Mizoram Rajya Sabha MP thar dingin Ronald Sapa Tlau

Aizawl, June 20,2014: Mizoram a'nthawka Rajya Sabha member ding thlangna chu zani khan Assembly committee room-ah nei a ni a, Congress party candidate Ronald Sapa Tlau thlang tling a nih. Rajya Sabha inthlang hi Ronald Sapa Tlau le MNF candidate (UDF thlawp) L Ramkinlova han an inchu a nih.

Rajya Sabha inthlang vote thlak hun hi chawhma dar 9 a'nthawka zantieng dar 4 chen hawng a ni a, Congress party MLA ha'n chawhma dar 10 a'nthawkin vote an thlak a, eptu MLA paruk ha'n chawhma dar 11:15 a'nthawkin an thlak ve bawk. Vote thlak hi sun dar 12 ah zofel vawng a nih.

Vote tla hai chu zani zantieng khan tiem nghal a ni a, Congress MLA 40 ha'n vote an thlak seng a; INC candidate Ronald Sapa Tlau chun vote 34 hmuin a tling a nih. Ronald Sapa vote-tuhai hi Congress MLA 34 hai nia ngai a nih. L Ramkinlova'n opposition MLA zat, vote ruk a hmu bawk.