Tuiṭhaphai, May 5, 2025, Virthli (ONP): Bharatiya Janata Party North East in-charge Pu Sambit Patra chu Manipur ah ni 2 sûng cham dingin vawisun khan Imphal Airport a hung tlung a, Helicopter hmangin Tuiṭhaphai / Churchandpur pan nghâlin BJP MLA le CSOs ṭhuoitu ṭhenkhat an hmupui. Tuiṭhaphai a hin Thanlon MLA Pu Vungzagin Valte a chêngna in sirin, hi hun a hin CCpur MLA Pu LM Khaute in a lo uop.
Chanchin lâkna in a hril dân chun Pu Vungzagin a chêngna In a hin dârkâr chanve vêl chu hohlimna an nei niin a hril a, Zomi Students' Federation (ZSF) in memorandum an lo pêklût bâkah Kuki Zo Council (KZC) le Zomi Council (ZC) ṭhuoitu hai leh hohlimna an nei niin a hril bawk.
Pu Sambit Patra chun tuta vêl a Tuiṭhaphai a hung sir chu "unofficial" a ni thu chanchinbumihai kuoma a hril.
.webp)
