Career Guaidance-Cum-Special Coaching CCpur-ah tan a nih

Ccpur: Ruonglevaisuo Educational Society (RSE) huoihawtna le Hmar Students' Association,Gen Hqrts sponsored-nain zani (04.06.12) khan Buonzawl (the Arena),HSA campus Rengkai road Ccpur-ah Staff Selection Commission (SSC) le Banking Recruitment Board hnuoia Competitive Exam tum tuma thang nuom hai ta dingin Career Guidance-cum-Special Coaching 2012 chu lo tan a nih.



Hi hun ahin Pastor Vanlalsiem in tawngtaina in a hawnga, coaching thaw dan ding le thil tul le pawimaw hai inhrilhrietna nei a nih. Hi huna thang thuhrilna nei tu hai chu HSA Gen Hqrs Vice president, Pu Rochunghnung, RSE tutior Mark Ngamthangrum Pangamte, Lalthuoisang Pangamte,le Prof L Ruoivel Pangamte hai an nih. Chun coaching-a tutors Lalthuoisang Pangamte ,Mark Ngamthangrum Pangamte le Ebenezar Thuoitulien hai hi kum 2011-a SSC huoihawtnaa Graduate level Exam-a khan hlawtlingna changin Ministry of External Affairs (MEA) hnuoia sin hmuin kona nghak lai mek an ni a. English inchuktirtu Prof L. Ruoivel Pangamte khawm hi English subject a ei mi suongum le tuta Ccpur college-a Vice Principal ni lai mek a nih. Nikum a RSE in coaching a huoihawt khan HSA member's 60 vel an thang a, tu kum ruok hin chu mi 100 an chuong a nih.

~Ngurrsangvung Hmar