HSA in Manipur DGP lawmpuina an nei
CCPUR: HSA GHQ le CCPur Jt. Hqrts thuoitu hai chun zanikhan Manipur Director General of Police (DGP) Pu L.M. Khaute chu Imphala a officeah an van hmupui a, Manipur DGP a kaisang lawmpuinain Hmar Thangsuopuon insiltirna an nei. Pu Khaute hi Manipura Tribal hai laia DGP ni hmasa tak a niin HSA thusuok chun a hril.
Children’s Retreat 2016 zo
CCPUR: For One Life (FOL) huoihawtnaa HSA Complex, Rengkai hmuna January 11, 2016 a inthawka ‘3rd Childrens Retreat 2016’ tana um chu zani zan khan zo a lo nitah. Childrens Retreat nei hun sung hin USA a inthawka hung FOL member han naupang hai thu le hlaa inpawlpuina an nei bakah thil chi tum tum haiah insukhlimna an neipui a, naupang thang hai chu Downtown Grafix in mawi taka an print TShirt a thlawnin an pek bakah refreshment tuihnai tak an pek bawk a nih. January 13, 2016 zan hun haiah Youth service hmang hlak a nih. Tukum Childrens Retreat a hin naupang 2000 chuong an thang a nih.
DTO a Smart Card Printer siem zo
CCPUR: District Transport Office, CCPur a Smart Card Printer siet leia Driving Licence le Vehicle documents smart card print thei lova um chu siemthat a nita leiin nidang ang bawkin Driving Licence Smart Card print thei nawk a nitah. Smart Card Printer hi a sieta inthawk karkhat vel hnunga siemthat zo chau a nih.
Dist. Level Security meeting
CCPUR: January 26, 2016 nia Public Ground, CCPur hmuna District Level Republic Day lawmna hung um ding le inzawmin January 19, 2016, 11:00AM khin DC Officea BRGF Resource Centreah District Level Security CoOrdination Committee meeting um a tih. Hi huna hin Police, IRB, Army, BSF le CRPF haia Officer hai chu thang seng dinga inhriettir an nih.
Tuilawng an inruk hmang
CCPUR: January 13, 2016 sunvarlai khan tu ti hrietlo han D. Vaison ram sunga tuilawng (pipe) 65mm, tui laknaa hmang chu tluon 10 vel an inrukhmang nin ei thu dawngna chun a hril. Tuilawng inrukhmanga um hai siemthat a ni hma chun Koitea inthawk Tuibuong area in tui supply an hmunaw ding a nih.
BJP Muncipal le Panchayats Election-ah hma a sawn: Cong. a tla hnuoi
IMPHAL: January 11, 2016 nia Manipur phairam district 4 Bishnupur, Imphal East, Imphal West le Thoubal district haia Municipal Council (MC) 18 le Nagar Panchayats (NP) 8 haia Wards 279 le Ward Development Committees 558 inthlangna uma vote tla hai chu zanikhan DC Office, Thoubal; DC Office Bishnupur; DC Office Lamphelpat; DC Office Porompat le ADC Office, Jiribam haiah tiem a ni a. Result kimchang tak hrietna la nei hri naw inla khawm ei hriet chinah BJP chun hma an sawn hle. Hi thu ei sut chena result ei hriet hai chu a hnuoia ang hi a nih.
IMPHAL WEST:
Sekmai NP: Total Seat 9 INC-7, BJP-1 ; Ind-1
Lamshang NP:Total Seat 9: INC-8 ;Ind-1
Mayang Imphal MC:Total Seat 12: BJP-7, INC-2 ; Ind-4
Wangoi MC Total 9; INC-3; Ind-6
IMPHAL EAST:
Lamlai MC: Total Seat 9: Declared All: BJP-6 ; INC-3
Andro Nagar Panchayat [NP]: Total Seat 12; Declared All : INC-6 BJP-3 ; Ind-3
Jiribam MC: Total Seat 10 Declared all: INC-5; Ind-5
THOUBAL DISTRICT:
Lillong Municipal Council [MC]: Total Seat-9 : INC-5, Independent (Ind)-4
Thoubal MC: Total Seat 18: Declared 18 - Ind.-16 ; INC-2
Kakching MC: Total Seat 12: Declared All : INC-7, BJP-3 ; Ind-2
Kakching Khunou MC: Total Seat 9 : BJP-6, INC-1 & Ind-2
Sugnu MC: Total Seat 9: INC-5, BJP-1 ; Ind-3
BISHNUPUR DIST:
Nambol MC: Total Seat 18 : BJP-12, INC-5 ; Ind-1
Kumbi MC: Total Seat 9 : Ind-6, BJP-2 ; CPI-1
Ningthoukhong MC:Total Seat 14: INC-12 ; BJP-2
Bishnupur MC: Total Seat 12 : INC-8 ; BJP-4
Kwakta MC: Total Seat 9 : INC-4, Ind-3 ; BJP-2
Moirang MC: Total Seat 12: Declared 10: INC-5 ; BJP-5
Dy. CM Myanmara Business conclaveah
IMPHAL: January 1819, 2016 inkar sung Town Hall, Monywa, Saigaing Region, Myanmar hmuna Business Conclave um dinga chun Dy. CM Gaikhangam khawm hang thang a ta, border trade and investment le banking thuah thuhrilna hun a hmang bawk ding a nih. Conclave hi Consulate General of India, Mandalay in Saigaing Region Goverment (Myanmar) le Indian Chamber of Commerce (North East Chapter) Guwahati hai le thangruola an huoihawt ding a nih.
Union Minister a hung inzin ding
IMPHAL: Minister of state for Science and Technology and Earth Sciences, Y.S. Chowdary chu January 21, 2016 khin ni 2 sung cham dingin Manipur a hung inzin ding niin ei thu dawngna chun a hril. Mr Chowdary hi Institute of Bioresources and Sustainable Development, Takyelpat hmuna function a uop a tih. Manipur a hung hma in Assam statea Jorhat hmuna CSIR hung sir malam bawk a tih.
State Level Essay Competition
IMPHAL: National Voters Day, 2016 le inzawmin Election Department, Manipur chun “Inclusive and Qualitative Electoral Participation” ti thupui hmangin State Level Essay Competition huoihawt a tih. Lawmman pakhatna dawngtuin Rs. 5,000 le Certificate; pahnina in Rs. 3,000 le Certificate le pathumnain Rs. 2000 le Certificate dawng an tih. Essay hi saptawng words 2,500 a ziek ding a nih. Hi Competition a thang thei ding hai chu Class XI to Post Graduate inchuklaihai anni ding a nih. Esay Competition a thang nuom han Jan. 20, 2016 chenin Chief Electoral Officer, Manipur Officeah mani essay ziek hi peklut thei ning a tih.
Joint Security meet an buotsai
IMPHAL: Republic Day muongum taka hmang ditna leiin 9 Assam Rifles a12Bihar Regiment hmalaknain Jan. 14, 2016 khan Patsoi Police station le Patsoi Post Commander hai leh joint security meet nei a nih. Hi huna hin lal le hnam sung thuoitu tum tum hai bakah gram pradhans, le exservicemen hai khawm an thang tawl.
CJM hmaah inlangtir a nih
IMPHAL: January 11, 2016 nia Keishamthong hmuna Manipur Journalist 4 sawisak hliem an ninaa mawphurtu taka intum Meisnam Dujon Singh chu zanikhan Chief Judicial Magistrate, Imphal West hmaah inlangtir a ni a. Court chun ni 15 sung Judicial Custody (Jail) a um phawt dingin a rel.
India ram security chona iengkim hmasawn dingin Army chu an pei zing a nih: Gen. Dalbir Singh
NEW DELHI: Zanikhan New Delhi hmuna 68th Army Day hmang a nih. January 15, 1949a Lt. Gen. K.M. Cariappa in British Commander in Chief nuhnung tak kuta inthawk India Commander in Chief hmasatak dinga charge a lak hrietzingna ding le India ram sanna dinga hringna lo inhlan tah sipai hai inzana le hrietzingna dinga kum tina Army Daya hmang hlak a nih.
Hi huna Indian Army Chief Gen. Dalbir Singh Suhag in thu a hrilnaah, India le China ram inrina hmuna boruok rik tak sukrena dinga inringzotuona a um theina dingin hma lak mek a ni thu hrilin a tu tieng tieng khawmin inlaichinna thalem a um theina dingin a thazawngin hma an lak tiin a hril. Ramri thlang tiengpanga inthawk India rama hung lut rukna khawm tlawm tieng a pan a, ei ram himna (security) thila chona iengkim hmasawn dingin India sipai (Army) hai chu an inpei zing thu; Indian Army hai chu khawvela sipai tha (most professional forces) laia thang phak an nih tiin a hril. Ei ram himna sukder thawng thei thil hai laka san himna dingin services pathum Army, Navy le Air Forces han thangruolna tha tak an nei a pawimaw thu a hril. Tulai hnaia Tamil Nadua Chennai khawpuia tuilien le Nepal rama simkhawlei inhning huna sansuokna le sawmdawlna sin thawna kawnga India sipai hai sinthaw dan chu lungawium a ti thu hrilin an pak a, Veteran hai harsatna le beidawngna ngaithlaa chingfeltu dingin Veteran Directorate indin a ni ding thu, Veterans hai enkawlna dingin Base hospital ah veteran wing indin vat a ni ding thu, ralthuom changkang lem nei a pawimaw thu a hril bawk.
PM Narendra Modi chun Army Day le inzawm hin India sipai hai huoisenna, tumruna le inpekzonaah chibai a buk a, Congress President Sonia Gandhi khawmin sipai huoisen hai chibai bukin ei ram venghimna dinga hringna lo inhlan ta hai inzana a pein an huoisenna ram pumpuiin a suong hle a nih tiin a hril.
Army Day hmang hmangna huna hin Serices pathum Army, Navy le Air Force haia hotu lu tak Army Chief Genral Dalbir Singh, Navy Chief Admiral Robin Dhowan le Air Force Chief Arup Raha han New Delhia Amar Jawan Jyoti hmuna India ram venghimna dinga hringna lo inhlan ta hai inzana an pek.
Centre Fund a innghat lo dingin a ngen
KOHIMA: Nagaland Roads and Bridges Minister, Y Vikheho Swu chun, Nagaland mipui hai chu sawrkar thlungpui sum hung pek ringawta innghat lo ding le, mania intodel a pawimaw thu hrilin intodelna dan ding lampui dap dingin a ngen. Nagaland sawrkarin sum le paia harsatna a tuok mek hi Special category status suktawp lei amani ni lovin Nagaland in thawsuok a neive naw lei a nih tiin Swu chun a hril. Hi thu hi 44th Sumi Aphuyemi Kiphimi Kuqhakulu (SAKK) general conference zani hmasaa a hawngna huna a hril a nih.
Security ngirhmun an ennawn
NEW DELHI: Home Minister Rajnath Singh,Defence Minister Manohar Parrikar le National Security Adviser (NSA) Ajit Doval le top officials dang dang hai chun January 26a India Republic Day hmang ding le inzawmin India ram security ngirhmun an ennawn. Ram pum huopa Republic Day hmangna ding hmun le hmun pawimaw dang dang hai chu uluk le khau taka veng dingin security tienga official hai an inhriettir.
New Delhi hmuna tukum Republic Day hmangnaa hin French President Francois Hollande chu khuollienin a thang ding a nih. Delhia Republic Day hmangna ding le inzawm hin venghimna sin thaw dingin paramilitary forces 10,000 sielut belsa an ni der ta a nih.
Petrol le Diesel man a tla hnuoi
NEW DELHI: Zani zanrila inthawk khan Petrol man chu litre 1ah paise 32 le Diesel litre 1ah paise 85 in a tla hnuoi. Hi dungzui hin Delhi a chun Petrol litre khatah Rs. 59.03; Kolkataah Rs. 64.87, Mumbaiah Rs. 66.9 le Chennaiah Rs. 59.45 ni tang a tih. Diesel ch Delhiah Rs. 44.18, Kolkataah Rs. 48.07; Mumbaiah Rs. 51.25 le Chennaiah Rs. 45.36 hung ni tang a tih.
Pakistan Airlines Office beina thuah Hindu Sev Chief man
NEW DELHI: January 14, 2016 nia Narayan Manzil, Barakhamba Road, Delhi hmuna Pakistan International Airlines Office Hindu Seva member 4 han an hlukhumna le inzawmin zanikhan Delhi Police chun Hindu Sena Chief Vishnu Gupta an man. Hi thila inrawlna neia intum midang hai khawm man tuma zawng zing an nih tiin DCP (New Delhi) Jatin Narwal chun a hril. Hindu Seva member 4 hai hin Pakistan Airlines Office sunga furnitures le computers hai bakah thil dang dang an suksiet a nih. Mr Gupta chun, hi thil hi an thaw ngei a ni thu hrilin Pakistan chunga an lungsen leia an thaw niin a hril.
Congress in Jan. 18 in darkar 12 Strike
AGARTALA: Agartalaa Opposition Congress chun, Dharmanagar Railway division siem ding; Kailashahar Airport suklien ding, Tripura State hnuoia sawrkar thawktu hai le pensioners hai Central payscale pek ding ti hai thanga Charters of demands point 20 an nei hai nawrnain Januaary 18, 2016 khin District pathum Dhalai, Unokoti le North Tripura haiah darkar 12 sung Strike thaw an tum.
J&K a Bus eksidenah mi 11 an thi
JAMMU: Zanikhan Jammu and Kashmira Udhampur districtah passenger phurtu Bus pakhat changsuolin rawlah a tlanliem leiin a sunga chuong mi 11 an thi bakah midang 20 in hliemna an tuok. Bus hi Ramnagar a inthawk Basantgarh pana tlan a ni a, KeyaKaintha area sunga tuoksiet hi a tuok a nih. Thi hai laia tamlem chu eksiden tlungna hmuna thi nghal an ni tawl. Hliem hai hi Udhampur le Ramnagar haia Hospitala panpui an ni a, hliem hai laia thenkhat chu an hliem inrik hle.
Foreign Terrorist Organisation in a puong
WASHINGTON: United States chun, tulai hnaia Afghanistan rama Pakistan diplomatic mission beinaa inrawl ve Islamic State Groups AfghanistanPakistan wing (ISILK) chu under section 219 of the Immigration of Nationality Act, hnuoiah Foreign Terrorist Organisation (FTO) in a puong. Hi pawl hai hi Islamic State Khurasan annawleh ISILK tia hriet an ni a, January 10, 2015 a indin niin cadres hai hi TehreekiTaliban Pakistan le Afghan Taliban a inthawk an ni tawl.
VAWISUN THUPUI
Lalpa chu ti phawt el unla, in lungril po poin titakzetin a rawngbawl u nla, in ta dinga thil a thaw ropuizie hi ngairo ro khai. Amiruokchu, suoltaka thil in la thaw rawp chun bohmang in tih, nangni le in lal khawm,” a ta. 1 Samuel 12:2425
Editorial
Sin hi thaw le taima ding a nih
Mihriem ei hung pieng suok a, ei dam pei taka chun, dam le hringna dingin fak ding ei nei a ngai a. Fak ding nei ding chun sin ei thaw a tul tlat a nih. Sin hi ei dam sunga thaw dinga Pathienin a lo ruot tasa a ni tlat si a. Ei dam theina dingin ei thaw inrim a tul hmasa phawt a nih. Ro, sum le pai tam tak nei inlakhawm sin ei thaw zui pei naw chun hmang zo a ni huna bek theitawp suo a sin thaw tho tho a tul. Hi lei hin thabo ding ei ninaw a, taima taka sin thaw seng ding ei nih. Ei Bible khawmin a thaw nawtu chun a fak khawm fa naw raw seh tiin a mi hril a nih. Damnaw le piengsuol ei ni ngawt naw chun mitin el hi sin thaw ngei ngei ding ei nih.
Sin thaw hi pathien a inthawka ei thaw dinga ruot, a zilna le ei ta dinga phurrik le rinum nisienlakhawm, sin thawtu, tam tak thawsuok a, iengkim nei thei hai hi chun inzaumna le rouina an hlaw rawp hlak. Thil tha ding hi hril hril inla, a thawa thaw naw chun iengkhawm hi hlen suok thei a ni nawh. Pathien chun hnuoi hi a malsawm tasa a ni leiin a thawtu taphawt chun malsawmna le hlawtlingna an chang hlak. Thaw lo chun hmu thei le nei thei a ni nawh. A thaw pei peiin an hmu rawn a, an chang tam el hlak.
Tuta hma ei pi le pu, nu le pa hai huna khan Zohnathlak hai lai sin thaw hi nitin khawsak le nunphung ta a ni leiin tukhawma rinum an ti naw a; kut le ke kim lo, invet le bawrsawmna lei a ni ngawt naw chun in a um mei mei le sin thaw tha thei lo ni kha inzakum an ti em em hlak. Sin thaw tul a um lai khawma tlangval Ina lo um ching hai chu nuizat ruk le entleu an niin tukhawmin makpa ding khawmin an dit ngai nawh. Thabo le sin thaw pei lo hai chu an chan a se hlak.
Amiruokchu, tulai hin chu thalai sin thaw pei lova khawlai leng mei mei, an hnik hnik du si ei tam ta hle. Hiengang mihai hin inzakna chang le inphalam nachang hlak an la nei bawk si leiin sungkuo tam tak ta dingin harsatna le beidawngna an tlun pha a nih. Tienlai hun ang khan hiengang mihai hi entleuin makpa le mo dingin hnawl ngam inla an hung insiem tha pha el dim maw? Mi thabo, sin thaw pei lo le lekha inchuk tha peilo hai hi iemani ti taka ei hnawl ngam a hun ta niin an lang. An um dana ei en liem el chun ei insung, ei khawtlang, ram le hnam ta dinga thangmawbawk pakhat a la hung ni ding a nih.
Mitin el hin mani hmazawn senga hin thaw ding le thaw thei ei nei seng a. Sungkuo ta dinga fakzawngtu la ni thei lo hai khawmin nakie tienga fakzawngna dinga inpuochain nitin inchuknainah an inbur ve tlat a ngai tho a nih. Chuongang chun nu le pa han sungkuo ta dinga taima taka an thaw laiin a sunzawm thei dingin naupang han inchukna le an thaw ve thei thil chi tum tum an lo thaw ve inbelkhawm chu hlawtlingna le hlimtlangna a hung ni ding a nih.
Tulai huna hin chu lekha inchuk ei uor a, naupang lekha inchuk lo le school kai lo hi an um ta meu nawh. Lekha inchuk khawm hi sin pakhat a ni a, hlawtling ngei dinga lekha tiem taimak le hun hmang that a tul takzet a nih. Lekha inchukna a sum seng tamzie hi a thar taka inchuklai han ei hriet nuom a um. Ei lekha inchukna ei hlawsam chu lo hma hlawsam anga ei inngai a tul a nih. Taima taka lekha inchuk le tiem hai hrim hrim a thiem thei naw an um nawh. Ei lekha inchuk ei thiem thei naw a ni chun lekha tiem le inchuk ei taima tawk naw tina a nih.
CCPUR: HSA GHQ le CCPur Jt. Hqrts thuoitu hai chun zanikhan Manipur Director General of Police (DGP) Pu L.M. Khaute chu Imphala a officeah an van hmupui a, Manipur DGP a kaisang lawmpuinain Hmar Thangsuopuon insiltirna an nei. Pu Khaute hi Manipura Tribal hai laia DGP ni hmasa tak a niin HSA thusuok chun a hril.
Children’s Retreat 2016 zo
CCPUR: For One Life (FOL) huoihawtnaa HSA Complex, Rengkai hmuna January 11, 2016 a inthawka ‘3rd Childrens Retreat 2016’ tana um chu zani zan khan zo a lo nitah. Childrens Retreat nei hun sung hin USA a inthawka hung FOL member han naupang hai thu le hlaa inpawlpuina an nei bakah thil chi tum tum haiah insukhlimna an neipui a, naupang thang hai chu Downtown Grafix in mawi taka an print TShirt a thlawnin an pek bakah refreshment tuihnai tak an pek bawk a nih. January 13, 2016 zan hun haiah Youth service hmang hlak a nih. Tukum Childrens Retreat a hin naupang 2000 chuong an thang a nih.
DTO a Smart Card Printer siem zo
CCPUR: District Transport Office, CCPur a Smart Card Printer siet leia Driving Licence le Vehicle documents smart card print thei lova um chu siemthat a nita leiin nidang ang bawkin Driving Licence Smart Card print thei nawk a nitah. Smart Card Printer hi a sieta inthawk karkhat vel hnunga siemthat zo chau a nih.
Dist. Level Security meeting
CCPUR: January 26, 2016 nia Public Ground, CCPur hmuna District Level Republic Day lawmna hung um ding le inzawmin January 19, 2016, 11:00AM khin DC Officea BRGF Resource Centreah District Level Security CoOrdination Committee meeting um a tih. Hi huna hin Police, IRB, Army, BSF le CRPF haia Officer hai chu thang seng dinga inhriettir an nih.
Tuilawng an inruk hmang
CCPUR: January 13, 2016 sunvarlai khan tu ti hrietlo han D. Vaison ram sunga tuilawng (pipe) 65mm, tui laknaa hmang chu tluon 10 vel an inrukhmang nin ei thu dawngna chun a hril. Tuilawng inrukhmanga um hai siemthat a ni hma chun Koitea inthawk Tuibuong area in tui supply an hmunaw ding a nih.
BJP Muncipal le Panchayats Election-ah hma a sawn: Cong. a tla hnuoi
IMPHAL: January 11, 2016 nia Manipur phairam district 4 Bishnupur, Imphal East, Imphal West le Thoubal district haia Municipal Council (MC) 18 le Nagar Panchayats (NP) 8 haia Wards 279 le Ward Development Committees 558 inthlangna uma vote tla hai chu zanikhan DC Office, Thoubal; DC Office Bishnupur; DC Office Lamphelpat; DC Office Porompat le ADC Office, Jiribam haiah tiem a ni a. Result kimchang tak hrietna la nei hri naw inla khawm ei hriet chinah BJP chun hma an sawn hle. Hi thu ei sut chena result ei hriet hai chu a hnuoia ang hi a nih.
IMPHAL WEST:
Sekmai NP: Total Seat 9 INC-7, BJP-1 ; Ind-1
Lamshang NP:Total Seat 9: INC-8 ;Ind-1
Mayang Imphal MC:Total Seat 12: BJP-7, INC-2 ; Ind-4
Wangoi MC Total 9; INC-3; Ind-6
IMPHAL EAST:
Lamlai MC: Total Seat 9: Declared All: BJP-6 ; INC-3
Andro Nagar Panchayat [NP]: Total Seat 12; Declared All : INC-6 BJP-3 ; Ind-3
Jiribam MC: Total Seat 10 Declared all: INC-5; Ind-5
THOUBAL DISTRICT:
Lillong Municipal Council [MC]: Total Seat-9 : INC-5, Independent (Ind)-4
Thoubal MC: Total Seat 18: Declared 18 - Ind.-16 ; INC-2
Kakching MC: Total Seat 12: Declared All : INC-7, BJP-3 ; Ind-2
Kakching Khunou MC: Total Seat 9 : BJP-6, INC-1 & Ind-2
Sugnu MC: Total Seat 9: INC-5, BJP-1 ; Ind-3
BISHNUPUR DIST:
Nambol MC: Total Seat 18 : BJP-12, INC-5 ; Ind-1
Kumbi MC: Total Seat 9 : Ind-6, BJP-2 ; CPI-1
Ningthoukhong MC:Total Seat 14: INC-12 ; BJP-2
Bishnupur MC: Total Seat 12 : INC-8 ; BJP-4
Kwakta MC: Total Seat 9 : INC-4, Ind-3 ; BJP-2
Moirang MC: Total Seat 12: Declared 10: INC-5 ; BJP-5
Dy. CM Myanmara Business conclaveah
IMPHAL: January 1819, 2016 inkar sung Town Hall, Monywa, Saigaing Region, Myanmar hmuna Business Conclave um dinga chun Dy. CM Gaikhangam khawm hang thang a ta, border trade and investment le banking thuah thuhrilna hun a hmang bawk ding a nih. Conclave hi Consulate General of India, Mandalay in Saigaing Region Goverment (Myanmar) le Indian Chamber of Commerce (North East Chapter) Guwahati hai le thangruola an huoihawt ding a nih.
Union Minister a hung inzin ding
IMPHAL: Minister of state for Science and Technology and Earth Sciences, Y.S. Chowdary chu January 21, 2016 khin ni 2 sung cham dingin Manipur a hung inzin ding niin ei thu dawngna chun a hril. Mr Chowdary hi Institute of Bioresources and Sustainable Development, Takyelpat hmuna function a uop a tih. Manipur a hung hma in Assam statea Jorhat hmuna CSIR hung sir malam bawk a tih.
State Level Essay Competition
IMPHAL: National Voters Day, 2016 le inzawmin Election Department, Manipur chun “Inclusive and Qualitative Electoral Participation” ti thupui hmangin State Level Essay Competition huoihawt a tih. Lawmman pakhatna dawngtuin Rs. 5,000 le Certificate; pahnina in Rs. 3,000 le Certificate le pathumnain Rs. 2000 le Certificate dawng an tih. Essay hi saptawng words 2,500 a ziek ding a nih. Hi Competition a thang thei ding hai chu Class XI to Post Graduate inchuklaihai anni ding a nih. Esay Competition a thang nuom han Jan. 20, 2016 chenin Chief Electoral Officer, Manipur Officeah mani essay ziek hi peklut thei ning a tih.
Joint Security meet an buotsai
IMPHAL: Republic Day muongum taka hmang ditna leiin 9 Assam Rifles a12Bihar Regiment hmalaknain Jan. 14, 2016 khan Patsoi Police station le Patsoi Post Commander hai leh joint security meet nei a nih. Hi huna hin lal le hnam sung thuoitu tum tum hai bakah gram pradhans, le exservicemen hai khawm an thang tawl.
CJM hmaah inlangtir a nih
IMPHAL: January 11, 2016 nia Keishamthong hmuna Manipur Journalist 4 sawisak hliem an ninaa mawphurtu taka intum Meisnam Dujon Singh chu zanikhan Chief Judicial Magistrate, Imphal West hmaah inlangtir a ni a. Court chun ni 15 sung Judicial Custody (Jail) a um phawt dingin a rel.
India ram security chona iengkim hmasawn dingin Army chu an pei zing a nih: Gen. Dalbir Singh
NEW DELHI: Zanikhan New Delhi hmuna 68th Army Day hmang a nih. January 15, 1949a Lt. Gen. K.M. Cariappa in British Commander in Chief nuhnung tak kuta inthawk India Commander in Chief hmasatak dinga charge a lak hrietzingna ding le India ram sanna dinga hringna lo inhlan tah sipai hai inzana le hrietzingna dinga kum tina Army Daya hmang hlak a nih.
Hi huna Indian Army Chief Gen. Dalbir Singh Suhag in thu a hrilnaah, India le China ram inrina hmuna boruok rik tak sukrena dinga inringzotuona a um theina dingin hma lak mek a ni thu hrilin a tu tieng tieng khawmin inlaichinna thalem a um theina dingin a thazawngin hma an lak tiin a hril. Ramri thlang tiengpanga inthawk India rama hung lut rukna khawm tlawm tieng a pan a, ei ram himna (security) thila chona iengkim hmasawn dingin India sipai (Army) hai chu an inpei zing thu; Indian Army hai chu khawvela sipai tha (most professional forces) laia thang phak an nih tiin a hril. Ei ram himna sukder thawng thei thil hai laka san himna dingin services pathum Army, Navy le Air Forces han thangruolna tha tak an nei a pawimaw thu a hril. Tulai hnaia Tamil Nadua Chennai khawpuia tuilien le Nepal rama simkhawlei inhning huna sansuokna le sawmdawlna sin thawna kawnga India sipai hai sinthaw dan chu lungawium a ti thu hrilin an pak a, Veteran hai harsatna le beidawngna ngaithlaa chingfeltu dingin Veteran Directorate indin a ni ding thu, Veterans hai enkawlna dingin Base hospital ah veteran wing indin vat a ni ding thu, ralthuom changkang lem nei a pawimaw thu a hril bawk.
PM Narendra Modi chun Army Day le inzawm hin India sipai hai huoisenna, tumruna le inpekzonaah chibai a buk a, Congress President Sonia Gandhi khawmin sipai huoisen hai chibai bukin ei ram venghimna dinga hringna lo inhlan ta hai inzana a pein an huoisenna ram pumpuiin a suong hle a nih tiin a hril.
Army Day hmang hmangna huna hin Serices pathum Army, Navy le Air Force haia hotu lu tak Army Chief Genral Dalbir Singh, Navy Chief Admiral Robin Dhowan le Air Force Chief Arup Raha han New Delhia Amar Jawan Jyoti hmuna India ram venghimna dinga hringna lo inhlan ta hai inzana an pek.
Centre Fund a innghat lo dingin a ngen
KOHIMA: Nagaland Roads and Bridges Minister, Y Vikheho Swu chun, Nagaland mipui hai chu sawrkar thlungpui sum hung pek ringawta innghat lo ding le, mania intodel a pawimaw thu hrilin intodelna dan ding lampui dap dingin a ngen. Nagaland sawrkarin sum le paia harsatna a tuok mek hi Special category status suktawp lei amani ni lovin Nagaland in thawsuok a neive naw lei a nih tiin Swu chun a hril. Hi thu hi 44th Sumi Aphuyemi Kiphimi Kuqhakulu (SAKK) general conference zani hmasaa a hawngna huna a hril a nih.
Security ngirhmun an ennawn
NEW DELHI: Home Minister Rajnath Singh,Defence Minister Manohar Parrikar le National Security Adviser (NSA) Ajit Doval le top officials dang dang hai chun January 26a India Republic Day hmang ding le inzawmin India ram security ngirhmun an ennawn. Ram pum huopa Republic Day hmangna ding hmun le hmun pawimaw dang dang hai chu uluk le khau taka veng dingin security tienga official hai an inhriettir.
New Delhi hmuna tukum Republic Day hmangnaa hin French President Francois Hollande chu khuollienin a thang ding a nih. Delhia Republic Day hmangna ding le inzawm hin venghimna sin thaw dingin paramilitary forces 10,000 sielut belsa an ni der ta a nih.
Petrol le Diesel man a tla hnuoi
NEW DELHI: Zani zanrila inthawk khan Petrol man chu litre 1ah paise 32 le Diesel litre 1ah paise 85 in a tla hnuoi. Hi dungzui hin Delhi a chun Petrol litre khatah Rs. 59.03; Kolkataah Rs. 64.87, Mumbaiah Rs. 66.9 le Chennaiah Rs. 59.45 ni tang a tih. Diesel ch Delhiah Rs. 44.18, Kolkataah Rs. 48.07; Mumbaiah Rs. 51.25 le Chennaiah Rs. 45.36 hung ni tang a tih.
Pakistan Airlines Office beina thuah Hindu Sev Chief man
NEW DELHI: January 14, 2016 nia Narayan Manzil, Barakhamba Road, Delhi hmuna Pakistan International Airlines Office Hindu Seva member 4 han an hlukhumna le inzawmin zanikhan Delhi Police chun Hindu Sena Chief Vishnu Gupta an man. Hi thila inrawlna neia intum midang hai khawm man tuma zawng zing an nih tiin DCP (New Delhi) Jatin Narwal chun a hril. Hindu Seva member 4 hai hin Pakistan Airlines Office sunga furnitures le computers hai bakah thil dang dang an suksiet a nih. Mr Gupta chun, hi thil hi an thaw ngei a ni thu hrilin Pakistan chunga an lungsen leia an thaw niin a hril.
Congress in Jan. 18 in darkar 12 Strike
AGARTALA: Agartalaa Opposition Congress chun, Dharmanagar Railway division siem ding; Kailashahar Airport suklien ding, Tripura State hnuoia sawrkar thawktu hai le pensioners hai Central payscale pek ding ti hai thanga Charters of demands point 20 an nei hai nawrnain Januaary 18, 2016 khin District pathum Dhalai, Unokoti le North Tripura haiah darkar 12 sung Strike thaw an tum.
J&K a Bus eksidenah mi 11 an thi
JAMMU: Zanikhan Jammu and Kashmira Udhampur districtah passenger phurtu Bus pakhat changsuolin rawlah a tlanliem leiin a sunga chuong mi 11 an thi bakah midang 20 in hliemna an tuok. Bus hi Ramnagar a inthawk Basantgarh pana tlan a ni a, KeyaKaintha area sunga tuoksiet hi a tuok a nih. Thi hai laia tamlem chu eksiden tlungna hmuna thi nghal an ni tawl. Hliem hai hi Udhampur le Ramnagar haia Hospitala panpui an ni a, hliem hai laia thenkhat chu an hliem inrik hle.
Foreign Terrorist Organisation in a puong
WASHINGTON: United States chun, tulai hnaia Afghanistan rama Pakistan diplomatic mission beinaa inrawl ve Islamic State Groups AfghanistanPakistan wing (ISILK) chu under section 219 of the Immigration of Nationality Act, hnuoiah Foreign Terrorist Organisation (FTO) in a puong. Hi pawl hai hi Islamic State Khurasan annawleh ISILK tia hriet an ni a, January 10, 2015 a indin niin cadres hai hi TehreekiTaliban Pakistan le Afghan Taliban a inthawk an ni tawl.
VAWISUN THUPUI
Lalpa chu ti phawt el unla, in lungril po poin titakzetin a rawngbawl u nla, in ta dinga thil a thaw ropuizie hi ngairo ro khai. Amiruokchu, suoltaka thil in la thaw rawp chun bohmang in tih, nangni le in lal khawm,” a ta. 1 Samuel 12:2425
Editorial
Sin hi thaw le taima ding a nih
Mihriem ei hung pieng suok a, ei dam pei taka chun, dam le hringna dingin fak ding ei nei a ngai a. Fak ding nei ding chun sin ei thaw a tul tlat a nih. Sin hi ei dam sunga thaw dinga Pathienin a lo ruot tasa a ni tlat si a. Ei dam theina dingin ei thaw inrim a tul hmasa phawt a nih. Ro, sum le pai tam tak nei inlakhawm sin ei thaw zui pei naw chun hmang zo a ni huna bek theitawp suo a sin thaw tho tho a tul. Hi lei hin thabo ding ei ninaw a, taima taka sin thaw seng ding ei nih. Ei Bible khawmin a thaw nawtu chun a fak khawm fa naw raw seh tiin a mi hril a nih. Damnaw le piengsuol ei ni ngawt naw chun mitin el hi sin thaw ngei ngei ding ei nih.
Sin thaw hi pathien a inthawka ei thaw dinga ruot, a zilna le ei ta dinga phurrik le rinum nisienlakhawm, sin thawtu, tam tak thawsuok a, iengkim nei thei hai hi chun inzaumna le rouina an hlaw rawp hlak. Thil tha ding hi hril hril inla, a thawa thaw naw chun iengkhawm hi hlen suok thei a ni nawh. Pathien chun hnuoi hi a malsawm tasa a ni leiin a thawtu taphawt chun malsawmna le hlawtlingna an chang hlak. Thaw lo chun hmu thei le nei thei a ni nawh. A thaw pei peiin an hmu rawn a, an chang tam el hlak.
Tuta hma ei pi le pu, nu le pa hai huna khan Zohnathlak hai lai sin thaw hi nitin khawsak le nunphung ta a ni leiin tukhawma rinum an ti naw a; kut le ke kim lo, invet le bawrsawmna lei a ni ngawt naw chun in a um mei mei le sin thaw tha thei lo ni kha inzakum an ti em em hlak. Sin thaw tul a um lai khawma tlangval Ina lo um ching hai chu nuizat ruk le entleu an niin tukhawmin makpa ding khawmin an dit ngai nawh. Thabo le sin thaw pei lo hai chu an chan a se hlak.
Amiruokchu, tulai hin chu thalai sin thaw pei lova khawlai leng mei mei, an hnik hnik du si ei tam ta hle. Hiengang mihai hin inzakna chang le inphalam nachang hlak an la nei bawk si leiin sungkuo tam tak ta dingin harsatna le beidawngna an tlun pha a nih. Tienlai hun ang khan hiengang mihai hi entleuin makpa le mo dingin hnawl ngam inla an hung insiem tha pha el dim maw? Mi thabo, sin thaw pei lo le lekha inchuk tha peilo hai hi iemani ti taka ei hnawl ngam a hun ta niin an lang. An um dana ei en liem el chun ei insung, ei khawtlang, ram le hnam ta dinga thangmawbawk pakhat a la hung ni ding a nih.
Mitin el hin mani hmazawn senga hin thaw ding le thaw thei ei nei seng a. Sungkuo ta dinga fakzawngtu la ni thei lo hai khawmin nakie tienga fakzawngna dinga inpuochain nitin inchuknainah an inbur ve tlat a ngai tho a nih. Chuongang chun nu le pa han sungkuo ta dinga taima taka an thaw laiin a sunzawm thei dingin naupang han inchukna le an thaw ve thei thil chi tum tum an lo thaw ve inbelkhawm chu hlawtlingna le hlimtlangna a hung ni ding a nih.
Tulai huna hin chu lekha inchuk ei uor a, naupang lekha inchuk lo le school kai lo hi an um ta meu nawh. Lekha inchuk khawm hi sin pakhat a ni a, hlawtling ngei dinga lekha tiem taimak le hun hmang that a tul takzet a nih. Lekha inchukna a sum seng tamzie hi a thar taka inchuklai han ei hriet nuom a um. Ei lekha inchukna ei hlawsam chu lo hma hlawsam anga ei inngai a tul a nih. Taima taka lekha inchuk le tiem hai hrim hrim a thiem thei naw an um nawh. Ei lekha inchuk ei thiem thei naw a ni chun lekha tiem le inchuk ei taima tawk naw tina a nih.
