Pu Lalthansang Pulamte, Ex-Chairman, Hmar People’s Convention - Democratic (HPC-D), Manipur Region, Spokesperson, Manipur Region le Suspension of Operation (SoO) group-a JMG Member in lai zing chu Thlaphur ni 22, 2025 (Nilaini) zan dar 7 khan Max Saket ICU, New Delhi-ah ei lo hle tah.
Pu Lalthansang Pulamte @Sanga Hmar tia hriet lar hi a thiemna le varna hnam ta dinga inhlan inhman sipai dinga fiela a umna chu hnam kona anga ngaia pawmin kal a pen suok a. Sawrkar le inbekna hna kai vawi tam tak thangin Suspension of Operation (SoO) an zick khan ama Pu Lalthansang hi suoi keitu pawimaw tak laia thang ve a nih.
Lekha ah chuk laia inthawka HSA ta dinga nasa taka inhmangin HSA, Kolkata Branch le HSA, Tuitaphai Joint Headquarters-a hai nina pawimaw tak tak a chel a. Master of Business Administration (MBA) inchhuk zoa sin insang hmu dinga a um lai mek hin mami hmakhuo ding khawm dawn ta loin ram le hnam ta dinga a pen suok ta lem a nih.
Hun sawt tak hrisel nawmna leia damdawi ina inenkalwa um mek chu hung tha suok vat dinga ei lo beisei lai mekin beisei naw tiengin muol a mi liemsan ta lem hi pawii ei ti hle a nih. A thina hi hnam ta dinga channa nasa tak a ni a. Pawi ei tin ei sun tak zet a nih.
A maksan a nuhmei le nau hai ei sunin ei tuorpui a. Thina tuoktu sungkqo hai Lalpa’n thlamuongin umpui pei raw se!
Insuotu:
Department of Information & Publicity
Hmar Students’ Association
General Headquarters
