New Delhi, December 10, 2025, Virthli (ONP): Hungtlung ding December ni 13, 2025 hin Raghubir Singh Sports Complex, New Delhi hmunah a vawikhatna dingin Hmar United FC chun Sikpui Cup huoihawt a tih.
Hi Sikpui Cup hi Hmar Inpui, Assam Hills Region hai hrietpui niin Hmar United Footbal Club chun kum tin a huoihawt pei tum a nih. Tuta ṭuma hi One Day Tournament ding a ni a, ground pathum hai ah zing dâr 9am a'nthawk zân 9pm chen buotsai hlak ning a tih. Hi Sikpui Cup hi Northeast a Club dang dang 30 chuong ṭhang dinga beisei an nih.
Sikpui Cup hi tukum hin a bul ṭanin kum tin huoihawt pei tum a ni a, ei hnam nipui hai laia pakhat, Sikpui Ruoi hming chawia hawihawt a ni a, tuta ṭuma a vawikhatna ding a hin zohnathlak hai laia club hrang hrang hai Sikpui Cup inchûna a hin an ṭhang ding a ni a, Northeast sunga Club dang dang hai le ram dang danga club hai khawm ṭhang pei dinga huopzau tum a nih.
Lâwmman chu Trophy, Cash prize, Medals le Certificates, Winner le Runners Up hai ta dingin um a tih. A thei chun sukpung pei tum a nih.
Tuta ṭuma Sikpui Cup 2025 hi Pu Malsawmthang Keivom, Republic of Djibouti a Indian Ambassador ni lai mêk le, Teresa's Home, Kishangarh, New Delhi hai sponsor a ni ding ana, mi dang hung sponser nuom hai ta dingin kawt lientak an hawng zing niin Hmar United FC a'nthawk thu ei dawng a, chun hi Sikpui Cup hi mi tu el khawma lo hlutsak dingin mitin an fiel bawk a nih.
