-LRS Puruolte
Tuithaphai: Hmar Students’ Association (HSA)
Platinum Jubilee lawmna hun a vawrtawp chu Dec. 11 zan dar 6pm a inthawk Dec.
13, 2014 inkar sung hin ropui taka inser le hmang dinga inbuotsaina chu a fe mek
a. Dec. 11 zan dar 6pm hin HSA Campus Rengkai hmun ah Final Round of Platinum Star Hunt –cum- Paulsiemlien Nite
hmang ning a tih. Dec. 12 chawhma dar 11am in HSA Campus hmuna Choir &
Musical Festival nei ning a ta, Dec. 13 chawhma dar 11am in Grand Finale/Main
Celebration chu HSA 1st Gen. Assembly 1939 a neia a lo umna
hmasatak
Ngurte khuo ah hmangin um a ta, Platinum Jubilee Hrietzingna Lung
(Monolith)
hawngna le darkhuong vuokna in zui a tih. Hi hun a hin Khuollien niin Pu
O.
Ibobi Singh CM, Manipur in hung uop a tih. Ama ruol hin Ministers, MLAs,
VIPs
le hnam thuoitu tum tum haiin uop bawk an tih. Hi zo hin Traditional
Sports,
Cultural Programme & Entertainment um a ta. Zantieng 7pm in VTI
Auditorium,
Rengkai hmuna Thanksgiving & Farewell Dinner (Exclusive for Special
Guest & Donors)
hun hmang ning a tih. Dec. 11 zana Platinum Star Hunt hun a hin Top 5
hai
thilpek pe nuom dam ei um an chun thilpek inhlan le hi event hi sponsor
thei
zing a ni thuhai Immanuel L. Pulamte Event Co-ordinator chun a hril.
Hieng hun a hai hin mitin thang ve dingin ngaina takin HSA-PJCC chun
fielna an siem.
