Responsive Ad Slot

Assam rama Hmar movement thangpuina dingin lottery buotsai

Thursday, August 6, 2015

/ by VIRTHLI HMAR
Muolhoi/Haflong, 6th July 2015: Ei hrietseng ta angin ei hnam in ei inhumhimna ding ram ei mamaw zie hrie a HPC (D) Assam Region in Hmar hnam hmamkhuo ding dawn a ralthuom lo siethla in sawrkar kuoma ADC nei ngei dinga a hnina chu vawisunni chen hin fe peiin, Sawrkar nu le pa hai le khawm inbiekna tha tak nei peiin ei hung um ta pei a.  Amiruokchu ei movement a hratnawkzuolna ding chun Hmar mipui ei thangruol takzet a ngaizie hre in inrawntuona leh hma ei pan pei a.


Hi taka hin sum le pai tamtak mamawna a um hlak leiin harsatna tamtak tuok chang a um hlaka. Chu taka phurrik sukzangtu dingin Hmar Women Association NC Hills & Karbi Anglong Region chun hnam tlawmngaina lungril put a, lottery a hung buotsai chu vawizan tieng khan Pu Laltlansang Hmar, EM NCHAC a in ah Hmar Organisation thuoitu iemanizat fekhawm in a hawngna/inhlanna neiin ruoi kiltlang nghal a nih.

Tlawmngai taka hnam hmangaina lungril put a hi lottery siemtu/tumtu Pu Ngamrothang Hmar, Chairman NCHAC chungah fekhawmtu hai an lawm hle.
Aman: Rs 50/- per copy.

Hi lottery hi zawr zo ani chun cheng nuoi sawmpanga (15 Lakhs) lamdawk a ni ding ana, hmatieng peia ei movement chungchangah thuoitu hai in sum le pai harsatna um lova inbiekna hai le kawng dang dangah hrattaka hma anlak theina ding ti hrezinga, mi tuelkhawm tlawmngaina insuo a, hnam ta ding ani zie lungril taka paizing in hnam rawng lo bawl ve dingin ei in fiel takzet.
Don't Miss
© all rights reserved
made with by Simon L Infimate