~ Lalhmuok Famhoite
Hmar Inpui General Assembly, Sakawrdai 23-24 April 2025 chu insêlbuoi taluo um lovin zo a ni a, Palaihai an fe ṭhain ro ṭha taka rêl zo thei a nih. Council agenda le thurêl ruok chu annâwi deuin an lang. Inkhâwmpui tlungtuhai an felin inpâk an um hle.
Comment: Palaihai thuom inbel dân ruok chu a khawmuol lum suonlam a mani ding, a ṭenghheng hle a, stage-a ṭhung phâk chinhai khawm ieng an ni bîk nawh. Hmar inkhâwmpui ni sienkhawm hnam identity inbel an tlâwm hle thung. YMA Conference le chu a kâr a la hla deu. Assembly nâwka chu palaihai smart zata ei inbel ei beisei. Chun, Hmar inkhawmpui lien tak ni si, khawtlâng ṭhungna (Plastic chair khawm ni lo) a state hran hrana inthawka palai hunghai an inṭhung kha chu Zoram khawvel lo hmu ding chun inzak a um hle. Council resolutions hi Assembly hma a lo thlîrlâwk thei dinga buotsai ni hlak sien nuom a um hle. Council thurêl lo study lâwk khawm um lova chawp le chila ngaidân phusuok el hi a fûk nuom naw deu.
A hnung khârna dingin mani insengso/affiliated tuma palai ṭhahnem tâwk tak ei fe thei hi lawm a um tak zet a nih. Election nâwk huna chu Hmar Inpui Constitution dungzuia kalpên ni ta sien nuom a um hle.
