Pathien ṭhuoina zar chau in Hmar ṭawng a magazine “Sikhawvar” hi insuotheia ei um leiin ei Pathien kuomah lawm thu ei hril a nih.
Hmar ṭawnga Magazine suok tahai an ṭha in ei lawm hle hlaka, nisien khawm an dam sawt rak ngainaw leiin pawi titak in ei thlir liem nawk el hlak anih, ti chu a hre tuhai vawng ei nih. Chuleiin tuta Sikhavar khawm hi ahmel ei hmu chara inthawka mi lungrila hung suok hmasatak ding chu “ieng chen am a dam rek ding aw?” ti chu ni ngei atih. Chuleiin aṭha tam asie tam dam sawt in puitling sien nuom a uma, Chuleiin ei theitawp suoin ṭhangla tlangseng a suk hring ngei tum chu ei renga ei maw phurna ah ngai inla nuom a um hle anih.
AHMING: Ahming hi “Sikhawvar” (Morning Star) tia in buk a nih. Asan chu Zanthim satak hnuoia inthawka khuo ahung var ding huna hung varhlak ana, Am a ahung inlangpha chun khuo avar tading anih, ti chu mitin in ei hriet ang bawkin Sikhawvar magazine a hung suok tahin chu Hmar hai lai khuo var tak tak tasien ti lungrila inbuk anih, ama nina a thil indiksa um anga ei duthusam a puitling beiseina a ahming khawm ei phuok anih.Kum 1980 vel laikhan Missionary Pakhat Riang (Tuikuk) hai lai sin a thawa, Sungkhat chu naupasal an in dam thei reng reng dala, an bei adawng hle hnungin an nule pa tartieng naupasal pakhat an neia, ahminga Chintarai an saka, aum zie chu “Lungngaipa” amanih eini phuok chu nisien “Rienga” ti nithei atih. Ala hriselnaw hle nawk nghala, Anu le pa hai Kristiena an inpe ta bawk “Naupasal pakhat kau neisun hi damsuok zo hmel aput naw khawpel a mi ṭawngtai pekla, Ahming khawm mitleng pek nghal rawh” anti taha, Pastor pa chun a ṭawngtai peka, Ahmingkhawm an thleng peka “Lalsandam tiin. Pathien in mal sawm ningei atih, Ahung hrisela tlangval piengṭhatak le hrat takel a hung na, anu le pa vuihlumtu niin kohran a khawm mi tangkaitak a hung nita pei anih, Ei magazine khawm hi chuong ang chu nisien ei nuom hle anih.
A THILTUM: Magazine thil tum hi chu ziek tam ngailo in mitin hrietah ngaiel thei anih.
Apakhatna a chun chachinbu thla tina suok ei nei mumal ta naw leiin nei ve hrim hrim inla ti ania, Tlawm ngai thil thu khawm, einei ve hrim hrim theina dingin ṭhang la tlang inla ti anih.
Apahina a chun ei mi thiem hai le Ram le hnam in vawitu hai lungrila mipui ta ding le mimal ta dinga thil ṭha le thil hlutaktak ngaituona a ankhawl, uṭawk tur vawna in ṭhat hnempui hai sien, chu semdara ding chun Magazine nei aṭul anih, Semdarna loh a um chun aṭawpel dingkha semdara aum chun thil nasatak a thaw ding ani leiin ei tul tak meu anih ti anibawk.
Apathumna a dingchun hi magazine hmanghin Mithriem, Mivar, Ngaituonanei hai le lekha ziekthiem haiin inphal taka mipui vantlang, Kohran,organization hrang hrang, students hai, nunghak tlangval, khawsung sungkuo le mimal chen ta dinga thil ṭha an nuom hun huna an tarlang a an semdar theina ding a buotsaih ani bawk.
Apalina a ding chun inhriet tuona ṭhatak a um theina ding le mipui tadinga thilṭha intluntu nia (Social evil) thil thalo hai suk retu dinga hmangruo ṭhatak nibawk sien ti anih.
HLAMZUIA THI (Premature death) A THI NAW NADING: Hmar ṭawng hlamzuia thi (Premature death) ti umzie chu kumkhat khawm tling hmanloa naute thi hai kha an kodan ṭawng kam ahmang hlak chu anih. Chuong anga ei magazine a thi el nawna ding a thil pawimaw hai chu hieng hi anih:
Editorial Board: haiin nasatakin ṭhang anlak a tula, business oriented el niloa, Mipui ta dinga ṭhahnem ngaitak a an thaw atul anih.
Contributing Article ziektu le thu thawtuhaiin taimatak le inphal taka an thuziek hai le an ngaidan hai athlawna an thawlawm aṭul hle in ngen an ninghal bawk ani (Ramchangkang a hai chun Articles hai hi inchawk amani aziektuhai lawm man pek hlak an na, eini ruok chu hre ve bawk inla khawm ei la theinaw leiin kut ei la daw anih).
Agents hai popo in mani area sunga ṭhahnem ngaitaka semdara aman lakkhawna thuah taimataka mani ta ngei ani ti hrea ṭhang la a, thil atlungna ding indik takah a hun taka intlungtir dinga ṭhang lak seng ding anih.
Mipui tiemtuhai: Mipui tiemtuhai ei ṭawnga magazine umsun hai hi (asiet athat thu chu thudang nisien) lak ve le inchawka tiem ve hrim hrim ding anih. Ram hnaina deua hai tading chun sale ningata, aman peka lak el dingin, Ram hla deu hun rem chang naw huna (Communication gap) thaw theilo thut um theina a chun (subscribe system) kum khata lakman pek chia sem ningata, Advance in amanih kumtawpa mani indik taka ei lak man ei pekseng nuom a um. Chuonga ei thawseng chun ei Magazine hi hlam zuiin thi naw nih.
---------------------------------------------------------------------------------------------------------------------------------
Sikhawvar Magazine dit hai chun karthara inthawk'n ahnuoia hming tarlanga umhai kuoma khun hmu thei ning atih.
Delhi: William R Darngawn (91 9811357049)
Shillong: Simon L Infimate (91 9436729100)
Bangalore: Robert L Sungte (91 9900911963)
Aizawl: Darsanglien Khawbung (91 9612521404)
Silchar: Lalramsan Hmar (91 9508992960)
A Changkang hmel khawpel a... A Buotsai tuhai lawm in um..Keep on Going, Cheers..!!!
ReplyDeleteA changkang hmel khawpel a... A Buotsai tuhai lawm in um..Keep on Going, Cheers!!
ReplyDeleteSikhawvar editorial board hai lawm an um.in thahnem ngaina hi hlawsam naw tawp a tih.ami sukphur hle.abikin hmun danga um hai tadingin nghakhla um biek zuolin ka hriet.
ReplyDeleteSikhawvar Monthly Magazine a hung suok el hi lawm a um tak zet. Sikhawvar hi Damsel dingin ditsakna kan hlan nghal bawk. Mipui hai in a thei a ni phawt chun ei tiem naw ding khawp in Hnam hmakhuo ngai na lei in lo la seng tum ei tiu.Kei khawm lak ngei tum in ka ngaituo mek a nih.
ReplyDeleteMagazine hlawtlingna dinga poimaw hmasa chu tiem tlaka insuo a nih. Chu chun kawk tam tak a nei a. Chuong laia pakhat chu thu le trong ziek dan kalhmang indika ziek le insuo a nih. Tuta a chunga thu ziek ei tiem po hi a darthlalang ding a ni chun, beiseina innghat rak chu beidongna sukpungtu a ni thei. Sienkhom inchuk peia mihriem hi insiem thrat thei a ni a, chu chu chanchinbu buotsaituhai ni tin thupui ni sien nuom a um. Ditsakna tam tak kan hlan a, a hung hlawtling ngei khom ka ditpuiin ka beisei bok. LK
ReplyDeletePu L Keivom comment khi ngaipawimaw chi a nih. Editor-pu thu ziek khi hang en vang vang in la, Hmar tawng chu a sawp rethei khawp el chu a ni khi. Entirna dingin first para chauh, sentence pakhat chau hi hei lasuok ka ta.
ReplyDeletePathien ṭhuoina zar chau in Hmar ṭawng a magazine “Sikhawvar” hi insuotheia ei um leiin ei Pathien kuomah lawm thu ei hril a nih.
'Pathien ṭhuoina zar' khel charah 'chau in' a um a. 'Chau' hi a sentence dungzuiin 'weak' a ni thei a, 'only' a ni thei bawk. Amiruokchu hi zo chara word lo um 'in' hi 'house' amanih 'sleep' tina a na; sienkhawm a hma chara thumal 'chau' leh a'n zawm chun 'only' tina a la ni zing. 'Hmar ṭawng a ...' tia 'a' hi a hrana a um chun a khat chau hi word pakhat a ni ve leiin 'he/she' tina a ni thei a, thiul dang a kawk thei bawk. A hma chie-a thumal 'ṭawng' leh inzawm sien a kawk a dang nawk dai.
Chun 'insuotheia' ti hi word pakhat a ni naw bawk a, 'lawm' le 'thu' hi word pahni ni lovin pakhat lem ding ni awmtk a nih.
Hril ding a va tam awm de ...
Thahnem ngaina leia mag thar a hung suok hi lawm a um. Editorial Board haiin uluk takin hma hung la hai sien ...
Hmar Megazine reng reng hi tha taka in chat lo le regular taka a suok thei naw nasan chun Hmar tawng hmang lai hin a ngaina tu le uluk taka tiem pei hi ei tam naw lein ni tak in ka hriet. Mizoram a sawn Montly Megazine hi tam tak an nei a regular takin a suok thei deu vawng.. iem a san ei ti chun a tiem tu an chaw tu an tam lei le a sponsor tu an tam lei a nih. Ei Hnam khawm sawng ang bawk chawn In tin deuthaw hin pawl(KHAWNVAR,KOHRAN etc...) megazine ei lak ang vawng kuhin ei hnam hming chawia megazine suok hai hi la thei seng inla chu hril ngai lovin chat lovin a suok thei ka ring. Megazine thlakhat a Rs. 20-50 man ding nei naw chu tulai chu khawpuia um theihai chen lem hi chu ei um ka ring ta naw.....! A megazine siemtu hai hi thiemnaw inchang thei ding ei la ni nawh, a mipui in ei la zir naw lei a nih.
ReplyDeleteHmar tawnga Mag thar ei jun nei hrim2 dg cu lwm a um hle. Taima tak le twg mawina/hlutna inza tak pumin theitwp takmeu hug suo inla nuom a um hle. Tawng spelling le ziek kwp ziek kwp lo dg h fimkhur nwk zuol thei ni sien num a um hle.
ReplyDeleteChu khelah Tuithaphai le khwpui dag2hai h hmu theina dg zieklag sa thei ni sien. Place of Publication zieklang a ni nw bwk.
ReplyDeleteSikhawvar Monthly Magazin ahung piengsuk el hi lawmaum takzeta, Monthly Magazin iem ani zat eilo neitahai,Hlamzuia thi el hai kha amin ngaitu dok tirin khawsawt khawm ansuk um em2 tol.
ReplyDeleteviosun hin trawngtraina dawn hlak tu"n mal sawm sien hnam tading a thil trangkai tak,hnam rouhlu hung ni dingin ka ditsakna insang tak kan hln cheu......... 'Hmar hrai leng,thrangthar, han kan nei sun SINKHAWVAR MAGAZINE hring mi lai vul zing rawh aw Hlamzui chun mi liem pek lul naw rawh kan ngai tu na mi siem thar pek la inthurul na min tlun la Khunu'n suk vul zing raw senche'
Theitawpin hung buoipui an tah, thei ang angin lo thangtlang bawk ei tiuva, hlamzui em a tim ie.Tawng ziekdan ruok hi chuh an chuk seng eina, hung thiem pei el an tih.
ReplyDeleteHmar Magazine iengchen am a dam rek dim tia lo inkhi tuhai hi puonthui thei ni si loa mani ringa inchitep awr zing hai ang hi an nih.
ReplyDeleteTesting Facebook Connect!
ReplyDeleteIengpo khawm nisien, 'Sikhawvar' nghakhla takin kalo thlir che! Amiruokchu- 'ka rulpa, i sul talu, kangaitu, lawm a um talu, ka khu a sawt ta lu'- ti hai ang hi tulai thangthar hai hin ei(hmang) uor vieu hi... Nuizat a um ngawt el. A hmangtu hai chu Graduate dam, Post Graduate dam an ni nawk nghal.. 'SIKHAWVAR' a chu khieng ang chi khi chu hnawl hmak el ei tiu...
ReplyDeleteSikhawvar Editorial Board hai inpak an um takzet, Politics inrawl naw phawt phawt sien ( ei hrietthiem k ring-Kohran,Pawl,UG groups,etc). A buotsaitu hai khawm an damna ding khawp an hmundan ngaituo bawk inla tlawma a chethei deu hai dam in support pui thei inla a hrat zar le keipui zarin a damkhawsuok ngei ei beisei, hi hi a pawimaw tak ani nawha Subscribers hai mawphurna ah an nghat lien hle hmun danga um ringawt khawmin hmai nei der lovin Sipai, Students, Company Employees, Govt.Sevice hai le midang dang Missionaries hai chenin lak tum inla alak dan ngaituo bawk inla Hlamzui naw ngawt a tih. Editorial Board hai Ditsakna kan hlan.
ReplyDelete