GUWAHATI: HPC(D) le Assam sawrkar chun Assam-a Hmar hai Political Demand sukpuitlingna lampui ngaituoa hriltlangna tluong takin an fepui pei a. January 14, 2012 khan Guwahati-ah HPC (D), ṭhuoituhai, Hmar Leaders ṭhahnemtawk tak le Assam sawrkar palaihai chun inbiek ṭan dan ding le hmalak pei dan ding hai hriltlangna an nei nawk. Hi dungzui hin January 24, 2012 khin HPC(D), Assam Region chun Guwahati hmuna silai intung an tih. Hi hunser hmang le hrepui dingin Union Home Minister, Pu P. Chidambaram chun khuollien ni pumin hung ṭhang a tih. Silai intung nia inthawk ni 15 sungin ‘Political Talks’ ṭan a ni ding niin Assam sawrkar chun a hril. “Assam-a Hmar hai Political problem chu silai sie thlak/intung a ni a inthawk kum khat sungin chingfel dingin riruongna kan siem,” tiin Pu K. Sarma, Assam sawrkar palai chun a hril.HPC(D) chun ‘Charter of Demand’ Assam sawrkar le Centre-a a peklut dungzuiin Assamah Hmar hai ta dingin ‘District’siem dingin an ngena. Hmatienga inbiekna ding chu ‘Tripartite Talks’-Govt of India, Govt. of Assam le HPC(D) a ni ngei ding thu Assam sawrkar palai chun a hril.
January 24, 2012 a silai siethlak huna hin HPC(D), Assam Region chun cadres 60 pesuok an ta, silai dang dang baka Sophisticated silai 30 chuong an intung ding thu Elvis L. Hmar, Vice Chairman, HPC(D) Assam Region chun a hril.
“ Ei ram, ei hnamin hunbi pawimaw tak Pathien zara ei sir mek hi tukhawmin ngaipawimaw a, ṭawngṭainaa lo san dingin Elvis L. Hmar chun tiemtu hai a fiel.
Source: Hmasawnna Thar
Hi anga hmalakna a fe mek lai hin chu mimal le pawl tukhawma tawngbau le ngaidan lo hril chier naw ro. Abikin mupui hmaa le media tieng hai khawm riva lo nei der naw inla a tha. Eini insung thu bikah hril tul tawm tawm a um leh a thawtu le mawphurtuhai (right forum) kuomah hril ni sien. Chuong annaw chun buoina lienlem chawkdawk el ei tih.
ReplyDeleteMizoram tieng khawm an inbiek tan mek lai mimal thenkhat an lo inrawl sen a, ei baw buok der el kha. Tu khawm hin Sinlung Area All Party Leaders' Committee chun hma a lak mek a, Central-a Ministry of Home Affairs dawrin, a tha zawngin hma an lak mek. Chuong lai zingin, mi thenkhatin hril-chier ding n lo zawng ta rek hi. Hi ang hi thil thaw lo chi tawp a na; a thawtuhai hi hnam zawrtu an ni em naw khawma zawr ngam chu an ni hrim hrim ring a um.
Hmar fin a la tlai sot ta de. engtik am ei har ding?? a san chu ei in thurul no lei a ni hmil tak, kouhrn sung a khm buoina a la um thei a na. ei insung a buoina sim lou in ei ram sim hmasa ei tu.
ReplyDelete