Aizawl: Central YMA chun,HPC(D) hai chu an demand area sunga YMA branch-hai ṭhik ding leh an seal-hai Central YMA-a thelut dinga thupek a lo insuo ta chu lakir nawk dingin a ngena, "YMA leh HPC(D) inkara harsatna tlung hi thu inhrietsuol pal lei niin YMA chun an hril. CYMA chun zani khan emand area sunga YMA ṭhuoitu le Aizawl khawpuia branch president hai ko khawmin hi thu hi ngaituo tlangna an nei a nih.An thungkhawm zovin chun CYMA chun thusuok siem’n, YMA hi Mizo hnathlak hai po po lungruol taka an intêl khawmna pawl a ni a. YMA chu Zohnathlakhai po po inpumkhatna dinga hmalatu a nih ti’n a hril sa bawk. Thusuokin a hril peina a chun chibing inlak hran zawnga hmalakna hai hrim hrim chu YMA’n a dodal pei bawk ding thu an tarlang.
