Responsive Ad Slot

Hmar pem luthai Job Card pek lo ding chungchang a Mizoram sawrkar thusuok

Tuesday, May 22, 2012

/ Published by Simon L Infimate


Aizawl:Mizoram sawrkar chun Chanchinbu mihai kuomah hrilfiena a pek dan chun October 2011 a Haflong bul Dimasa-hai chengna bul Longren khuo mi tu ti hrietlohaiin an rawn leiin Hill Tiger Force-hai intum an ni a, hi HTF a hin Hmar, Kuki le Naga-hai anáš­hang a. Dimasa-hai chu Hmar-hai chungah kut an hung tlak leiin Jantinga le Bairabi inkara a Hmar chenghai chun an umna suoksan in October 14-17 sungkhan Mizoramah sungkuo 39 an hung raltlan a. Dima Hasao District-ah boruok a hung ralmuong chun October 24, 2011 khan hieng sungkuo 39-hai hi an chengna Assam state –ah an kirnawk vawng a. Hmar unauhai hi an chengna Assam state ah Electoral roll-a an hming chuongin le Job Card an nei vawng dinga ngai anni lei le Mizoram sawrkar chun an mamaw phurhrukna’n a hran in inhlawna a siem pek bawk leiin Home Department, Mizoram sawrkar chun Mizoram khuo le tuihai dawng ang pe lo dingin Deputy Commissioner-hai hmangin thusuok a lo siem a nih.


Sawrkar thusuok chun Internally Displaced Person-hai hi state dangah an tlansie chun Standard Operation Procedure hmang a enkawl an ni a, chuleiin unau Bru-hai khawm Tripura Camp ah kum 14 lai an umta a chu Tripura Sawrkar chun Electoral roll-ah a thun nuom naw a, chun Job Card khawm a pek nuom naw bawk anih.


Hienglaizing hin, Sinlung Hills le Kolasib HSA Joint Hqrs-hai chun Mizoram Sawrkar thusuokah an lungawinawna inentirna dingin Vairengte le Kolasib inkar ah lam hraw (rally) nei an tum mek, a hun le ni ding rel a la ni nawh.


~Ngurrivung Hmar

Don't Miss
© all rights reserved
made with by Simon L Infimate