Bomb ni dinga ringhla in mi a sukṭi
CCPUR: Zani zantieng 1:00PM vel khan New Lam- ka-a Saulim Restaurant le inzawm Saulim Book Barn tuol College Road lai Bomb ni dinga ringhla mi ṭhenkha- tin an va sie a, Police inhriet- tir an ni hnungin CCPur Police chun va lain tuhin Police Station-ah an kawl mek. Mr K.Kabib, IPS, SP, CCPur chun, hi thil hi bomb tak a ninaw thu hrilin mipui inṭhi le sukṭitna dinga mi ṭhenkhatin bomb ang hmel puta an siem, electronic thil mei mei a nih tiin a hril a, a hnungin hi thil hi Rechargeable Dianamo a nih ti hrietsuok a nih.
Ei thu dawngnain a hril danin, hi thil tlung ZRA han an suizuinaah pasal pahni Joar Veng, Bungmual mi ve ve, Thangthianmuang (20) s/ o Hauzachin le Khuppu (24) s/o Chinpu hai manin thu an indawn a. Mana um hai chun hi thil hi Rechargeable Di- anamo a ni thu an hrilin, re- charge an tum a, sienkhawm a theinaw leiin a sieṭha tanaw nia an hriet leia an dehawn a ni thu an hril. Amiruokchu, an thil dehawn hi anni bawkin
an va hmu nawk a, chu huna bomb a nih tia an hril dar niin an hril. Bomb nia an hril lei hin hi lai biela mipui hai chu a sukṭithawng hman hle a nih. ZRA chun hieng mi pahni hai hi mipui sukraltu thei thil thaw nawk ta lo dinga ṭha taka thu an hril hnungin an insuo nawk.
BJP Manipur palaihai Union Agricultre Minister in tlangram bielah Central Agriculture University (CAU) thar indin dingin thu a lo tiem
IMPHAL: Th. Chaoba, BJP Manipur Pradesh President inrawina-a BJP Manipur High Power Delegetions han zani hmasa khan Union Agriculture Minister, Radha Mohan chu a office, New Delhi-ah an inhmupui a, darkr khat lai an titipui. BJP palaihai chun Manipur-ah Modern Technologies hmanga Agriculture le Al- lied services sukhmasawn ding le Manipur tlangram bielah Central Agricultural University (CAU) thar in- din ding le CAU, Iroisemba khawm hmangruo le khawlṭha lem hung pe dingin an ngen. Chun, Manipur ah KVK Centres tam lem indin dingin an ngen bawk. Radha Mohan chun, BJP Manipur palaihai chu Manipur tlan- gram biela Central Agricultural University (CAU) indin ni ngei dingin thu a lo tiem.
BJP palaihai chun PMO official-hai kuomah State Information Commission le Manipur State Human Rights Commission hun sawt tak sin thaw ta lova um thu le Union Home Ministry kuomah Manipur-a Judicial System sukhrat le siem ṭha dingin ngenna lekha an pe- klut. Chun, Union Minister for Environment & Forest, Prakash Javadekar khawm an inhmupui a, NHPC in Loktak Hydel Project an thawna leiin Loktak Dila ecology le bio-diversity bakah social cultural life nasa taka a tawkpawizie an intlun a. Loktak Protection Act, 2006 ennawn dingin an ngen niin L. Bsanta, State General Secretary(Media), BJP Manipur Pradeh chun a hril. BJP palaihai lai hin Th. Chaoba Singh bakah BJP Manipur Pradesh General Secretary ve ve, M. Asniku- mar le Laimayum Bashan- ta Sharma hai khawm an ṭhang.
Army Recruitment result puong
IMPHAL: May 25, 2014 nia Leimakhong hmuna Soldier General Duty, Sol- dier Tradesman, Soldier Technical and CBET Com- mon Entrance Examination (CEE) neia um le April 24-25, 2014 haia Shillong hmuna Soldier Nursing As- sistant lakna dinga exam neia um hai result chu puong a nih tah tiin PRO Defence Wing, Imphal thusuok chun a hril. Hlawtlingna chang hai chun June 23-25, 2014 inkar sungin 8AM-11:24AM inkar sunga ARO Rangapahar hmuna joining letter mani ngeia la dinga inhriettir an nih. Original document bakah Xerox attested copy chawi ding a ni a, thu chieng lem PIB ( Defence Wing), M Sector, Imphal Notice Board- ah hmu thei ning a tih.
Rulin a chuk mi 2 sanhim
IMPHAL: IGAR (South) HQ hnuoia 9 Sector AR-a 12 Bihar Medical team chun June 14 le 16, 2014 hia Rulin a chuk Sama Lukin Gayro (55)of Hiyangthang, Imphal West District le T. Ibomcha (41) of Nambol hai chu an sanhim.
Inter-District Boundaries thuah Sub-Committee
IMPHAL: Manipur a Hill Districts tum tum haia inter- District boundaries thuah Sub-Committee indin a ni a, Chairman dingin Z.Kikonbou Newmai, Vice Chairman, Hill Areas Committee ruot a ni a, members dingin T.N.Haokip, D. Korungthang, Samuel Raison le Ngamthang Haokip hai ruot an nih tiin ei thu dawngna chun a hril. Hi Sub-Committee meeting chu June 9, 2014 khan nei a ni a, chu huna ṭhuoitu dinghai hi ruot an nih.
KCP cadre pahni Pistol leh man an nih
IMPHAL: Zanikhan 40As-sam Rifles han Lilong gener-al area hmuna KCP (Noyon) cadres pahni- S Shantikumar Singh (40) s/o S Nilo Singh of Singjamei Naorem Leikai le S Tomba, (32) s/o S Tom-Leikai hai chu 9mm Pistol 1,magazine 1 le a mu 9 bakah China siem Hand Grenade pakhat le India pawisa Rs.6700 leh an man. Hieng mi pahni hai hi Maruti 800 (MN-01 S 3497) a chuong an ni a, Lilong Police kuta an peklut.
URF cadre 2 man an nih
IMPHAL: Manipur Spinning Mill Complex, Loitang Khu- nou a thirtluon le thirse inru,URF cadres 2, Sinam Suresh (31) s/o S. Rabei of Chingmeirong Maning Leikai le Akhan Prakash (33) s/o (L) A. Noren
of Singjamei Thongam Leikai hai chu zanikhan tuolsung mi han an man a, zani 2PM vel khan Sekmai Police han an va lak.
Tripartite Talks August 22-ah
IMPHAL: Sawrkar thlung-pui, Manipur sawrkar, UPF le KNO ṭhuoituhai chun August 22, 2014 khin New Delhi-ah 17, 2014 nia 1st MR Banquet Hall, Imphal-a UPF, KNO le State sawrkar han Joint Moni- toring Group (JMBG) meeting an neinaah an rel.
Uttarakhand Governor in UP Governor sin
LUCKNOW: Uttar Pradesh Governor, B.L.Joshi in- banna chu President Pranab Mukherjee in a pawm pek tah. Uttarakhand Governor, Ajiz Qureshi chu Uttar Pradesh Governor thar ding ruot a ni hmakhat Uttar Pradesh Governor sin lo chelsa dinga additional charge pek a nih. Aziz Qureshi hi IPS Officer pension, kum 2009 a inthawka Uttarakhand Gover- nor sin chel ṭan ta le Con- gress ṭhuoina hnuoia UPA-II sawrkarin Uttarakhand Gov-ernor dinga a lo ruot ve tho a nih.
Swine Flu leiin kum 37 mi a thi
INDORE: Zanikhan Indore hmuna Nashik mi pasal kum 37 mi chu Swine Flu leiin private Hospital pakhatah a thi. Swine Flu leia thi pa hi June 12, 2014 a kha Swine Flu invawi \an niin Govt. Integrated Disease Surveil- lance Project (IDSP) hotu tak Dr G.L. Sodhi chun a hril.
Chhattisgarh-ah Naxal 3 man
RAIPUR: Zanikhan Chhattisgarh-a Baster region-a hmun hran hranah Naxalites helpawl 3 man an nih. Mana um hai lai hin luman Rs. 3,000 nei mek Mandoram Tulahi (30) khawm a ṭhang. Mana um midang hai chu Sukmati (19) le Jogo Mad- kami (20) hai an nih.
India mi 40 man le hrentang
BAGHDAD: Iraq rama Mo- sul khawpuia Construction company hnuoia thawk, In- dia mi 40 hai chu Iraq rama helpawl ISIL han manin an ṭhuoihmang bakah an siena chin hriet lovin an la hren- tang. Hieng India mihai sansuok le ṭhangpui an ni theina dingin India le Iraq sawrkar han darkar 24 sung New Delhi le Baghdad inkarah helpline indin a nih tiin Syed Akbaruddin, Ministry of Ex- ternal Affairs, Govt. of India chun a hril.
PLFI helpawl 11 le ralthuom man
GUMLA: Zani hmasa zan khan Jharkhand-a Gumla district sunga Pakartand bul lai People’s Liberation of India (PLFI) helpawlhai le Police hai an inkaptuo a, hi inkaptuona le inzawma zanita hi lai biela dappui an thawnaah Police han PLFI zonal Commander le midang 10 an man. Police hai chun Rifles 11, silaimu 56, mobile handsets 16,PLFI letterhead le thil dang ṭhenkhat an man sa bawk.
Bhabha Bungalow Rs. 372 crore a zawr
MUMBAI: Homi J.Bhabha Iconic Bungalow chu zanikhan lilama zawr a ni a, Rs. 372 crore zeta zawr a nih. Amiruokchu an chawtu hming chu puonglang a ni nawh. Kum 1966 a Vuongna tuoksieta Bhabha a thi hnung khan a unaupa, Jamshed in a hung enkawl a nih. Homi J.Bhabha hi India’s Atomic Energy programme a “Father’ tia ko a nih.
Peace Ground-ah Mela
CCPUR: KSO, CCPur chun June 20, 2014 a inthawk July thla tawp chen khin Peace Ground, Tuibuong- ah “Summer Mela” huoihawt an tum. Mela huna hin- marry-goround, magic show, Disco Dance, Bike Rider, Micky Mouse, Baby sitting Round, Rusiun Plane, Dragon Plane le dawr tum tum hawng le thil chi dang dang zawr ning a tih. Mela hi Brothers Enterprises, Assam le ṭhangruola an huoihawt ding a nih.
Lawmman ding tum thei a nih
CCPUR: June 28, 2014 a HSA Platinum Jubilee le inzawma Literary-meetcum- Competition (Essay,
Painting & Drawing) haia lawmman tum nuomhai chun tum thei a ni a, thu chieng lem 8729903153 le
98562617002 haiah ngaiven el ding a nih.
Malaria PF pakhat
CCPUR: District Malaria Department, CCPur June, 2014 first forthnight report an pek naah June1- 15, 2014 inkar sung khan damnaw mi 659 hai thisen lain an enfel a, hieng hai lai hin Malaria Positive PF pakhat an hmu.
Green Workshop & Seminar
CCPUR: June 20-21, 2014, 10:00AM ah Delhi Paite Indongta (DPI) le Environment Friends hai ṭhangruola huoihawtnain Rayburn College, New Lamka, CCPur-ah the Green Workshop & Seminar um a tih. Hi huna hin invitees mi 50 vel ṭhang an ta, Pu Vungzagin Valte, Parliamentary Secretary khuollienin ṭhang a ta, Sikkim a inthawk mi 4 hung ṭhang bawk an tih.
Branch Manager sansuok a nih
SHILLONG: Ṭhuoihmanga um Arvind Kumar, Branch Manager, SBI, Ampati Branch chu June 18, 2014 khan Police han Millem Village, West Garo Hills, Meghalaya a inthawk him le damin an sansuok. Arvind Kumar hi June 16, 2014 nia Rangatri hmuna helpawl ni dinga ringhla han an ṭhuoihmang a nih. A ṭhuoihmangtu hi GNLA le ASAK helpawlhai ni dinga ringhla an nih.
Nupa tuok 50 a ruola innei ding
MUMBAI: June 22, 2014 khin hnam hran hrana mi nupa tuok 50 hai chu Nair Welfare Society (NWS) le Social Group, “Pithruvedi” hai huoihawtnain Kalidas Natyamandir, Mulund hmuna nupa ni dingin a ruolin innei an tih. Ser le sang puithu taka thaw ninaw ni a, mo lawmna ruoi a thlawna ṭhe ni nawng a ta, nupa tuok thar hai ruok chu puonthuo, sil le fen, bur le bel, rangkachak incheina hai gift-a pek ning an ta, inneina hunser hi 8AM-2PM inkar sunga nei ning a tih. Innei dinghai lai hin Hindu, Muslim le Christian an ṭhang tiin organiser-hai laia mi pakhat, Prakash Padikkal chun a hril.
Punjab Police han Drugs a sumdawngtu Nigeria mi 6 an man
NEW DELHI: Punjab Police hai chun zanikhan New Delhia Uttam Nagar hmuna Heron No. 4 a sumdawngtu Nigeria mi 6 an man. Mana um hai chu Sydney Obinna, Uzochekwu Clement, Alogsis Ezechinelu, Mike, Victor le Peter hai an nih. Hieng Nigeria mi 6 hai hin Punjab-a inthawk khawvel rambung tum tum le India ram state tum tum haiah an zawr hlak a nih. Thu indawnna nei an ni huna Pakistan mi Heroina sumdawngtu Abid Ali, Chaoudhary Sajabad le Bhola hai le inzawmna nei an ni thu Police kuoma an inpuong bakah Nigeria, Brazil, Pakistan, South Africa, Canada, United States hai bakah India rama Chhattisgarh, Maharashtra, Tamil Nadu, Andhra Pradesh le Gujarat haia khawm inzawmpui an nei vawng a, anni hi khawvel rambung tum tum le state tum tum haia Heroin thawndar le sumdawngnaa mawphurtu tak (kingpin) an nih tiin ei thu dawngna chun a hril. Heroin hi Pakistana inthawk Punjab le Jammu & Kashmir ramri fethlenga Punjab an hung phurlut hlak a ni a, Punjab-a inthawk New Delhi phurlutin chu taka inthawk an inzawmpui dang dang hai kuoma an thawndar nawk hlak niin Punjab Police thusuok chun a hril.
UP CM in a ministry a sawidanglam
LUCKNOW: Zani hmasa khan Uttar Pradesh Chief Minister, Akhilesh Yadav chun a ministry a sawidanglam. Cabinet ministers ṭhenkhat ṭhangsain ministers 13 hai chanvo a thlakthleng bakah minister pakhat, Manoj Kumar Pandey alias Pawan Pandey chu a ban. CM Akhilesh Yadav chun tuhin portfolios 57 zet a chel a, Azam Khan le Shivpal Singh Yadav hai portfolios chu thlakthleng a ni nawh.
NDFB(S) cadre 1 kap hlum a nih
KOKRAJHAR: Zani hmasa khan Security Forces han Kokrajhar District a Serfanguri Police Station huop sunga Khousi Bazar ah NDFB(S) cadre pakhat an kap hlum a, a kuta inthawk AK-56 Rifle 1 le a mu 160 hmu a nih tiin L.R. Bishnoi, Inspector General.
Uttarakhand Governor in UP Governor sin
LUCKNOW: Uttar Pradesh Governor, B.L.Joshi inbanna chu President Pranab Mukherjee in a pawm pek tah. Uttarakhand Governor, Ajiz Qureshi chu Uttar Pradesh Governor thar ding ruot a ni hmakhat Uttar Pradesh Governor sin lo chelsa dinga additional charge pek a nih. Aziz Qureshi hi IPS Officer pension, kum 2009 a inthawka Uttarakhand Governor sin chel ṭan ta le Congress ṭhuoina hnuoia UPA-II sawrkarin Uttarakhand Governor dinga a lo ruot ve tho a nih.
Union Minister Nihal Chand ban dingin
JAIPUR: Nuhmei pakhat chun, Union Minister of State for Chemicals & Fertilizers, Nihal Chand Meghwal in a mi suollui tiin an tum bakah Nihal Chand Meghwal hi Minister a ninaa inthawkaban dingin PM Narendra Modi a ngen. A ṭul chun New Delhi-ah fein Modi hi hmu tum ka ta, ka hmu thei chun Nihal Chand hi Minister a ninaa inthawk ban dingin ngen hmasa tak ka ta, indik taka rorel a ni theina dinga mi ṭhangpui dingin ngen bawk ka tih tiin June 17, 2014 nia Press Conference a ko huna a hril (suolluia uma inhril nuhmei in).
Russia Dy. PM a hung inzin
NEW DELHI: Russia Deputy Prime Minister, Dmtry O.Rogozin chu New Delhi-a ni 2 sung cham dingin zani hmasa zan khan New Delhi a hungtlung a; zanikhan External Affairs Minister, Sushma Swaraj leh an hohlim a, ram pahnihai inlaichinna siem \hat dan ding an hriltlang. Rogozin hin vawisun hin PM Narendra Modi inhmupui a tih.
Nigeria rama bomb puokah mi 21 thi
KANO: Zani zingkar 12:30 khan Nigeria hmarthlang tiengpanga Damaturu an tina hmuna FIFA football World Cup enna hmuna bomb a puok a, mi 21 an thi a, mi 27 an hliem tiin Sani Abacha Specialist Hospital thusuok chun a hril. Tuolsung mihai chun bomb puok hi motorised Rickshaw sunga thun ni dingin an ringhla. Zani tuk khan mipuihai chu Brazil le Mexico inkhel en dingin Hall sungah an in\hung khup a, chu lai zinga bomb hi hung puok a nih.
India mi 40 man le hrentang habha Bungalow Rs. 372 crore a zawr pital thusuok chun a hril. Tu- puok a nih.
BAGHDAD: Iraq rama Mo- sul khawpuia Construction company hnuoia thawk, In- dia mi 40 hai chu Iraq rama helpawl ISIL han manin an ṭhuoihmang bakah an siena chin hriet lovin an la hren- tang. Hieng India mihai sansuok le ṭhangpui an ni theina dingin India le Iraq sawrkar han darkar 24 sung New Delhi le Baghdad inkarah helpline indin a nih tiin Syed Akbaruddin, Ministry of External Affairs, Govt. of India chun a hril.
Lawng sietttuokah mi 66 an inhmang
KUALA LUMPUR: Mi 97 chuongna Indonesia Lawng chu Malaysia tuipuiah zani hmasa khan tuoksiet a tuok a, mi 31 sansuok an ni a, mi 66 hai chu an umna chin hriet lovin an inhmang niin Malaysia’s Maritime Agency thusuok chun a hril.
VAWISUN THUPUI:
Bu nghei hun inser thieng unla, inkhâwmpui ursun siem unla, Lalpa in Pathien ina chun tarsiehai le hi rama chunghai po po chu ṭhuoi khâwm unla, Lalpa chu ko ro. - Joel 1:14
EDITORIAL:
Centre khuong ben dan dana lam
Politics a hin ruolṭha le hmelma hlun an um nawh tia an lo hril hlak hi an dik khawp el. Politician-hai hin an hamṭhatna ding an hmu phawt chun an umna Party suoksan le mani party uiret san khawm pawitina an neinaw niin an lang. A bikin India hmarsak biela ei Politician-hai hin principle an neinaw zuol bik an naw mani ding aw ti theiin a um hlak. Central khuong ben dan dana lam el ei nih ti inla ei hril suol taluo ring a um nawh. Centre-ah sawrkarna cheltu an hung inthlak a, chu dungzuia lam el chu ei poli- tician-hai nuom dan niin an lang. Nagaland a NCP MLAs pathumhai khawm BJP ah an inlet der tah. Beisei nei leia BJP a lut an nih ti chu a chiengsa a nih. An tlingna party ticket petu le MLA a vote tlingtu mipuihai khawm vengna le inzana an neinaw chiengzie an lang kawk el.
Central-a sawrkarna cheltu an hung inthlakthleng hin NE bielah kakhawk nasa tak a hung nei pei ding niin an lang. Politicl party tum tuma ṭhuoituhai chu Central sawrkara tlaktlum tumin hma an lak a, NE biela Nagaland chau ni lovin State dang dang hai khawm PM Narendra Modi wave in a la hung nuoi dar pei ding niin an lang. Nagaland a NCP MLA-hai chau ni lovin NE biela state dang dang haia party tum tum MLA-hai khawma an umna party suoksan a, BJP a lut le inlet chu an la hung thaw pei ding niin an lang bawk.
Manipur Assembly Election nuhnung tak ṭum khan Trinamool Congress chun seats 7 zetah hlawtlingna an chang a, mipui han hi party chungah beiseina le ringzona iemani chen an hung nei lai mekin Party ṭhuoitu ni in- chuna a hung um a, MLA 6 zet el chu Trinamool Con- gress a inthawk hnawtdawk an hung ni pha ta a, Manipur a MLA 7 nei hlak khan MLA pakhat chau an hung nei pha ta a nih. Congress ti lo, Manipur a political party um hai laia MLA hau tak, mihai ringzo le beisei em em party a ṭhuoitu/MLAs han party principle neinaw lei le Central-a sawrkar hung inthlakthleng leia hi party hin buoina a hung tuok pha niin an lang. Mipui beisei ang chu an ninaw a nih. Assembly election nawka chu hi party hi Manipur a chun a tlaase ta hle ring a um.
Centra-ah a zawna Congress ṭhuoina hnuoia UPA-I & II sawrkar a um sung khan BJP Manipur ṭhuoitu ni nuom an um meu naw a, Th. Chaoba in President sin a chel ṭawk ṭawk a. BJP Manipur chu kha huna khan a hring-in-hro anga um a nih. Amiruokchu, 16th Lok Sabha election, 2014 a khan BJP chu mihai ring phak bakin an hung hrat filawr zak el a. Hi taka inthawk hin India mipui han sawrkar thlakthleng an nuom a nih ti a hung inlang chieng hle.
Centre-ah BJP ṭhuoina hnuoia NDA in sawrkarna an hung chela inthawk BJP Manipur State Unit a lut thar an hung pung ta hut hut el a nih. BJP zawm tharhai lai hin Minister hlui, MLA hlui, milien le milal lo ni hlak ṭhah-nemtawk tak an ṭhang. Hi taka inthawk hin ṭhuoitu chun-gthuah BJP Manipur state Unit khawm an hung buoi ṭan ve a, party sunga mi ṭhenkhaatin an state Unit President chunga chen case an hung siem pha ta a nih. Modi hin Wave a nei nawh tiin Congress party ṭhuoitu ṭhenkhatin hril hai sienkhawam a lo indik naw a, Modi Wave leiin ei state ah hiengang party ṭhuoitu chungchang chena buoi- na hi a hungtlung pha a nih ti inla ei hril suol taluo ring a um nawh.
Ei State a MLA tling taphawtin Minister chanvo chel ngei dinga inbeiseina lungril an put el khawm hi thil indik niin an lang nawh. Manipur chun MLA 60 a nei a, hienghai lai hin Congress chun MLA 47 an nei a; Chief Minister ṭhangsain minister post um thei zat hlak chu 12 chau a ni si a, Congress MLA-hai chu an lungawi thei ve ta naw a, CM O.Ibobi chu a ministry sawidanglam dinga phutin, ministers 10 ban a, minister thar 10 la dingin Congress MLAs 25 han O.Ibobi chu Ultimatum an pek pha ta a nih. Centre khuong ben dan dana lam chu ei la ni hi!
CCPUR: Zani zantieng 1:00PM vel khan New Lam- ka-a Saulim Restaurant le inzawm Saulim Book Barn tuol College Road lai Bomb ni dinga ringhla mi ṭhenkha- tin an va sie a, Police inhriet- tir an ni hnungin CCPur Police chun va lain tuhin Police Station-ah an kawl mek. Mr K.Kabib, IPS, SP, CCPur chun, hi thil hi bomb tak a ninaw thu hrilin mipui inṭhi le sukṭitna dinga mi ṭhenkhatin bomb ang hmel puta an siem, electronic thil mei mei a nih tiin a hril a, a hnungin hi thil hi Rechargeable Dianamo a nih ti hrietsuok a nih.
Ei thu dawngnain a hril danin, hi thil tlung ZRA han an suizuinaah pasal pahni Joar Veng, Bungmual mi ve ve, Thangthianmuang (20) s/ o Hauzachin le Khuppu (24) s/o Chinpu hai manin thu an indawn a. Mana um hai chun hi thil hi Rechargeable Di- anamo a ni thu an hrilin, re- charge an tum a, sienkhawm a theinaw leiin a sieṭha tanaw nia an hriet leia an dehawn a ni thu an hril. Amiruokchu, an thil dehawn hi anni bawkin
an va hmu nawk a, chu huna bomb a nih tia an hril dar niin an hril. Bomb nia an hril lei hin hi lai biela mipui hai chu a sukṭithawng hman hle a nih. ZRA chun hieng mi pahni hai hi mipui sukraltu thei thil thaw nawk ta lo dinga ṭha taka thu an hril hnungin an insuo nawk.
BJP Manipur palaihai Union Agricultre Minister in tlangram bielah Central Agriculture University (CAU) thar indin dingin thu a lo tiem
IMPHAL: Th. Chaoba, BJP Manipur Pradesh President inrawina-a BJP Manipur High Power Delegetions han zani hmasa khan Union Agriculture Minister, Radha Mohan chu a office, New Delhi-ah an inhmupui a, darkr khat lai an titipui. BJP palaihai chun Manipur-ah Modern Technologies hmanga Agriculture le Al- lied services sukhmasawn ding le Manipur tlangram bielah Central Agricultural University (CAU) thar in- din ding le CAU, Iroisemba khawm hmangruo le khawlṭha lem hung pe dingin an ngen. Chun, Manipur ah KVK Centres tam lem indin dingin an ngen bawk. Radha Mohan chun, BJP Manipur palaihai chu Manipur tlan- gram biela Central Agricultural University (CAU) indin ni ngei dingin thu a lo tiem.
BJP palaihai chun PMO official-hai kuomah State Information Commission le Manipur State Human Rights Commission hun sawt tak sin thaw ta lova um thu le Union Home Ministry kuomah Manipur-a Judicial System sukhrat le siem ṭha dingin ngenna lekha an pe- klut. Chun, Union Minister for Environment & Forest, Prakash Javadekar khawm an inhmupui a, NHPC in Loktak Hydel Project an thawna leiin Loktak Dila ecology le bio-diversity bakah social cultural life nasa taka a tawkpawizie an intlun a. Loktak Protection Act, 2006 ennawn dingin an ngen niin L. Bsanta, State General Secretary(Media), BJP Manipur Pradeh chun a hril. BJP palaihai lai hin Th. Chaoba Singh bakah BJP Manipur Pradesh General Secretary ve ve, M. Asniku- mar le Laimayum Bashan- ta Sharma hai khawm an ṭhang.
Army Recruitment result puong
IMPHAL: May 25, 2014 nia Leimakhong hmuna Soldier General Duty, Sol- dier Tradesman, Soldier Technical and CBET Com- mon Entrance Examination (CEE) neia um le April 24-25, 2014 haia Shillong hmuna Soldier Nursing As- sistant lakna dinga exam neia um hai result chu puong a nih tah tiin PRO Defence Wing, Imphal thusuok chun a hril. Hlawtlingna chang hai chun June 23-25, 2014 inkar sungin 8AM-11:24AM inkar sunga ARO Rangapahar hmuna joining letter mani ngeia la dinga inhriettir an nih. Original document bakah Xerox attested copy chawi ding a ni a, thu chieng lem PIB ( Defence Wing), M Sector, Imphal Notice Board- ah hmu thei ning a tih.
Rulin a chuk mi 2 sanhim
IMPHAL: IGAR (South) HQ hnuoia 9 Sector AR-a 12 Bihar Medical team chun June 14 le 16, 2014 hia Rulin a chuk Sama Lukin Gayro (55)of Hiyangthang, Imphal West District le T. Ibomcha (41) of Nambol hai chu an sanhim.
Inter-District Boundaries thuah Sub-Committee
IMPHAL: Manipur a Hill Districts tum tum haia inter- District boundaries thuah Sub-Committee indin a ni a, Chairman dingin Z.Kikonbou Newmai, Vice Chairman, Hill Areas Committee ruot a ni a, members dingin T.N.Haokip, D. Korungthang, Samuel Raison le Ngamthang Haokip hai ruot an nih tiin ei thu dawngna chun a hril. Hi Sub-Committee meeting chu June 9, 2014 khan nei a ni a, chu huna ṭhuoitu dinghai hi ruot an nih.
KCP cadre pahni Pistol leh man an nih
IMPHAL: Zanikhan 40As-sam Rifles han Lilong gener-al area hmuna KCP (Noyon) cadres pahni- S Shantikumar Singh (40) s/o S Nilo Singh of Singjamei Naorem Leikai le S Tomba, (32) s/o S Tom-Leikai hai chu 9mm Pistol 1,magazine 1 le a mu 9 bakah China siem Hand Grenade pakhat le India pawisa Rs.6700 leh an man. Hieng mi pahni hai hi Maruti 800 (MN-01 S 3497) a chuong an ni a, Lilong Police kuta an peklut.
URF cadre 2 man an nih
IMPHAL: Manipur Spinning Mill Complex, Loitang Khu- nou a thirtluon le thirse inru,URF cadres 2, Sinam Suresh (31) s/o S. Rabei of Chingmeirong Maning Leikai le Akhan Prakash (33) s/o (L) A. Noren
of Singjamei Thongam Leikai hai chu zanikhan tuolsung mi han an man a, zani 2PM vel khan Sekmai Police han an va lak.
Tripartite Talks August 22-ah
IMPHAL: Sawrkar thlung-pui, Manipur sawrkar, UPF le KNO ṭhuoituhai chun August 22, 2014 khin New Delhi-ah 17, 2014 nia 1st MR Banquet Hall, Imphal-a UPF, KNO le State sawrkar han Joint Moni- toring Group (JMBG) meeting an neinaah an rel.
Uttarakhand Governor in UP Governor sin
LUCKNOW: Uttar Pradesh Governor, B.L.Joshi in- banna chu President Pranab Mukherjee in a pawm pek tah. Uttarakhand Governor, Ajiz Qureshi chu Uttar Pradesh Governor thar ding ruot a ni hmakhat Uttar Pradesh Governor sin lo chelsa dinga additional charge pek a nih. Aziz Qureshi hi IPS Officer pension, kum 2009 a inthawka Uttarakhand Gover- nor sin chel ṭan ta le Con- gress ṭhuoina hnuoia UPA-II sawrkarin Uttarakhand Gov-ernor dinga a lo ruot ve tho a nih.
Swine Flu leiin kum 37 mi a thi
INDORE: Zanikhan Indore hmuna Nashik mi pasal kum 37 mi chu Swine Flu leiin private Hospital pakhatah a thi. Swine Flu leia thi pa hi June 12, 2014 a kha Swine Flu invawi \an niin Govt. Integrated Disease Surveil- lance Project (IDSP) hotu tak Dr G.L. Sodhi chun a hril.
Chhattisgarh-ah Naxal 3 man
RAIPUR: Zanikhan Chhattisgarh-a Baster region-a hmun hran hranah Naxalites helpawl 3 man an nih. Mana um hai lai hin luman Rs. 3,000 nei mek Mandoram Tulahi (30) khawm a ṭhang. Mana um midang hai chu Sukmati (19) le Jogo Mad- kami (20) hai an nih.
India mi 40 man le hrentang
BAGHDAD: Iraq rama Mo- sul khawpuia Construction company hnuoia thawk, In- dia mi 40 hai chu Iraq rama helpawl ISIL han manin an ṭhuoihmang bakah an siena chin hriet lovin an la hren- tang. Hieng India mihai sansuok le ṭhangpui an ni theina dingin India le Iraq sawrkar han darkar 24 sung New Delhi le Baghdad inkarah helpline indin a nih tiin Syed Akbaruddin, Ministry of Ex- ternal Affairs, Govt. of India chun a hril.
PLFI helpawl 11 le ralthuom man
GUMLA: Zani hmasa zan khan Jharkhand-a Gumla district sunga Pakartand bul lai People’s Liberation of India (PLFI) helpawlhai le Police hai an inkaptuo a, hi inkaptuona le inzawma zanita hi lai biela dappui an thawnaah Police han PLFI zonal Commander le midang 10 an man. Police hai chun Rifles 11, silaimu 56, mobile handsets 16,PLFI letterhead le thil dang ṭhenkhat an man sa bawk.
Bhabha Bungalow Rs. 372 crore a zawr
MUMBAI: Homi J.Bhabha Iconic Bungalow chu zanikhan lilama zawr a ni a, Rs. 372 crore zeta zawr a nih. Amiruokchu an chawtu hming chu puonglang a ni nawh. Kum 1966 a Vuongna tuoksieta Bhabha a thi hnung khan a unaupa, Jamshed in a hung enkawl a nih. Homi J.Bhabha hi India’s Atomic Energy programme a “Father’ tia ko a nih.
Peace Ground-ah Mela
CCPUR: KSO, CCPur chun June 20, 2014 a inthawk July thla tawp chen khin Peace Ground, Tuibuong- ah “Summer Mela” huoihawt an tum. Mela huna hin- marry-goround, magic show, Disco Dance, Bike Rider, Micky Mouse, Baby sitting Round, Rusiun Plane, Dragon Plane le dawr tum tum hawng le thil chi dang dang zawr ning a tih. Mela hi Brothers Enterprises, Assam le ṭhangruola an huoihawt ding a nih.
Lawmman ding tum thei a nih
CCPUR: June 28, 2014 a HSA Platinum Jubilee le inzawma Literary-meetcum- Competition (Essay,
Painting & Drawing) haia lawmman tum nuomhai chun tum thei a ni a, thu chieng lem 8729903153 le
98562617002 haiah ngaiven el ding a nih.
Malaria PF pakhat
CCPUR: District Malaria Department, CCPur June, 2014 first forthnight report an pek naah June1- 15, 2014 inkar sung khan damnaw mi 659 hai thisen lain an enfel a, hieng hai lai hin Malaria Positive PF pakhat an hmu.
Green Workshop & Seminar
CCPUR: June 20-21, 2014, 10:00AM ah Delhi Paite Indongta (DPI) le Environment Friends hai ṭhangruola huoihawtnain Rayburn College, New Lamka, CCPur-ah the Green Workshop & Seminar um a tih. Hi huna hin invitees mi 50 vel ṭhang an ta, Pu Vungzagin Valte, Parliamentary Secretary khuollienin ṭhang a ta, Sikkim a inthawk mi 4 hung ṭhang bawk an tih.
Branch Manager sansuok a nih
SHILLONG: Ṭhuoihmanga um Arvind Kumar, Branch Manager, SBI, Ampati Branch chu June 18, 2014 khan Police han Millem Village, West Garo Hills, Meghalaya a inthawk him le damin an sansuok. Arvind Kumar hi June 16, 2014 nia Rangatri hmuna helpawl ni dinga ringhla han an ṭhuoihmang a nih. A ṭhuoihmangtu hi GNLA le ASAK helpawlhai ni dinga ringhla an nih.
Nupa tuok 50 a ruola innei ding
MUMBAI: June 22, 2014 khin hnam hran hrana mi nupa tuok 50 hai chu Nair Welfare Society (NWS) le Social Group, “Pithruvedi” hai huoihawtnain Kalidas Natyamandir, Mulund hmuna nupa ni dingin a ruolin innei an tih. Ser le sang puithu taka thaw ninaw ni a, mo lawmna ruoi a thlawna ṭhe ni nawng a ta, nupa tuok thar hai ruok chu puonthuo, sil le fen, bur le bel, rangkachak incheina hai gift-a pek ning an ta, inneina hunser hi 8AM-2PM inkar sunga nei ning a tih. Innei dinghai lai hin Hindu, Muslim le Christian an ṭhang tiin organiser-hai laia mi pakhat, Prakash Padikkal chun a hril.
Punjab Police han Drugs a sumdawngtu Nigeria mi 6 an man
NEW DELHI: Punjab Police hai chun zanikhan New Delhia Uttam Nagar hmuna Heron No. 4 a sumdawngtu Nigeria mi 6 an man. Mana um hai chu Sydney Obinna, Uzochekwu Clement, Alogsis Ezechinelu, Mike, Victor le Peter hai an nih. Hieng Nigeria mi 6 hai hin Punjab-a inthawk khawvel rambung tum tum le India ram state tum tum haiah an zawr hlak a nih. Thu indawnna nei an ni huna Pakistan mi Heroina sumdawngtu Abid Ali, Chaoudhary Sajabad le Bhola hai le inzawmna nei an ni thu Police kuoma an inpuong bakah Nigeria, Brazil, Pakistan, South Africa, Canada, United States hai bakah India rama Chhattisgarh, Maharashtra, Tamil Nadu, Andhra Pradesh le Gujarat haia khawm inzawmpui an nei vawng a, anni hi khawvel rambung tum tum le state tum tum haia Heroin thawndar le sumdawngnaa mawphurtu tak (kingpin) an nih tiin ei thu dawngna chun a hril. Heroin hi Pakistana inthawk Punjab le Jammu & Kashmir ramri fethlenga Punjab an hung phurlut hlak a ni a, Punjab-a inthawk New Delhi phurlutin chu taka inthawk an inzawmpui dang dang hai kuoma an thawndar nawk hlak niin Punjab Police thusuok chun a hril.
UP CM in a ministry a sawidanglam
LUCKNOW: Zani hmasa khan Uttar Pradesh Chief Minister, Akhilesh Yadav chun a ministry a sawidanglam. Cabinet ministers ṭhenkhat ṭhangsain ministers 13 hai chanvo a thlakthleng bakah minister pakhat, Manoj Kumar Pandey alias Pawan Pandey chu a ban. CM Akhilesh Yadav chun tuhin portfolios 57 zet a chel a, Azam Khan le Shivpal Singh Yadav hai portfolios chu thlakthleng a ni nawh.
NDFB(S) cadre 1 kap hlum a nih
KOKRAJHAR: Zani hmasa khan Security Forces han Kokrajhar District a Serfanguri Police Station huop sunga Khousi Bazar ah NDFB(S) cadre pakhat an kap hlum a, a kuta inthawk AK-56 Rifle 1 le a mu 160 hmu a nih tiin L.R. Bishnoi, Inspector General.
Uttarakhand Governor in UP Governor sin
LUCKNOW: Uttar Pradesh Governor, B.L.Joshi inbanna chu President Pranab Mukherjee in a pawm pek tah. Uttarakhand Governor, Ajiz Qureshi chu Uttar Pradesh Governor thar ding ruot a ni hmakhat Uttar Pradesh Governor sin lo chelsa dinga additional charge pek a nih. Aziz Qureshi hi IPS Officer pension, kum 2009 a inthawka Uttarakhand Governor sin chel ṭan ta le Congress ṭhuoina hnuoia UPA-II sawrkarin Uttarakhand Governor dinga a lo ruot ve tho a nih.
Union Minister Nihal Chand ban dingin
JAIPUR: Nuhmei pakhat chun, Union Minister of State for Chemicals & Fertilizers, Nihal Chand Meghwal in a mi suollui tiin an tum bakah Nihal Chand Meghwal hi Minister a ninaa inthawkaban dingin PM Narendra Modi a ngen. A ṭul chun New Delhi-ah fein Modi hi hmu tum ka ta, ka hmu thei chun Nihal Chand hi Minister a ninaa inthawk ban dingin ngen hmasa tak ka ta, indik taka rorel a ni theina dinga mi ṭhangpui dingin ngen bawk ka tih tiin June 17, 2014 nia Press Conference a ko huna a hril (suolluia uma inhril nuhmei in).
Russia Dy. PM a hung inzin
NEW DELHI: Russia Deputy Prime Minister, Dmtry O.Rogozin chu New Delhi-a ni 2 sung cham dingin zani hmasa zan khan New Delhi a hungtlung a; zanikhan External Affairs Minister, Sushma Swaraj leh an hohlim a, ram pahnihai inlaichinna siem \hat dan ding an hriltlang. Rogozin hin vawisun hin PM Narendra Modi inhmupui a tih.
Nigeria rama bomb puokah mi 21 thi
KANO: Zani zingkar 12:30 khan Nigeria hmarthlang tiengpanga Damaturu an tina hmuna FIFA football World Cup enna hmuna bomb a puok a, mi 21 an thi a, mi 27 an hliem tiin Sani Abacha Specialist Hospital thusuok chun a hril. Tuolsung mihai chun bomb puok hi motorised Rickshaw sunga thun ni dingin an ringhla. Zani tuk khan mipuihai chu Brazil le Mexico inkhel en dingin Hall sungah an in\hung khup a, chu lai zinga bomb hi hung puok a nih.
India mi 40 man le hrentang habha Bungalow Rs. 372 crore a zawr pital thusuok chun a hril. Tu- puok a nih.
BAGHDAD: Iraq rama Mo- sul khawpuia Construction company hnuoia thawk, In- dia mi 40 hai chu Iraq rama helpawl ISIL han manin an ṭhuoihmang bakah an siena chin hriet lovin an la hren- tang. Hieng India mihai sansuok le ṭhangpui an ni theina dingin India le Iraq sawrkar han darkar 24 sung New Delhi le Baghdad inkarah helpline indin a nih tiin Syed Akbaruddin, Ministry of External Affairs, Govt. of India chun a hril.
Lawng sietttuokah mi 66 an inhmang
KUALA LUMPUR: Mi 97 chuongna Indonesia Lawng chu Malaysia tuipuiah zani hmasa khan tuoksiet a tuok a, mi 31 sansuok an ni a, mi 66 hai chu an umna chin hriet lovin an inhmang niin Malaysia’s Maritime Agency thusuok chun a hril.
VAWISUN THUPUI:
Bu nghei hun inser thieng unla, inkhâwmpui ursun siem unla, Lalpa in Pathien ina chun tarsiehai le hi rama chunghai po po chu ṭhuoi khâwm unla, Lalpa chu ko ro. - Joel 1:14
EDITORIAL:
Centre khuong ben dan dana lam
Politics a hin ruolṭha le hmelma hlun an um nawh tia an lo hril hlak hi an dik khawp el. Politician-hai hin an hamṭhatna ding an hmu phawt chun an umna Party suoksan le mani party uiret san khawm pawitina an neinaw niin an lang. A bikin India hmarsak biela ei Politician-hai hin principle an neinaw zuol bik an naw mani ding aw ti theiin a um hlak. Central khuong ben dan dana lam el ei nih ti inla ei hril suol taluo ring a um nawh. Centre-ah sawrkarna cheltu an hung inthlak a, chu dungzuia lam el chu ei poli- tician-hai nuom dan niin an lang. Nagaland a NCP MLAs pathumhai khawm BJP ah an inlet der tah. Beisei nei leia BJP a lut an nih ti chu a chiengsa a nih. An tlingna party ticket petu le MLA a vote tlingtu mipuihai khawm vengna le inzana an neinaw chiengzie an lang kawk el.
Central-a sawrkarna cheltu an hung inthlakthleng hin NE bielah kakhawk nasa tak a hung nei pei ding niin an lang. Politicl party tum tuma ṭhuoituhai chu Central sawrkara tlaktlum tumin hma an lak a, NE biela Nagaland chau ni lovin State dang dang hai khawm PM Narendra Modi wave in a la hung nuoi dar pei ding niin an lang. Nagaland a NCP MLA-hai chau ni lovin NE biela state dang dang haia party tum tum MLA-hai khawma an umna party suoksan a, BJP a lut le inlet chu an la hung thaw pei ding niin an lang bawk.
Manipur Assembly Election nuhnung tak ṭum khan Trinamool Congress chun seats 7 zetah hlawtlingna an chang a, mipui han hi party chungah beiseina le ringzona iemani chen an hung nei lai mekin Party ṭhuoitu ni in- chuna a hung um a, MLA 6 zet el chu Trinamool Con- gress a inthawk hnawtdawk an hung ni pha ta a, Manipur a MLA 7 nei hlak khan MLA pakhat chau an hung nei pha ta a nih. Congress ti lo, Manipur a political party um hai laia MLA hau tak, mihai ringzo le beisei em em party a ṭhuoitu/MLAs han party principle neinaw lei le Central-a sawrkar hung inthlakthleng leia hi party hin buoina a hung tuok pha niin an lang. Mipui beisei ang chu an ninaw a nih. Assembly election nawka chu hi party hi Manipur a chun a tlaase ta hle ring a um.
Centra-ah a zawna Congress ṭhuoina hnuoia UPA-I & II sawrkar a um sung khan BJP Manipur ṭhuoitu ni nuom an um meu naw a, Th. Chaoba in President sin a chel ṭawk ṭawk a. BJP Manipur chu kha huna khan a hring-in-hro anga um a nih. Amiruokchu, 16th Lok Sabha election, 2014 a khan BJP chu mihai ring phak bakin an hung hrat filawr zak el a. Hi taka inthawk hin India mipui han sawrkar thlakthleng an nuom a nih ti a hung inlang chieng hle.
Centre-ah BJP ṭhuoina hnuoia NDA in sawrkarna an hung chela inthawk BJP Manipur State Unit a lut thar an hung pung ta hut hut el a nih. BJP zawm tharhai lai hin Minister hlui, MLA hlui, milien le milal lo ni hlak ṭhah-nemtawk tak an ṭhang. Hi taka inthawk hin ṭhuoitu chun-gthuah BJP Manipur state Unit khawm an hung buoi ṭan ve a, party sunga mi ṭhenkhaatin an state Unit President chunga chen case an hung siem pha ta a nih. Modi hin Wave a nei nawh tiin Congress party ṭhuoitu ṭhenkhatin hril hai sienkhawam a lo indik naw a, Modi Wave leiin ei state ah hiengang party ṭhuoitu chungchang chena buoi- na hi a hungtlung pha a nih ti inla ei hril suol taluo ring a um nawh.
Ei State a MLA tling taphawtin Minister chanvo chel ngei dinga inbeiseina lungril an put el khawm hi thil indik niin an lang nawh. Manipur chun MLA 60 a nei a, hienghai lai hin Congress chun MLA 47 an nei a; Chief Minister ṭhangsain minister post um thei zat hlak chu 12 chau a ni si a, Congress MLA-hai chu an lungawi thei ve ta naw a, CM O.Ibobi chu a ministry sawidanglam dinga phutin, ministers 10 ban a, minister thar 10 la dingin Congress MLAs 25 han O.Ibobi chu Ultimatum an pek pha ta a nih. Centre khuong ben dan dana lam chu ei la ni hi!
