Jiribam MC election ah Pi Lalneimuong Hmar in hratna a chang

Jiribam, January 16,2016: Jiribam Municipal Council election results chu zanikhan puong a nia, Congress party in seats 5 le independent candidates in seats 5 ah hratna an chang. Jiribam Municipal Council a Councillors dinga thlangtling hai lai hin Pi Lalneimuong Hmar (INC) W/o Hmanglienthang Jiribam chun Ward No. 1 a hratna a chang a nih.

Manipur pumpuia Municipal Council le Nagar Panchayat Council election results tiem zova um ta po a chun Congress party in seat 105 an lak taa, BJP in 60 seats, LJP in seat 4, CPI in seats 2 le independent candidate haiin seats 85 ah hratna an chang.