CCPUR (Virthli News): Aug. 7, 2015 dar 11 AM khan CCPur College chun an Campus a Multi-Purpose Hall ah The 51st CCPur College Fresher’s Meet 2015 puithu takin an hmang. Hi hun a hin Chief Guest in Pu Lunminthang Haokip DC, CCPur; Guest of Honour in Pi Manuamching CEO, ADC, CCPur; Functional President in Pu Ricky Vanlallawm Principal, CCPur College hai an thang a, hi huna hin item chi hran hran Couples Parade, Choreography Liandailova Fanai a inthawk le Cultural Dance HSA, TKSU, SSPP, ZILLAI, ZSP CCPur College Unit haia inthawk suklang a nih. Chun, Gloria Khawlhring (Vocalist, Semikah Band), Bunglianmawi,A Grace Famhoite, Julie Mawi (Top 9, Zomi Idol, Nausi Vaiphei (Top 8, Zomi Idol) le Jangkholim Haokip (First Kuki Idol Top 11, 2008-09) haia inthawk hla mawi tak tak ngaithlak a ni bawk. CCPur College ainthawk hin Officer tam tak an lo suok dawk ta a, Central Service a nina pawimaw tak tak chel khawm an kat nuk tah a nih. Tulem hin chu hi College hi SSC Exam Centre pakhat niin Centre Code No. 5502 nei a lo ni tah. Manipur ah Imphal leh hi College hi SSC Centre 2 a um a nih. Inchûklai le sin zawng mekhai tadinga malsawmna a nih. Hi College Motto chu ‘Clorior e Tenebris’ (Latin thumal- thim a inthawka varsuok) ti a nih.
