Thenmuol Youth Club Football Coaching nei mek;
Chief Admin, Virthli le Interim Prez HSA JHQ CCPur in a kan
CCPUR (Virthli News): Tukum khawvel huopa "Hmar Martyrs Trophy Football Tournament 2016" a um nawk ngei beiseiin, lo in buotsaina le anni Club sung ah coach hnuoia training fumfe tak an la nei ngai naw bawk leiin tulai hin TYC chun football Coaching an nei mek. Chun an player hai fitness le skill thra tak tak nei hai an innovate-na ding a nih. Hi coaching hi 29th February anthawk a nei tran ta kha a ni a. Sponsored-tu um lo, an khuoin anni le anni an intum chawp a nih.
Coach in Jeffrey Saihmang, MYC Player /AIFF License Coach, Samuel Hmar MYC Player /Former Royal WAhingdo Midfielder, Joseph Joute, Hmar FC player hai an thrang.
March 4, 2016 zingkar dar 9 am vel khan Chief Admin, Virthli le Tv. Lalthanzau Interim Prez, HSA JHQ CCPur chun kanin an refreshment man ding khawm an pek nghe nghe.
Football tienga thrang lak hi a ngai hle. Ei rama lekha inchuk le thil danga chau fakhmuna a ngaina a um hlak chu ngaidan indiklo, hienganga inhnikna neihai chu fak hmuna tak taka an talent an hmang thrangkai theina dingin mani theina seng ah khawpuia um le Club thra tak taka lo lut tah hai khawmin ei bengvar a trul tak zet.
