ECONOMIC DEVELOPMENT FORUM
HMAR INPUI
(HMAR SUPREME HOUSE)
General Headquarters
Rengkai Road, Post Box-35, P.O. Churachandpur, Pin – 795128, Manipur, India.
INHRIETTIRNA LE NGENNA
Hmar Inpui chun tulai India ram politics boruok inlumlet tum mek dan hi nguntakin a thlir a, Hmar hnam le a ram ta dinga beiseina thar insangtak a mi pek niin a hriet a, chuleiin hi a hnuoia ang hin inhriettirna le ngenna a hung siem a nih.
India Hmarsak biela Hmar hnam delna ramhaia political demand nei mek abikin, Tipaimukh District Demand Committee (TDDC)-in Tipaimukh District Council, (Sixth Schedule inhumhimna hnuoiah) a ngenna, Barak Valley Hill Tribes Federation (BVHTF) in Barak Valley Hill Tribes Autonomous Council (6th Schedule inhumhimna hnuoia bawk) a ngenna le North Cachar Hills Indigenous Tribal Forum (NCHITF) N C Hills Assamah Non-Dimasa Autonomous District Council (6th Schedule hnuoi bawk) a ngenna hai hi Hmar Inpui chun a theina kawng tinrengah a thlawp a, a thlawp pei bawk ding a nih. Chuleiin, Hmar Inpui hnuoia pawl affiliated, HCLF, HYA, HSA, HWA le a dang dang hai baka mimal tin khawma mani theina zawn senga lo thlawp dingin HI GHQ chun inhriettirna le ngenna a siem a nih.
Sd/- F.Doliensung
Jt. Secy.
Sd/- Joseph D Hmar
Vice President
Hmar Inpui Gen. Qrts.
Source: Hmasawnna Thar (Aug 12, 2011)
Ei political vision thar (am ei ti ding) policy thar hi a ra hmu kar mghakhla a um khawp el. Hi vision le vision dang la um thei hai puonhnuoiin kum hmasa tieng khan ka lo invak hrep a, Hmar Inpui President khawm ka'n hmupui nghe nghe. Ei thuoituhaiin hi ang vision ropui tak le ditum tak an hung induong hi lawm a um khawp el.
ReplyDeleteEi thuoitu hmasahai khan vision an tlasam chu a ni hmel nawh; ei problem lien tak pakhat chu memorandum submit-ah ei tawp hlak hi a nih. Tuta thiltum thar khawm hi memorandum submit khel tieng fepui ngei hai sien nuom a um a, ka ngen nghak bawk a nih.
Hi anga vision tha le ditum hi Meghalaya le Mizoram tieng khawm ei nei tung pei ka beisei.
Well, ei hotuhai hin political vision an nei tha-in an thlir hla hle a nih ti ei hmu thei a, amiruokchu 'tulai India ram politics boruok inlumlet 'tum' mek dan nguntaka an thlir' ruok h chu an thlir hla talaw deu am aw!? Politics inlumlet dana inthawk thil thlir thei ni ngei dingin ka ring ve; sienkhawm inlumlet dan la ni lo, inlkumnlet 'TUM' dan ruok hi chu, ka ta ding chun, '... an sang bek a, ka phak naw a nih' tia Sam ziektu beidawng thukhawchang ang kha a nih ie.