28 March,2012: Tlangmi tamtakin a zar ei lo zo tah, a bikin Guwahati a Hmar nau hai ta ding lem chun malsawmna hnar lo ni rawp ta hlak Pu Thanghlun Hmar chun vawisun IRS (Indian Revenue Service) ah promotion a lo hmu tah. Ei lawmpui hle a nih.Kum 1989 khan SSC conduct-na hnuoia Inspector of Income Tax Inspector sin a lo zawm a, Departmental Exam passed leiin in kum 2001 khan Income Tax Officer ah a promotion nawk a, Vawisun Government of India in order an suo dungzuiin IRS ah a hlangkai tung ta pei a nih. Hmar nau lai chu Income Tax Inspector a inthawk a IRS kai hmasatak niin ei hriet. Ama hi Panel year 2010-11 IRS pek a nih. April thla hin posting order suok a ta Guwahati, Delhi le Mumbai hmun pakhat taka a posting dinga beisei a nih.
Pu Thanghlun hi sinthawna tieng a hlawtling el bak a kohran tieng khawm mi pawimaw tak niin Guwahati Hmar Christian Fellowship (1992) founding member a lo ni ve a, Fellowship indin a ni a inthawkin mawphurna chi hranhran Vice Chairman, Finance Secretary, Secretary le Thalai Chairman sin ringum taka lo chel ta hlak le tuta Property Secretary sin chellai a nih. Hiengang bawk hin khawtlang tieng khawm Hmar Welfare Society, Guwahati-ah Vice Chairman, Secretary, Treasurer sin lo chel ta hlak le kum 2011 inthawk vawisun chen Chairman sin chellai a ni bawk. Tukum February thla khan ama inrawina hnuoia Guwahati Sikpuiruoi cum Welfare Meet hlawtling takin ei hmanga, an hawi zie khawm kha ei la hriet seng ring a um. A kaisangna ei lawmpui takzet a nih.
~Lalchungsiem Thlawngate Via Facebook
Ka lawmpui tawp che. Pathien in i hma thuoi pei raw se che.
ReplyDeleteKa lawmpui takzet. Hiengang chanchin ei hnam sunga hriet ding um zeu zeu sien nuom a um.
ReplyDeletePu Thanghlun, Ka lompuina chibai ka buk che. Lalpan thuoiin malsawm zing raw se che...
ReplyDeletePraise the Lord
ReplyDeletePu Thanghlun lawmpui ium taluo, Kohran, Khawtlang le Hnam ta dinga in phalna/hmangna hai popo Lalpa'n a thei nghil naw chea, ihmatieng pei a ding khawm in, nang le isunghai Lalpa'n malsawm pei ding che in disakna kanin hlan chea, lawmpuina chibai kan buk bawk che. From Mangkhawlun/Hrangrolien Shillong
ReplyDeletePu Thanghlun Hmar, i promotion na leiin ka lawmpui khawp el che. I malsawmna dawnga hi Ram le Hnam ta dinga Malsawmna ropui tak in tlun tu hung ni ngei sien ka nuom. Hi ka lawmthu hi kan sungkuo lawmthu hrilna ang a mi lo pawm pek nghal dingin ka hung ngen nghal che.
ReplyDelete