KNO-UPF tripartite talks August 22 ah

Imphal, June 18, 2014:  Hun sawt tak el inbiekna chawlsan ani hnungin hung tlung ding August 22  khin New Delhi ah Government of India le Manipur government le Kuki thlazar hnuoia helpawl 2 - Kuki National Organisation (KNO) le United People's Front (UPF) pawl in ‘Tripartite talks’ chu an sunzawm nawk ding a nih. Hi chungchang hi zani khan First Manipur Rifles Banquet Hall a Manipur government le KNO, UPF palai haiin Joint Monitoring Group (JMG) meeting an neina hun a hril a nih.

Hi meeting a hin Principal Secretary (Home) Suresh Babu in Manipur government aiawa palai hai an rawia, KNO le UPF a inthawk in palai 22 an thanga, JMG-UPF convenor Sanga Hmar in UPF team an rawi a, JMG-KNO convenor Dino Zou in KNO palaihai an rawi a nih. Meeting programme  Principal Secretary (Home) Sureh Babu in a keihruoi a, Additional Director General of Police (ADGP) LM Khaute, Additional Secretary (Home) Bobby Waikhom bakah IGAR (south official 2 ) hai khawm an thang ve a nih.

Hi meeting a hin ‘New Delhi Tripartite talks’ chungchang baka Chandel district Semol khuo a KNO unit pakhat KNLF designated camp thubuoi chungchang hriltlang sa a nih. UPF unit pakhat KRF designated camp Phingsat, Sadar Hills, Senapati District a um ta dingin lungruol taka remti tlang ani thu UPF chun a hril.

Suspension of Operation (SoO) hnuoi a cadre hai thla tin hlaw sukpung dan ding thu hai khawm hril a nih. SoO hnuoia um hai an hlaw insung enkawl theina khawp pek le License silai, i-card le bank account SoO member hai kuoma peksuok ding thu dam hai dam hi meeting a hin hriltlang a nih