ta, 9:50AM in Agra tlung hlak a tih. Chun, zantieng 5:50PM in Agra a inthawk suokin 7:30PM in Nizamuddin tlung hlak a tih.
Bihar Cabinet in zu khap hmak dingin
PATNA: Zanita Bihar CM Nitish Kumar inrawinaa Cabient meeting chun Bihar state sunga Zu hrim hrim khap hmak (total ban) dingin a rel. Municipal le Town Council Areas haia chun zanita inthawk khan India Made Foreign Liquor (IMFL) zawr le dawn khapna hi hmang tan a nih. Bihar sawrkar chun April 1, 2016 a inthawk khan country made liqour hai a lo ban tan ta a, tuhin chu Zu hrim hrim zawr khap hmak a hung ni ta ding a nih. Tuchena hin Zu 13 lakhs litres vel le mi iemanizat man an ni tah tiin Mr Nitish Kumar chun a hril.
Sungkuo pakhata mi 5 Sai in a sir hlum
TEZPUR: Assama Biswanath Chariali district, Arunachal Pradesh le ramri lai zani hmas zan khan Sai in ni 9 vel chaua upa naute pakhat thangin sungkuo pakhata mi 5 a sir hlum niin forest official thusuok chun a hril. Sungkuo pakhata mi 6 hai imu inhnik taka an in lai an riekna in/rawbawk a hung sir a, chu huna mi 5 hai hi a sir hlum an ni a, naupang pakhat kum 3 mi chu him le damin Thandapani a tlan lut. Saiin a sir hlum hai chu Maji Murmu (35) le a nuhmei Suny Kimbu, an nauhai Lakhi Murmu (10), Mohagini Murmu (5) le naute thla 9 mi hai an nih. All Adivasi Students Association (AAS) le AATSA chun hi thil tlung thua forest dept. chunga an lungawinawzie suklangnain zanikhan Behali hmuna darkar khat lai zet lampui an dang pha.
UKPLA hotu 2 man an nih
DIPHU: Zanikhan Assama Karbi Anglong district sunga Reshakhidi area hmuna United Karbi Peoples Liberation Army (UKPLA) Finance Secy. Bikash Timung @ Chinthur Dera le general Secretary Ranjit Hanse @ Chingri hai an man niin Dist. SP Debojit Deuri chun a hril. An kuta inthawk point 22 Pistol 1 le a mu 20; point 32 pistol 1 le a mu 15 an mansa bawk.
Assama bomb puokah mi 3 an thi
GUWAHATI: Zani hmasa zan dar 7 vel khan Assama Goalpara district sunga Dudhnoi Tinialia hmuna bomb a pok a, mi 3 an thi bakah midang 20 an hliem. Hliem hai lai hin Police 3 an thang a, hospital panpui an ni tawl. ADGP SN Singh chun, bomb puok hi election le inzawmna nei lo, misuol hai chetna a nih tiin a hril.Chun, zanikhan Goalpara districtah Zira hmunah helpawl pakhat Police han an kap hlum a, a kuta inthawk ralthuom an man bawk.
Thli, Ruo le Rielin In tam tak a suksiet
AIZAWL: Zani zantienga thli le ruo inthuoa a hrang le sur khan Mizorama Champhai district sunga Tualcheng khuoa chun In 8 a suksiet bakah Lungphunlian khuo a chun Riel in In 40 vel chengna tlak lovin a suksiet a, thi le hliemna ruok ruok chun an um naw niin ei thu dawngna chun a hril.
Ei thu dawngnain a hril danin Tualcheng khuoa Kohran In pakhat inchung thliin a mut hawk chun mihriem chengna in 4 zet a suksiet niin a hril. Hnahlan le khaw dang dang haia khawm thli hrangin In a suksiet nuol nia hril a ni bawk.
Petrol le Diesel man sukpung
NEW DELHI: April 4, 2016 zanrila inthawk khan India rama chun Petrol le Diesel man sukpung a nih. Petrol chu litre 1ah Rs. 2.19 a sukpung a ni a, Diesel chu litre 1ah paise 98 a sukpung a nih tiin Indian Oil Corporation (IOC) thusuok chun a hril. Hi dungzui hin Delhia chun petrol litre 1ah Rs. 61.87 le Diesel chu litre 1ah Rs. 48.33 a hung ni ta ding a nih. Khawvel pumpuia thautui man kaisang leia sukpung a nih.
President in Natl. Geoscience Award a sem
NEW DELHI: President Pranab Mukherjee chun zani zantieng 1PM khan Rashtrapati Bhavan, New Delhi hmunah Natinal Geoscience Award2014 a sem. Awards hi scientist 31 hai kuoma inhlan an nih. A.K. Singhvi, Honorary Professor, PRL Ahmedabad chu Award for Excellence le Dr Indra Kumar Sen, Asst. Professor, IIT, Kanpur chu Young Scientist Award inhlan an nih. Hi Award hi a hma chun National Mineral Awards ti a ni a, fundamental and applied geosciences and mining le allied fields a sin thaw tha hai chawimawina dinga kum 1996 a indin a nih.
Mehbooba in a minister hai portfolio ding a sem
JAMMU: Zani hmasaa Jammu & Kashmir nuhmei Chief Minister hmasa tak dinga intiemkamna nei Ms Mehbooba chun a council of ministers hai sin (porfolio) ding a sem a, Home, General Administration Dept., Tourism, Planning, Information, Hospitality and Protocol, Civil Aviation le minister dang in an chel lo hai ama in a chel. Dy. Chief Minister Dr Nirmal Singh chun Power Development le Housing and Urban Development Dept. hai a chel.
Minister tamlem hai chu sawrkar hmasaa an sin chel pangngai pek nawk an ni a, BJP a inthawk minister a laklut thar Sham Choudhary chu PHE, Irrigation & Flood Control pek a nih.
VAWISUN THUPUI
“Ka nu phing sunga inthawkin saruokin ka hung suok a, saruok bawkin kir nawk ka tih; Lalpa chun a pek a, Lalpa chun a lak hmang nawk tah a ni chu; Lalpa hming chu inpakin um raw se,” a ta. ~ Job 1:21
Editorial: A tawp chena thang
Football ei inkhel a, an khel tiengpanga chun ei hne taluo a, goal thun ding chance khawm ei hau, nisienlakhawm goal ei thun tlat naw chun a tawpah a hrat lo ei ni tho tho hlak. Hiengang bawk hin mihriem hringnuna khawm hin hringnun game inkhel tha hlein inhre hlak inla khawm ei hringnun ler tieng ei hmang tha chuong si naw chun a tawpah boralna tho a hung intlun hlak. Mihriem hringnun hi a bul le a lai a chen chauva hmang that ding a ninaw a, a tawp rawta hmang that ding a nih. Chuong a ninaw chun pa tha le fel tak ni hlak kha ei thi ni a chun a hun tawp tieng a hmang tha naw a, a pawi khawp el ti ei hlaw tho tho ding a nih. Hming tha deuva thi ding kha hming se taka um thei le thi thei a nih. Hi lei hin a bul tan that chau ni lova a tawp rawta thaw that le nun hmang that hi a pawimaw bek bek a nih.
Vawisun hin a tha le fel tak ei ninaw el thei, result tha tak ei neinaw el thei, mi vangnei tak le mi hmingtha tak ei ninaw el thei. Hlawsam chan tlungin, ei nunah harsatna tuokin beidawng rum tum chan ei chang el thei. Ei ruolhai, ei lekha inchukpui han sin tha le insang tak chelin tluk lo le phak lo rieuin ei inngai a ni el thei. Chu chun ei nunah depression nasa tak intlunin, mani le mani insitna le lungril hadamnawna an tlun el thei. Nisienlakhawm, beidawng lovin bei fan fan inla, a tawpah hlawtlingna tha tak ei la nei thei a nih. Tuta ei nina neka tha hi ei hmaah a lo um mek a nih ti hi hriet tlat ding a nih.
Abraham Lincoln America President a hung nina dinga a lampui hraw kha a namei naw hle, hlawsamnain a hne thei lo, vawi tam tak hlawsam sienkhawm beidawng nuom der lova a beina chun midum zalenna a hung intlun a, vawisunni a US President khawm midum or mihang a la ni hiel a nih. Khawvela misuol turu le hmingthang Nicky Cruz ei hriet. Khawvelah hmangaitu nei lova an hrietna chun a sukbeidawng a, nunin umzie neiin a hriet naw a, tuolthat chaknain a sip a, thisen lumin a dang a char a nih. Nisienlakhawm Isu a hung hriet suok meu chun khawvela Pathien thu hriltu ropui hai laia pakhat a hung ni thei a nih. A hun tawp tieng a hung hmang tha leiin a chanchinin mihai lungril a hne em em a, a hun ler tieng hi a hluin ngaisang a hlaw a, a hun hmatieng a suolna po po chu a hun nuhnung tha tak chun a hung inkhum hmang vawng ta a nih.
Khawvela mi ropui le hmingthang tak tak hai lai an hun tawp tieng ditum lo le inhnar um der lo hril ding le hriet ding an um nuol el. Adolf Hitler kha a hun lai na na na chun pa ropui le thil thawthei takel, a ke pen ringawt khawmin khavel hi a sukhning thei hiel tia hril a nih. German mihai hi khawvel roreltu ding kan nih ti changchawiin Nazi party a hung indin a, Indopui pahnina a hung chawksuok a ni kha. Nisienlakhawm, a hun tawp tieng khan chu inhnar a um der nawh. Beidawngin ama le ama an kap hlum a ni kha. Saddam Hussein chun Iraq ramah ropui takin an lalna a hrat a, sienkhawm inhawi muolah a dak naw a, a hun tawpah chun muolpho taka khai hlum a nih. Hieng mi ropui pahni haia inthawk khawm hin a bul tieng chau ni lova mani hun tawp tieng chen hmang that a tulzie chieng em emin an lang a nih. Mihriem hringnuna hin a bul tieng chau ni lo, a tawp chena thaw that a tul a nih.
Vawisuna ei um dan hin ei future iemani chen hril sienkhawm ei hringnun hmawr bawkna a la ni nawh ti ei hriet a pawimaw hle. Thalai lekha thiem tak niin, result tha tak nei ei ni el thei, chu taka lungawia dittawk el ding ei ni naw a, mi hlawtling le hmangtlak ni ngei tum ding a nih. Ei lekha thiemna, mark tha le insang ei hmu le record tha em em el ei neihai kha hmangtlakah ei siem ding a nih.
Lekha ei inchuk laia ei en hnuoi em em hlak, ei ni neka thiem naw lema ei ngai hai kha an tumru le a tawp chena an teirei pei leiin ei ni neka insang lem, khawsa thei lem le thil thaw thei lemin an la hung um thei a nih. VIP Car le an mi tlan pel hnunga ‘kha pa or kha nu kha maw, ka hriet taluo, kan classmate hlak a ni a, kan lekha inchuk lai a thiem theinaw vei leh” ti kha ei chantawk a la hung ni el ding a nih. Hieng a ni lei hin a bul tan tir annawleh a lailung vela thiem chau ni lo, a tawp chena thiem le mi hlawtling ni ngei dinga thang lak hi a lo tul takzet a nih. A bul tan that hi a zatve zo tluk a nih ti hi an dik nawh tiin ei hniel der nawh. Nisienlakhawm a bul tan tha a, a tawp chen tlung lo chu umzie nei lo a nih. Ei Bible khawma a tawp chena thang dingin a min chuktir a nih.
