PRESS RELEASE
HPC-(D) sung buoina chungchanga hin Pu Zosangbera le Pu Lalropui Famhoite rawihai hmalak dan hi nguntaka thlirin, ram le hnam suk muolphona lien tak niin HPC-(D) chun a hriet a. Hmar thalai hringna iemanizat chan ani tak na thu le Hmar mipui chi-ai tak le thlabar taka in um tir an ninaa hin HPC-(D) chun a hmasan Pathien kuomah le Hmar mipui kuomah thupha chawiin ngaidam an hni a nih. HPC-(D) chun Hmar mipui rawng a bawlna chungchanga hin baksamna tamtak a nei zie hretu chu Hmar mipui chau ni loin Pathien ngei khawm a nih, ti chu HPC-(D) khawm hin a hriet chieng hle anih. Chuonglai zing chun, Mizoram sawrkar le in dawrna thu le Assam sawrkar le indawrna thuhaia sawrkar tiengpanga ngaidan sukphirtu chu HPC-(D) sung buoina a la ni nawk ta pei naah hin a pawri takzet a; amiruokchu “Rinumna khelah malsawmna” tia hla phuoktu’n alo ti angin, hieng thilhai popo khawm hin malsawmn min tluntu ala ni thei a nih ti chu HPC-(D) beiseina a nie ve anih. HPC-(D) sungthu buoina chungchanga remna le muongna a um nawk theina dinga Hmar le Hmar Christian Leaders Forum (HCLF) hma lo lakna kha kan hnawl nawha; a hnawltu chu HPC-(D) sunga buoina siemtu, Pu Zosangbera le Pu Lalropui Famhoite rawihai an nih.
Tuta Hmar National Army (HNA) in hmaa lak nawk mek khawm hi kei nia inthawk chun remna kawt kan hawng zing a, mipui ditdan chu zawm dingin kan inpei zing a nih. Pu Zosangbera le Pu Lalropui Famhoite pawlhaiin khing theina popoin mi khinghai sienkhawm, kan hotupa Pu. Lalhmingthang Sanate chun, “ Ei hmelma an ni nawa lo khinglet thrak naw ro” tia a thu min cha hi, ram le hnam hmakhuo kan ngaina lei le kan hotupa kan inzana leiin kan kuthai chu mi thununpui dingin Pathien kan fiel a, mipui trawngtraina zarin kei nia inthawk hin kan thisen inzawmpui le asur asa hril loa, tlin tam tlinlo tam, ram le hnam sansuokna sin kan lo thaw tlangpuihai Hmar thalai thisen ngei chu luong lo tluonsuok ngei bawk dingin beiseina lien tak kan nei a nih.
May 17th 20102 nia Mr. Sangzuol man ania, Vai sumdawngtu kidnap-a that a nina le keimat ani el kha HPC – (D) muolphona chau ni loin Hmar hnam muolphona khawm ani leiin, a pawi hle anih. Vai sumdawngtu Apu Jain kidnap-a that ani khan HPC-(D) sung khawm ala buoi naw bawk a; kha thil le keimat ani theina chu Pu Zonsangbera /Pu Lalropui Famhoite le a thawpuiha’n Indian Army – 1/11Gorkha Rifles Major Atul Sharma an simbudawi/hlemna leia thiltlung a nih a; amawphurtu chu HPC-(D) sunga buoina suksuoktu Pu Zosangbera / Mr. Lalropui Famhoite le an thawpuihai an nih.
Mr. Sangzuol Hmar hi HPC-(D) cadre indik tak ani ti thu chu mi tin hriet anih. Sawrkar tlungpui leh inhriethiemna Suspension of Operation (SoO) hnuoia thla la pawl lai a thang ngei anih. Mr. H. Zosngabera / Mr. Lalropui Famhoite leh John.F.Hmar @ Lalruotsang.F.Tusing S/o Lalpawlsang F.Tusing of Rengkai haiin, an nuom a ninga an hnawtdawk thei ani bawk naw.
Ei Lekhabu Thienghlim Bible in a ziek ang ngei khan “ Thutak hrieng in ta, thutak chun inzalentir a ti cheu”. Ei hnam tlasietak el ta hi, sansuokna ding chun, thutak hriet hi makmaw ania; hriet el ni loin thutak chu mani zon senga tan ngam seng ei tiu.
Jackie Hmar
Secretary
Information & Publicity
