Suangsangah Free Medical camp nei
CCPUR: District Council, CCPur le Lions Club of CCPur Greater (Dist. 322D) hai thangruola huoihawtnain zanikhan Thanlon SubDivisiona Suangsang khuoah “2Days Free Medical CampcumSeminar on Health Care” nei a nih. Hi medical campa fe ding hai hi zani zingkar 9:30AM khan Langkhanpau Guite, Chairman, ADCC chengnain, New Lamkaah Pastor SK Manlun in tawngtainain an thlasuok. Free Medical Camp - a hin Langkhanpau Guite, Chairman ADC/CCpur; Lal Hossan, Vice Chairman, ADC/CCpur, Th Jamchinthang, MDC (Thanlon), Paukhanlian, MDC (Ngazam) thangin ADC/CCPur hnuoia Doctor 3Dr Thangkholal Haokip, Dr Langlunthang; Dr Kimneilam bakah Paramedical Pharmacist 5 le Dr. Liankhawjam, Dist. Malaria Officer, CCpur le staff hai motor 9 in an suok. Zani zantieng khan medical camp hi Langkhanpau Guite in a hawng a, S.Romendor Singh, Agriculture Officer, ADC/CCPur le Dr Liankhojam, DMO/CCPur han Malaria le Dengue natna hai laka inveng dan ding hrilhrietna an nei.
Rationing Agent le S.K. Oil Subdealer inhni thei
CCPUR: Manipur sawrkar chun February, 2016 a inthawk khin National Food Security Act, 2013 hmang a tum a. Hi le inzawm hin Churachandpur district sunga FPS Centres 189 huop sung haia Rationing Agent le S.K.Oil SubDealer ni nuom hai ta dingin January 15, 2016 chen khin Application form peklut thei ning a tih. Candidate hai chun an inhnina FPS Centre huom sunga mi an ni ngei sukchiengna SDO/SDC a inthawk Domicile Certificate an peklut sa ding; final selection MLA/MDC/DC/CEO/SP/SDO/DSO hai thangna Selection Committee in an thaw ding ti a nih. Inhnikna nei han thu chieng lem DC Officea kan thei ning a tih. Hmasawnna Thar Officea khawm en thei ning a tih.
Lights decoration closing hun sawn
CCPUR: EFCI Saikawt Kristien Thalai Pawl chun, December 15, 2015 a inthawk light decoration zantin mipui en thei dinga an buotsai January 7, 2016, 6:00PMa Closing Ceremony nei dinga ti chu mithi an nei leiin an thul (kansel) a, January 12, 2015 (Thawleni) zan a hun pangngai bawka nei dinga sawn a nih.
Simkhawlei inhning leia CCPur Dist. report
CCPUR: January 4, 2016 zingkar dar 4:35 vela simkhawlei richter scale 6.7 a hrat an hning leia Churachandpur Districta SDOs, CEO le SP han report an peklut dingzuiin Mr Lunminthang Haokip, IAS, DC/CCPur chun zanikhan Addl. Chief Secretary (Home), Govt. of Manipur kuomah CCPur districta simkhawlei inhning in thil a suksiet hai report a peklut. Hi dungzuia CCPur districta thil a suksiet hai chu New Bazara Super Market building (a kak met/minor cracks) ; Kulbungah Mr Munjamang Misao chengna in (minor cracks) ; Rengkaiah LED TV screen (fully damaged) 1; New Lamka ah YPA hall foundation and beam (minor cracks) and front wall partially damaged; Ngurteah Biekin (minor cracks); New Bazar, Hill Town a Maimu Devi in (minor cracks); DRDA/ DC Officea Toilet le IAY cell (minor cracks); Torbung ah Biekin ban pahni a sukkak met bakah Waiting Shed a chim. SubDivision dang haia inthawk thil a suksiet report a um nawh.
Workshop in Prog. Implt. Plan
CCPUR: January 11, 2016, 11:00AM khin CMO Conference Hallah District Level Workshop on Program Implementation Plan for the year 201617 um a tih. Hi huna hin Dist. Hospital, FWDO &DIO; Blood Bank; Non Communication Disease Integrated Disease Surveillance Program Nation Program for Control of Blindness; National Mental Health program, National Program for Prevention and Control Deafness, National Tobacco Conrol Program, Iodine Difficiency Program; National Leprosy Elimination Program, FHW Training School, CHC/PHC a i/c MOs; Block Program Management Unit Staff hai le Dist Program Management Unit staff hai thang an tih.
Jammu & Kashmir CM a thi; ni 7 sung sun dinga puong;
A naunu Mehbooba in J&K CM a hung chel ring a nih
SRINAGAR: Jammu and Kashmir Chief Minister Mufti Mohammad Sayeed (79) chu zanikhan All India Institute of Medical Sciences (AIIMS), New Delhi hmuna a thi. Mr Sayeed hi December 24, 2015a inthawka kha a uminhawinaw le khawsik leia Srinagara inthawk Delhi panpui le AIIMSa Ventilatora enkawl a nih. A ruong hi zani zantieng khan special aircraft in Jammu and Kashmir panpui a ni a, Union Home Minister Rajnath Singh, Sayeed naunu le sawrkarna siemtu PDP President le MP Mehbooba Mufti le a sung han an zui. Mipuiin inzana pea an ral theina dingin a ruong hi Gupkar Road, Srinagara Chief Ministers official residenceah sie a ni a, zani zantieng khan a piengna khuo South Kashmira Bijbehara hmuna vuiliem a nih.
Jammu & Kashmir sawrkar chun zanikhan chawl a puong bakah inzanain ni 7 sung sun dingin a puong a, hi hun sung hin Govt. offices le establishments haia India flag a ngul chanvea khai dingin thusuok a siem. India khawpui bakah states le UT haia khawm Sayeed inzanain zanikhan India flag a ngul chanvea khai an nih.
PM Narendra Modi, President Pranab Mukherjee, Vice President Hamid Ansari, Home Minister Rajnath Singh, Congress President Sonia Gandhi, Finance Minsiter Arun Jaitley le Political party tum tuma thuoitu han an sun thu an puong tawl.
Sayeed hi kum 1936 a Bijbehara, J&K a pieng niin kum 20022015 inkar sung khan Chief Minister a lo chel ta bakah December 1989November 1990 inkar sunga India Home Minister sin lo chel ta a ni a, kum 1999 khan Jammu and Kashmir People’s Democratic Party an din a nih. A nuhmei bakah naunuhmei 3 le nau pasal pakhat a thisan.
Mohammad Sayeed thi le inzawm hin PDP chun zanikhan Lok Sabha MP nilai mek le a naunu Mehbooba Mufti (56) chu PDP Legislature party leader/CM dingin lungruol takin an thlang a, hi lei hin Jammu and Kashmir Chief Minister a hung chel ngei ring a nih. J&K CM a hung chel chun Jammu & Kashmir in nuhmei Chief Minister an nei hmasatakna a hung ni ding a nih.
PDP hotuhia chun zanikhan Srinagara Raj Bhavanah an Governor NN Bohra inhmupuiin PDP Legislature Party leader/CM dinga Mehbooba Mufti an thlang thu ziekin an pekl bawk. Mehbooba hi Kashmira Anantnag Parliamentary Constituencya Lok Sabha MP ni lai mek a ni a, Politics khela electiona a ngir a inthawk vawikhat khawm la hlawsam ngailo a nih.
J&K Assemblya seats 87 umah tuhin BJP le PDP thangruol han sawrkarna an siem a ni a, PDP in member 28 le BJP in member 25 an nei a; Opposition Congress in 12 le National Conferences in 15 an nei a nih.
BJP party incharge Avinash Rai Khanna chun Sayeed thina le inzawm hin ama thlaktu (CM) ding thuah sawrkar siemnaa an thangruolpui PDP ditna an tawmpui ding thu zanikhan PTI palai a hril.
Ima Keithel siemthat thei ding: Experts
IMPHAL: January 4, 2015 nia simkhawlei inhning in building a suksiet hai enfel dinga Manipur sawrkarin an incha IIT Roorkee a Professor/ experts 3 hai chu zanikhan Imphal an hungtlung a, zani ma khan Khwaramband Ima Keithel market an enfel a, siemthat thei a la ni ding thu an hril. Dr. Yogendra Singh, Prof. of Structural Earthquake, Dept. of Earthquake Engineering IIT Roorkee chun, building hi thiek vawng lova siemthat thei a la ni ding thu a hril a, sienkhawm a siemthat dan dinga tha taka enfel a la tul ding thu a hril. Simkhawlei inhning hrat takin a sawi nawk a ni ruok chun building hi a him tanaw ding thu; simkhawlei an hning nawk ding ding hun bakah a hrat dan ding hriet a ninaw thu a hril bawk. Aftershock a neka hrat lem hung um nawk thei a ni leiin tuchina ding chun la hluo lo phawt a him tiin a hril bawk.
Hieng laizing hin Ima Keithel a inthung nuhmei ruol chun an bazar inthungna ding arrangement siempek dinga ngennain zanikhan Luxmi Market hmuna protest an nei. Works Minister Ratan le Social Welfare minister AK Mirabai hai chu hi hmuna va fein sawrkarin a arrangement a ngaituo pek ding thu hrilin an va thlamuon.
RIMS Nurse recruitment result
IMPHAL: Regional Institute of Medical Sciences (RIMS) hnuoia Staff Nurse Post 94 lakna dinga recruitment neia um result puong a ni a, STah mi 6 Dolly Koren; Eloni Susan; Thanghmingliani;Maringmei Gaipuilu; Peimi Jojo le P.G.Thoiboton RN lak an nih. Hlawtlingna chang hai chu ni 15 sunga Offer form la dingin Prof. S. Rita Devi, Director, RIMS, Imphal in an hriettir. Result hi RIMS website: www.rimsedu.inah hmu thei a nih. Unreserved catetoryah 42; OBCah 28; SC ah 18; STah 6 lak an nih.
In inthielfainaah Inchung chimin a del hlum
IMPHAL: January 4, 2015 nia simkhawlei inhningin Leimakhong areaa a sukchim Vernicular Bible School inthielfai an tum lai zani zingkar 9AM khan bang hung chimin Mangboi Touthang (23) s/o Thangkhonlen Touthang of Leimakhong chu a del hlum bakah midang pakhat Jangminthang Touthang (22) s/o Hengjang Tongthang of Bilei Village, Saikul in hliemna a tuok a, Raj Medicity panpui a nih.
JAC in Moirang bandh an thaw
IMPHAL: State sawrkarin Thangjing hming Thangting tia thlakthleng a, Thangjing SubDivision chu Thangting SubDivisiona thlakthleng a tum dodalnaa JAC indina um in zanita Moirang bandh an thaw chun CCPur le Imphal inkara motor inlawn hai a sukbuoi hle a, Imphal fe ding motor han lampui an hel tawl. Bandh leia buoina suok hriet ani nawh. Hi JAC chun sawrkarin an thil ngen zani zantieng dar 3 chena a sukpuitling naw chun Tiddim Roadah tiemchin um lo bandh an la thaw pei ding thu an hril. Hi thu ei sut chena hin sawrkar le inbiekremna an nei le neinaw hrietna ei nei nawh.
Hieng laizing hin KCPMC (Liberation) chun RIMS hnuoia Staff Nurse lakna dinga question paper leaked thuah January 8, 2016 hin General Strike an thaw ding thu tuta hma khan an lo puong ta bawk a nih. An bandh thaw dum hi an fethleng pui ding le dingnaw hrietna ruok chu ei nei nawh.
GST thuah Naidu in Sonia Gandhi an hmupui
NEW DELHI: Sawrkar thlungpui chun Parliamenta pendinga um Goods and Services Tax (GST) le Real Estate Bills hai pass a hung ni theina dingin lampui a dap zing a. Zanikhan Parliamentary Affairs Minister M. Venkaiah Naidu chun Congress President Sonia Gandhi le PM hlui Dr Manmohan Singh hai an hmupui. Mr Naidu chun hieng Bill pahni hai Parliamenta pass vat a hung ni theina dinga thlawp dingin a ngen.
GST le Real Estate Bill hai hi Congress in an dodal leia pass thei lova la um a nih. Hieng Bill pahni haia sawrkar an thlawp chun sawrkar thlungpuiin Budget session nei inhmat a nuom thu Naidu chun Congress thuoitu pahni hai hi a hril bakah GST thuah an ngaidan hai khawm a hrilpui. GST hi siemthat met an ngiet leia Congress in an dodal a nih.
Silaimu lenglakin naupang 1 a deng hlum
AIZAWL: Zani zantieng dar 3 vel khan West Phailengah tu ti hrietlo in silai a kap mu lenglakin naupang pakhat Malsawmpekhlua (4) s/o Lalthanzela chu a deng hlum. Malsawmpekhlua hi mi thenkhatin khawlaidungah tluin an hmu a, Hospital panpui a ni a, sienkhawm doctor han an san hman ta chuong naw a nih. A luah silaimu a lut nia hril a nih. West Phaileng Police chun silai kaptu man tumin an suizui mek. A ruong hi vawisun postmortem thaw ning a ta, chu zova vui ning a tih.
Thuvuongva ring lo le chiai lo dingin
GUWAHATI: Assama State Disaster Management Authority (ASDMA) chun, simkhawlei inhning ding le dingnaw thua thuvuongva thedara um hai ring lo le chiai lo dingin mipui hai a ngen. ASDMA a CEO PK Tiwari chun Simkhawlei inhning ding hriet lawk theina tremor warning system a umnaw thu hrilin hi thua hin Central agency in official takin ASDMA kuomah ienghawm fimkhur dinga inhriettirna a peknaw thu a hril bawk.
Amiruokchu, Assam thangin NE states hai chu simkhawlei inhning thut theina hmun ZoneV huop sunga um a ni leiin sietna hung tlung ding laka invenglawk ding ruok chun mipui hai an fui. Newspaper thenkhat chun Assam thangin NE ah simkhawlei richter scale 8 neka hrat lem an hning ding niin an ziek tawl a nih.
EVM a vote tla hai sukbo
AIZAWL: Kum 2013 Mizoram Assembly Election huna MNF candidate han Electronic Voting Machine (EVM) chungthua Gauhati High Courta case an siem High Court in a hnawl ta leiin EVM a vote tlazat inziek hai chu Election Commission of India (ECI) thupek angin zani hmasa khan sukbo vawng a ni tah. Gauhati High Court thutlukna thuah Supreme Courta appeal thaw hriet a ni tanaw leia ECI in EVM a vote tla hai hi thaibo ta dinga thupek an suo a nih.
Damdawi hmangsuol leiin mi 27 an thi
AIZAWL: Mizorama chun December 23, 2015 chen kum khat liemta sung khan damdawi hmangsuolna leiin mi 24 an thi a, hi laia 3 hai chu nuhmei an nih. Damdawi hmangsuol leia thina tam tak chu Heroin a ni a, mi 9 in an thipui a, a dawttu chu Parvon Spas/Proxyvon a ni a, mi 4 in an thipui. Kum 1984 a inthawk Mizorama damdai hmangsuol leia thina tuok chu 1984 an ni a, hi laia 1,201 chu pasal an ni a, 141 chu nuhmei an nih.
Meghalaya in inhnukdawk a tum
GUWAHATI: February 516, 2016 inkar sunga Meghalaya le Assam sawrkar hai mikhuolnaa 12th South Asian Games (SAG) hung um dinga sawrkar thlungpuiin Badminton event Shillong hmuna nei lova Guwahati a nei lem dinga remruotna a siem dodalnain Meghalaya sawrkar chun hi Games mikhuolna dinga inthawk inhnukdawk a tum. Hi thu hi Director General, Sports Authority of India, Injeti Srinivas, CEO, SAG le President IOA N. Ramachandran bakah IOA Secretary General Rajeev Mehta le Joint Secretary, Rakesh Gupta hai kuoma intlunin san mumal tam um lova Badminton inkhelna ding hmun sawntumna thua an lungawinaw thu an zieklangsa bawk niin Meghalaya State Olympic Association a working president John F. Kharshiing chun a hril.
VAWISUN THUPUI
Ngai ta u, ram chu ka pek dai ta cheu, in pu Abraham hai, Isak hai, Jakob hai le an hnunga an thla nawk peihai kuoma inkhama Lalpain a pek ram chu va hluo ro,’ tiin. ~ Deuteronomy 1:8
Editorial
Damkhawsuokna dinga pawimaw
Khawvela hnam ropui le thil thawthei tak tak hung suokin, tam tak an bo ta a; civilization tam tak hung suokin, tam tak an tluse ta bawk. Indona annawleh hri le hrai leia hnam ropui tluse ta lo um de hai sienkhawm tam tak tluksietna bulpui chu hieng thil hai hi a ninaw zie tulai khawvel ngirhmun fe mek le ei hnam ngirhmun ei thlir hin chieng takin an lang a nih. Hnam hmasawn takel ni hlak, hnam dang le midang hai hnawchep a, mi hnung hnawta um mek hai ei thlir chun indona lei amanih annawleh hri le hrai lei a ninaw zie a chieng a; Sungril tieng hratna ei tlaksam lei a nih. Ei ram le hnam, ei insung, ei kohran le khawtlang in hma a sawn a, mi kalpen ruola kal ei pen ve theina ding chun mizie nghet le ‘sungril hratna’ ei mamaw a nih.
Khawvel suolna nasa takin a pung a, indiknawna, ringumnawna le mitchakna suol le suol dang dang tam takin a min huol vel a, lungril det tak nei lo, sungril hratna tlasam mimal, sungkuo le hnam ta ding chun tlukna ding tam tak a um ta a nih. Selna neilo le sungril hratna ei neinaw chun ei ram le hnam hi sawtnawte hnunga a la hung tluse ding a nih ti hi khawvel inlumlet dan le history ei thlir chun chieng takin an lang a nih. Ei ngirhmun ei hang thlir a, indikna le ringumna nasa takin ei tlasam a, depdena, mani hmasielna, thabona le kuttling lova sum laklut nuomna a pung pei bawk a. ‘Tulai khawvel dan an nawm’ tia pawmzam chu thil awlsam tak khawm a ni ngei el; sienkhawm mi an indiknaw leia lo indiknaw ve el dam hi sungril tienga mi hratnaw hai mizie a nih ti ei hriet a tul. Hiengang mi hi ei hnam sunga ei pung pei leia ei ram le hnamin hmasawn neka hnungtawl lem ei nih ti inla ei hrilsuol taluo ring a um nawh.
Ei ram le hnam chun hun khir tak a tawng mek a, ei la tawng pei bawk ding a nih. Hi lei hin mimal, sungkuo annawleh hnam anga ei damkhawsuok theina dinga pawimaw chu ‘sungril hratna’ am ei ti ding annawleh mizie det tak nei a nih. Indiknawna, ringumnawna le suolna thlipui dang dang hung hrang hai do zo ding khawpa ei insukmuk a ngai. Eini tlangmi hai lek lem hi chu ei population khawm tlawmte chau ei ni a, lungril det tak nei lova tuiin hnatawl a nuomna tieng tieng a len pei anga suol le tha thlier hran thei lo khawp le, ei ram le hnam ta dinga thil thalo le sietna intlun thei ding a nih ti khawm ngaituo loa, mani hmasielna le mimal hamthatna ding chau ngaituoa nun ei khal a ni chun ei tawpna chu boralna le chimralna a la hung ni tho tho ding a nih.
Ram hmangaitu chu ei inti seng, sienkhawm ram hmangai tak tak hi chu ei vang khawpel. Ei mimal hlawkna ding a ni phawt chun tharum le vauna hmanga mipui le hnam zawr khawm pawi tina ei nei ta nawh. Hiengang lungril det lo, mani hmasielna le mani inhmangaina hi mi hratlo hai ralthuom a ni a, hi thil hin ei ram le hnam nasa takin a faksiet mek a nih ti ei hriet a tul. Khawvel khawsakna dingin mitinin sum le pai ei mamaw seng. Politicians le hnam thuoitu hai khawmin thu tha le ropui tak tak chu ei hril hlak. Sienkhawm, integrity nei lo, mizie nghetlo le sungril hratna neilo ei pung pei leiin tu ngirhmuna hin ei um a nih. Hotu hai chau ni loin, mipui hai khawm ei nih. Dittawk le khawp ti reng ei neinaw a, mutmaleng anga mutlengin ei um mek a nih. Hi hi khawvela hnam ropui tak tak hai lo tlukna san le civilization tam tak lo tluksiet nasan a ni ti hriea ei thanghar a hun ta takzet a nih.
Hnam ropui le mizie nghet hai chun, suolna le thlemna chitinreng tuok hai sienkhawm an ngirna an inphet ngainaw a; thing le ruo han thlipui le ruopui an tuor nasa po leh zung thar an thlak pei angin mizie nghet tak le sungrila hrat hnam le ram chun zung thar keiin, hmatienga thil la hung tlung pei ding hai thlirin nasa takin a lo inpuocha hlak a, chuongang mi le hnam ngei chu a hung parvul hlak a nih. Puotienga inthawk mi dotu suolna dang dang hai hman ti tak loah mani hmasielna le chunghnung lem inchuna leia mani sunga ei la hang indo nawk lem hin chu ei ta dingin damkhawsuokna ding lampui hi a vang hle a nih. Pathienin mihriem hai hi ditthlang theina zalenna a mi pek seng a, a hmang indik dikin an hlawkpui a, an hmasawn pui el a nih. Hnam ang khawma ditthlangna indik, mizie nghet le sungril hratna nei hi ei dam khawsuokna ding lampui umsun a nih. Tui in hnatawng a nuomna tieng tieng a len a, a lenhmang anga sukbohmang am ei thlang ding, mizie nghet tak neia damkhawsuok! ei ditthlangnaah an nghat.
CCPUR: District Council, CCPur le Lions Club of CCPur Greater (Dist. 322D) hai thangruola huoihawtnain zanikhan Thanlon SubDivisiona Suangsang khuoah “2Days Free Medical CampcumSeminar on Health Care” nei a nih. Hi medical campa fe ding hai hi zani zingkar 9:30AM khan Langkhanpau Guite, Chairman, ADCC chengnain, New Lamkaah Pastor SK Manlun in tawngtainain an thlasuok. Free Medical Camp - a hin Langkhanpau Guite, Chairman ADC/CCpur; Lal Hossan, Vice Chairman, ADC/CCpur, Th Jamchinthang, MDC (Thanlon), Paukhanlian, MDC (Ngazam) thangin ADC/CCPur hnuoia Doctor 3Dr Thangkholal Haokip, Dr Langlunthang; Dr Kimneilam bakah Paramedical Pharmacist 5 le Dr. Liankhawjam, Dist. Malaria Officer, CCpur le staff hai motor 9 in an suok. Zani zantieng khan medical camp hi Langkhanpau Guite in a hawng a, S.Romendor Singh, Agriculture Officer, ADC/CCPur le Dr Liankhojam, DMO/CCPur han Malaria le Dengue natna hai laka inveng dan ding hrilhrietna an nei.
Rationing Agent le S.K. Oil Subdealer inhni thei
CCPUR: Manipur sawrkar chun February, 2016 a inthawk khin National Food Security Act, 2013 hmang a tum a. Hi le inzawm hin Churachandpur district sunga FPS Centres 189 huop sung haia Rationing Agent le S.K.Oil SubDealer ni nuom hai ta dingin January 15, 2016 chen khin Application form peklut thei ning a tih. Candidate hai chun an inhnina FPS Centre huom sunga mi an ni ngei sukchiengna SDO/SDC a inthawk Domicile Certificate an peklut sa ding; final selection MLA/MDC/DC/CEO/SP/SDO/DSO hai thangna Selection Committee in an thaw ding ti a nih. Inhnikna nei han thu chieng lem DC Officea kan thei ning a tih. Hmasawnna Thar Officea khawm en thei ning a tih.
Lights decoration closing hun sawn
CCPUR: EFCI Saikawt Kristien Thalai Pawl chun, December 15, 2015 a inthawk light decoration zantin mipui en thei dinga an buotsai January 7, 2016, 6:00PMa Closing Ceremony nei dinga ti chu mithi an nei leiin an thul (kansel) a, January 12, 2015 (Thawleni) zan a hun pangngai bawka nei dinga sawn a nih.
Simkhawlei inhning leia CCPur Dist. report
CCPUR: January 4, 2016 zingkar dar 4:35 vela simkhawlei richter scale 6.7 a hrat an hning leia Churachandpur Districta SDOs, CEO le SP han report an peklut dingzuiin Mr Lunminthang Haokip, IAS, DC/CCPur chun zanikhan Addl. Chief Secretary (Home), Govt. of Manipur kuomah CCPur districta simkhawlei inhning in thil a suksiet hai report a peklut. Hi dungzuia CCPur districta thil a suksiet hai chu New Bazara Super Market building (a kak met/minor cracks) ; Kulbungah Mr Munjamang Misao chengna in (minor cracks) ; Rengkaiah LED TV screen (fully damaged) 1; New Lamka ah YPA hall foundation and beam (minor cracks) and front wall partially damaged; Ngurteah Biekin (minor cracks); New Bazar, Hill Town a Maimu Devi in (minor cracks); DRDA/ DC Officea Toilet le IAY cell (minor cracks); Torbung ah Biekin ban pahni a sukkak met bakah Waiting Shed a chim. SubDivision dang haia inthawk thil a suksiet report a um nawh.
Workshop in Prog. Implt. Plan
CCPUR: January 11, 2016, 11:00AM khin CMO Conference Hallah District Level Workshop on Program Implementation Plan for the year 201617 um a tih. Hi huna hin Dist. Hospital, FWDO &DIO; Blood Bank; Non Communication Disease Integrated Disease Surveillance Program Nation Program for Control of Blindness; National Mental Health program, National Program for Prevention and Control Deafness, National Tobacco Conrol Program, Iodine Difficiency Program; National Leprosy Elimination Program, FHW Training School, CHC/PHC a i/c MOs; Block Program Management Unit Staff hai le Dist Program Management Unit staff hai thang an tih.
Jammu & Kashmir CM a thi; ni 7 sung sun dinga puong;
A naunu Mehbooba in J&K CM a hung chel ring a nih
SRINAGAR: Jammu and Kashmir Chief Minister Mufti Mohammad Sayeed (79) chu zanikhan All India Institute of Medical Sciences (AIIMS), New Delhi hmuna a thi. Mr Sayeed hi December 24, 2015a inthawka kha a uminhawinaw le khawsik leia Srinagara inthawk Delhi panpui le AIIMSa Ventilatora enkawl a nih. A ruong hi zani zantieng khan special aircraft in Jammu and Kashmir panpui a ni a, Union Home Minister Rajnath Singh, Sayeed naunu le sawrkarna siemtu PDP President le MP Mehbooba Mufti le a sung han an zui. Mipuiin inzana pea an ral theina dingin a ruong hi Gupkar Road, Srinagara Chief Ministers official residenceah sie a ni a, zani zantieng khan a piengna khuo South Kashmira Bijbehara hmuna vuiliem a nih.
Jammu & Kashmir sawrkar chun zanikhan chawl a puong bakah inzanain ni 7 sung sun dingin a puong a, hi hun sung hin Govt. offices le establishments haia India flag a ngul chanvea khai dingin thusuok a siem. India khawpui bakah states le UT haia khawm Sayeed inzanain zanikhan India flag a ngul chanvea khai an nih.
PM Narendra Modi, President Pranab Mukherjee, Vice President Hamid Ansari, Home Minister Rajnath Singh, Congress President Sonia Gandhi, Finance Minsiter Arun Jaitley le Political party tum tuma thuoitu han an sun thu an puong tawl.
Sayeed hi kum 1936 a Bijbehara, J&K a pieng niin kum 20022015 inkar sung khan Chief Minister a lo chel ta bakah December 1989November 1990 inkar sunga India Home Minister sin lo chel ta a ni a, kum 1999 khan Jammu and Kashmir People’s Democratic Party an din a nih. A nuhmei bakah naunuhmei 3 le nau pasal pakhat a thisan.
Mohammad Sayeed thi le inzawm hin PDP chun zanikhan Lok Sabha MP nilai mek le a naunu Mehbooba Mufti (56) chu PDP Legislature party leader/CM dingin lungruol takin an thlang a, hi lei hin Jammu and Kashmir Chief Minister a hung chel ngei ring a nih. J&K CM a hung chel chun Jammu & Kashmir in nuhmei Chief Minister an nei hmasatakna a hung ni ding a nih.
PDP hotuhia chun zanikhan Srinagara Raj Bhavanah an Governor NN Bohra inhmupuiin PDP Legislature Party leader/CM dinga Mehbooba Mufti an thlang thu ziekin an pekl bawk. Mehbooba hi Kashmira Anantnag Parliamentary Constituencya Lok Sabha MP ni lai mek a ni a, Politics khela electiona a ngir a inthawk vawikhat khawm la hlawsam ngailo a nih.
J&K Assemblya seats 87 umah tuhin BJP le PDP thangruol han sawrkarna an siem a ni a, PDP in member 28 le BJP in member 25 an nei a; Opposition Congress in 12 le National Conferences in 15 an nei a nih.
BJP party incharge Avinash Rai Khanna chun Sayeed thina le inzawm hin ama thlaktu (CM) ding thuah sawrkar siemnaa an thangruolpui PDP ditna an tawmpui ding thu zanikhan PTI palai a hril.
Ima Keithel siemthat thei ding: Experts
IMPHAL: January 4, 2015 nia simkhawlei inhning in building a suksiet hai enfel dinga Manipur sawrkarin an incha IIT Roorkee a Professor/ experts 3 hai chu zanikhan Imphal an hungtlung a, zani ma khan Khwaramband Ima Keithel market an enfel a, siemthat thei a la ni ding thu an hril. Dr. Yogendra Singh, Prof. of Structural Earthquake, Dept. of Earthquake Engineering IIT Roorkee chun, building hi thiek vawng lova siemthat thei a la ni ding thu a hril a, sienkhawm a siemthat dan dinga tha taka enfel a la tul ding thu a hril. Simkhawlei inhning hrat takin a sawi nawk a ni ruok chun building hi a him tanaw ding thu; simkhawlei an hning nawk ding ding hun bakah a hrat dan ding hriet a ninaw thu a hril bawk. Aftershock a neka hrat lem hung um nawk thei a ni leiin tuchina ding chun la hluo lo phawt a him tiin a hril bawk.
Hieng laizing hin Ima Keithel a inthung nuhmei ruol chun an bazar inthungna ding arrangement siempek dinga ngennain zanikhan Luxmi Market hmuna protest an nei. Works Minister Ratan le Social Welfare minister AK Mirabai hai chu hi hmuna va fein sawrkarin a arrangement a ngaituo pek ding thu hrilin an va thlamuon.
RIMS Nurse recruitment result
IMPHAL: Regional Institute of Medical Sciences (RIMS) hnuoia Staff Nurse Post 94 lakna dinga recruitment neia um result puong a ni a, STah mi 6 Dolly Koren; Eloni Susan; Thanghmingliani;Maringmei Gaipuilu; Peimi Jojo le P.G.Thoiboton RN lak an nih. Hlawtlingna chang hai chu ni 15 sunga Offer form la dingin Prof. S. Rita Devi, Director, RIMS, Imphal in an hriettir. Result hi RIMS website: www.rimsedu.inah hmu thei a nih. Unreserved catetoryah 42; OBCah 28; SC ah 18; STah 6 lak an nih.
In inthielfainaah Inchung chimin a del hlum
IMPHAL: January 4, 2015 nia simkhawlei inhningin Leimakhong areaa a sukchim Vernicular Bible School inthielfai an tum lai zani zingkar 9AM khan bang hung chimin Mangboi Touthang (23) s/o Thangkhonlen Touthang of Leimakhong chu a del hlum bakah midang pakhat Jangminthang Touthang (22) s/o Hengjang Tongthang of Bilei Village, Saikul in hliemna a tuok a, Raj Medicity panpui a nih.
JAC in Moirang bandh an thaw
IMPHAL: State sawrkarin Thangjing hming Thangting tia thlakthleng a, Thangjing SubDivision chu Thangting SubDivisiona thlakthleng a tum dodalnaa JAC indina um in zanita Moirang bandh an thaw chun CCPur le Imphal inkara motor inlawn hai a sukbuoi hle a, Imphal fe ding motor han lampui an hel tawl. Bandh leia buoina suok hriet ani nawh. Hi JAC chun sawrkarin an thil ngen zani zantieng dar 3 chena a sukpuitling naw chun Tiddim Roadah tiemchin um lo bandh an la thaw pei ding thu an hril. Hi thu ei sut chena hin sawrkar le inbiekremna an nei le neinaw hrietna ei nei nawh.
Hieng laizing hin KCPMC (Liberation) chun RIMS hnuoia Staff Nurse lakna dinga question paper leaked thuah January 8, 2016 hin General Strike an thaw ding thu tuta hma khan an lo puong ta bawk a nih. An bandh thaw dum hi an fethleng pui ding le dingnaw hrietna ruok chu ei nei nawh.
GST thuah Naidu in Sonia Gandhi an hmupui
NEW DELHI: Sawrkar thlungpui chun Parliamenta pendinga um Goods and Services Tax (GST) le Real Estate Bills hai pass a hung ni theina dingin lampui a dap zing a. Zanikhan Parliamentary Affairs Minister M. Venkaiah Naidu chun Congress President Sonia Gandhi le PM hlui Dr Manmohan Singh hai an hmupui. Mr Naidu chun hieng Bill pahni hai Parliamenta pass vat a hung ni theina dinga thlawp dingin a ngen.
GST le Real Estate Bill hai hi Congress in an dodal leia pass thei lova la um a nih. Hieng Bill pahni haia sawrkar an thlawp chun sawrkar thlungpuiin Budget session nei inhmat a nuom thu Naidu chun Congress thuoitu pahni hai hi a hril bakah GST thuah an ngaidan hai khawm a hrilpui. GST hi siemthat met an ngiet leia Congress in an dodal a nih.
Silaimu lenglakin naupang 1 a deng hlum
AIZAWL: Zani zantieng dar 3 vel khan West Phailengah tu ti hrietlo in silai a kap mu lenglakin naupang pakhat Malsawmpekhlua (4) s/o Lalthanzela chu a deng hlum. Malsawmpekhlua hi mi thenkhatin khawlaidungah tluin an hmu a, Hospital panpui a ni a, sienkhawm doctor han an san hman ta chuong naw a nih. A luah silaimu a lut nia hril a nih. West Phaileng Police chun silai kaptu man tumin an suizui mek. A ruong hi vawisun postmortem thaw ning a ta, chu zova vui ning a tih.
Thuvuongva ring lo le chiai lo dingin
GUWAHATI: Assama State Disaster Management Authority (ASDMA) chun, simkhawlei inhning ding le dingnaw thua thuvuongva thedara um hai ring lo le chiai lo dingin mipui hai a ngen. ASDMA a CEO PK Tiwari chun Simkhawlei inhning ding hriet lawk theina tremor warning system a umnaw thu hrilin hi thua hin Central agency in official takin ASDMA kuomah ienghawm fimkhur dinga inhriettirna a peknaw thu a hril bawk.
Amiruokchu, Assam thangin NE states hai chu simkhawlei inhning thut theina hmun ZoneV huop sunga um a ni leiin sietna hung tlung ding laka invenglawk ding ruok chun mipui hai an fui. Newspaper thenkhat chun Assam thangin NE ah simkhawlei richter scale 8 neka hrat lem an hning ding niin an ziek tawl a nih.
EVM a vote tla hai sukbo
AIZAWL: Kum 2013 Mizoram Assembly Election huna MNF candidate han Electronic Voting Machine (EVM) chungthua Gauhati High Courta case an siem High Court in a hnawl ta leiin EVM a vote tlazat inziek hai chu Election Commission of India (ECI) thupek angin zani hmasa khan sukbo vawng a ni tah. Gauhati High Court thutlukna thuah Supreme Courta appeal thaw hriet a ni tanaw leia ECI in EVM a vote tla hai hi thaibo ta dinga thupek an suo a nih.
Damdawi hmangsuol leiin mi 27 an thi
AIZAWL: Mizorama chun December 23, 2015 chen kum khat liemta sung khan damdawi hmangsuolna leiin mi 24 an thi a, hi laia 3 hai chu nuhmei an nih. Damdawi hmangsuol leia thina tam tak chu Heroin a ni a, mi 9 in an thipui a, a dawttu chu Parvon Spas/Proxyvon a ni a, mi 4 in an thipui. Kum 1984 a inthawk Mizorama damdai hmangsuol leia thina tuok chu 1984 an ni a, hi laia 1,201 chu pasal an ni a, 141 chu nuhmei an nih.
Meghalaya in inhnukdawk a tum
GUWAHATI: February 516, 2016 inkar sunga Meghalaya le Assam sawrkar hai mikhuolnaa 12th South Asian Games (SAG) hung um dinga sawrkar thlungpuiin Badminton event Shillong hmuna nei lova Guwahati a nei lem dinga remruotna a siem dodalnain Meghalaya sawrkar chun hi Games mikhuolna dinga inthawk inhnukdawk a tum. Hi thu hi Director General, Sports Authority of India, Injeti Srinivas, CEO, SAG le President IOA N. Ramachandran bakah IOA Secretary General Rajeev Mehta le Joint Secretary, Rakesh Gupta hai kuoma intlunin san mumal tam um lova Badminton inkhelna ding hmun sawntumna thua an lungawinaw thu an zieklangsa bawk niin Meghalaya State Olympic Association a working president John F. Kharshiing chun a hril.
VAWISUN THUPUI
Ngai ta u, ram chu ka pek dai ta cheu, in pu Abraham hai, Isak hai, Jakob hai le an hnunga an thla nawk peihai kuoma inkhama Lalpain a pek ram chu va hluo ro,’ tiin. ~ Deuteronomy 1:8
Editorial
Damkhawsuokna dinga pawimaw
Khawvela hnam ropui le thil thawthei tak tak hung suokin, tam tak an bo ta a; civilization tam tak hung suokin, tam tak an tluse ta bawk. Indona annawleh hri le hrai leia hnam ropui tluse ta lo um de hai sienkhawm tam tak tluksietna bulpui chu hieng thil hai hi a ninaw zie tulai khawvel ngirhmun fe mek le ei hnam ngirhmun ei thlir hin chieng takin an lang a nih. Hnam hmasawn takel ni hlak, hnam dang le midang hai hnawchep a, mi hnung hnawta um mek hai ei thlir chun indona lei amanih annawleh hri le hrai lei a ninaw zie a chieng a; Sungril tieng hratna ei tlaksam lei a nih. Ei ram le hnam, ei insung, ei kohran le khawtlang in hma a sawn a, mi kalpen ruola kal ei pen ve theina ding chun mizie nghet le ‘sungril hratna’ ei mamaw a nih.
Khawvel suolna nasa takin a pung a, indiknawna, ringumnawna le mitchakna suol le suol dang dang tam takin a min huol vel a, lungril det tak nei lo, sungril hratna tlasam mimal, sungkuo le hnam ta ding chun tlukna ding tam tak a um ta a nih. Selna neilo le sungril hratna ei neinaw chun ei ram le hnam hi sawtnawte hnunga a la hung tluse ding a nih ti hi khawvel inlumlet dan le history ei thlir chun chieng takin an lang a nih. Ei ngirhmun ei hang thlir a, indikna le ringumna nasa takin ei tlasam a, depdena, mani hmasielna, thabona le kuttling lova sum laklut nuomna a pung pei bawk a. ‘Tulai khawvel dan an nawm’ tia pawmzam chu thil awlsam tak khawm a ni ngei el; sienkhawm mi an indiknaw leia lo indiknaw ve el dam hi sungril tienga mi hratnaw hai mizie a nih ti ei hriet a tul. Hiengang mi hi ei hnam sunga ei pung pei leia ei ram le hnamin hmasawn neka hnungtawl lem ei nih ti inla ei hrilsuol taluo ring a um nawh.
Ei ram le hnam chun hun khir tak a tawng mek a, ei la tawng pei bawk ding a nih. Hi lei hin mimal, sungkuo annawleh hnam anga ei damkhawsuok theina dinga pawimaw chu ‘sungril hratna’ am ei ti ding annawleh mizie det tak nei a nih. Indiknawna, ringumnawna le suolna thlipui dang dang hung hrang hai do zo ding khawpa ei insukmuk a ngai. Eini tlangmi hai lek lem hi chu ei population khawm tlawmte chau ei ni a, lungril det tak nei lova tuiin hnatawl a nuomna tieng tieng a len pei anga suol le tha thlier hran thei lo khawp le, ei ram le hnam ta dinga thil thalo le sietna intlun thei ding a nih ti khawm ngaituo loa, mani hmasielna le mimal hamthatna ding chau ngaituoa nun ei khal a ni chun ei tawpna chu boralna le chimralna a la hung ni tho tho ding a nih.
Ram hmangaitu chu ei inti seng, sienkhawm ram hmangai tak tak hi chu ei vang khawpel. Ei mimal hlawkna ding a ni phawt chun tharum le vauna hmanga mipui le hnam zawr khawm pawi tina ei nei ta nawh. Hiengang lungril det lo, mani hmasielna le mani inhmangaina hi mi hratlo hai ralthuom a ni a, hi thil hin ei ram le hnam nasa takin a faksiet mek a nih ti ei hriet a tul. Khawvel khawsakna dingin mitinin sum le pai ei mamaw seng. Politicians le hnam thuoitu hai khawmin thu tha le ropui tak tak chu ei hril hlak. Sienkhawm, integrity nei lo, mizie nghetlo le sungril hratna neilo ei pung pei leiin tu ngirhmuna hin ei um a nih. Hotu hai chau ni loin, mipui hai khawm ei nih. Dittawk le khawp ti reng ei neinaw a, mutmaleng anga mutlengin ei um mek a nih. Hi hi khawvela hnam ropui tak tak hai lo tlukna san le civilization tam tak lo tluksiet nasan a ni ti hriea ei thanghar a hun ta takzet a nih.
Hnam ropui le mizie nghet hai chun, suolna le thlemna chitinreng tuok hai sienkhawm an ngirna an inphet ngainaw a; thing le ruo han thlipui le ruopui an tuor nasa po leh zung thar an thlak pei angin mizie nghet tak le sungrila hrat hnam le ram chun zung thar keiin, hmatienga thil la hung tlung pei ding hai thlirin nasa takin a lo inpuocha hlak a, chuongang mi le hnam ngei chu a hung parvul hlak a nih. Puotienga inthawk mi dotu suolna dang dang hai hman ti tak loah mani hmasielna le chunghnung lem inchuna leia mani sunga ei la hang indo nawk lem hin chu ei ta dingin damkhawsuokna ding lampui hi a vang hle a nih. Pathienin mihriem hai hi ditthlang theina zalenna a mi pek seng a, a hmang indik dikin an hlawkpui a, an hmasawn pui el a nih. Hnam ang khawma ditthlangna indik, mizie nghet le sungril hratna nei hi ei dam khawsuokna ding lampui umsun a nih. Tui in hnatawng a nuomna tieng tieng a len a, a lenhmang anga sukbohmang am ei thlang ding, mizie nghet tak neia damkhawsuok! ei ditthlangnaah an nghat.
