HSEB PROGRAMME BRIEF REPORT

October ni 4, 2012 Zingkar hunah Board inthungin hmatieng fe dan ding hriltlang a nih. Hi ni vek hin HSA Executive Council neina hmunah chun Zarzolien Memorial Award 2012 chu Nk. Janice Malsawmkim D/o Rev. HL Lallawmthang, Hmarkhawlien kuomah inhlan a nih. Ama hi SEBA Cl-X exam a HSA Barak Valley JHQ member lai a mark hmu insang tak a nih. Award hi certificate mawitawk tak le sumfai cheng 10000/- a nih. Inchuklai tamtak in hieng ang award hi hmangtieng pei ah inhnarna an hung nei a nasataka thang an hung lak pha beisei ani bawk. Hi award hi riruong lo siem dan chun HSA Day 3rd Oct. 2012 zingkar programme a inhlan ding ti nisienkhawm, pumpel theilo remchangnawna a um ta leiin ropuitaka Executive Council palaihai le HSEB aiin HSA HQ Adviser hai in Executive Council neina hmunah hin an inhlan ta lem a nih. Nk Janice Malsawmkim hi a nu le pa’n an hung tawiawm. Zarzolien Memorial Award hi HSEB’n Award a peksuo hmasatak ala ni a, hieng thawthei a ei hang um hi lawm a um takzet a, ei Pathien zar ani tak meu meu a nih.

[caption id="attachment_9910" align="aligncenter" width="450"] Prof. Vanlalnghak a thuhril lai[/caption]

October ni 5, 2012 khan Hmarkhawlien Community Hall ah Career Guidance and Motivation Programme Barak Valley JHQ huoihawtna le HSEB sponsor na hnuoia hmang ani a, High School Student (fielbik cho khawm) hall kenglo rak khawp in an fekhawm. Hi huna hin

[caption id="attachment_9911" align="alignright" width="249"] Nk Janice a Award dawng[/caption]

resource person Pu. Joseph Lalrothang ZEO le Prof. Vanlalnghak hai fiel anni ang hrimin an thupui hnesawtakin an hril. Inchuklai hai nungchang atha em em a, programme tan anthawk risie le tuolsuok khawm umlovin programme tawp chen an thang a nih. Nasataka hlawkpui a inhrie in hieng ang programme hi nei sunzawm pei an nuom bawk. Hmarkhawlien hi inchuklai sang tel hmun dang dang anthawk fekhawm hai umna hmun ani a, school level inchuklai hai lai hin competition khawm an sang hle a result khawm a tha thei hle hrim a nih. Amiruokchu inchuklai tamtak hai an hmatieng inchuk ding le lampui tha kawkhmu le inhriettir chu an pawimawin an mamaw hle a nih.

October ni 26/2012 khin Muolhoi hmunah Career Guidance Programme NC Hills & Karbi Anglong JHQ huoihawt le HSEB sponsor chu sun le zan programme hmang ding le zantieng ruoi the dinga insingsa mek ani bawk, zan huna hin education campaign khawm nei nghal ning a tih. JHQ huomsung a Unit dang dang hai khawm hi programme a hin thang veng an tih.

Hung tlung ding November 2012 third week sung khin Sinlung Hill JHQ le HSEB chun Sinlung Hill JHQ huomsung Education Campaign le Unit tin hai kanna nei a tih. Hihi ding hin JHQ hai chun nasatakin hma an lak mek a, hlawtling hle dingin beisei ani bawk a nih. Hieng ei programme popo hai a hlawtling theina dingin mitin mani tawngtaina ah lo hrie seng dingin ei infiel tak meu meu a nih. Inchukna le hrietna hmangin ei hringnun suk awlsam ei tiu.