VTI in Graduation-cum-Annual Day an hmang
CCPUR: RPCNEI project laia Vocational Training Institute (VET tia hrietlar) chun zani 11:00AM khan Annual DaycumGraduation and Thanksgiving Service an hmang.
Hi huna hin Rev Dr V.Lalnghakthang, General Secretary, RPC NEI chu Chief Guest in a thang a, Rev Saithanglur, Secretary Evangelism, RPCNEI le Rev EdwinDarsanglur Director, Development Department, RPCNEI hai chu Guest of Honour le Functional President in an thang a, Graduatehai Rev Ros Infimate, Secretary, Mission RPCNEI in tawngtai pekna a nei a; Graduate hai chu hmasawnna la hmasuon mek anni thu le an thiemna hai anni mimal le hnamin la hung tangkaipui thei thu a hril.
Hi huna hin trade hran hran Computer DTP & Hardware A+, Weaving, Driving, Carpentry le Tailoring & Embroidery graduate 54 hai kuomah Certificate in hlan an nih. VTI a inthawk tukum sung mi 93 kuomah Certificate pek an ni tah.
VTI, CCPur hi kum 2006 a indin niin tuchena hin mi 1027 an Graduate ta a, hi hai laia 63% an thil inchukthiem hai fak hmunain an hmang mek ta bawk a nih. Training Coordinator chun training chau ni lovin Production Unit khawm indin tuma hma lak mek a ni thu, Bazar rate neka inhnuoi lema Furnitures,welding, tailoring hai thaw a ni thu a hril. VTI hi sawrkarah License le Accreditation iengkim fel thlapa nei a ni a, sawrkar department thenkhat le khawm inzawmna tha tak nei an ni bawk.
Kangmei suokin In pakhat a kang
CCPUR: Zani zing dar 9:30 vel khan Tiddim Road, Lanvaa Mr Vungminthang chengna ina inthawk kangmei a suok a, thil tam tak a kangsiet. Kangmei suok huna hin In neitu hai tukhawm an umnaw leiin an thenuma cheng hai le tlawmngai pawl han kawtkhar kalna chabi suksein kangmei suok hi an thelmit. Amiruokchu, puon, puonsil, khum 1, mistry hmangruo, steel box 1 bakah Rayburn H/S a kai Mr Vungminthang a nau han zanita schoola an chawi lo lekhabu hai le school uniform hai a kangsiet. Kangmei hi bedrooma inthawka intan ni dinga ring a ni a, electric a inthawk intan ni dinga ring a ni bawk. Lanva mipui chun zanikhan social work neiin inkang hi an inthielfai. In neitu hai hi an inbel/hak lai ti lo an thuomhnaw dang hai meiin a kang vawng a nih.
Martyrs Ralna Rs. 5200 a lut
CCPUR: Zanikhan District Hospitala JPO kutah Tribal martyrs hai ralna le hliem hai thangpuina dingin mi 5 han Rs. 5200/ an peklut. Ralna le thangpuina petuhai chu Chalrofim of Khawmawi Rs 200, Thangkhosiam Tonsing of Delhi Rs 1000, Upa G. Damsuanthang of Delhi Rs 500, Pastor V. Nenglian of Delhi Rs 500, le Upa H. Kamsuanthang of Delhi Rs 1500 hai an nih.
Chun, vawisuna District Hospitala thingpui inlumtu ding KKL ning an ta, hlasak lengkhawm ding chu Vengnuam North, Mualnuam, Zion Street le Pangzawl hai ning an tih.
Imphala Health Official han Morgue an enfel
CCPUR: District Hospital, CCPur Morguea hmang ding Cold Storage /Mortuary Cabinet phurtu Lorry Truck (Cold Storage motor) chu zani zantieng 2PM khan Dimapur a hung tlung ta a, vawisun hin CCPur a hung tlung hman ngei beisei a nih.
Mortuary cabinet hai hung phurtlung a ni ding le inzawm hin zani zantieng 2:30PM khan Imphala inthawk Dr Ranjit, Additional Director, Health Service; Dr N. Shyamjai Singh, Dy. Director SMO le Dr A.Probin Singh, Director hai chu CCPura hungin District Hospital Morgue an enfel a, R/S Cooling,Guwahati a inthawk Technical Engineer 3- Sajubarai, Baban Singha le Rakesh Sharma hai leh Mortuary Cabinet hai Installation thaw dan ding an enfel. Hi huna hin CMO, Medical Supdt. Dist. Hosital le Dy. Medical Supdt hai khawmin an uop. Cold Storage installation thawna hin ni 4/5 vel hun a lak ding niin CCPura cham mek Technical Engineer hai chun an hril.
Inbiekremna an nei
CCPUR: November 1, 2015 nia Mr Paomang Lupho of Tuibuong Forest Gate hmang lai Maruti 800 MN01A6096 in Mr Lalawmpui Langel d/o Rampanthang Langel of SA Road a baw hluma a tlansan na chungthua mipui lungsenin Tiddim Road laia Car an vuok sietna le motor a chuong mi pahni Thanggoulian s/o Paomang Lupho of Tubuong Forest Gate le Thangminlal s/o (late) Thiankholun of Tuibuong han hliemna an tuok thuah zanikhan ADC/CCPur hmalaknain Chairman ADCC in hliem 2 hai kanna a nei a, inremna a um ding ditnain DC, SP le ADC/CCPur hai thangruolin hliemhai le motor suksietna thuah zani 11AM khan ADC Chairman office chamberah G. Thangkhosuanmung chun Kamthang, President KKL GHQ kutah sum iemanizat inhlanna a nei. Hi lei hin hi buoina chungthua buoina chu sukfel le inremna siem a nitah.
DACO monthly review meeting
CCPUR: Zani 11:00AM khan DAPCU Officeah DACO monthly review meeting nei a ni a, DAPCU le NACP member han November, 2015 thla sunga testing Centre tum tuma HIV+ 12 an hmusuok hai laia Positive 11 hai ART Centre -a a lut le lutnaw ennawnna le pakhat ART Centrea a lut thei dan ding an hriltlang a. HIV Testing Centre thuah STD treatment Centre hai le link tha lema nei dan ding hai an hriltlang. Chun, HIV+ nuhmei naupai hai le an nau pieng kum khat le a chanve chen ASHA worker han tha taka followup an thaw dan ding khawm an hriltlang bawk.
BeMung Consultancy Services hawng
CCPUR: Zani 11:00AM khan Salem Venga Jerusalem Clinic chung, Room No. 8 a Israel Hnambo Run hmuna BeMung Consultancy chu Ms Mannuamching, IAS, CEO/ADCC in a hawng a, Pastor Thualgouthang, Local Pastor, EBCC Colelge Veng in tawngtainain an hlan. Hi huna hin G.Thangchinkhup, DDM/NABARD le H.Mangchinkhup hai khawm thangin thuhrilna hun an hmang.
David Headley video conferencing fethlengin Mumbai Court hmaa inlangtir
MUMBAI: November 26, 2008 a Mumbai khawpui sunga Taj Hotel, Oberoi Hotel le Nariman House hai Terrorist han an bei naa mi 166 zetin thina an tuokna le inzawma thu phierrutu taka intum PakistaniAmerican Terrorist David Coleman Headley chu zanikhan US a hmun pakhata inthawk Video Conference fethlengin Mumbai Court hmaah inlangtir a ni a. Hi case a ngaidam a ni chun approvera thang an tiem a; Mumbai Court -a Public Prosecutor Ujjwal Nikkam in darkar chanve sung sukchawla Investigating Officer an rawn pui hnunga Mumbai Court in condition uma a ngaidam a nih.
Headley hi Pakistan mi, USAa khawsa niin kum 2006 le 2008 inkara India ram vawi 5 a hung inzin hun haiah map ziekin Taj Hotel, Oberoi Hotel le Nariman House hai video in thla a lak vawng a, chuong a map ziek le thlalak haia inthawk Pakistan terrorist LashkareToiba hai kha Mumbai khawpuia hung che an nih. Hi thil tlunga Mumbai Court in case a siemkhum USA a FBI han an man le tuta kum 35 sung intang dinga US a jail - a sie mek a nih.
Zanita Video Conferencing fethlenga inlangtir a ni hnuna hin 2008a Mumbaia terrorist hai chetnaa khan inrawlna a nei ve ngei thu a puong a, Courta inlangtir a ni huna hin a Attorney pahni, Dept. of Justicea Assistant Attorney le FBI Agent pakhat han an umpui.
KCP 3 man hai lai BJP Sports Cell Secy a thang
IMPHAL: Zani hmasa zantieng khan Imphal West Police le 25 Assam Rifles han Uripok Khoisnam Leikaiah KCP (Kanba group) member 3 an man a. Mana um hai laia pakhat chu BJP Sports Cell a Secretary Bramhacharimayum Rajmani @ Khanba of Uripok Khaidem Leikai a nih. KCP cadre 2 mana um hai chu Khundrakpam Kanba @ khelchandra (45) s/o Shyamkeso of Taothong Khunou Lamshang le Hanjabam Dineshor @ Dinesh of Brahmapur Thangapat Mapal hai an ni a, an kuta inthawk Pistol 2 le a mu 3 bakah Mobile Handset 2 mansa a nih. An reng hin thu indawnna nei dingin Police Custodya sie an la nih.
Orange Queen 2015 in Miss Vania Chawang
TAMENGLONG: Zani hmasa zana Tamenglong local grounda Orange Queen 2015 contest neia chun Miss Vania Chawang of Tamenglong chu Orange Queen, 2015 title inhlan a nih. 1st runner up chu Miss Soraisam Devajani Devi of Uripok niin 2nd runnerup chu Miss Silvia Kamson of Dimapur a nih. Contest a hin mi 21 an thang. Orange Queen hin lawmmanin Rs.1 lakh a dawng.
1st Indigenous People’s Parliament tan
IMPHAL: Zanikhan Kangsang, Khuman Lampak, Imphal hmuna Coalition for Indigenous Rights Campaign, Manipur, Assam Sanmilita Mahasangha and Assam Meitei Apunba Lup hai huoihawtnain First North East Indigenous Peoples’ Parliament tan a ni a. Hi huna hin India hmarsak biela hnam tum tum 25 hieng Deori, Karbi, Khashi, Jaintia, Moran, Tripuri, Rehyang, Bru, Hmar, Chiru, Zemei, Kharam, Chothe, Maring, Kom, Kabui, Thadou, Liangmei, Aimol, Meitei le Meitei Pangal hai bakah Dimasa, Mizo, Meising le Arunachalli palai khawm an hung thang ding niin organisers hai chun an hril. Indigenous parliament sung hin issues tum tum hriltlang ning a tih.
JCILPS in Ultimatum an sawn
IMPHAL: Joint Committee on Inner Line Permit System (JCILPS) in sawrkar le agreement an lo ziek hai December 15, 2015 chena sukpuitling dinga Manipur sawrkar Ultimatum an pek chu students hai final exam an nei mek bakah Kristien hai nipui Chrismas ding leiin January 3, 2015 chena dingin an sawn hla. Manipur CM in agreement hai sukpuitling dinga a tiem bakah ngenna a siem leia Ultimatum (huntawp) an pek hi an suksei niin JCILPS a CoConvenor Md. Kheiruddin Shah Moijingmayum chun a hril.
Intl. Human Rights Day hmang
IMPHAL: Zanikhan Manipur Press Club, Imphalah Committee on Human Rights (COHR) hmalaknain “Our Rights, Our Freedom Always” ti thupuia hmangin International Human Rights Day hmang a ni a, Dr. Pramod, Sr. Faculty LMS Law College, Phulindro Konsam, Chairman COHR, Wangkhemcha Shyamjai, President AMWJU le Dr. Y. Mani Khuman, President AMUCO hai khawmin an uop.Hi ni hi Manipura hmun dang dang haia khawm hmang a nih.
HC thekhat hming thlakthleng tum
NEW DELHI: India rama High Courts thenkhat hming thlakthleng tum a ni thu zanikhan Law Minister D.V. Sadananda Gowa in Lok Sabha hmuna a hril. Maharasthra sawrkar chun Bombay High Court chu ‘Mumbai High Court’ tia thlakthleng dingin rawtna a thelut bakah West Bengal sawrkar chun Calcutta High Court chu ‘Kolkata High Court’ tia thlakthleng ding le Tamil Nadu sawrkar chun Madras High Court chu ‘Chennai High Court’ tia thlakthleng dingin rawtna an peklut niin a hril.
TNah ruosur leia thi mi 347
CHENNAI: Tamil Nadua chun October, 2015 a inthawk tuchena ruosur leia sietna dang dang tlunga thina tuok mi 347 an tling ta niin zanita Tamil Nadu govt. official thusuok chun a hril. Tuilien leia intang mi 17.64 lakh sansuok an ni a, relief centre tum tum 6605 haiah sie le enkawl an ni a, tuilien leia harsatna tuortu sungkuo1.11 lakh chuong hai kuomah immediate relief in Rs. 67.47 crores sem a ni tah tiin sawrkar thusuok chun a hril.
----------------------------------------------------------------------------------------------------------------
VAWISUN THUPUI
Tukhawm an kuoma ka pek ding tui dawn taphawt ruok chu, kumkhuoin dangchar naw nihai, keiin an kuoma tui ka pek ding chu, an sungah tuihnar hung um a ta, chatuona hringna chenin inchik dawk a tih.” Johan 4:14
Editorial
Tawngsephur am ei nih
Manipur hi India ram state hai lai ram leilung le sik le sa inhawi pawl tak pakhat ve niin, ‘A chung bu, a hnuoi Nga’ tia hril; tawng dang dang hmang hnam tum tum hai chengna ram a ni a. Hnam tum tum cheng khawm ei ni bawk leiin talent tam tak umkhawmna hmun a nih. Ei talent hai a tha zawnga ei hmang naw lei am a ni ding khawvelin nasa taka hmatieng ke a pen laiin ram hmasawnna ding ngaituo neka a sukbuoi zawnga chetna a pung pei a, hma sawn hlei thei lovin ei um mek a nih. India rama helpawl (terror organisations) 60 chuong an um a, hienghai laia 57 hai chu India hmarsakbiela um niin, India hmarsakbiela helpawl 57 um hai laia a zatve neka tam ding 34 zet hai chu Manipur thangsana um an nih.
India Constitution hnuoia Scheduled Tribe (ST) Tribal a zieklut hnam tum tum 33 lai ei um a, Phairam mi hai laia Helpawl group tum tum tam tak an um ang bawkin Tribal hnam tin deuthawin mani ram le hnam humhalna ding tiin helpawl ei nei fir fer tawl bawk a. Chuonghai laia thenkhat chun sawrkar leh Ceasefire/Suspension of Operation (SoO) ziekin sawrkar leh an khat tawkin inbiekna an nei hlak. Tuta sawrkar le ceasefire nei mek hai lai hin phairam helpawl Kangleipak Communist PartyLamphel (KCPLamphel), Military Defence Force a Kanglei Yowel Kanna Lup (KYKLMDF); United Revolutionary Front (URF)[KCP helpawl a faction 5] le United People’s Party of Kangleipak (UPPK) bakah Tlangmi helpawl group 11 umna Kuki National Organisation (KNO), helpawl group 8 inthlungkhawmna United Peoples Front (UPF) hai an um a. Sawrkar le Ceasefire zieklo helpawl phairam helpawl tam tak an la um bawk leiin Manipura ralthuom cheleka tharum insuona chun re tieng a la pan thei chuong naw a; ralthuom chelektu hai lai hin SoO/Ceasefire nei hai khawm an bang chuong nawh.
Hieng helpawl group tum tum hai hi tum tha tak tak neia ram le hnam humhalna dinga indin vawng chu an ni si a. India rama state bing thlir khawma ‘Ram hmangaitu’ am ei ti ding helpawl tamna tak nisiin hma ei sawn am, ei hnungtawl? Ngaituo tham tak a tling a nih. Helpawl hai hrang leiin election huna khawm mipuiin ditthlangna ei nei thei ta nawh. Hi lei hin Politicians election huna hratna chang nuom hai khawmin mipui rawl nekin mi tlawmte Pawl thenkhat hai rawl an ngai le an thuhnuoia an intuklut a ngai a. Ei MLAs/MDCs hai khawm a tamlem hi chu mipui thlang ni lovin pawl (Organisation) thenkhatin vauna le thawluina hmanga an thlanglal an nih. Chu chu tuta ei movement fe meka khawm hin chieng takin an lang a, mipui hai hi chu hmangruo pakhat ang chaua hmang ei nitah.
Thil a tlung met leh hnam thilin ei lak a, eini le eini ei inkhing a, ei insuol a, ei indo a, mani hnambing ta ding chita hma ei sielna leiin hnam dang ngaitheinawna ei nei lien deu deu. Development sin thawa um hai hrim hrim hlak a ni ding anga sinthaw um ta lo, sin thawna neka helpawl le official han an lakhek a tamlem. Hang sui chet inla hlak Chemtatepu tienami an hril anga inmawtuo ding vawng ei ni nawk awm si. Ram hmangaitu inti helpawl hai hlak contractor an inchang zo; helpawl chau ni loin hnam tina pawl tum tum thuoituhai khawm Contractor an inchang zo tah. Ram le hnam hmakhuo ngaia indin Pawl le Organisation ei pung si chun ei ram hmasawn duok duok awm tak; Pawl le Organisation hai chau deu deu siin thuoitu khawsa thei ei pung pei bawk.
Kohran ei pung deu deu a, Pathien thu ei hril rawn deu deu bawk, sienkhawm Pathien thu zawmtu ei tlawm deu deu; tlawm le inngaihnuoi taka Pathien rawngbawl neka insang taka Pathien sin thaw nuom ei pung pei bawk. Kohran ang zawnga thlir khawmin Manipur hi Kohran dang dang tamna tak khawm ei ni ngei ringhla a um nawh. Kohran thuoitu, Bible thiem le Pathien thuhril thiem ei pung pei; Krista hmangaina thu ei hril rawn deu deu a, ei tawngtai rawn deu deu bawk, sienkhawm eini sungah hmangaina, inlainattuona a tlawm deu deu bawk si!
Ram hmangaitu ei pung deu deu, hmasawnna sin thawna sum pung deu deu; ei rama sum lut anghua hmasawnna sin hmu ding ruok chu a vang hle; hnam tum tum hai kara inlaichinna thalem le thawtlangna tha lem um theina dinga inzawmkhawm (alliance) Pawl a pung pei, chi le kuonga indaidanna, inbeituona a pung deu deu si. Manipur chun pending issue tam tak a nei a, hieng issue ei nei hai hi khawvel umsung chingfel zo a ni dim! hnam tin hlak a lungawi khur ei um ta nawh, Corruption a hluor deu deu, Russian thuvar in ‘Pawisa a tawng chun thudik a to hlau thung hlak’ a ti angin pawisa thilthawtheina a zuol pei a, indikna in hmun a chang ta nawh!
CCPUR: RPCNEI project laia Vocational Training Institute (VET tia hrietlar) chun zani 11:00AM khan Annual DaycumGraduation and Thanksgiving Service an hmang.
Hi huna hin Rev Dr V.Lalnghakthang, General Secretary, RPC NEI chu Chief Guest in a thang a, Rev Saithanglur, Secretary Evangelism, RPCNEI le Rev EdwinDarsanglur Director, Development Department, RPCNEI hai chu Guest of Honour le Functional President in an thang a, Graduatehai Rev Ros Infimate, Secretary, Mission RPCNEI in tawngtai pekna a nei a; Graduate hai chu hmasawnna la hmasuon mek anni thu le an thiemna hai anni mimal le hnamin la hung tangkaipui thei thu a hril.
Hi huna hin trade hran hran Computer DTP & Hardware A+, Weaving, Driving, Carpentry le Tailoring & Embroidery graduate 54 hai kuomah Certificate in hlan an nih. VTI a inthawk tukum sung mi 93 kuomah Certificate pek an ni tah.
VTI, CCPur hi kum 2006 a indin niin tuchena hin mi 1027 an Graduate ta a, hi hai laia 63% an thil inchukthiem hai fak hmunain an hmang mek ta bawk a nih. Training Coordinator chun training chau ni lovin Production Unit khawm indin tuma hma lak mek a ni thu, Bazar rate neka inhnuoi lema Furnitures,welding, tailoring hai thaw a ni thu a hril. VTI hi sawrkarah License le Accreditation iengkim fel thlapa nei a ni a, sawrkar department thenkhat le khawm inzawmna tha tak nei an ni bawk.
Kangmei suokin In pakhat a kang
CCPUR: Zani zing dar 9:30 vel khan Tiddim Road, Lanvaa Mr Vungminthang chengna ina inthawk kangmei a suok a, thil tam tak a kangsiet. Kangmei suok huna hin In neitu hai tukhawm an umnaw leiin an thenuma cheng hai le tlawmngai pawl han kawtkhar kalna chabi suksein kangmei suok hi an thelmit. Amiruokchu, puon, puonsil, khum 1, mistry hmangruo, steel box 1 bakah Rayburn H/S a kai Mr Vungminthang a nau han zanita schoola an chawi lo lekhabu hai le school uniform hai a kangsiet. Kangmei hi bedrooma inthawka intan ni dinga ring a ni a, electric a inthawk intan ni dinga ring a ni bawk. Lanva mipui chun zanikhan social work neiin inkang hi an inthielfai. In neitu hai hi an inbel/hak lai ti lo an thuomhnaw dang hai meiin a kang vawng a nih.
Martyrs Ralna Rs. 5200 a lut
CCPUR: Zanikhan District Hospitala JPO kutah Tribal martyrs hai ralna le hliem hai thangpuina dingin mi 5 han Rs. 5200/ an peklut. Ralna le thangpuina petuhai chu Chalrofim of Khawmawi Rs 200, Thangkhosiam Tonsing of Delhi Rs 1000, Upa G. Damsuanthang of Delhi Rs 500, Pastor V. Nenglian of Delhi Rs 500, le Upa H. Kamsuanthang of Delhi Rs 1500 hai an nih.
Chun, vawisuna District Hospitala thingpui inlumtu ding KKL ning an ta, hlasak lengkhawm ding chu Vengnuam North, Mualnuam, Zion Street le Pangzawl hai ning an tih.
Imphala Health Official han Morgue an enfel
CCPUR: District Hospital, CCPur Morguea hmang ding Cold Storage /Mortuary Cabinet phurtu Lorry Truck (Cold Storage motor) chu zani zantieng 2PM khan Dimapur a hung tlung ta a, vawisun hin CCPur a hung tlung hman ngei beisei a nih.
Mortuary cabinet hai hung phurtlung a ni ding le inzawm hin zani zantieng 2:30PM khan Imphala inthawk Dr Ranjit, Additional Director, Health Service; Dr N. Shyamjai Singh, Dy. Director SMO le Dr A.Probin Singh, Director hai chu CCPura hungin District Hospital Morgue an enfel a, R/S Cooling,Guwahati a inthawk Technical Engineer 3- Sajubarai, Baban Singha le Rakesh Sharma hai leh Mortuary Cabinet hai Installation thaw dan ding an enfel. Hi huna hin CMO, Medical Supdt. Dist. Hosital le Dy. Medical Supdt hai khawmin an uop. Cold Storage installation thawna hin ni 4/5 vel hun a lak ding niin CCPura cham mek Technical Engineer hai chun an hril.
Inbiekremna an nei
CCPUR: November 1, 2015 nia Mr Paomang Lupho of Tuibuong Forest Gate hmang lai Maruti 800 MN01A6096 in Mr Lalawmpui Langel d/o Rampanthang Langel of SA Road a baw hluma a tlansan na chungthua mipui lungsenin Tiddim Road laia Car an vuok sietna le motor a chuong mi pahni Thanggoulian s/o Paomang Lupho of Tubuong Forest Gate le Thangminlal s/o (late) Thiankholun of Tuibuong han hliemna an tuok thuah zanikhan ADC/CCPur hmalaknain Chairman ADCC in hliem 2 hai kanna a nei a, inremna a um ding ditnain DC, SP le ADC/CCPur hai thangruolin hliemhai le motor suksietna thuah zani 11AM khan ADC Chairman office chamberah G. Thangkhosuanmung chun Kamthang, President KKL GHQ kutah sum iemanizat inhlanna a nei. Hi lei hin hi buoina chungthua buoina chu sukfel le inremna siem a nitah.
DACO monthly review meeting
CCPUR: Zani 11:00AM khan DAPCU Officeah DACO monthly review meeting nei a ni a, DAPCU le NACP member han November, 2015 thla sunga testing Centre tum tuma HIV+ 12 an hmusuok hai laia Positive 11 hai ART Centre -a a lut le lutnaw ennawnna le pakhat ART Centrea a lut thei dan ding an hriltlang a. HIV Testing Centre thuah STD treatment Centre hai le link tha lema nei dan ding hai an hriltlang. Chun, HIV+ nuhmei naupai hai le an nau pieng kum khat le a chanve chen ASHA worker han tha taka followup an thaw dan ding khawm an hriltlang bawk.
BeMung Consultancy Services hawng
CCPUR: Zani 11:00AM khan Salem Venga Jerusalem Clinic chung, Room No. 8 a Israel Hnambo Run hmuna BeMung Consultancy chu Ms Mannuamching, IAS, CEO/ADCC in a hawng a, Pastor Thualgouthang, Local Pastor, EBCC Colelge Veng in tawngtainain an hlan. Hi huna hin G.Thangchinkhup, DDM/NABARD le H.Mangchinkhup hai khawm thangin thuhrilna hun an hmang.
David Headley video conferencing fethlengin Mumbai Court hmaa inlangtir
MUMBAI: November 26, 2008 a Mumbai khawpui sunga Taj Hotel, Oberoi Hotel le Nariman House hai Terrorist han an bei naa mi 166 zetin thina an tuokna le inzawma thu phierrutu taka intum PakistaniAmerican Terrorist David Coleman Headley chu zanikhan US a hmun pakhata inthawk Video Conference fethlengin Mumbai Court hmaah inlangtir a ni a. Hi case a ngaidam a ni chun approvera thang an tiem a; Mumbai Court -a Public Prosecutor Ujjwal Nikkam in darkar chanve sung sukchawla Investigating Officer an rawn pui hnunga Mumbai Court in condition uma a ngaidam a nih.
Headley hi Pakistan mi, USAa khawsa niin kum 2006 le 2008 inkara India ram vawi 5 a hung inzin hun haiah map ziekin Taj Hotel, Oberoi Hotel le Nariman House hai video in thla a lak vawng a, chuong a map ziek le thlalak haia inthawk Pakistan terrorist LashkareToiba hai kha Mumbai khawpuia hung che an nih. Hi thil tlunga Mumbai Court in case a siemkhum USA a FBI han an man le tuta kum 35 sung intang dinga US a jail - a sie mek a nih.
Zanita Video Conferencing fethlenga inlangtir a ni hnuna hin 2008a Mumbaia terrorist hai chetnaa khan inrawlna a nei ve ngei thu a puong a, Courta inlangtir a ni huna hin a Attorney pahni, Dept. of Justicea Assistant Attorney le FBI Agent pakhat han an umpui.
KCP 3 man hai lai BJP Sports Cell Secy a thang
IMPHAL: Zani hmasa zantieng khan Imphal West Police le 25 Assam Rifles han Uripok Khoisnam Leikaiah KCP (Kanba group) member 3 an man a. Mana um hai laia pakhat chu BJP Sports Cell a Secretary Bramhacharimayum Rajmani @ Khanba of Uripok Khaidem Leikai a nih. KCP cadre 2 mana um hai chu Khundrakpam Kanba @ khelchandra (45) s/o Shyamkeso of Taothong Khunou Lamshang le Hanjabam Dineshor @ Dinesh of Brahmapur Thangapat Mapal hai an ni a, an kuta inthawk Pistol 2 le a mu 3 bakah Mobile Handset 2 mansa a nih. An reng hin thu indawnna nei dingin Police Custodya sie an la nih.
Orange Queen 2015 in Miss Vania Chawang
TAMENGLONG: Zani hmasa zana Tamenglong local grounda Orange Queen 2015 contest neia chun Miss Vania Chawang of Tamenglong chu Orange Queen, 2015 title inhlan a nih. 1st runner up chu Miss Soraisam Devajani Devi of Uripok niin 2nd runnerup chu Miss Silvia Kamson of Dimapur a nih. Contest a hin mi 21 an thang. Orange Queen hin lawmmanin Rs.1 lakh a dawng.
1st Indigenous People’s Parliament tan
IMPHAL: Zanikhan Kangsang, Khuman Lampak, Imphal hmuna Coalition for Indigenous Rights Campaign, Manipur, Assam Sanmilita Mahasangha and Assam Meitei Apunba Lup hai huoihawtnain First North East Indigenous Peoples’ Parliament tan a ni a. Hi huna hin India hmarsak biela hnam tum tum 25 hieng Deori, Karbi, Khashi, Jaintia, Moran, Tripuri, Rehyang, Bru, Hmar, Chiru, Zemei, Kharam, Chothe, Maring, Kom, Kabui, Thadou, Liangmei, Aimol, Meitei le Meitei Pangal hai bakah Dimasa, Mizo, Meising le Arunachalli palai khawm an hung thang ding niin organisers hai chun an hril. Indigenous parliament sung hin issues tum tum hriltlang ning a tih.
JCILPS in Ultimatum an sawn
IMPHAL: Joint Committee on Inner Line Permit System (JCILPS) in sawrkar le agreement an lo ziek hai December 15, 2015 chena sukpuitling dinga Manipur sawrkar Ultimatum an pek chu students hai final exam an nei mek bakah Kristien hai nipui Chrismas ding leiin January 3, 2015 chena dingin an sawn hla. Manipur CM in agreement hai sukpuitling dinga a tiem bakah ngenna a siem leia Ultimatum (huntawp) an pek hi an suksei niin JCILPS a CoConvenor Md. Kheiruddin Shah Moijingmayum chun a hril.
Intl. Human Rights Day hmang
IMPHAL: Zanikhan Manipur Press Club, Imphalah Committee on Human Rights (COHR) hmalaknain “Our Rights, Our Freedom Always” ti thupuia hmangin International Human Rights Day hmang a ni a, Dr. Pramod, Sr. Faculty LMS Law College, Phulindro Konsam, Chairman COHR, Wangkhemcha Shyamjai, President AMWJU le Dr. Y. Mani Khuman, President AMUCO hai khawmin an uop.Hi ni hi Manipura hmun dang dang haia khawm hmang a nih.
HC thekhat hming thlakthleng tum
NEW DELHI: India rama High Courts thenkhat hming thlakthleng tum a ni thu zanikhan Law Minister D.V. Sadananda Gowa in Lok Sabha hmuna a hril. Maharasthra sawrkar chun Bombay High Court chu ‘Mumbai High Court’ tia thlakthleng dingin rawtna a thelut bakah West Bengal sawrkar chun Calcutta High Court chu ‘Kolkata High Court’ tia thlakthleng ding le Tamil Nadu sawrkar chun Madras High Court chu ‘Chennai High Court’ tia thlakthleng dingin rawtna an peklut niin a hril.
TNah ruosur leia thi mi 347
CHENNAI: Tamil Nadua chun October, 2015 a inthawk tuchena ruosur leia sietna dang dang tlunga thina tuok mi 347 an tling ta niin zanita Tamil Nadu govt. official thusuok chun a hril. Tuilien leia intang mi 17.64 lakh sansuok an ni a, relief centre tum tum 6605 haiah sie le enkawl an ni a, tuilien leia harsatna tuortu sungkuo1.11 lakh chuong hai kuomah immediate relief in Rs. 67.47 crores sem a ni tah tiin sawrkar thusuok chun a hril.
----------------------------------------------------------------------------------------------------------------
VAWISUN THUPUI
Tukhawm an kuoma ka pek ding tui dawn taphawt ruok chu, kumkhuoin dangchar naw nihai, keiin an kuoma tui ka pek ding chu, an sungah tuihnar hung um a ta, chatuona hringna chenin inchik dawk a tih.” Johan 4:14
Editorial
Tawngsephur am ei nih
Manipur hi India ram state hai lai ram leilung le sik le sa inhawi pawl tak pakhat ve niin, ‘A chung bu, a hnuoi Nga’ tia hril; tawng dang dang hmang hnam tum tum hai chengna ram a ni a. Hnam tum tum cheng khawm ei ni bawk leiin talent tam tak umkhawmna hmun a nih. Ei talent hai a tha zawnga ei hmang naw lei am a ni ding khawvelin nasa taka hmatieng ke a pen laiin ram hmasawnna ding ngaituo neka a sukbuoi zawnga chetna a pung pei a, hma sawn hlei thei lovin ei um mek a nih. India rama helpawl (terror organisations) 60 chuong an um a, hienghai laia 57 hai chu India hmarsakbiela um niin, India hmarsakbiela helpawl 57 um hai laia a zatve neka tam ding 34 zet hai chu Manipur thangsana um an nih.
India Constitution hnuoia Scheduled Tribe (ST) Tribal a zieklut hnam tum tum 33 lai ei um a, Phairam mi hai laia Helpawl group tum tum tam tak an um ang bawkin Tribal hnam tin deuthawin mani ram le hnam humhalna ding tiin helpawl ei nei fir fer tawl bawk a. Chuonghai laia thenkhat chun sawrkar leh Ceasefire/Suspension of Operation (SoO) ziekin sawrkar leh an khat tawkin inbiekna an nei hlak. Tuta sawrkar le ceasefire nei mek hai lai hin phairam helpawl Kangleipak Communist PartyLamphel (KCPLamphel), Military Defence Force a Kanglei Yowel Kanna Lup (KYKLMDF); United Revolutionary Front (URF)[KCP helpawl a faction 5] le United People’s Party of Kangleipak (UPPK) bakah Tlangmi helpawl group 11 umna Kuki National Organisation (KNO), helpawl group 8 inthlungkhawmna United Peoples Front (UPF) hai an um a. Sawrkar le Ceasefire zieklo helpawl phairam helpawl tam tak an la um bawk leiin Manipura ralthuom cheleka tharum insuona chun re tieng a la pan thei chuong naw a; ralthuom chelektu hai lai hin SoO/Ceasefire nei hai khawm an bang chuong nawh.
Hieng helpawl group tum tum hai hi tum tha tak tak neia ram le hnam humhalna dinga indin vawng chu an ni si a. India rama state bing thlir khawma ‘Ram hmangaitu’ am ei ti ding helpawl tamna tak nisiin hma ei sawn am, ei hnungtawl? Ngaituo tham tak a tling a nih. Helpawl hai hrang leiin election huna khawm mipuiin ditthlangna ei nei thei ta nawh. Hi lei hin Politicians election huna hratna chang nuom hai khawmin mipui rawl nekin mi tlawmte Pawl thenkhat hai rawl an ngai le an thuhnuoia an intuklut a ngai a. Ei MLAs/MDCs hai khawm a tamlem hi chu mipui thlang ni lovin pawl (Organisation) thenkhatin vauna le thawluina hmanga an thlanglal an nih. Chu chu tuta ei movement fe meka khawm hin chieng takin an lang a, mipui hai hi chu hmangruo pakhat ang chaua hmang ei nitah.
Thil a tlung met leh hnam thilin ei lak a, eini le eini ei inkhing a, ei insuol a, ei indo a, mani hnambing ta ding chita hma ei sielna leiin hnam dang ngaitheinawna ei nei lien deu deu. Development sin thawa um hai hrim hrim hlak a ni ding anga sinthaw um ta lo, sin thawna neka helpawl le official han an lakhek a tamlem. Hang sui chet inla hlak Chemtatepu tienami an hril anga inmawtuo ding vawng ei ni nawk awm si. Ram hmangaitu inti helpawl hai hlak contractor an inchang zo; helpawl chau ni loin hnam tina pawl tum tum thuoituhai khawm Contractor an inchang zo tah. Ram le hnam hmakhuo ngaia indin Pawl le Organisation ei pung si chun ei ram hmasawn duok duok awm tak; Pawl le Organisation hai chau deu deu siin thuoitu khawsa thei ei pung pei bawk.
Kohran ei pung deu deu a, Pathien thu ei hril rawn deu deu bawk, sienkhawm Pathien thu zawmtu ei tlawm deu deu; tlawm le inngaihnuoi taka Pathien rawngbawl neka insang taka Pathien sin thaw nuom ei pung pei bawk. Kohran ang zawnga thlir khawmin Manipur hi Kohran dang dang tamna tak khawm ei ni ngei ringhla a um nawh. Kohran thuoitu, Bible thiem le Pathien thuhril thiem ei pung pei; Krista hmangaina thu ei hril rawn deu deu a, ei tawngtai rawn deu deu bawk, sienkhawm eini sungah hmangaina, inlainattuona a tlawm deu deu bawk si!
Ram hmangaitu ei pung deu deu, hmasawnna sin thawna sum pung deu deu; ei rama sum lut anghua hmasawnna sin hmu ding ruok chu a vang hle; hnam tum tum hai kara inlaichinna thalem le thawtlangna tha lem um theina dinga inzawmkhawm (alliance) Pawl a pung pei, chi le kuonga indaidanna, inbeituona a pung deu deu si. Manipur chun pending issue tam tak a nei a, hieng issue ei nei hai hi khawvel umsung chingfel zo a ni dim! hnam tin hlak a lungawi khur ei um ta nawh, Corruption a hluor deu deu, Russian thuvar in ‘Pawisa a tawng chun thudik a to hlau thung hlak’ a ti angin pawisa thilthawtheina a zuol pei a, indikna in hmun a chang ta nawh!
