The 3rd Children’s Retreat Hall ding siem mek
CCPUR: January 1015, 2016 inkar sung For One Life (FOL) huoihawtnain HSA Campus, Rengkai, CCPur hmunah “3rd Children’s Retreat Churachandpur 2016” a um ding a ni a, Hi le inzawm hin tulai hin social works neiin hall le stage ding hai siem mek a nih. Social work a hin Pu Jousanghlei Zote, Chairman, Hall Construction Committee inrawinain FOL member le tlawmngai han sin an thaw. Childrens Retreata hin USA a inthawk For One Life member tam tak hung thang an tih. Zing dar 10 a inthawk tan ni hlak a ta, Pathien thu, Music, Drama le games item chi tum tum haia inpawlhlimna um hlak a ta, Jan. 1315, 2016 inkar sung zan 5:30PM haiah Youth Service um hlak a tih.
Khawmawi, Sielmat, Saikawt le Muolbem chen haiah a buotsaitu han fe le hungna (transporation) an ngaituo pek ding a ni a, kohran bik um lovin naupang a nuom ta phawt thang thei ning a tih. TShirt le refreshment hai sem ni hlak bawk a tih.
Lights decoration closing
CCPUR: EFCI Saikawt Kristien Thalai Pawl chun, December 15, 2015 a inthawk light decoration zantin mipui en thei dinga an buotsai chu January 7, 2016, 6:00PM hin Closing Ceremony le kum tina an lo thaw hlak kumtawp KTP Final Target submit hun hmang an tih. Hi huna hin Saikawt khuo chau ni lo, Churachandpur sunga hlasakthiemhai a tam thei ang tak an thang beisei a ni a, Zan programme a thang nuom hai chun Saikawt EFCI Campus pana thang thei ning a tih.
Ruong hmu tah
SIPUIKAWN: December 30, 2015 a inthawk a umna chin hriet lova inhmang Mr Lalneikung s/o Upa Lalparlien of Sipuikawn ruong chu January 5, 2015 zingkar khan Ruonglevaisuo thlang Suorbawng bauah hmu a ni a, a ruong hmu ni zantieng khan Sipuikawn thlanmuolah a ruong hi vuiliem nghal niin ei thu dawngna chun a hril. Ama khata ramsuok, tuia tla hlum a ni ring leia tlawmngaipawl han nasa taka an zawng a nih.
Rehearsal le briefing nei
CCPUR: JNV Tuinoma Class VI inchuk ding thlangsuokna dinga January 9, 2016 a Block HQ tina Entrance Test um ding le inzawmin zani 12:30noon khan Synod House, Hill Townah T. Goukhomang, ZEO/CCPur inrawinain rehearsal le briefing nei a nih. Hi huna hin Block tina DI of Schools hai bakah Kailam, i/c Principal, JNV Tuinom le staff hai an thang.
Govt. employee MBBS han MoPH inchuk thei
CCPUR/IMPHAL: National Institute of Mental Health & Neuro Science (NIMHANS), Bangalore hnuoiah 2 years Postgraduate course in Master of Public Health inchuk nuom Govt. Employee MBBS zo hai ta dingin January 30, 2016 chen khin www.nimhans.ac.inah registration thaw thei a ni thu Directorate of Health Services, Manipur chun a hril. Hi le inzawm hin All India Entrance Examination March thla tawp khin nei ning a tih. District tina Medical Superintendents le CMOs han Application hai Feb. 17, 2016 chena Directorate of Health Services, Imphal ah an peklut a tul ding a ni a, thu chieng lem Directorate a kan thei ni bawk a tih.
Manipur Press Club 41st Foundation Day hmang
IMPHAL: Zanikhan Manipur Press Club, Imphal hmuna All Manipur Working Journalist Union (AMWJU) huoihawtnain 41st Foundation Day hmang a nih. Hi huna khuollien Minister of Commerce & Industries, Govt. of Manipur Govindas Konthoujam chun, state sawrkar chu journalism suk hmasawn le a tul anga thangpui dingin an pei zing a nih tiin a hril a, Chanchinbumi (Journalist) hai hi state sawrkar in an za ang bawkin mipui hai khawmin an inza thiem a tul tiin a hril.
Hi hun hmangnaa hin Manipur Chief Secretary O.Nabakishore le official dang dang hai khawm an thang. Hi huna hin tulai hnaia Simkhawlei inhning leia thi hai le Journalist Sinam Sanajaoba thi sunna hun hmang a nih.
AMWJU President W. Shyamjai chun, Press Academy le Press housing colony siem tuma hma lak mek a ni thu a hril. Hi huna thang ve Mr Pathak, Vice President Indian Journalist Union, chun Manipur le Tripura statea journalist han harsatna tamtak an tuok thu; state sawrkarin media hai tha taka a thlawp le thangpui a tul thu a hrila, Media houses hai chu journalist hai hlaw tha lem pe dingin an fui..
CS O. Nabakishore chun, Manipur chu India rama media house tamna state laia thang phak a ni thu hrilin Democracy rama Media hai pawimawna uor takin a hril bawk.
Manipur sawrkarin Rs. 20 crores a ngen:CS
IMPHAL: January 4, 2015 nia Manipura simkhawlei richter scale 6.7 a hrat an hning leia thil a suksiet hai siemthatna le harsatna tuortu hai sawmdawlnaa hmang dingin sawrkar thlungpui kuomah Rs. 20 crores a ngen tiin zanita Manipur Press Club a foundation day hmangna huna thu a hril huna a hril.
State Emergency Operating Centre (SEOC, Govt. of Manipur) report ei hmu chinah Manipura Simkhawlei richter scale 6.7 a hrat an hning leia mihriem thina tuok 8 le hliem 106 an nih. Leilak 1 le building 339 a suksiet bawk. Report hi a la lut zing leiin a ni zat chie chieng taka hrietna ruok chu ei nei nawh.
Sansuokna le sawmdawlna sin thaw mek zing a ni a, National Disaster Response Force (NDRF) team hni hai chu Tamenglong le Imphal hmun haia an um a, NDRF hai hi Manipur Police, Paramilitary forces le voluntary organisations tum tum han an thlawp.
All India Institute of Medical Sciences (AIIMS), New Delhia inthawk member 7 umna Central Medical team chun Manipur Chief Secretary an inhmupui bawk. Central Medical teama Specialist doctors 4, Nurses 2 le technician 1 hai chu Regional Institute of Medical Sciences (RIMS) Imphal le JNIMS hospital haia fein simkhawlei inhning leia hliem hai enkawlna sin an thangpui bakah JNIMS Hospitala Trauma Centre khawm an enfel.
Hieng laizing hin Union Home Ministry a Disaster Management expert hai chun Jan. 4, 2016 nia Manipura tlung neka hrat richter scale 8.2 annawleh a neka hrat lem India hmarsak bielah la hung tlung nawk el thei niin a hril.
AR han helpawl 2 an kap hlum
IMPHAL: 44Assam Rifles chun January 5, 2015 zan khan Ukhrul districta Grihang le Kamjong hmuna helpawl thenkhat an um ti report an dawng leiin dappui an thaw a. Dappui an thawna huna hin helpawl ni dinga ringhla hai chun silaiin an hung kap leiin Assam Rifles hai khawmin an kaplet ve leiin iemanichen an inkaptuo a, inkaptuonaa hin helpawl 2 kap hlum an ni a, pakhat chu ramhnuoiah a tlanlut hman. Inkaptuona hmuna hin AK56 Rifle le magazine 1, 7.62mm silaimu 12 le kapsa 7.62mm mu hmu a nih. Kap hluma um helpawl 2 hai ruong hi Chassad Police Station, Ukhrul ah an peklut niin zanita PRO Assam Rifles thusuok chun a hril.
N. Korea in Hydrogen bomb a ensin; rambung tum hai ngaimaw le dem a hlaw hle
SEOUL: North Korea chun zani zingkar khan a Hydrogen bomb hmasa tak chu hlawtling takin a ensin niin a hril a, bomb ensinna hmunpui Punggyari bul lai richter scale 5.1 a hratin simkhawlei a sukhning nghe nghe niin State media hai chun an puong. North Korean leader Kim JongUn in test ding thupek an suo dungzuia hydrogen bomb hi ensin niin ei thu dawngna chun a hril. North Korea hin kum 2006 a inthawk khan hnuoi sungah nuclear bomb pathum lai a lo ensin ta bawk nia hriet a nih.
North Korea in Hydrogen Bomb hlawtling taka a ensin thu a puong le inzawm hin khawvel rambung tum tum hai chun nasa takin an dem a, Hydrogen bomb ensin a ni dem le sawiseltu hai lai hin South Korea, Britain, Japan, China,USA, France, Italy, Australia, NATO le UN Security Council hai an thang a, International Atomic Energy Agency khawmin thudik a ni chun UNSC resolution bawsietna le thil pawi tak a nih tiin a hril. South Korea in Hydrogen bomb a ensin hi UN Security Council resolution bawsietna le khawvela inremna le muongna sukderthawngtu a nih tiin an hril tawl.
US chun North Korea in Hydrogen bomb test hi a thaw ngei ti la finfie chie naw sien khawm US State Department Spokesman John Kirby chun a dem thu a puong. Japan PM Shinzo Abe chun UN Security Council chu enfel dingin a ngen. China sawrkar chun, North Korea in Hydrogen bomb a ensin ding hi hrietlawkna a neinaw thu hrilin a dodal tlat le dem thu a puong.
United Nations Security Council chun N.Korea in Hydroben bomb a ensin nia hril hi a ngaimaw hle a, hi chungthua hin UN Security Council Emergency meeting a ko nghe nghe a nih.
Hydrogen bomb hi Indopui pahnina laia Japan ram khawpui pahni Hiroshima le Nagasaki haia thlak atom bomb let 1,000 annawleh a neka hrat le sietna nasa tak intlun thei a ni thu experts hai chun an hril. US, Russia, France, UK le China hai khawmin Nuclear bomb hi an nei ta a nih. US chun kum 1950s lai khan hlawtling takin a lo ensin ta bakah a hnungin Russia khawmin a hung ensin ve nghal a, sienkhawm tuchena in Hydrogen bomb hi khawvela thlak/sukpuok a la ni nawh. Rambung tum tum hai chun khawvela inremna le muongna um theina dingin ralthuom tium siem suktawp dingin thutlung siem hai sienkhawm a ruk a ralin ralthuom tium neiin nasa takin an inel zing a nih.
Mimkei tlung leiin sungkuo 11 an insawndawk
AIZAWL: January 5, 2015 zan khan Mizorama Bungkawn High School veng, CID tlang panna lampui vawitiengpang muol pil tlahnuoiin mimkei a tlung a, fimkhur thuin In 7 haia cheng sungkuo 11 hai chu hmun himna hmuna an insawndawk tawl.
Hnuoi chimna hmun hi ExMLA Lalthlengliana le Pu Lalbiaktluanga hai panthlang niin hi lai hmuna hin sungkuo pahni Ms Lalthanzauvi Ngente, Royal standard School neitu le Ms Sangpuii han In bawlna dinga hnuoi an chona hmun a ni a, a laia hin vantlang step a um a nih. January 4, 2016 zingkara simkhawlei inhning in a sawi leia pil hi chim ni dinga ring a nih. Tuta hma khan hi lai hmuna um Pu Laltlianga In khawm a lo chim ta bawk a nih.
Hi thil tlungna hmun hi zanikhan Mizoram Home Minister Lalzirliana; Disaster Management & Rehabilitation Minister C. Ngunlianchunga; bieltu MLA Vanlalzawma; Aizawl DC, AMC Mayor le Dy. Mayor bakah Councillor thenhat, DGP, Central YMA thuoituhai le Disaster Management & Rehabilitation Dept. hotu han a hmuna thil umdan an va enfel. Zanikhan Bungkawn Local Council chun hnatlang koin chim el thei dinga um Assam Type building pakhat le SemiRCC building pakhat hai chu thiekin an inthielfai.
Paramilitary forcesah nuhmei tamlem
NEW DELHI: Sawrkar thlungpui chun paramilitary forces a gender equality siemthatna dingin Central Paramilitary Forces (CRPF) le CISF haiah nuhmei hai ta dingin 33% le BSF, SSB le ITBP haiah 15% quota/huol pek dingin remtina a nei tah. Tuhin hieng Forces haia hin personnel nuoi 9 vel an um a, hi laia 20,000 hai chu nuhmei an nih. Centre in a pawmpui le inzawm hin CRPF le CISF a nuhmei hai ta dingin constable reservation level 33%; SSB, ITBP le BSF haiah 1415% ni tang a tih.
German student Natl. team Mizoramah
AIZAWL: Football inkhel dinga Mizorama inzin mek German Students National team chun zanikhan TNT an sir bakah hmun tum tum an fangkuol. German Students Football team chun TNT rawngbawlna chu ropui an ti thu an hril a, TNT a um naupang hai kuoma thilpek chi tum tum an inhlan. German Students Football team hung hai hi players 16 le official 6 an nih.
SP in a MLA 1 a hnawtdawk
LUCKNOW: Uttar Pradesha Samajwadi party in an MLA Rampal Yadav chu party kal zawnga thil a thaw leiin kum 6 sunga dingin zanita inthawk khan an hnawtdawk. Rampal hi Sitapur bieltu MLA a nih. District Panchayat Chairman electionah Samajwadi party candidate Seema Gupta inkhingpui dinga a naupa Jitendra Yadav an ngir tir leia partya inthawka hnawtdawk a nih.
CRPF in nuhmei Commandos
NEW DELHI: CRPF chun Leftwing Extremist hai hrangna states haia antiNaxal operationsah nuhmei Commandos 300 hmang an ni vat ta ding thu CRPF Director General Prakash Mishra chun a hril. Naxals hai tukdawlna kawnga security le tuolsung mi a bikin nuhmei hai inkara inlaichinna siemthatna kawnga nuhmei han an thaw hlawk leia nuhmei commandos hai hi hmang tum niin Mr Mishra chun a hril. IndoTibetan Border Police khawmin SinoIndian borderah women personnel an tirlut ding thu an lo puong ta a nih.
Garo Hillsah thilpuokthei tam tak
TURA: Garo Hills Police chun January 5, 2015 zan khan North Garo Hillsa Bajengdoba regiona Mahindra Bolero ML08 D 8888, a sunga mihriem chuong umlo an dapnaah thilpuokthei tam tak an dapdawk. Thilpuokthei an dapdawk hai lai Gelatin tluon 1200; Electronic detonators 1000 le nonelectronic detonators 100 a thang. Motor hi Assama Muslim hnama mi hming hmanga registered a nih. ULFA han Garo Hillsa GNLA helpawl hai kuoma peksawng dinga an thawn ni dinga ring a ni a, motor inlawn hai sukchawla an dapnaa hi thil hi an dapsuok a nih.
VAWISUN THUPUI
Pathien chu khel inhlip mihriem el a ni nawh, Inkir hmang mihriem naupa a ni bawk nawh a, A hril ta chu a thaw naw ding am a nih? A lo hril ta chu a sukpuitling naw ding am a nih? Nambar 23:19
Editorial
Insiemthatnain hmang inla
Tulai Manipura thu lum tak chu January 4, 2016 zingkar inhma taka richter scale 6.7 zeta hrat Simkhawlei inhning in Manipur a sawi leia building tam tak a suksiet le mihriem thina hiel an tlunna hi a ni awm ie. Manipura ding chun a la rapthlak tak khawm ni dingin ring a um a. Chanchinbu thenkhatah tuta neka hrat hi Manipur thanga India hmarsak biel state haia a la hung inhning nawk mithiem han an ring thu an thedar bawk leh, mipui a Kristien le tiennaw hai khawm ei thlabarin ei lungril an kau zing el niin an lang. Kum dang le hun dang haia khan chu Simkhawlei inhning hi lo tuok ta hlak inla khawm hiengang ema sietna hi ei stateah a la tlung ngainaw lei khawm ni ngei a ta, mitin a chin a lienin ei ngaivenin, ei tithawng tawl hle a nih.
Simkhawlei inhning leia building le In tam tak a chim le suksiet chungthuah, a bikin sawrkar building kak le chim hai leiin Politics thila intumtuona a hung intlun nghal a, sienkhawm hang sui chet chet inla chu ‘Chemtattepu Tienami’ an hril angin intumtuona ding tam tak um ngei a tih. Lakshmi Market le New Market hai a suksietna chungthua khawm BJP chun state sawrkar chu quality control ngaithaa intumin investigation thaw dingin a phut bakah Keithel Phambi Apunba Lup le Manipur Keithel Nupi khawmin CBI annawleh NIA insuitir dingin an phut bawk a nih. Hieng laizing hin state sawrkar ruok chun Lakshmi Market le New Market building bawlna chu Urban Development Ministry hnuoia National Building Construction Corporation (NBCC) in an thaw a ni thu hrilin hi building chungthuah State PWD in mawphurna a neinaw thu Dr Ratankumar, Minister, PWD chun an hril hlip nghal a. Hiengang bawk hin NBCC khawmin inhrilhlipna ding le a thiemchangna dingin hril ding nei ngei a tih.
Manipura building hai hrim hrim ei hang en a, sawrkar building hai chu Private building hai neka tha le detindo lem ding ni awm tak siin Govt. building hai chu a derdep thei em em a; hi taka inthawk khawm hin thil indiknaw a um ti chu chieng takin an lang. Hi kawnga hin state sawrkar, Contractors le company hai a pawng a puia maw inphurtir thei khawm a ni chuong nawh. A san chu keihek le tax pek ding a tam hlak leiin sawrkarin building a bawl hai hi sum seng ding zat hmanga bawl pakhat khawm an um naw a, hmun thuma thea hmun khat vel chau dam hmanga bawl an ni tawl leiin a that ngaina a um naw a, sawrkar hrietpui le hrietpui lo tax sung a tam taluo lei a nih. Tax latu hai hi a tlangpuiin department officials le ram hmangaitu inti hai an ni hlak.
Hi lei hin sawrkar thil hrim hrim hi a tha le ringtlak hmu ding a vang a nih. Development sin thenkhat lem chu a tak um si lo Computer thiemna hmanga a lim/thlalak chau bawl tam tak a um bawk. Govt. Advertisement Bills hmuna ding hmana official han ‘Cha thaknaba’ an phut chun Vaibelsie tel le a nuoitel sengna sin haia chun a fatu ding an tam dingzie hi hril rawn a tul nawh. Kawngkhat ngaituo chun Central le state Development Fund hai hi ei hmang daizai thiem khawpel; Development sum hin mimal building iengzam ei bawl ta ding aw! ngaituo tham tak a nih. Vaibelsie tel senga Khuga Dam bawlna ding sum khan mimal building iengza khieu am ei inngir pha ding, Cars le motor iengzam ei inchawk aw! Development fund ei hmang daizai thiem hle a, Simkhawlei a hung inhning chang ruok hin chu ngaituona a sei nuom hle.
Hiengang hi ei ram ngirhmun a ni leiin ram hmangaitu inti MLAs/Ministers le ram ta dinga inpe kutchawi nei hai khawm ei thanghar a hun ta takzet. Ei ram hi simkhawlei inhning thei zingna hmun a ni leiin hmasawnna sin ei thaw haiah quality ei ngaipawimaw naw a ni chun tuta neka sietna nasa le rapthlak lem ei la tuok ngei ding a nih. Tulaia ei thil tuok le inzawmin development sinthawna haiah investigation hang thaw tak tak inla chu ei officers, ministers, MLAs le kutchawi nei hai hi a him ding muol um kher naw nihai. Suol hi thup sawng thei a ninaw leiin an lang hun a um tei hlak a, hi lei hin muolpho taka ei um nawna dingin tuta ei thil tuoka inthawk development fund keihek thei chin hai hin insiemthatnain hmang pha ngei inla nuom a um takzet. Hiengang khuorel sietna tlung hai hin ei mimal le insung a la tawkbuoinaw khawm a ni thei, sienkhawm sietna rapthlak tak tlung hin ei ram economy a nghawng thei a, economy a nghawng chun tukhawm a him ding ei um nawh ti hi ei hriet tlat a tul. Building bawltu hai khawmin tuta ei thil tuok a inthawk hin In bawlna kawnga mithiem rawn a tul zie hre thar inla, building derdep tak tak le him loa hriet hai chu thiek dingin sawrkarin thupek insuo bawk sien, chu chu sietna laka ei himna ding ni bawk a tih.
CCPUR: January 1015, 2016 inkar sung For One Life (FOL) huoihawtnain HSA Campus, Rengkai, CCPur hmunah “3rd Children’s Retreat Churachandpur 2016” a um ding a ni a, Hi le inzawm hin tulai hin social works neiin hall le stage ding hai siem mek a nih. Social work a hin Pu Jousanghlei Zote, Chairman, Hall Construction Committee inrawinain FOL member le tlawmngai han sin an thaw. Childrens Retreata hin USA a inthawk For One Life member tam tak hung thang an tih. Zing dar 10 a inthawk tan ni hlak a ta, Pathien thu, Music, Drama le games item chi tum tum haia inpawlhlimna um hlak a ta, Jan. 1315, 2016 inkar sung zan 5:30PM haiah Youth Service um hlak a tih.
Khawmawi, Sielmat, Saikawt le Muolbem chen haiah a buotsaitu han fe le hungna (transporation) an ngaituo pek ding a ni a, kohran bik um lovin naupang a nuom ta phawt thang thei ning a tih. TShirt le refreshment hai sem ni hlak bawk a tih.
Lights decoration closing
CCPUR: EFCI Saikawt Kristien Thalai Pawl chun, December 15, 2015 a inthawk light decoration zantin mipui en thei dinga an buotsai chu January 7, 2016, 6:00PM hin Closing Ceremony le kum tina an lo thaw hlak kumtawp KTP Final Target submit hun hmang an tih. Hi huna hin Saikawt khuo chau ni lo, Churachandpur sunga hlasakthiemhai a tam thei ang tak an thang beisei a ni a, Zan programme a thang nuom hai chun Saikawt EFCI Campus pana thang thei ning a tih.
Ruong hmu tah
SIPUIKAWN: December 30, 2015 a inthawk a umna chin hriet lova inhmang Mr Lalneikung s/o Upa Lalparlien of Sipuikawn ruong chu January 5, 2015 zingkar khan Ruonglevaisuo thlang Suorbawng bauah hmu a ni a, a ruong hmu ni zantieng khan Sipuikawn thlanmuolah a ruong hi vuiliem nghal niin ei thu dawngna chun a hril. Ama khata ramsuok, tuia tla hlum a ni ring leia tlawmngaipawl han nasa taka an zawng a nih.
Rehearsal le briefing nei
CCPUR: JNV Tuinoma Class VI inchuk ding thlangsuokna dinga January 9, 2016 a Block HQ tina Entrance Test um ding le inzawmin zani 12:30noon khan Synod House, Hill Townah T. Goukhomang, ZEO/CCPur inrawinain rehearsal le briefing nei a nih. Hi huna hin Block tina DI of Schools hai bakah Kailam, i/c Principal, JNV Tuinom le staff hai an thang.
Govt. employee MBBS han MoPH inchuk thei
CCPUR/IMPHAL: National Institute of Mental Health & Neuro Science (NIMHANS), Bangalore hnuoiah 2 years Postgraduate course in Master of Public Health inchuk nuom Govt. Employee MBBS zo hai ta dingin January 30, 2016 chen khin www.nimhans.ac.inah registration thaw thei a ni thu Directorate of Health Services, Manipur chun a hril. Hi le inzawm hin All India Entrance Examination March thla tawp khin nei ning a tih. District tina Medical Superintendents le CMOs han Application hai Feb. 17, 2016 chena Directorate of Health Services, Imphal ah an peklut a tul ding a ni a, thu chieng lem Directorate a kan thei ni bawk a tih.
Manipur Press Club 41st Foundation Day hmang
IMPHAL: Zanikhan Manipur Press Club, Imphal hmuna All Manipur Working Journalist Union (AMWJU) huoihawtnain 41st Foundation Day hmang a nih. Hi huna khuollien Minister of Commerce & Industries, Govt. of Manipur Govindas Konthoujam chun, state sawrkar chu journalism suk hmasawn le a tul anga thangpui dingin an pei zing a nih tiin a hril a, Chanchinbumi (Journalist) hai hi state sawrkar in an za ang bawkin mipui hai khawmin an inza thiem a tul tiin a hril.
Hi hun hmangnaa hin Manipur Chief Secretary O.Nabakishore le official dang dang hai khawm an thang. Hi huna hin tulai hnaia Simkhawlei inhning leia thi hai le Journalist Sinam Sanajaoba thi sunna hun hmang a nih.
AMWJU President W. Shyamjai chun, Press Academy le Press housing colony siem tuma hma lak mek a ni thu a hril. Hi huna thang ve Mr Pathak, Vice President Indian Journalist Union, chun Manipur le Tripura statea journalist han harsatna tamtak an tuok thu; state sawrkarin media hai tha taka a thlawp le thangpui a tul thu a hrila, Media houses hai chu journalist hai hlaw tha lem pe dingin an fui..
CS O. Nabakishore chun, Manipur chu India rama media house tamna state laia thang phak a ni thu hrilin Democracy rama Media hai pawimawna uor takin a hril bawk.
Manipur sawrkarin Rs. 20 crores a ngen:CS
IMPHAL: January 4, 2015 nia Manipura simkhawlei richter scale 6.7 a hrat an hning leia thil a suksiet hai siemthatna le harsatna tuortu hai sawmdawlnaa hmang dingin sawrkar thlungpui kuomah Rs. 20 crores a ngen tiin zanita Manipur Press Club a foundation day hmangna huna thu a hril huna a hril.
State Emergency Operating Centre (SEOC, Govt. of Manipur) report ei hmu chinah Manipura Simkhawlei richter scale 6.7 a hrat an hning leia mihriem thina tuok 8 le hliem 106 an nih. Leilak 1 le building 339 a suksiet bawk. Report hi a la lut zing leiin a ni zat chie chieng taka hrietna ruok chu ei nei nawh.
Sansuokna le sawmdawlna sin thaw mek zing a ni a, National Disaster Response Force (NDRF) team hni hai chu Tamenglong le Imphal hmun haia an um a, NDRF hai hi Manipur Police, Paramilitary forces le voluntary organisations tum tum han an thlawp.
All India Institute of Medical Sciences (AIIMS), New Delhia inthawk member 7 umna Central Medical team chun Manipur Chief Secretary an inhmupui bawk. Central Medical teama Specialist doctors 4, Nurses 2 le technician 1 hai chu Regional Institute of Medical Sciences (RIMS) Imphal le JNIMS hospital haia fein simkhawlei inhning leia hliem hai enkawlna sin an thangpui bakah JNIMS Hospitala Trauma Centre khawm an enfel.
Hieng laizing hin Union Home Ministry a Disaster Management expert hai chun Jan. 4, 2016 nia Manipura tlung neka hrat richter scale 8.2 annawleh a neka hrat lem India hmarsak bielah la hung tlung nawk el thei niin a hril.
AR han helpawl 2 an kap hlum
IMPHAL: 44Assam Rifles chun January 5, 2015 zan khan Ukhrul districta Grihang le Kamjong hmuna helpawl thenkhat an um ti report an dawng leiin dappui an thaw a. Dappui an thawna huna hin helpawl ni dinga ringhla hai chun silaiin an hung kap leiin Assam Rifles hai khawmin an kaplet ve leiin iemanichen an inkaptuo a, inkaptuonaa hin helpawl 2 kap hlum an ni a, pakhat chu ramhnuoiah a tlanlut hman. Inkaptuona hmuna hin AK56 Rifle le magazine 1, 7.62mm silaimu 12 le kapsa 7.62mm mu hmu a nih. Kap hluma um helpawl 2 hai ruong hi Chassad Police Station, Ukhrul ah an peklut niin zanita PRO Assam Rifles thusuok chun a hril.
N. Korea in Hydrogen bomb a ensin; rambung tum hai ngaimaw le dem a hlaw hle
SEOUL: North Korea chun zani zingkar khan a Hydrogen bomb hmasa tak chu hlawtling takin a ensin niin a hril a, bomb ensinna hmunpui Punggyari bul lai richter scale 5.1 a hratin simkhawlei a sukhning nghe nghe niin State media hai chun an puong. North Korean leader Kim JongUn in test ding thupek an suo dungzuia hydrogen bomb hi ensin niin ei thu dawngna chun a hril. North Korea hin kum 2006 a inthawk khan hnuoi sungah nuclear bomb pathum lai a lo ensin ta bawk nia hriet a nih.
North Korea in Hydrogen Bomb hlawtling taka a ensin thu a puong le inzawm hin khawvel rambung tum tum hai chun nasa takin an dem a, Hydrogen bomb ensin a ni dem le sawiseltu hai lai hin South Korea, Britain, Japan, China,USA, France, Italy, Australia, NATO le UN Security Council hai an thang a, International Atomic Energy Agency khawmin thudik a ni chun UNSC resolution bawsietna le thil pawi tak a nih tiin a hril. South Korea in Hydrogen bomb a ensin hi UN Security Council resolution bawsietna le khawvela inremna le muongna sukderthawngtu a nih tiin an hril tawl.
US chun North Korea in Hydrogen bomb test hi a thaw ngei ti la finfie chie naw sien khawm US State Department Spokesman John Kirby chun a dem thu a puong. Japan PM Shinzo Abe chun UN Security Council chu enfel dingin a ngen. China sawrkar chun, North Korea in Hydrogen bomb a ensin ding hi hrietlawkna a neinaw thu hrilin a dodal tlat le dem thu a puong.
United Nations Security Council chun N.Korea in Hydroben bomb a ensin nia hril hi a ngaimaw hle a, hi chungthua hin UN Security Council Emergency meeting a ko nghe nghe a nih.
Hydrogen bomb hi Indopui pahnina laia Japan ram khawpui pahni Hiroshima le Nagasaki haia thlak atom bomb let 1,000 annawleh a neka hrat le sietna nasa tak intlun thei a ni thu experts hai chun an hril. US, Russia, France, UK le China hai khawmin Nuclear bomb hi an nei ta a nih. US chun kum 1950s lai khan hlawtling takin a lo ensin ta bakah a hnungin Russia khawmin a hung ensin ve nghal a, sienkhawm tuchena in Hydrogen bomb hi khawvela thlak/sukpuok a la ni nawh. Rambung tum tum hai chun khawvela inremna le muongna um theina dingin ralthuom tium siem suktawp dingin thutlung siem hai sienkhawm a ruk a ralin ralthuom tium neiin nasa takin an inel zing a nih.
Mimkei tlung leiin sungkuo 11 an insawndawk
AIZAWL: January 5, 2015 zan khan Mizorama Bungkawn High School veng, CID tlang panna lampui vawitiengpang muol pil tlahnuoiin mimkei a tlung a, fimkhur thuin In 7 haia cheng sungkuo 11 hai chu hmun himna hmuna an insawndawk tawl.
Hnuoi chimna hmun hi ExMLA Lalthlengliana le Pu Lalbiaktluanga hai panthlang niin hi lai hmuna hin sungkuo pahni Ms Lalthanzauvi Ngente, Royal standard School neitu le Ms Sangpuii han In bawlna dinga hnuoi an chona hmun a ni a, a laia hin vantlang step a um a nih. January 4, 2016 zingkara simkhawlei inhning in a sawi leia pil hi chim ni dinga ring a nih. Tuta hma khan hi lai hmuna um Pu Laltlianga In khawm a lo chim ta bawk a nih.
Hi thil tlungna hmun hi zanikhan Mizoram Home Minister Lalzirliana; Disaster Management & Rehabilitation Minister C. Ngunlianchunga; bieltu MLA Vanlalzawma; Aizawl DC, AMC Mayor le Dy. Mayor bakah Councillor thenhat, DGP, Central YMA thuoituhai le Disaster Management & Rehabilitation Dept. hotu han a hmuna thil umdan an va enfel. Zanikhan Bungkawn Local Council chun hnatlang koin chim el thei dinga um Assam Type building pakhat le SemiRCC building pakhat hai chu thiekin an inthielfai.
Paramilitary forcesah nuhmei tamlem
NEW DELHI: Sawrkar thlungpui chun paramilitary forces a gender equality siemthatna dingin Central Paramilitary Forces (CRPF) le CISF haiah nuhmei hai ta dingin 33% le BSF, SSB le ITBP haiah 15% quota/huol pek dingin remtina a nei tah. Tuhin hieng Forces haia hin personnel nuoi 9 vel an um a, hi laia 20,000 hai chu nuhmei an nih. Centre in a pawmpui le inzawm hin CRPF le CISF a nuhmei hai ta dingin constable reservation level 33%; SSB, ITBP le BSF haiah 1415% ni tang a tih.
German student Natl. team Mizoramah
AIZAWL: Football inkhel dinga Mizorama inzin mek German Students National team chun zanikhan TNT an sir bakah hmun tum tum an fangkuol. German Students Football team chun TNT rawngbawlna chu ropui an ti thu an hril a, TNT a um naupang hai kuoma thilpek chi tum tum an inhlan. German Students Football team hung hai hi players 16 le official 6 an nih.
SP in a MLA 1 a hnawtdawk
LUCKNOW: Uttar Pradesha Samajwadi party in an MLA Rampal Yadav chu party kal zawnga thil a thaw leiin kum 6 sunga dingin zanita inthawk khan an hnawtdawk. Rampal hi Sitapur bieltu MLA a nih. District Panchayat Chairman electionah Samajwadi party candidate Seema Gupta inkhingpui dinga a naupa Jitendra Yadav an ngir tir leia partya inthawka hnawtdawk a nih.
CRPF in nuhmei Commandos
NEW DELHI: CRPF chun Leftwing Extremist hai hrangna states haia antiNaxal operationsah nuhmei Commandos 300 hmang an ni vat ta ding thu CRPF Director General Prakash Mishra chun a hril. Naxals hai tukdawlna kawnga security le tuolsung mi a bikin nuhmei hai inkara inlaichinna siemthatna kawnga nuhmei han an thaw hlawk leia nuhmei commandos hai hi hmang tum niin Mr Mishra chun a hril. IndoTibetan Border Police khawmin SinoIndian borderah women personnel an tirlut ding thu an lo puong ta a nih.
Garo Hillsah thilpuokthei tam tak
TURA: Garo Hills Police chun January 5, 2015 zan khan North Garo Hillsa Bajengdoba regiona Mahindra Bolero ML08 D 8888, a sunga mihriem chuong umlo an dapnaah thilpuokthei tam tak an dapdawk. Thilpuokthei an dapdawk hai lai Gelatin tluon 1200; Electronic detonators 1000 le nonelectronic detonators 100 a thang. Motor hi Assama Muslim hnama mi hming hmanga registered a nih. ULFA han Garo Hillsa GNLA helpawl hai kuoma peksawng dinga an thawn ni dinga ring a ni a, motor inlawn hai sukchawla an dapnaa hi thil hi an dapsuok a nih.
VAWISUN THUPUI
Pathien chu khel inhlip mihriem el a ni nawh, Inkir hmang mihriem naupa a ni bawk nawh a, A hril ta chu a thaw naw ding am a nih? A lo hril ta chu a sukpuitling naw ding am a nih? Nambar 23:19
Editorial
Insiemthatnain hmang inla
Tulai Manipura thu lum tak chu January 4, 2016 zingkar inhma taka richter scale 6.7 zeta hrat Simkhawlei inhning in Manipur a sawi leia building tam tak a suksiet le mihriem thina hiel an tlunna hi a ni awm ie. Manipura ding chun a la rapthlak tak khawm ni dingin ring a um a. Chanchinbu thenkhatah tuta neka hrat hi Manipur thanga India hmarsak biel state haia a la hung inhning nawk mithiem han an ring thu an thedar bawk leh, mipui a Kristien le tiennaw hai khawm ei thlabarin ei lungril an kau zing el niin an lang. Kum dang le hun dang haia khan chu Simkhawlei inhning hi lo tuok ta hlak inla khawm hiengang ema sietna hi ei stateah a la tlung ngainaw lei khawm ni ngei a ta, mitin a chin a lienin ei ngaivenin, ei tithawng tawl hle a nih.
Simkhawlei inhning leia building le In tam tak a chim le suksiet chungthuah, a bikin sawrkar building kak le chim hai leiin Politics thila intumtuona a hung intlun nghal a, sienkhawm hang sui chet chet inla chu ‘Chemtattepu Tienami’ an hril angin intumtuona ding tam tak um ngei a tih. Lakshmi Market le New Market hai a suksietna chungthua khawm BJP chun state sawrkar chu quality control ngaithaa intumin investigation thaw dingin a phut bakah Keithel Phambi Apunba Lup le Manipur Keithel Nupi khawmin CBI annawleh NIA insuitir dingin an phut bawk a nih. Hieng laizing hin state sawrkar ruok chun Lakshmi Market le New Market building bawlna chu Urban Development Ministry hnuoia National Building Construction Corporation (NBCC) in an thaw a ni thu hrilin hi building chungthuah State PWD in mawphurna a neinaw thu Dr Ratankumar, Minister, PWD chun an hril hlip nghal a. Hiengang bawk hin NBCC khawmin inhrilhlipna ding le a thiemchangna dingin hril ding nei ngei a tih.
Manipura building hai hrim hrim ei hang en a, sawrkar building hai chu Private building hai neka tha le detindo lem ding ni awm tak siin Govt. building hai chu a derdep thei em em a; hi taka inthawk khawm hin thil indiknaw a um ti chu chieng takin an lang. Hi kawnga hin state sawrkar, Contractors le company hai a pawng a puia maw inphurtir thei khawm a ni chuong nawh. A san chu keihek le tax pek ding a tam hlak leiin sawrkarin building a bawl hai hi sum seng ding zat hmanga bawl pakhat khawm an um naw a, hmun thuma thea hmun khat vel chau dam hmanga bawl an ni tawl leiin a that ngaina a um naw a, sawrkar hrietpui le hrietpui lo tax sung a tam taluo lei a nih. Tax latu hai hi a tlangpuiin department officials le ram hmangaitu inti hai an ni hlak.
Hi lei hin sawrkar thil hrim hrim hi a tha le ringtlak hmu ding a vang a nih. Development sin thenkhat lem chu a tak um si lo Computer thiemna hmanga a lim/thlalak chau bawl tam tak a um bawk. Govt. Advertisement Bills hmuna ding hmana official han ‘Cha thaknaba’ an phut chun Vaibelsie tel le a nuoitel sengna sin haia chun a fatu ding an tam dingzie hi hril rawn a tul nawh. Kawngkhat ngaituo chun Central le state Development Fund hai hi ei hmang daizai thiem khawpel; Development sum hin mimal building iengzam ei bawl ta ding aw! ngaituo tham tak a nih. Vaibelsie tel senga Khuga Dam bawlna ding sum khan mimal building iengza khieu am ei inngir pha ding, Cars le motor iengzam ei inchawk aw! Development fund ei hmang daizai thiem hle a, Simkhawlei a hung inhning chang ruok hin chu ngaituona a sei nuom hle.
Hiengang hi ei ram ngirhmun a ni leiin ram hmangaitu inti MLAs/Ministers le ram ta dinga inpe kutchawi nei hai khawm ei thanghar a hun ta takzet. Ei ram hi simkhawlei inhning thei zingna hmun a ni leiin hmasawnna sin ei thaw haiah quality ei ngaipawimaw naw a ni chun tuta neka sietna nasa le rapthlak lem ei la tuok ngei ding a nih. Tulaia ei thil tuok le inzawmin development sinthawna haiah investigation hang thaw tak tak inla chu ei officers, ministers, MLAs le kutchawi nei hai hi a him ding muol um kher naw nihai. Suol hi thup sawng thei a ninaw leiin an lang hun a um tei hlak a, hi lei hin muolpho taka ei um nawna dingin tuta ei thil tuoka inthawk development fund keihek thei chin hai hin insiemthatnain hmang pha ngei inla nuom a um takzet. Hiengang khuorel sietna tlung hai hin ei mimal le insung a la tawkbuoinaw khawm a ni thei, sienkhawm sietna rapthlak tak tlung hin ei ram economy a nghawng thei a, economy a nghawng chun tukhawm a him ding ei um nawh ti hi ei hriet tlat a tul. Building bawltu hai khawmin tuta ei thil tuok a inthawk hin In bawlna kawnga mithiem rawn a tul zie hre thar inla, building derdep tak tak le him loa hriet hai chu thiek dingin sawrkarin thupek insuo bawk sien, chu chu sietna laka ei himna ding ni bawk a tih.
