CCPUR: Churachandpur District Students Union (CDSU) in hun iemanichen liemtaa inthawka Churachndpur District a Staff Selection Commission (SSC) Exam Centre sie/inthut dinga ngenna sawrkara a lo pekna le inzawmin SSC chun a thu (principle) in CCPur-ah SSC Exam Centre sie a remti tah. Pu Thangso Baite, MP, II Outer Manipur chu zanikhan CCPur ah a hung inzin a, hi huna hin SSC Exam Centre ngenna le inzawmin zanikhan CDSU le KSO hai inpawlpuina a nei a. CCPur District-a SSC Exam Cenre ding thu hi Parliament Session a khawm hriltlangna neiin CCPur District-a SSC Exam Centre indin dingin an pasi niin a hril a. Exam Cenre thua hin N.K. Raghupathy, Chairman, SSC chun April 27, 2012 khan Principle in CCPur District-a SSC Exam Centre indin dinga remti a nina thu insuoin hi thu hi ama Thangso Baite le Manipur Chief Secretary a hung inhriettir niin Thangso Baite chun a hril. SSC Chairman a inthawk lekha hmua um in a zieklang danin SSC in advertisement an suo hai phawt chu CCPur Centre-a exam thei ta ding niin a zieklang a nih. Exam centre ding thua hin candidate an tam le tlawm izirin a remchangna ding hmun hmun Centre-a hmang a ni ding thu hrilin hiengang SSC exam centre peka um hi 1976 hnungtienga dingin a pakhatna a la nih tiin Thangso Baite chun a hril SSC Exam Centre ngenna hi CDSU chun Manipur sawrkar kuoma an pek a, Manipur Chief Secretary in Concern Department, SSC kuoma a thawn sawng nawk hnunga hienganga principlea centre hawng hi SSC in a hung remti a nih.~HmasawnnaThar
