CCpur: Tv. Jacob Malsawmlien thina thu le inzawm’n vawisun khan CDSU, KSO, ZSF le Joint Philanthropic Organisation hai fekhawm in meeting an nei. Hi meeting a hin Police Department in a case a fepui dan thua an lungawinaw thu an hril. A thattu ni dinga ring Police kuta peka um ta chu tuchen hin la dawpdak le inpuongtir ala ninaw thua, Police hai chun ringhla thua man mei mei anga ngaina an neia, Suspect ang khawm’n an en nuom naw thu an hril. Police Department chun evidence um hai hril bo tum’n man a um pa hi an thei angtawka sanhim an tum a nih thu an hrilsa bawk.Tv. Jacob in siet a tuk zana District Hospital panpui ania, a huntak le dittawka an enkawl thei nawna thua Doctor le Nurse hai ngaisak naw lei le an fel naw leia a hringna hi a chan a nih tiin CCPur Dist. Hospital Medical Superintendent (MS) Office an khar pek.
Hi thu le inzawma CDSU in Chief Minister kuoma Memorandum pekluta inziek ang’n hunbi peka um sung hi case hi chingfel hman ani naw leiin CDSU le Joint Philanthropic Organisation hai chun 28 May, 2012 ainthawk’n Indefinite Bandh/General Strike ko ding’n an rela, Press/Media, Medical, Water supply & Fire Department hai chu a huomsa naw ding thu an hrilsa bawk.
