New Delhi, March 26, 2016 (Virthli): Vawisun dar 12 a inthawk khan Delhi le a sevela khawsa Hmar inchuklai hai le nu le pa thahnem tawk takin Convention Centre, JNU, New Delhi khawpuiah a vawithumna dingin Thiemfin (Literary and Art Meet) an hmang. Hi hun hih Hmar Students Association, Joint Headquarters, Delhi huoihawtna hnuoia hmang niin Hmar hnam nun le tawng besana thiemthil chi hrang hrang hai-ah inchuklai haiin inruolsiekna an nei.
Thiemfin vawithumna hmang zo ta a um hih Tv. Mordekai Joute le Nk. Ruth Lalromawi haiin an keihruoi a. Hun hmasa takah, ‘Aw Kan Hmarram’ le ‘Mani Tawng’ ti hla hai mipui fekhawm haiin an sak zovin, Pu Immanuel Khawbung, Chairman, Department of Youth and Music Affairs, Hmar Christian Fellowship Delhi in tawngtaina’n hun a hawng. Tv. Lalhrietsung Sanate, President, HSA, Jt. Hqtrs. Delhi in mipui fekhawmhai lawmlutna le Thiemfin hmang tan dan le hmang pei a nina san hai a hril a. Tv. Lalhrietsung in thiemthil chi hrang hrang hieng: Quiz, Hlasam (poem) ziek-in-siek, tiemani tawi ziek-in-siek, debate, hla phuok in-siek le a dang dang hai a hnam nunphung vawng le tawng sukhmasawnna dinga Thiemfin hi buotsai hlak a ni thu a hril a nih.
Inruolsiekna hmasatakah, hlasam phuok in-siekna inchuklai paruk thangin an nei a. Hlasam thar mawi tak tak el, phusuokin a um a nih. Hi zova hin Pu Zarzolien Keivom a inthawkin ‘Hnam Boral Dinghai’ ti thupuia hmangin thuhrilna a nei. Pu Zarzolien-in Hmar hnam boral theina ding lampui chi hrang hrang, Hmar hnamin a hmasuon mek hai hrilin, chuonghai laka Hmar hnam damna ding hai a hril a nih. Thuhriltu’n Hmar tawng hmang thiem a pawimaw zie, Hmar tawng neka tawng dang chunghnunga sie a mani tawng hmang tlawm a pawizie hai hrilin, Bu Hmasa a inthawka tawng inchuk a pawimaw zie a hril a. Sungkuo le ram, ama le ama indo an ngirsuok ngai naw ang bawkin Hmar hnam sunga indona’n Hmar hnam a suksietzie hai le a la suksiet pei ding hai a hril. Mizorama HPC movement khawm a tum tak a tlung zo naw san tak chu Hmar sunga inremnawna lei ni’n a hril a nih. Pu Zarzolien-in a hril peina a chun ei rama Pathien ram nekin kohran/pawl ram rawng ei bawl nasat zie hai hrilin, pawl tui lienin Hmar hnam a suksiet nasa ta leiin khuo tinah local church/fellowship inngir a pawimaw zie hai hril sa bawk a nih. Thuhril ngaithlak zovah, Nk. Esther Ruolngul a inthawkin ‘Sinlung Khawpui’ ti hla mawi taka sakin mipui fekhawmhai an awi.
Hun hmang zawm pei ni’n, group hrang hranga insiemin Hmar nunphung le tawng besanin Quiz le inruolsiekna chi hrang hranghai nei zawm pei a nih. Tienami tawi ziek in-siekna ah Nk. Lalrawlmawi Darngawnin lawmman pakhatna a lak a, Hlasam phuok insiek-ah Nk. Jessica Infimate in lawmman pakhatna, Hla phuok insiekna-ah Tv. Wilson Lalrotluong Sungte in lawmman pakhatna a lak thung a nih. Kut them thiem inelna (DIY)-ah Tv. Kevin Fimrolung Fimate-in lawmman pakhatna a lak bawk a nih. Inruolsiek nuhnung takah Debate nei a ni a. Mover a inthawkin Tv. Fred Khawbung in lawmman pakhatna a lak a, Opposer a inthawkin Nk. Immanuel Lalsanhim in lawmman pakhatna a lak thung. Thiemfin a thaw hlak angin hnam thuoma inchei mawi tak nuhmei pakhat le pasal pakhat thlang suok an ni a. Vawisuna thlang suok hai chuh, pasalah Tv. Wilson Lalrotluong Sungte le nuhmeiah Nk. Beauty C Sinate hai an nih. Thiemfin hmanga fekhawm mipui po povin bu le sa inhnik tak hme in khawp le tlai taka sunbu an fak tlang bawk a nih.
Vawisuna Thiemfin hmang a ni huna hin International Human Right Organisation a inthawkin Pu Bipin Bargal Bhargavi, Manager le Pi Sonal Dhir haiin an uop. Thuhrilna hun tawite pek an nih. India Hmarsak biel hmasawnna dinga an hmalak mekna hai hrilna an nei.
Hun tawpna tieng, Nk. Thelma Ramthienghlim, Secretary, HSA, Jt. Hqtrs. Delhi in lawmthu hrilna a nei zovin, lawmman semna nei a ni a. Pro-Pastor Zarzolien Infimate in tawngtaina’n Thiemfin Vawithumna chuh dar 8 in suk tawp a nih.
Thiemfin vawithumna hmang zo ta a um hih Tv. Mordekai Joute le Nk. Ruth Lalromawi haiin an keihruoi a. Hun hmasa takah, ‘Aw Kan Hmarram’ le ‘Mani Tawng’ ti hla hai mipui fekhawm haiin an sak zovin, Pu Immanuel Khawbung, Chairman, Department of Youth and Music Affairs, Hmar Christian Fellowship Delhi in tawngtaina’n hun a hawng. Tv. Lalhrietsung Sanate, President, HSA, Jt. Hqtrs. Delhi in mipui fekhawmhai lawmlutna le Thiemfin hmang tan dan le hmang pei a nina san hai a hril a. Tv. Lalhrietsung in thiemthil chi hrang hrang hieng: Quiz, Hlasam (poem) ziek-in-siek, tiemani tawi ziek-in-siek, debate, hla phuok in-siek le a dang dang hai a hnam nunphung vawng le tawng sukhmasawnna dinga Thiemfin hi buotsai hlak a ni thu a hril a nih.
Inruolsiekna hmasatakah, hlasam phuok in-siekna inchuklai paruk thangin an nei a. Hlasam thar mawi tak tak el, phusuokin a um a nih. Hi zova hin Pu Zarzolien Keivom a inthawkin ‘Hnam Boral Dinghai’ ti thupuia hmangin thuhrilna a nei. Pu Zarzolien-in Hmar hnam boral theina ding lampui chi hrang hrang, Hmar hnamin a hmasuon mek hai hrilin, chuonghai laka Hmar hnam damna ding hai a hril a nih. Thuhriltu’n Hmar tawng hmang thiem a pawimaw zie, Hmar tawng neka tawng dang chunghnunga sie a mani tawng hmang tlawm a pawizie hai hrilin, Bu Hmasa a inthawka tawng inchuk a pawimaw zie a hril a. Sungkuo le ram, ama le ama indo an ngirsuok ngai naw ang bawkin Hmar hnam sunga indona’n Hmar hnam a suksietzie hai le a la suksiet pei ding hai a hril. Mizorama HPC movement khawm a tum tak a tlung zo naw san tak chu Hmar sunga inremnawna lei ni’n a hril a nih. Pu Zarzolien-in a hril peina a chun ei rama Pathien ram nekin kohran/pawl ram rawng ei bawl nasat zie hai hrilin, pawl tui lienin Hmar hnam a suksiet nasa ta leiin khuo tinah local church/fellowship inngir a pawimaw zie hai hril sa bawk a nih. Thuhril ngaithlak zovah, Nk. Esther Ruolngul a inthawkin ‘Sinlung Khawpui’ ti hla mawi taka sakin mipui fekhawmhai an awi.
Hun hmang zawm pei ni’n, group hrang hranga insiemin Hmar nunphung le tawng besanin Quiz le inruolsiekna chi hrang hranghai nei zawm pei a nih. Tienami tawi ziek in-siekna ah Nk. Lalrawlmawi Darngawnin lawmman pakhatna a lak a, Hlasam phuok insiek-ah Nk. Jessica Infimate in lawmman pakhatna, Hla phuok insiekna-ah Tv. Wilson Lalrotluong Sungte in lawmman pakhatna a lak thung a nih. Kut them thiem inelna (DIY)-ah Tv. Kevin Fimrolung Fimate-in lawmman pakhatna a lak bawk a nih. Inruolsiek nuhnung takah Debate nei a ni a. Mover a inthawkin Tv. Fred Khawbung in lawmman pakhatna a lak a, Opposer a inthawkin Nk. Immanuel Lalsanhim in lawmman pakhatna a lak thung. Thiemfin a thaw hlak angin hnam thuoma inchei mawi tak nuhmei pakhat le pasal pakhat thlang suok an ni a. Vawisuna thlang suok hai chuh, pasalah Tv. Wilson Lalrotluong Sungte le nuhmeiah Nk. Beauty C Sinate hai an nih. Thiemfin hmanga fekhawm mipui po povin bu le sa inhnik tak hme in khawp le tlai taka sunbu an fak tlang bawk a nih.
Vawisuna Thiemfin hmang a ni huna hin International Human Right Organisation a inthawkin Pu Bipin Bargal Bhargavi, Manager le Pi Sonal Dhir haiin an uop. Thuhrilna hun tawite pek an nih. India Hmarsak biel hmasawnna dinga an hmalak mekna hai hrilna an nei.
Hun tawpna tieng, Nk. Thelma Ramthienghlim, Secretary, HSA, Jt. Hqtrs. Delhi in lawmthu hrilna a nei zovin, lawmman semna nei a ni a. Pro-Pastor Zarzolien Infimate in tawngtaina’n Thiemfin Vawithumna chuh dar 8 in suk tawp a nih.
