November 26, 2023: ICI Central Choir-in thiem êm êma an sak Independent Memorial music video thar chu mitin en le ngaithlâk thei dingin Rev. Lalhmingthang, Executive Secretary, ICI-in Roberts Jubilee Chapel, Sielmatah a lo tlângzâr tah.
Independent Memorial hi 1930 - 1940 lâi vêla Independent Kohranin harsatna a tuok laia Rev. Thangngur-in a lo phuok a ni a; ICI General Assembly vawi 73-na (2022) chun Independent Kohran Hlapui dingin a lo puong ta a nih.
Link: https://youtu.be/zKKA6luHYPc?si=ZmQxFpQhNF0z-iYU
INDEPENDENT MEMORIAL
Lal Immanuel, i ram hin
Dotu tamtak tuok sienlakhawm
Dotu huoiin hrathai sienkhawm
Dotu lienin hrânghai sienkhawm
Aw, a tâwpah hnetu nang i lo ni hlak
Tuipui sen i suktanna
Jeriko kul i sukchimna
Daniel, Mordekai, i humna bân kan lo hmuin
Lawmthu hril kan bat che
Indona ka ta anga
Indona ka ta anga
Phurin lungngaia kan ṭapin
Intuortirtuhai iengtin am ṭawngṭai an ta?
Tuortuha’n an lunginrimna
I kuomah iengtin am hung hril an ta?
Goshen in nghil thei nawh tu chen hin
Tuhin chu ram le hnam i ta lo ni ta rawhai seh
Ropuina le chawimawina chu midangin inchu ta nawhai sienla
Nang chau hi i nih a chang tlâk chu
Ropuina an inkhumtirna hmunah
Malsawmna, malsawmna um naw thei an nawh
Chun indona ka ta a lo ti
Vân sânga hung ṭumin
Kalvariah rûl lu ka vuokthitling
Indona ka ta a nih
Indona ka ta a nih
Setan a Jornel ropuihai
Pharaoh, Kaldai, Persia lal ka hne zo tah
Nero lal sakeibaknei khawm kha ka suktlâwm tah
Ka hmaa dotuhai tiem sêng lo an tlân tah
Ka kutin, ka kutin naupang khawmin ral an ngam thei
In Lalpa’n in hma ka ṭhuoia
In Lalpa’n in hnung ka dâl a
Ieng a dîm lungngai in ta?
Zion sipaihai, har unla in hla thar hung rem ro
Indona chu, indona chu
Indona chu ka kutah innghat unla
Hne ngêi dingin thaw hram hram ro
Ei Lalpa’n a tuor a, ei Lalpa’n a hne zo
Ei Lal Krista hmingin eini’n iem hnêng ei ta?
Suol indona hmunah
Suol hratna hmun a khawm
Van le khawvel indona hmunah
Zion sipai vân hmun a ṭhang hnetu khek rawl ri chu ngai ro
Pathien ei kuom tieng a ṭhang chun tu’nam mi do thei an ta?
Amen!
