Imphal/CCPur: Dec. 9, 2014 Sun
le Zan hun sawttak chen khan Imphal Hmar Sikpui Ruoi 2014 chu TRI Auditorium,
Chigmeirong, Imphal hmuna Miss Contest nei a ni
hun a khan mi 8 dinghai laia mi 1 damnawna leiin a hun takah a thang thei ta naw
leiin mi 7 an in contest a. Facebook (FB) Viewer’s Choice in Contestant No. 6
Ruthi Lalhlimpui, Best Costume on C/No. 2 Blessica Lalthangpui le Best Cat Walk
in C/No. 5 Gabriella Lalromawi hai thlang a nia, Miss Imphal Hmar Sikpui Ruoi
2014 in C/No. 3 Miss Angella Lallungawi, 1st Runner’s Up in C/No. 1
Linda Khawbung le 2nd Runner’s Up in C/No. 4 Elizabeth Lalhmuoki hai
thlang an nih. Miss Imphal Hmar Sikpui Ruoi 2013 Miss Jubilee Varte chu hi hun a
hin hung thang thei naw sienkhawm message a hung thawna, Hmar ni inhawi a ti
zie thu hai hrilin, Pathien in a pek Hmar ni hi an zapui naw thuhai a hril a, Sikpui
Ruoi hmangtuhai po po a ditsakna insangtak an hlan. Kha huna khan Organising
Committee le HYA Imphal JHQ chun anni sunga mi, Chawimawi le Lawmpui tlaka an
ngai hai Dr. John H. Pulamte Gen. President, Hmar Inpui GHQ, Upa Laldawnlien
Varte Gen. President, HYA GHQ le Imphal HYA History-a Nuhmei HYA President
hmasatak Pi Thangthatling President, HYA Imphal JHQ ni lai hai chu Hmar Thangsuopuon
insiltirna an nei. Imphal sung a bus 2 le Churachandpur a inthawka HYA, Media
Persons, Cultural Troupe Rengkai le Khawmawi a inthawka fekhawmhai thak lawnna
dingin Bus 2 lai hire a ni a. Hi huna Sikpui Pa a thang Pu, Dr. & Upa
Saidokhum Joute Dir. Vety & AH, Govt. of Manipur le Pu John Lalhminglien
haiin Transportation an sponsor a nih. Hi hun hlawtlingna dinga sum le pai tumtuhai,
hi huna chanvo chi hran hran sukpuitlingtuhai le mipui fekhawmhai kuomah
Organising Committee chun lawmthu a hril.
