PARBUNG, January 19, 2026, Virthli (ONP): The 20th Edition of Lt. Col. Rajeev Bakhshi, SM (P) Memorial Football Tournament 2026, Parbung Mini Stadium-a nei meka um chu Semi Final Match hai inkhêl zo a ni tah. Semi Final Match-1 ah Sakawrdai Football Team in Parbung Youth Club 3-1 in an hne. Sakawrdai Football Team ta dingin David Lalremruata-in 12' ah goal a thun a, Lalduhawma le Lalthanpuia-in 78' & 83' ah goal an thun ve, Parbung Youth Club ta dingin Messiah in 69' ah goal khat a thun ve. Semi Final Match-2 ah Saikhamakawn FC in Pherzawl Youth Club 5-0 in an hne. Saikhamakawn FC ta dingin William (OG) 12', Kiran Chhetri 57', J.H. Remlala 60', Suanngaihmuana 65' le Francis in 85' ah goal an thun.
Semi Finalist Parbung Youth Club le Pherzawl Youth Club in January 20, 2026 dâr 9:00 AM in Third place inchuna nei an ta. Lt. Col. Rajeev Bakhshi, SM (P) a thini champha January 20, 2026 hin sûnna le ama chanpuolin hunser hmang ning a ta, ursûntaka hunser hmang a ni zoin Sakawrdai Football Team le Saikhamakawn FC in Final Match khêl an tih.
20th Lt.Col. Rajeev Bakhshi Memorial Football Tournament 2026 Prizes:
Champion~ Rs.100000/- & Trophy
Runners up~ Rs.60,000/- & Trophy
3rd Place~ Rs.30,000/-
Top Scorer~ Rs.10000/- & Certificate
Best Player~ Rs.10,000/- & Certificate
Best Goalkeeper~ Rs.10,000/- & Certificate
