35th World TB Day hmang a nih
CCPUR: District TB Officer inrawinain March 24, 2016, 10:30AM a inthawk khan CMO’s Conferene Hall, CCPurah ‘Paradigm Shifts to end TB’ ti thupui hmangin 35th World TB Day hmang a nih. Dr J. Songoukham Samte, Medical Superintendent, Dist. Hospital/CCPur chun programme hi hawngin thuhrilna hun a hmang. TB natna sukbo a ni theina dingin mitin ei thangruol a tul thu hrilin TB natna nei hai tha taka hung damfel vawng dinga a ditsak thu; District TB Dept. chun MSF leh thangruolin CCPur districta TB a damnaw tam tak enkawlin an sukdam ta a nih tiin a hril.
Hi huna Dr T. Pumzathang, Dist. TB Officer (DTO), CCPur in keynote address a hrilnaah, vawisun hin khawvel pumpuiah World TB Day hmang a ni thu a hril a, Dr Robert Kochs in TB Baccilie a lo hmusuok a, MycoBacterium Tuberculosis chun mihriem hai taksaah TB (Tuberculosis) natna a hung in umtir a nih tiin a hril. December 23, 2013 khan Health Minister Phungzathang Tonsing chun CCPur districtah DoTPus, Centre for Treatment of MDRTB building a hawng a, hi hmuna hin TB natna invawi hai enkawl le damdawi pek an nih. Darkar 1 le minutes 52 sunga MRDTB natna detect (hmusuok/hrietsuok) theina GENEXPERTCB NAAT machine tuhin inthut a nita a, hmang thei dinga hawng vat a nita a beisei thu Dr T. Pumzathang chun a hril.
Hi programm hmangnaa hin Mrs Chingthang, STC/RNTCP, CCPur inrawinain TB&MDR patient hai ta dingin special item show nei a ni a, MSF(H), India/CCPur; Mercy Home, CBCI, Tuibuong; SHALOM/ CCPur; Sanga, Coordinator Project Axshya, EHA (CCPur & Bishnupur) han thuhrilna an nei bawk.
DTO CCPur in Jan. 1, 2015 March, 2016 chena District hospital performance report a pek dan dungzuiin OPD ah mi 3502 en an ni a, TB ringhla test thaw zat 1594; Spotum positive 114; sputum negative 44; ExtraPulmonary TB hmusuok zat 48; Other (CATII) 10; ATT treat ment pek po 211; hi hun sunga damfel 95 le treatment zo tah 177 an um. Chun, HIV/AIDS TB invawi 18; MDRTB hmusuok le enkawl 3; damfel 1 an um.
Hmar Inpui Executive meeting nei
CCPUR: March 24, 2016, 11AM a inthawk khan Hmar Inpui Office, CCPurah Hmar Inpui GHQ Executive meeting nei a ni a, hi huna hin affiliated body members mi 24 an thang a, Resolutions 4 passed a nih.
Rev. Ros Infimate in Pathien kuoma tawngtainain hun a hawng zoin thu pawimaw tum tum hai hriltlang a ni hnungin hieng resolution hai hi an passed.
1. March 5, 2016 nia HI Executive meeting vawi1na in a lo rel tah State Wise Coordination Committee inthlangpuitu ding thu ennawna ni hnungin Hmarbiela inthlangpuitu dingin Hmarbiel Pastor Organisation (HPO) hai dande an ni a, hi thua hin Secretary in lekha siem ding ti le Vangai biela inthlangpuitu ding chu HI OB han an hmatieng an hung ruot ding.
2. (a) HI Assembly Resolution 4na Martyrs Day hnam pum huopa inkhuongruol taka hmang a ni theina dingin HI in hma la raw seh ti chu, kum 2016 Martyrs Day inserna chu khawtin le biel tin han a khun thei ang taka hmang a ni theina dingin VA Chairman inrawina hnuoai a remchang ang peia lekha lo insuo nisien, khaw tina hmang dan report Inpuiah report pe hai sien ti le, (b) Tuithaphai biela Martyrs Day inser dan ding thuah chun affiliated body HPC(D) hai inrawina hnuoia Organising Board siemin hma la hai sien tiin an rel.
3. Tuolbung Hmar Women Association han VA in rorel mumal thei loa an umna thua thu an hung intlun chu ngaituo a ni hnungin thulai a um theina dinga hma lo lapuitu dingin bieltu MDC Pu Lalhmangpui Fimate ruot a nih.
4. JAC AntiTribal Bills han Hmar Inpui a inthawk member 3 tir dinga lekha an hung pek chu ngun taka ngaituo le hriltlang a ni hnungin a boruok ang peiin HI OB han hma hung la hai sien tiin an rel.
Upa LB Songate in tawngtaina neiin HI Executive meeting vawihnina chu suktawp a nih.
TCU General Council nei
CCPUR: Tedim Chin Union (TCU) chun zanikhan Pangzawl Community Hall, CCPurah General Council a vawi 55na an hmang. SessionI hunah Unit le Branch tin haia inthawk le General Secretary report ngaithlak a ni a, Session –II chu business sessiona hmang a nih.
School siemthat dan ding an hriltlang
CCPUR: KSO, Singngat Block chun zanikhan KIC Office, Tuibuongah meeting neiin an biel sunga Schools hai siemthat dan ding le hmatienga hmalak dan ding an hriltlang. Hi huna hin Lal hai bakah Schools haia SMDCs, Headmasters le School staff hai khawm an thang.
Purim Kut nipui tak hmang
CCPUR: Purim Kut Programme Committee, 2016 hmalaknain zanikhan B. Vengnuom Community Hallah Purim Kut nipuini tak hmang a nih. Hi huna hin J. Benjamin Haokip, Religious Secrtary chun Kut thupui hmangin thuhrilna hun a hmang a, Orth Khadash Party, Shining Star Kids han special no. an present a, Upa le Golhang han lam inelna an nei bawk. Chun, hi huna hin Avshalom Singson, Kut Finance Secretary in report a pek a, Avihu Haokip, Khazan, Beith Shalom, B. Vengnuom in Seudut Purim a nei.
Blessed Choir Myanmarah an inzin ding
CCPUR: Blessed Choir hai chu Myanmar rama rawngbawlna nei dingin March 29, 2016 khin Tuithaphai suoksan an tih. March 30April 3, 2016 inkar sung Tahanah Crusade nei an ta, April 46 inkar sung Zohmuna nei nawk an tih. Hieng hun haia hin Pu C. Lalrosanga chu Speaker in thang a tih. Rawngbawlna tluong taka an nei theina dingin mipui hai tawngtainaa lo san dingin Secretary, Blessed Choir chun ngenna a siem.
Motor eksiden
CCPUR: March 23, 2016 zan khan Imphala inthawk CCpur pana hung tlan Joseph Lalrolien s/o T. Siemlien of Rengkai le a ruolpa hai chu Kangvai hmuna Truck pakhat deemlight hmang loa hung tlan an inpelpui naah changsuolin hilai hmuna duty police patrolling a fe an bawfuk pal a, Police han manin an sawisak hrep leiin tuhin Sielmat Christian Hospitalah enkawl an nih. An baw pa khawm hi hospitala enkawl mek a nih. HYA le KKL han inbiekna an nei mek a, sienkhawm hospitala enkawl vawng an la ni leiin inbiekna tak tak iengkhawm a la um thei hri nawh. A hliem hai enkawl dam phawta a damte a inbiek el dingin an la rel phawt niin ei thu dawngna chun a hril.
PDP in an Chief Ministerial candidate dingin Mehbooba Mufti an thlang; Vawisun BJP MLA han meeting an nei ding
SRINAGAR: Jammu & Kashmir a sawrkar thar siem dan ding thu le inzawmin zanikhan Peoples Democratic Party (PDP) MLAs han Srinagaar khawpuiah meeting an nei a, an party Chief Ministeriala candidate dingin PDP thuoitu lu tak Ms. Mehbooba Mufti an thlang. Zani hmasa khan Ms Mehbooba Mufti hin New Delhiah PM Narendra Modi an hmupui a, hi huna hin BJP le an inkara inhrietthiemnawna um an chingfel a, J&K ah sawrkar thar BJP leh siem thei ding ngirhmuna a hung um leia PDP hin an Chief Ministerial Candidate ding hi an thlang a nih.
Ms Mehbooba Mufti pa Mufti Mohammed Sayeed, J&K Chief Minister ni laizing January 7, 2016 nia a thi leiin PDP le BJP inkawpa siem J&K Ministry chu a hung tluse a, January 8, 2016 a intahwka J&K a hin sawrkar cheltu um talo le a hnungah Governor Rule hnuoia siea hung um a nih. J&K hi Governor Rule hnuoiah thla 2 chuong a u m ta a, tukhawm hin Governor Rule hnuoia la um zing a nih.
Sawrkar thar siem a hung ni thei a, Ms Mehbooba Mufti in Chief Minister sin a hung chel chun Ms Mehbooba Mufti hi Jammu and Kashmir a nuhmei Chief Minister hmasa tak ding a la nih. J&K Assembly Election hi December, 2014 a kha nei le Mufti Mohammed Sayeed CM nina hnuoia Coalition Government siema hung um a nih.
PDP le sawrkar siem dinga insingsa mek BJP MLA han vawisun hin Srinagarah meeting nei an ta, sawrkar thar siem dan ding thua an hmalak dan ding hriltlang an tih. Hi meeting a BJP High Command aiawa zu thang dingin Ram Madhav,BJP’s National General Secretary le J&K Affairs incharge le Union Minister of State for Prime Minister Office (PMO) hai pahni ruot an nih. BJP MLAs le BJP High Command palai haiin meeting an nei zoah State BJP President Sat Pal Singh in J&K Governor N.N. Vohra an hmupui ding nia hril a nih.
Good Friday chibai an buk
IMPHAL: Vawisuna Manipur a Good Friday hmangtu dinghai po po Manipur Governor V. Shanmuganathan, CM O.Ibobi Singh, Assembly Speaker Th. Lokeshwar Singh, Dy. Speaker M.K. Preshow Shimray le Political party tum tuma thuoitu han Good Friday Chibai an buk.
Zanikhan Yaoshang a ni hnina hmang a ni a, sun huna Games & Sports thawin hun hmang a ni a, zan huna nunghak le tlangval han Thaanchongba an thaw tawl.
Police han Traffic fine in Rs. 1.55 lakh
IMPHAL: Yaoshang buoina um lo le inlirthei eksiden laka invengna dingin March 22, 2016 a inthawk khan Manipur Police han Imphal East le Imphal West District haiah traffic drive an thaw a, zani chen khan Zurui puma motor khal le traffic rule bawse an man haia inthawk fine Rs. 1.55 lakh an hmu ta niin Police thusuok chun a hril. Yaoshang hi march 27, 2016 chen hmang ning a tih. Hi hun sung hin Imphal nitin Chanchinbuhai khawm an chawl vawng a nih.
Bomb puokah TMC leader a thi
KOLKATA: Zani hmasa zan khan West Bengala South 24 Parganas districtah tu ti hriet lo han bomb an sukpuok a, bomb puok a hin Trinamool Congress leader Haji Abdul Jehel (75) in thina a tuok. TMC chun bomb hi CPI (M) workers hai sukpuok a nih tiin an intum. Anchal Sabhapati hi election meetinga fe a hung kir tieng tu ti hrietlo pakhatin Kakwip hmuna bomba a lo deng a ni a, bomb puokna hmuna hin a thi nghal a nih.
Heroin leh myanmar mi man
AIZAWL: Mizoram Excise and Narcotics department (MEND) chun zani hmasa khan Myanmar mi Lalrinliani (39) of Tahan, Myanmar chu Heroin grams 28 leh an man. Heroin mana um hi Rs. 90,000 manhu vel dinga hisap a nih tiin MEND thusuok chun a hril. Chun, zani hmasa ma khan Lalvenhima (18) of Champhai chu, Rangvamual, Aizawlah Ganja Kg. 7 leh an man bawk.
Union minister hlui in TDP a zawm
HYDERABAD: Union Minister hlui le Congress leader A Sai Pratap chun zanikhan Andhra Pradesha sawrkarna siemtu Telugu Desam party (TDP) a zawm. A. Sai Pratap hi TDP President N. Chandrababu Naidu in alo lawmlut. Sai Pratap hi Rajampet Lok Sabha Constituency, Kadapa districta inthawk MP term 6 thlangtlinga lo um ta a ni a, UPA2 sawrkara Dr Manmohan Singh PM nina hnuoia khan Union Minister of State for Steel a lo chel a nih. Sai Pratap hin Andhra Pradesh state khawidara Telangana state hran siem dodalnaa kum 2014 a kha Congress party a inthawk lo suokdawk/inban le hi taka inthawk iemanichen politics lo chawlsan a nih.
Dr Ambedkar memorial bawlna sin April 14a tan ding
MUMBAI: Maharashtra Chief Minister Devendra Fadnavis chun, Indu Mill’s compound, Dadar, Mumbai hmuna Dr Babasaheb Ambedkar Memorial bawlna sin chu April 14, 2016 a inthawk tan ning a tih tiin Maharashtra Assembly an hriettir. Mumbai Metropolitan Region Development Authority (MMRDA) in memorial enkaina sin lo thaw phawt dinga mawphurna pek an nih tiin Fadnavis chun a hril bawk.
Kanhaiya pheikawka deng
HYDERABAD: JN University President Kanhaiya Kumar chu zanikhan Hyderabad hmuna seminara thu a hrilna huna pasal pakhatin a pheikawk hlipin a deng a, sienkhawm a deng fuk nawh. Seminar hi ‘Constitutional Rights’ ti thupui hmanga Sundrayya Vignana Kendram (SVK) in an huoihawt a nih. Kanhaiya pheikawka dengtu hi Police han manin an thuoihmang. Kanhaiya hi JN Universitya protest nei huna Anti India slogan khekpui a nina le inzawma man, thla 6 sung interim baila insuo a nih.
Time magazine influential contender listah Modi
NEW DELHI: Time magazine in khawvela mi lungril hne thei ( most influential) tak hai hming a lakkhawm lai PM Narendra Modi hming khawm a thang ve.‘TIME 100’ most influential people list hi thla thar khin puonglang a ni ding a nih. Modi hi nikuma Time’s 100 most influential peoplea khawm a lo thang ta a nih. 127 list a chun Indiaborn Google CEO Sundar Pichai le Microsoft CEO Satya Nandella hai bakah Tennis star Sania Mirza, actor Priyanka Chopra le Indianorigin actor Aziz Ansari hai khawm an thangsa.
Zika Virus vaccine India rama siem mek a nih:WHO
WHO: World Health Organisation (WHO) chun tulaia rambung thenkhat haia natna hri thar inleng mek Zika Virus damdawi (vaccine) siemna sin chu India ram thangin khawvel rambung dang dang 5 haia thaw mek a nih tiin a hril. WHO Director General Margaret Chan chun, Zika Virus hi kum khat sunga khawvel pumpui dapsuok thei a ni thu; Company 30 chuongin virus testna ding an buoipui mek a, a damdawi siemna dingin projects 23 fepui mek a nih tiin a hril bawk. WHO chun Zika Virus lei hin February, 2016 khan international public Health emergency a lo puong ta a, khawvel rambung 38 haiah Zika virus hmusuok a ni ta bawk a nih.
Haryana in zangnadawmna Rs. 50 lakh in a sukpung
GURGAON: India ram venghimna dinga hringna chan armed forces personnel (sipai) sunghai kuoma zangnadawmna Rs. 20 lakh pek hlak chu tuta inthawk Rs. 50 lakh pek ni tang a tih tiin Haryana Chief Minister Manohar Lal Khattar chun a hril. Hi thu hi zani hmasaa Gurgaon hmuna ni 3 sung aw ding ‘Bharat Kesari Kushti Dangal’ functiona thu a hrilna huna a puong a nih. Panchkula hmuna‘Sainik Shiksha Kendra’ le Jhajjar districta Chhuchhakwas villageah Sainik School pathumna ding hawng belsa ni bawk a tih tiin Khattar chun a hril bawk.
India le France han MoU an ziek
NEW DELHI: India le France hai chun Maharashtraa Jaitapur hmuna Nuclear Reactor 6 bawlna dingin Memorandum of Understanding (MoU) an ziek. Electricite de France (EDF French public utility) high level delegation team ni 2 sung chama Mumbai an hung inzin sunga National Power Corporation of India Ltd (NPCIL) le uluk taka hriltlangna an nei hnunga MoU hi zani hmasaa kha an ziek a nih.
LeT han Bal Thackeray that an tum: Headley
NEW DELHI:PakistanAmerican terrorist David Headley chun, LashkareToiba (LeT) terrorist han Shiv Sena Supremo Bal Thackeray khawm that an lo tum tiin video conferencing fethlenga cross examination a nihnina zanita nei huna a hril. Headley chun Thackeray that tumna le inzawm hin Sajid Mir supervised na hnuoiah Sena Bhavan khawm tum hni a lo va sir ta thu a puong bawk. Headley hi 26/11a Mumbaia terrorist hai chetna le inzawma US a man, tuta US jaila intang mek a nih.
Iran President Pakistanah an zin ding
ISLAMABAD: Iran President Hassan Rouhani chu ni 2 sung cham dingin March 25, 2016 khin Pakistan ramah inzin a tih. Pakistan PM Nawaz Sharif fielna anga Hassan Rouhani hi Pakistana inzin ding niin Pakistan foreign office thusuok chun a hril. Tuta tum hi Rouhani in Iran President a ni hnunga Pakistan an zin vawikhatna ding a nih. Rouhani hi ministers le senior officials le sumdawngtu lien hai thangin high level delegation team in zui an tih. Pakistan a cham sungin Pakistan President Mamnoon Hussain le PM Nawaz Sharif hai khawm i nhmupui a tih.
VAWISUN THUPUI
Chun, zanbu suong pha chun Isu chu rawl inringtakin,“Eloi, Eloi, lama sabakthani?” tiin a khek suok a. (Chu chu “Ka pathien, ka Pathien, iengdinga i mi maksan?” tina a nih). Marka 15:34
Editorial: Her danglam inla a tha dim?
Kristien sakhuo zuituhai ta ding chun Thonawkna thu hi ei thuring innghatna pawimaw tak a ni a, thonawkna thang lovin Kristienhai ringna hi famkim naw nih. Isu thonawkna hi ringtuhai tho hma thuoitu a ni a, Isu angin ei tho nawk ding a nih ti hi ringtuhai po po chun ei ring nghet seng ring a um. Hi ringna nghet tak ei nei thei lei hin Kristienhai hi ei vangnei a, ei thla a muong hlak a nih. Thonawkna ringtuhai ei ni leiin kum tinin Good Friday hi khawvel pumpuia ringtu han ursun takin ei hmang hlak a nih. Ei hmang dan ruok chu Christmas ang thoin inang tawl naw nih. A hmang tha le a hmang indik han thathnempui an ta, a hmang suol hai chun an thathnempui nekin an sietpui el ding a nih. Mani thua innghat, hmang tha theitu le hmang suol theitu seng ei nih.
Thonawkna hi ringtuhai hnena a nih. Hi thu hi I Korinth 15: 54, 57 haiah chieng takin zieklang a nih. Krista thina le thonawkna hin suol thina le a thlan a hne el chau ni lovin, taksa thar, thonawkna taksa ropui chu a mi pek a nih. Tuta ei taksa hi hmawn thei le thu thei taksa a ni a, suol put taksa a nih. Thonawkna taksa ruok chu hmawn thei lo le thu thei ta lo taksa, Van taksa thilthawtheina nei a ni ding a nih. Suol le thinain a ngam lo taksa Krista angin hnena changin ei tho nawk ding a nih. Thlarau tieng taksa, pila siem ni ta lovin, thlarau tieng taksa, thilthawtheina le hnena chang a ni ding a nih.
Suol le natna, lungngaina le mittui tlakna, suol put taksa chu hi hnuoiah hin kir nawk a tih. Amiruokchu, thlarau taksa, suolna le buoinain a sukbuoi phak ta lo Van taksa inchang a keithoin ei um ding a nih. Ienganga ropui ding am ti ruok chu ei hriet nawh, nisienlakhawm, Krista tho le taksa angin ei um ve ding ti ruok chu ei hriet. Keitho Isua chun hieng hi ei hmu a nih. A thuoihruoihai kuoma damin an lar a. A fakin a dawn, hmu thei le tawk theiin a um a nih. A um dan le a ropuina chu inchuktirhai hmu laizingin vantieng a lawn a nih.
Thina chel hlen ruol lo, Isu thina chu Pathienin a keitho ta a nih. Pathien keitho Isu a nih. Isu ah Pathien famkimna um zing sienlakhawm, mihriem nina famkim hlen suok a tul bawk si leiin a thi a tul a. Kross lerah khan, “Ka Pathien, Ka Pathien, ieng dinga i mi maksan?” tia a khek a hung tul ta a nih. A Pathienna chun thina chu a chel ngir thei ngei ding a nih, nisienlakhawm, a mihriemna chu a lo thi ta a nih. Isu ah famkimna ei hmu ang bawkin a mihriem famkimna khawm ei hmu a nih. Ringtuhai tho hmathuoitu a nih. Thlanah a hnuoi silfenhai chu a maksan a, van silfena inthuomin thlan khur a suoksan tah. Hi a thonawkna a hin ei ringna pumhlum an nghat ta a. Isu hi thi lovin thina a inthawk tho nawk tanaw sienla ei ringna chu a thlawn el hung ning a ta, suolah hring zing ei ta, ei thi hnungah ei boral nghal el ding a lo nih.
Amiruokchu, Krista thonawkna chun hmangai fe tahai leh inhmu nawk a min beiseitir a, a thonawkna leiin mi po po ei tho nawk ding a nih. Lal Isu ngeiin, “Pathien chu mithi Pathien a ninaw a, mihrieng Pathien a ni lem” a ti a nih. Hi thu hi Mathai 22:32 ah ziek a nih. Krista chu a hring leiin damin ei tho nawk ding a nih.
Kum tin Good Friday zatin Isu thonawk thu sermon tha tak tak ei Biekin haiah ei ngaithlak hlak a. Amiruokchu, Biekin tin zova hlasak lengkhawm annawleh titina haia chun thalaihai ei thang pei naw leiin thalai hmel hmu ding a um ngai nawh. Hieng a ni lei hin ei Good Friday hmang dan hi her danglam inla a tha dim? Hlasak lengkhawm le tititlangna bakah thalai le naupanghai ta dingin Isu thonawkna le inzawmin drama inelna annawleh essay ziek inelna dam nei inla ei Good Friday hmang hi tuta nek hin a hung tangkaiin umzie a hung nei el thei naw ding maw? Kohran thuoitu han hung bawzui hai sienla nuom a um. Chun, hi inelnaa hin lawmman tha tawk siem ni ngei sienla nuom a um.
CCPUR: District TB Officer inrawinain March 24, 2016, 10:30AM a inthawk khan CMO’s Conferene Hall, CCPurah ‘Paradigm Shifts to end TB’ ti thupui hmangin 35th World TB Day hmang a nih. Dr J. Songoukham Samte, Medical Superintendent, Dist. Hospital/CCPur chun programme hi hawngin thuhrilna hun a hmang. TB natna sukbo a ni theina dingin mitin ei thangruol a tul thu hrilin TB natna nei hai tha taka hung damfel vawng dinga a ditsak thu; District TB Dept. chun MSF leh thangruolin CCPur districta TB a damnaw tam tak enkawlin an sukdam ta a nih tiin a hril.
Hi huna Dr T. Pumzathang, Dist. TB Officer (DTO), CCPur in keynote address a hrilnaah, vawisun hin khawvel pumpuiah World TB Day hmang a ni thu a hril a, Dr Robert Kochs in TB Baccilie a lo hmusuok a, MycoBacterium Tuberculosis chun mihriem hai taksaah TB (Tuberculosis) natna a hung in umtir a nih tiin a hril. December 23, 2013 khan Health Minister Phungzathang Tonsing chun CCPur districtah DoTPus, Centre for Treatment of MDRTB building a hawng a, hi hmuna hin TB natna invawi hai enkawl le damdawi pek an nih. Darkar 1 le minutes 52 sunga MRDTB natna detect (hmusuok/hrietsuok) theina GENEXPERTCB NAAT machine tuhin inthut a nita a, hmang thei dinga hawng vat a nita a beisei thu Dr T. Pumzathang chun a hril.
Hi programm hmangnaa hin Mrs Chingthang, STC/RNTCP, CCPur inrawinain TB&MDR patient hai ta dingin special item show nei a ni a, MSF(H), India/CCPur; Mercy Home, CBCI, Tuibuong; SHALOM/ CCPur; Sanga, Coordinator Project Axshya, EHA (CCPur & Bishnupur) han thuhrilna an nei bawk.
DTO CCPur in Jan. 1, 2015 March, 2016 chena District hospital performance report a pek dan dungzuiin OPD ah mi 3502 en an ni a, TB ringhla test thaw zat 1594; Spotum positive 114; sputum negative 44; ExtraPulmonary TB hmusuok zat 48; Other (CATII) 10; ATT treat ment pek po 211; hi hun sunga damfel 95 le treatment zo tah 177 an um. Chun, HIV/AIDS TB invawi 18; MDRTB hmusuok le enkawl 3; damfel 1 an um.
Hmar Inpui Executive meeting nei
CCPUR: March 24, 2016, 11AM a inthawk khan Hmar Inpui Office, CCPurah Hmar Inpui GHQ Executive meeting nei a ni a, hi huna hin affiliated body members mi 24 an thang a, Resolutions 4 passed a nih.
Rev. Ros Infimate in Pathien kuoma tawngtainain hun a hawng zoin thu pawimaw tum tum hai hriltlang a ni hnungin hieng resolution hai hi an passed.
1. March 5, 2016 nia HI Executive meeting vawi1na in a lo rel tah State Wise Coordination Committee inthlangpuitu ding thu ennawna ni hnungin Hmarbiela inthlangpuitu dingin Hmarbiel Pastor Organisation (HPO) hai dande an ni a, hi thua hin Secretary in lekha siem ding ti le Vangai biela inthlangpuitu ding chu HI OB han an hmatieng an hung ruot ding.
2. (a) HI Assembly Resolution 4na Martyrs Day hnam pum huopa inkhuongruol taka hmang a ni theina dingin HI in hma la raw seh ti chu, kum 2016 Martyrs Day inserna chu khawtin le biel tin han a khun thei ang taka hmang a ni theina dingin VA Chairman inrawina hnuoai a remchang ang peia lekha lo insuo nisien, khaw tina hmang dan report Inpuiah report pe hai sien ti le, (b) Tuithaphai biela Martyrs Day inser dan ding thuah chun affiliated body HPC(D) hai inrawina hnuoia Organising Board siemin hma la hai sien tiin an rel.
3. Tuolbung Hmar Women Association han VA in rorel mumal thei loa an umna thua thu an hung intlun chu ngaituo a ni hnungin thulai a um theina dinga hma lo lapuitu dingin bieltu MDC Pu Lalhmangpui Fimate ruot a nih.
4. JAC AntiTribal Bills han Hmar Inpui a inthawk member 3 tir dinga lekha an hung pek chu ngun taka ngaituo le hriltlang a ni hnungin a boruok ang peiin HI OB han hma hung la hai sien tiin an rel.
Upa LB Songate in tawngtaina neiin HI Executive meeting vawihnina chu suktawp a nih.
TCU General Council nei
CCPUR: Tedim Chin Union (TCU) chun zanikhan Pangzawl Community Hall, CCPurah General Council a vawi 55na an hmang. SessionI hunah Unit le Branch tin haia inthawk le General Secretary report ngaithlak a ni a, Session –II chu business sessiona hmang a nih.
School siemthat dan ding an hriltlang
CCPUR: KSO, Singngat Block chun zanikhan KIC Office, Tuibuongah meeting neiin an biel sunga Schools hai siemthat dan ding le hmatienga hmalak dan ding an hriltlang. Hi huna hin Lal hai bakah Schools haia SMDCs, Headmasters le School staff hai khawm an thang.
Purim Kut nipui tak hmang
CCPUR: Purim Kut Programme Committee, 2016 hmalaknain zanikhan B. Vengnuom Community Hallah Purim Kut nipuini tak hmang a nih. Hi huna hin J. Benjamin Haokip, Religious Secrtary chun Kut thupui hmangin thuhrilna hun a hmang a, Orth Khadash Party, Shining Star Kids han special no. an present a, Upa le Golhang han lam inelna an nei bawk. Chun, hi huna hin Avshalom Singson, Kut Finance Secretary in report a pek a, Avihu Haokip, Khazan, Beith Shalom, B. Vengnuom in Seudut Purim a nei.
Blessed Choir Myanmarah an inzin ding
CCPUR: Blessed Choir hai chu Myanmar rama rawngbawlna nei dingin March 29, 2016 khin Tuithaphai suoksan an tih. March 30April 3, 2016 inkar sung Tahanah Crusade nei an ta, April 46 inkar sung Zohmuna nei nawk an tih. Hieng hun haia hin Pu C. Lalrosanga chu Speaker in thang a tih. Rawngbawlna tluong taka an nei theina dingin mipui hai tawngtainaa lo san dingin Secretary, Blessed Choir chun ngenna a siem.
Motor eksiden
CCPUR: March 23, 2016 zan khan Imphala inthawk CCpur pana hung tlan Joseph Lalrolien s/o T. Siemlien of Rengkai le a ruolpa hai chu Kangvai hmuna Truck pakhat deemlight hmang loa hung tlan an inpelpui naah changsuolin hilai hmuna duty police patrolling a fe an bawfuk pal a, Police han manin an sawisak hrep leiin tuhin Sielmat Christian Hospitalah enkawl an nih. An baw pa khawm hi hospitala enkawl mek a nih. HYA le KKL han inbiekna an nei mek a, sienkhawm hospitala enkawl vawng an la ni leiin inbiekna tak tak iengkhawm a la um thei hri nawh. A hliem hai enkawl dam phawta a damte a inbiek el dingin an la rel phawt niin ei thu dawngna chun a hril.
PDP in an Chief Ministerial candidate dingin Mehbooba Mufti an thlang; Vawisun BJP MLA han meeting an nei ding
SRINAGAR: Jammu & Kashmir a sawrkar thar siem dan ding thu le inzawmin zanikhan Peoples Democratic Party (PDP) MLAs han Srinagaar khawpuiah meeting an nei a, an party Chief Ministeriala candidate dingin PDP thuoitu lu tak Ms. Mehbooba Mufti an thlang. Zani hmasa khan Ms Mehbooba Mufti hin New Delhiah PM Narendra Modi an hmupui a, hi huna hin BJP le an inkara inhrietthiemnawna um an chingfel a, J&K ah sawrkar thar BJP leh siem thei ding ngirhmuna a hung um leia PDP hin an Chief Ministerial Candidate ding hi an thlang a nih.
Ms Mehbooba Mufti pa Mufti Mohammed Sayeed, J&K Chief Minister ni laizing January 7, 2016 nia a thi leiin PDP le BJP inkawpa siem J&K Ministry chu a hung tluse a, January 8, 2016 a intahwka J&K a hin sawrkar cheltu um talo le a hnungah Governor Rule hnuoia siea hung um a nih. J&K hi Governor Rule hnuoiah thla 2 chuong a u m ta a, tukhawm hin Governor Rule hnuoia la um zing a nih.
Sawrkar thar siem a hung ni thei a, Ms Mehbooba Mufti in Chief Minister sin a hung chel chun Ms Mehbooba Mufti hi Jammu and Kashmir a nuhmei Chief Minister hmasa tak ding a la nih. J&K Assembly Election hi December, 2014 a kha nei le Mufti Mohammed Sayeed CM nina hnuoia Coalition Government siema hung um a nih.
PDP le sawrkar siem dinga insingsa mek BJP MLA han vawisun hin Srinagarah meeting nei an ta, sawrkar thar siem dan ding thua an hmalak dan ding hriltlang an tih. Hi meeting a BJP High Command aiawa zu thang dingin Ram Madhav,BJP’s National General Secretary le J&K Affairs incharge le Union Minister of State for Prime Minister Office (PMO) hai pahni ruot an nih. BJP MLAs le BJP High Command palai haiin meeting an nei zoah State BJP President Sat Pal Singh in J&K Governor N.N. Vohra an hmupui ding nia hril a nih.
Good Friday chibai an buk
IMPHAL: Vawisuna Manipur a Good Friday hmangtu dinghai po po Manipur Governor V. Shanmuganathan, CM O.Ibobi Singh, Assembly Speaker Th. Lokeshwar Singh, Dy. Speaker M.K. Preshow Shimray le Political party tum tuma thuoitu han Good Friday Chibai an buk.
Zanikhan Yaoshang a ni hnina hmang a ni a, sun huna Games & Sports thawin hun hmang a ni a, zan huna nunghak le tlangval han Thaanchongba an thaw tawl.
Police han Traffic fine in Rs. 1.55 lakh
IMPHAL: Yaoshang buoina um lo le inlirthei eksiden laka invengna dingin March 22, 2016 a inthawk khan Manipur Police han Imphal East le Imphal West District haiah traffic drive an thaw a, zani chen khan Zurui puma motor khal le traffic rule bawse an man haia inthawk fine Rs. 1.55 lakh an hmu ta niin Police thusuok chun a hril. Yaoshang hi march 27, 2016 chen hmang ning a tih. Hi hun sung hin Imphal nitin Chanchinbuhai khawm an chawl vawng a nih.
Bomb puokah TMC leader a thi
KOLKATA: Zani hmasa zan khan West Bengala South 24 Parganas districtah tu ti hriet lo han bomb an sukpuok a, bomb puok a hin Trinamool Congress leader Haji Abdul Jehel (75) in thina a tuok. TMC chun bomb hi CPI (M) workers hai sukpuok a nih tiin an intum. Anchal Sabhapati hi election meetinga fe a hung kir tieng tu ti hrietlo pakhatin Kakwip hmuna bomba a lo deng a ni a, bomb puokna hmuna hin a thi nghal a nih.
Heroin leh myanmar mi man
AIZAWL: Mizoram Excise and Narcotics department (MEND) chun zani hmasa khan Myanmar mi Lalrinliani (39) of Tahan, Myanmar chu Heroin grams 28 leh an man. Heroin mana um hi Rs. 90,000 manhu vel dinga hisap a nih tiin MEND thusuok chun a hril. Chun, zani hmasa ma khan Lalvenhima (18) of Champhai chu, Rangvamual, Aizawlah Ganja Kg. 7 leh an man bawk.
Union minister hlui in TDP a zawm
HYDERABAD: Union Minister hlui le Congress leader A Sai Pratap chun zanikhan Andhra Pradesha sawrkarna siemtu Telugu Desam party (TDP) a zawm. A. Sai Pratap hi TDP President N. Chandrababu Naidu in alo lawmlut. Sai Pratap hi Rajampet Lok Sabha Constituency, Kadapa districta inthawk MP term 6 thlangtlinga lo um ta a ni a, UPA2 sawrkara Dr Manmohan Singh PM nina hnuoia khan Union Minister of State for Steel a lo chel a nih. Sai Pratap hin Andhra Pradesh state khawidara Telangana state hran siem dodalnaa kum 2014 a kha Congress party a inthawk lo suokdawk/inban le hi taka inthawk iemanichen politics lo chawlsan a nih.
Dr Ambedkar memorial bawlna sin April 14a tan ding
MUMBAI: Maharashtra Chief Minister Devendra Fadnavis chun, Indu Mill’s compound, Dadar, Mumbai hmuna Dr Babasaheb Ambedkar Memorial bawlna sin chu April 14, 2016 a inthawk tan ning a tih tiin Maharashtra Assembly an hriettir. Mumbai Metropolitan Region Development Authority (MMRDA) in memorial enkaina sin lo thaw phawt dinga mawphurna pek an nih tiin Fadnavis chun a hril bawk.
Kanhaiya pheikawka deng
HYDERABAD: JN University President Kanhaiya Kumar chu zanikhan Hyderabad hmuna seminara thu a hrilna huna pasal pakhatin a pheikawk hlipin a deng a, sienkhawm a deng fuk nawh. Seminar hi ‘Constitutional Rights’ ti thupui hmanga Sundrayya Vignana Kendram (SVK) in an huoihawt a nih. Kanhaiya pheikawka dengtu hi Police han manin an thuoihmang. Kanhaiya hi JN Universitya protest nei huna Anti India slogan khekpui a nina le inzawma man, thla 6 sung interim baila insuo a nih.
Time magazine influential contender listah Modi
NEW DELHI: Time magazine in khawvela mi lungril hne thei ( most influential) tak hai hming a lakkhawm lai PM Narendra Modi hming khawm a thang ve.‘TIME 100’ most influential people list hi thla thar khin puonglang a ni ding a nih. Modi hi nikuma Time’s 100 most influential peoplea khawm a lo thang ta a nih. 127 list a chun Indiaborn Google CEO Sundar Pichai le Microsoft CEO Satya Nandella hai bakah Tennis star Sania Mirza, actor Priyanka Chopra le Indianorigin actor Aziz Ansari hai khawm an thangsa.
Zika Virus vaccine India rama siem mek a nih:WHO
WHO: World Health Organisation (WHO) chun tulaia rambung thenkhat haia natna hri thar inleng mek Zika Virus damdawi (vaccine) siemna sin chu India ram thangin khawvel rambung dang dang 5 haia thaw mek a nih tiin a hril. WHO Director General Margaret Chan chun, Zika Virus hi kum khat sunga khawvel pumpui dapsuok thei a ni thu; Company 30 chuongin virus testna ding an buoipui mek a, a damdawi siemna dingin projects 23 fepui mek a nih tiin a hril bawk. WHO chun Zika Virus lei hin February, 2016 khan international public Health emergency a lo puong ta a, khawvel rambung 38 haiah Zika virus hmusuok a ni ta bawk a nih.
Haryana in zangnadawmna Rs. 50 lakh in a sukpung
GURGAON: India ram venghimna dinga hringna chan armed forces personnel (sipai) sunghai kuoma zangnadawmna Rs. 20 lakh pek hlak chu tuta inthawk Rs. 50 lakh pek ni tang a tih tiin Haryana Chief Minister Manohar Lal Khattar chun a hril. Hi thu hi zani hmasaa Gurgaon hmuna ni 3 sung aw ding ‘Bharat Kesari Kushti Dangal’ functiona thu a hrilna huna a puong a nih. Panchkula hmuna‘Sainik Shiksha Kendra’ le Jhajjar districta Chhuchhakwas villageah Sainik School pathumna ding hawng belsa ni bawk a tih tiin Khattar chun a hril bawk.
India le France han MoU an ziek
NEW DELHI: India le France hai chun Maharashtraa Jaitapur hmuna Nuclear Reactor 6 bawlna dingin Memorandum of Understanding (MoU) an ziek. Electricite de France (EDF French public utility) high level delegation team ni 2 sung chama Mumbai an hung inzin sunga National Power Corporation of India Ltd (NPCIL) le uluk taka hriltlangna an nei hnunga MoU hi zani hmasaa kha an ziek a nih.
LeT han Bal Thackeray that an tum: Headley
NEW DELHI:PakistanAmerican terrorist David Headley chun, LashkareToiba (LeT) terrorist han Shiv Sena Supremo Bal Thackeray khawm that an lo tum tiin video conferencing fethlenga cross examination a nihnina zanita nei huna a hril. Headley chun Thackeray that tumna le inzawm hin Sajid Mir supervised na hnuoiah Sena Bhavan khawm tum hni a lo va sir ta thu a puong bawk. Headley hi 26/11a Mumbaia terrorist hai chetna le inzawma US a man, tuta US jaila intang mek a nih.
Iran President Pakistanah an zin ding
ISLAMABAD: Iran President Hassan Rouhani chu ni 2 sung cham dingin March 25, 2016 khin Pakistan ramah inzin a tih. Pakistan PM Nawaz Sharif fielna anga Hassan Rouhani hi Pakistana inzin ding niin Pakistan foreign office thusuok chun a hril. Tuta tum hi Rouhani in Iran President a ni hnunga Pakistan an zin vawikhatna ding a nih. Rouhani hi ministers le senior officials le sumdawngtu lien hai thangin high level delegation team in zui an tih. Pakistan a cham sungin Pakistan President Mamnoon Hussain le PM Nawaz Sharif hai khawm i nhmupui a tih.
VAWISUN THUPUI
Chun, zanbu suong pha chun Isu chu rawl inringtakin,“Eloi, Eloi, lama sabakthani?” tiin a khek suok a. (Chu chu “Ka pathien, ka Pathien, iengdinga i mi maksan?” tina a nih). Marka 15:34
Editorial: Her danglam inla a tha dim?
Kristien sakhuo zuituhai ta ding chun Thonawkna thu hi ei thuring innghatna pawimaw tak a ni a, thonawkna thang lovin Kristienhai ringna hi famkim naw nih. Isu thonawkna hi ringtuhai tho hma thuoitu a ni a, Isu angin ei tho nawk ding a nih ti hi ringtuhai po po chun ei ring nghet seng ring a um. Hi ringna nghet tak ei nei thei lei hin Kristienhai hi ei vangnei a, ei thla a muong hlak a nih. Thonawkna ringtuhai ei ni leiin kum tinin Good Friday hi khawvel pumpuia ringtu han ursun takin ei hmang hlak a nih. Ei hmang dan ruok chu Christmas ang thoin inang tawl naw nih. A hmang tha le a hmang indik han thathnempui an ta, a hmang suol hai chun an thathnempui nekin an sietpui el ding a nih. Mani thua innghat, hmang tha theitu le hmang suol theitu seng ei nih.
Thonawkna hi ringtuhai hnena a nih. Hi thu hi I Korinth 15: 54, 57 haiah chieng takin zieklang a nih. Krista thina le thonawkna hin suol thina le a thlan a hne el chau ni lovin, taksa thar, thonawkna taksa ropui chu a mi pek a nih. Tuta ei taksa hi hmawn thei le thu thei taksa a ni a, suol put taksa a nih. Thonawkna taksa ruok chu hmawn thei lo le thu thei ta lo taksa, Van taksa thilthawtheina nei a ni ding a nih. Suol le thinain a ngam lo taksa Krista angin hnena changin ei tho nawk ding a nih. Thlarau tieng taksa, pila siem ni ta lovin, thlarau tieng taksa, thilthawtheina le hnena chang a ni ding a nih.
Suol le natna, lungngaina le mittui tlakna, suol put taksa chu hi hnuoiah hin kir nawk a tih. Amiruokchu, thlarau taksa, suolna le buoinain a sukbuoi phak ta lo Van taksa inchang a keithoin ei um ding a nih. Ienganga ropui ding am ti ruok chu ei hriet nawh, nisienlakhawm, Krista tho le taksa angin ei um ve ding ti ruok chu ei hriet. Keitho Isua chun hieng hi ei hmu a nih. A thuoihruoihai kuoma damin an lar a. A fakin a dawn, hmu thei le tawk theiin a um a nih. A um dan le a ropuina chu inchuktirhai hmu laizingin vantieng a lawn a nih.
Thina chel hlen ruol lo, Isu thina chu Pathienin a keitho ta a nih. Pathien keitho Isu a nih. Isu ah Pathien famkimna um zing sienlakhawm, mihriem nina famkim hlen suok a tul bawk si leiin a thi a tul a. Kross lerah khan, “Ka Pathien, Ka Pathien, ieng dinga i mi maksan?” tia a khek a hung tul ta a nih. A Pathienna chun thina chu a chel ngir thei ngei ding a nih, nisienlakhawm, a mihriemna chu a lo thi ta a nih. Isu ah famkimna ei hmu ang bawkin a mihriem famkimna khawm ei hmu a nih. Ringtuhai tho hmathuoitu a nih. Thlanah a hnuoi silfenhai chu a maksan a, van silfena inthuomin thlan khur a suoksan tah. Hi a thonawkna a hin ei ringna pumhlum an nghat ta a. Isu hi thi lovin thina a inthawk tho nawk tanaw sienla ei ringna chu a thlawn el hung ning a ta, suolah hring zing ei ta, ei thi hnungah ei boral nghal el ding a lo nih.
Amiruokchu, Krista thonawkna chun hmangai fe tahai leh inhmu nawk a min beiseitir a, a thonawkna leiin mi po po ei tho nawk ding a nih. Lal Isu ngeiin, “Pathien chu mithi Pathien a ninaw a, mihrieng Pathien a ni lem” a ti a nih. Hi thu hi Mathai 22:32 ah ziek a nih. Krista chu a hring leiin damin ei tho nawk ding a nih.
Kum tin Good Friday zatin Isu thonawk thu sermon tha tak tak ei Biekin haiah ei ngaithlak hlak a. Amiruokchu, Biekin tin zova hlasak lengkhawm annawleh titina haia chun thalaihai ei thang pei naw leiin thalai hmel hmu ding a um ngai nawh. Hieng a ni lei hin ei Good Friday hmang dan hi her danglam inla a tha dim? Hlasak lengkhawm le tititlangna bakah thalai le naupanghai ta dingin Isu thonawkna le inzawmin drama inelna annawleh essay ziek inelna dam nei inla ei Good Friday hmang hi tuta nek hin a hung tangkaiin umzie a hung nei el thei naw ding maw? Kohran thuoitu han hung bawzui hai sienla nuom a um. Chun, hi inelnaa hin lawmman tha tawk siem ni ngei sienla nuom a um.
