~ H.zate
Hnam hin hma a sawn ding chun ‘Thu le Hla’-ah hin hmasawn a pawimawa, chutaka hma sawn ding chun thu thar le hla thar a um a ngai a, thil danglam tam tak a tlung a ngai hlak. Chu thil sukhlawtlingtu dingin Hla sakthiem inlar , ‘Hrietthiem zai rel el ta la’ mawi em ema a sak leia Hmar-hai nakawra a rawl chãm zing Tlangval Vincent Hekte Hmar sangpa ngei ; Tlangval Lalramsan Hekte Hmar a hung pensuok a, Hmar thu le hlain pen khatin hma a sawn. Hmar hnam hla mawi em em el ‘THANGHAR A HUN’ ti chu Lalramsan Hekte Hmar hin a phuok a, a phuok el khawm ni lovin a la hei sak nawk deu deu. Ka hei ngai a, kei lem chun mawi ka ti em leiin ‘Hmar nau thanghar a hun’ tiin ka lo inbuk pek hiel a. Hi hla hih Vincent Hekte Hmar-in a enpui le a thluk khawm a siem a ni a, Robert-in rimawi a tum a ni el khelah Doh Doh Records kutsuok ngat a nih.
Hi hla hi a phuoktu hin hla a vawi khat phuokna a ni a, a vawi khat suksuok a ni bawk. Hla a nei ti ka hriet le inruolin ka hei hni a, a mi hung pek thei si nawh. Vincent -in a mi hung pek a ti leh track lem a mi hung thawn nawk, a ma leiin sound track ka semdar hrep kha. A tawpah beidawng hnungin Hmarkhawlien tlangval fel Joseph Darngawnin a mi hung thawn a, ka lawm kher el. Thei ni sien ka farnu hei pek el ka nuom a, sienkhawm, inneina-ah hin Hmangaina a lo pawimaw si a.
‘Thanghar a hun’ chuh hei belchieng ei tih. Chang khatnaah hin Ei hnam Pi le Pu-a inthawka Pathienin a mi siempek Hmar hi a hming a mawi a, a sukvul le sukmawitu dinga ei thanghar a hun tak zie hrilin inthuruol dingin a mi fiel.
Hi hla hi a phuoktu hin hla a vawi khat phuokna a ni a, a vawi khat suksuok a ni bawk. Hla a nei ti ka hriet le inruolin ka hei hni a, a mi hung pek thei si nawh. Vincent -in a mi hung pek a ti leh track lem a mi hung thawn nawk, a ma leiin sound track ka semdar hrep kha. A tawpah beidawng hnungin Hmarkhawlien tlangval fel Joseph Darngawnin a mi hung thawn a, ka lawm kher el. Thei ni sien ka farnu hei pek el ka nuom a, sienkhawm, inneina-ah hin Hmangaina a lo pawimaw si a.
‘Thanghar a hun’ chuh hei belchieng ei tih. Chang khatnaah hin Ei hnam Pi le Pu-a inthawka Pathienin a mi siempek Hmar hi a hming a mawi a, a sukvul le sukmawitu dinga ei thanghar a hun tak zie hrilin inthuruol dingin a mi fiel.
“Tiena Pi Pu china, khuonu mi’n duon pek hnam;
A sakhming Hmar reng hi a mawi chuong ngei.
A sukvultu ding Nang le kei thanghar a hun,
Theitawp suo-in inthuruol zai rel ei tiu.”
A thunawnah khawm fielna bawk niin inthurol puma thaw chi bawk hrilin innghir inngho hun a ni tah nawh thu a hril.
“Hmarnau thanghar a hun,
Nang, kei in ti a hun ta nawh,
Suilung ruola insuikhawmin
Ei ram le hnam chawi sang ei tiu.”
Nang, kei in ti a hun ta nawh,
Suilung ruola insuikhawmin
Ei ram le hnam chawi sang ei tiu.”
Hi hla hi chang thum le a thunawn khelah tlar hni a um a, hei enin ngaithla la hnam invawi puma phuok a ni nawh ti thei naw ti nih. I awinaw chun a chang dang hi tiemin lo ngaithla ve el rawh.
Pahnam-ah ei buoi sung chu, inthuruol naw mei nih;
Mani phing chau dawn sung hnam intodel naw mei nih.
Zu le sumin hnam damna in tlun naw nih;
Pawl-ah ei buoi sung zalenna hmunaw mei nih.
Mani phing chau dawn sung hnam intodel naw mei nih.
Zu le sumin hnam damna in tlun naw nih;
Pawl-ah ei buoi sung zalenna hmunaw mei nih.
Mani theina chau ringin kalpen naw mei nih;
Hnam mi petu ei Pathien chu ring lemin.
Ei theitawpin hnam sin thaw veng eita;
Ei thei bakah ei Pathien a um an’nawm.
Hnam mi petu ei Pathien chu ring lemin.
Ei theitawpin hnam sin thaw veng eita;
Ei thei bakah ei Pathien a um an’nawm.
*** Aw kan Pathien, I mi pek kan hnam hih,
I mi Israel-hai angin mi tung ding rawh.
I mi Israel-hai angin mi tung ding rawh.
22 November 2015, Silchar
Lyrical video Youtube link>>> https://www.youtube.com/watch?v=FGZjrROff2Y
