Hi ka thil ziek ding mêk hi thutak taluo bêk bêka khûkpui lo ding a ni lai zingin ngun taka tiem ding aw leh.hehe! A hung inlang ho mei mei ka tih. Chun, ei website ta dingin ka thawthei um ve suna ngaina ka nei leiin thil ziek hi ka hung thawlawm ve a nih. Thupui a fuon naw a ti khawm um ei ta a pawi ti bêk dal ei tieu aw...
Hnam changkang le hnam inṭhang ni ding chun lekhabu, ieng lekhabu khawm ni raw sen. Tienthu hlui amanih, annawleh mani subject reng le a dang danghai khawm ei inhnika ei chawisang a ngai a nih. Chu chu ei unau Mizoram ei hnam bêk bêk hai le inphat ruolloa ei i thluk theinaw hai sawn an thaw zing chu a nih. Saw saw thil saw annawm an changkang ve na pakhat chu. Eini rawi chu naupang pheikhawk thar nei ang elin thilthar ei hriet lai po ei so pui hlura, hun a hung liem meta ei dei zo nawk vawngin. Khawlai khawmhnawm am a tlung ta ding ti hriet phak le tu i suipkhat a ni ta ngai nawh. Tuhin Magazine inchat ṭhat loa suk pakhat bêk ei nei am? Nei naw pal ei ti inlau a va um deh! Kha tieng pang kha hun sien...
Hmar hnam pumpui hi ei hang thlîr chun magazine amanih, lekhabu chi dang dang, news hai dam hi a tiem pei tak tak le ngai pawimaw hi ei tlawm êm êm. Tuin amanih lekhabu siem sienla chu a thi chieng hle a nih ( A hlâwk a um ngai nawh ). Chieng taka ka hriet khawm a um. A siem chu thuhran lo ni ta sien a tiem tieng pang hi ei la hang pei nâwk naw zuol deu deu. Artikul ngat lem hi chu a tiem pei hi ei tlawm êm êm. Chu lei taka chu thupuia “ Tawite Chauin Ziek Hlak Rawh ” ti ka hung hmang a nih. Artikul a sei met chun tiem pei umlo, ka tiem pei naw chie a ti hi hriet ding ei tam. Chu lei chun Hmar website amanih newspaper amanih artikul i lo zieka mi hai tiem i dit a ni chun tawifel takin ziek hlak rawh. Thupui a fuon rak naw khawma tiem hlawng a ta tiemtu tam bawk an tih. Chu ku chu ei mizie tawifel takin ka hung ziek ve ṭat a ni chu.
